Monday, March 03, 2008

الكورة اجواااان


نابليون بونابرت ساب الانجليز والمماليك

وقعد يمضى على شوية اطباق؟

وانا اقول اتهزم فى ابو قير ليييييييييه؟

مشهد لعادل امام فى مسرحية الواد سيد الشغال

هو ده كل اللى جه فى دماغى

اول ما سمعت الخبر ده على قناة الجزيرة الرياضية

الرئيس المصرى حسنى مبارك

اصدر قرار بتمكين اللاعب عصام الحضرى بالاحتراف فى سويسرا

صحيح يا جدعان الكورة دى اجوااااان

لعبتها صح يا حضرى

ولا تعليق
بت خيخة وأى كلام

31 comments:

ضد الظلم said...

فعلا راجل فاضى ومورهوش حاجه وكل انجزاته كرويه وملوخيه وبتنجانيه ربنا ينتقم منه

طبعا عصام الحضرى
مقصدش حد تانى

رائع رائع ضحكتينى والدنيا غاليه

تحياتى

مستــ ج ــــدة said...

ده احتراف بقرار جمهورى بقى
اصلها بيضاله ف القفص ياخيخة عقبال امالتك
بس واضح ان سياده الريس فى كامل كامل نشاطة وتألقة وإلمامه بالأحداث...اه اه اه
وسمعنى السلام الجمهورى وقوم اقف وانت بتحرفنى

مهندس مصري said...

ما هو الحضري نفسه قايل انه رجع مصر بعد ما أخد وعد من علاء مبارك انه ما يتعاقبش و يساعده في الإحتراف و أهو جاب له قرار من أبوه
الله يحرقهم

بطوط حبوب said...

طب اطباق نابليون الورثه استفادوا بيها وباعوها


القرار ده بقى هنستفاد منه ازاى

عايز أتعلم said...

يا سبحان الله
وانت متضايقه ليه ..الراجل تعب والريس بيقدره ...
يا ساتر يا رب

فرنسا هانم said...

طيب محدش يقدر يخلى عمو الريس يطلع قرار بحقى فى ركوب الميكروباص بالعجله
اصل السواقين بيقولولى ممنوع العجل

Soletoo said...

mafesh 7agah 2a2olha 3'eer
no comment
7asbeya allah o ne3m el wakeel
salam ya nouran ya bent el 7ag shamly

رئيس جمهوريه نفسى said...

حسبى الله ونعمه الوكيل

ابن حـجـر الـعـسـقـلانـى said...

مش عارف ليه بعد ما خلصت قراية البوست جات فى دماغى عبارة اللمبى اللى بتقول:"عند أمه يا أدهم .. عن أمه" .. و عايز أوجهها لناس كتير .. بس بلاش أقول مين لأن صحتى على قدى

إلى جانب أن هناك سيول من المصطلحات و العبارات التى يمكن إطلاقها تعبيرا عما بداخلى تجاه هذا الحادث .. لكن بلاش لأسباب رقابية

المشكلة إن أنا كنت حارس مرمى (زى ماهو واضح فى البروفايل بتاعى) .. و كنت حارس مرمى لا يشق له غبار بشهادة كل اللى لعبت معاهم .. بس يخرب بيت كلية الهندسة اللى قضت على مستقبلى الكروى و طلعتنى مهندس تصميم بتلاتة تعريفة أول مرتب قبضته كان تلتميت جنيه

m5m said...

نوران

شكرا على سؤالك...أنا مش مختفى ولا حاجة هى حالة كسل بس لكن أنا متانبعك..البوست اللى فات كان ملحه زيادة شوية يا شيخة...بالنسبة بقى لمولد سيدى الحضرى فأنا بصراحة ما كنتش أتخيل ان الزعيم المبارك يسيب شعبه اللى ابتدا يموت فى طوابير العيش واللى ابتدا يعمل جمعيات عشان يشترى قزازة الزيت ب 12 جنيه..ويطنش ع الميت شهيد اللى ف غزة ف يوم واحد ..ويصدر توجيهاته بحل أزمة الحضرى.....ياخى حضرى

مدحت محمد said...

ههههههههههههه
تعبير تحفة
بس ايه جاب لجاب
ههههههههه
هتودينا فى داهية حرام عليكى
انا قصدى ايه جاب الاطباق للاجوان
متفهمنيش غلط
تحياتى

Nigro said...

عارفة يا نوران أنا إيه اللي جه في دماغي
-------------------------------------
بسم الله الرحمن الرحيم
و لنبلونكم بشيء من الخوف و الجوع و نقص من الأموال و الأنفس و الثمرات و بشر الصابرين@ الذين إذا أصابتهم مصيبة قالوا إنا لله و إنا إليه راجعون
صدق الله العظيم

عاشقه الفردوس said...

ايه بقي ياخيخه

ده كلام ياشيخه حرام عليكي


طيب ده اكبر دليل علي ان ريسنا بياخد باله مننا

تصدقي احنا ناس مفتريه

احنا خلاص مبقاش عاجبنا اي حاجه

صحيح البني ادم مايملاش عينه غير التراب

حسبنا الله ونعم الوكيل



لو مش واخد باله ان فيه ناس تعبانه


طيب يبص حتي علي كيلو العدس بتاع الغلابه او اقصد اللي المفروض انه كان بتاع الغلابه واللي دلوقتي حتي متوسطي الدخل


اه ايه ده مين متوسطي الدخل هي فين دي انقضت هي كمان من زمان

لنا الله
وارقص ياحضري

:((

بنوته مصرية said...

ههههههههههههههههه

عجبني تعليق ابن الحجر العسقلاني


فعلا عند امه هههههههههههههه


حسبي الله ونعم الوكيل

راجل هايف صحيح

يا بختك يا حضري الريس بيتوسط ليك

طيب نعمل ايه علشان يهتم بلشعب يرقص له زي الحضري

ورقصنا يا حضري

Ali-7ob said...

عادى يا خيخة
اذا كان رب البيت بالدف ضاربا
فشيمة اهل البيت الرقص

اذا كان الاعلام والناس مفيش حاجة بيتكلموا عنها غير الحضرى وعودته

خلاص احنا مشاكلنا كلها اتحلت ومش ناقص غير مناقشة هذه القضية هامة
والله احنا غلابة اوى
عايزين اى حاجة ننسى فيها همومنا وخلاص
ومانستهلش ان ربنا ينصرنا
تحياتى ليكى

ملحوظة هامة:
برده ضحكتيى على وخدتنى فى دوكة وعملتيلى مجنونة ومعرفتش نتيجة التحليل النفسى
على فكرة كلنا بنجمع بين 16 شخصية بس احنا فى حاجات بتبقى ازيد من حاجات
ينعى احنا ممكن نكون عاطفيين فى قرارات وعقلانيين فى قرارات تانية بس الاغلب هى العاطفة
فهمتينى
يالا ابعتيلى طلعتى انهى شخصية

على حب

أُكتب بالرصاص said...

يا سلام يا خيخة

طيب على الاقل دي حسنة من حسنات النظام

فيه ناس كتير بتدور خلال السبعة وعشرين سنة دول على حسنة واحدة

ممكن نعتبر دي من حسنات الفترة الماضية

وإذا كان صاحب البيت ...

يبقا
أرقص يا حضري

as.zaid said...

حسبى الله ونعم الوكيل

ربنا يرحمنا فى ظل الظروف اللى احنا عايشينها دى


واهى بلد سلطة بقى هنعمل ايه

خمسة فضفضة said...

السلام عليكم ورحمة اله وبركاته

عادي يا بنتي هاتلاقيهم قاسمين معاه وواخدين نسبة من قيمة العقد

حسبنا الله ونعم الوكيل

الساحرة said...

اصل كل المشاكل في مصر اتحلت وعلشان هو راعي ومسئول عن رعيته
معرفش ينام وحد من شعبه عندة مشكله
اصل كلام في سرك الحضري جيبله عقد احتراف
علشان يوقع علي ....الاطباق اشمعنه نابليون وكمان يعلمهم سياسه الطوابير
يا ما نفسي اعمله رحله استجماميه لمشاهدة طابور العيش
وارقص يا حضري

Anonymous said...

ليه كده يا نوران الراجل صاحب قرار إستراتيجى شاف الحضرى الغلبان حب يساعده أنتى نسيتى سيدى الحضرى اللى هو السد العالى بتاع المنتخب أيه الحقد ده على الناس الغلابة .
حسبنا الله و نعم الوكيل
أبو خالد

MerMaid said...

ههههههههههههههههههههههههههه

ابن حجر العسقلاني

بجد عسل موت يا بشمهندس
":)))))))

----------------------------
ماهي هي دي البلد زي ماقاللك كدة محمد
الله ينتقم منك يا ؟؟؟


يلا
خير خير

Omar... [ خروشات ] said...

طيب ايه رائيك بقى انى سمعت فى السى ان ان ان عصام الحضرى اصدرا قرارا بتمكين الرئيس حسنى مبارك من ممارسة مهام رئيس دولة حقيقى

شوفت الفرق يا جميل بين الجزيرة و السى ان ان ...!!!!!!؟؟

محمود said...

العزيزه ام شريف
انتى تفهمى فى السياسه طبعا لا ااقولك انا بابا حسنى اكتشف انى مشاكل مصر والمصريين سببها الحضرى لا بيطلع فوق العرض الى كانت المومنيوم وكسرها عملوها حديد قام ايه سعر الحديد وصل 6000 جنيه فقال اسفره بره مصر علشان اخفف سعر الحديد
وشاف انى الحضرى بعد كل ماتش بيكسب فيه الاهلى بيكسر اربع خمس بطيخات فده عمل اقابل على زراعه البطيخ على حساب القمح وبالتالى شح رغيف العيش من البلد والناس وقفت عليه طوابير فقال يكسر بطيخ نمساوى اوفر واحسن
بصى هو من الاخر فى مثل حلو بيقول ايه (علمنى الهيافه يا بابا قله تعالى فى الفارغه واتصدر )
بس خلاص

بت خيخة وأى كلام said...

معلش يا جماعة
قبل ما ارد على تعليقاتكم هنا
بس انا كنت كتبت تعليق على البوست اللى فات

وياريت كل الى كتب تعليق على البوست اللى فات
يروح يقرا اخر كوبليه فى ردى على تعليقاتكم
علشان اطمن ان وجهة نظرى وصلتلكم

وياريت طائرى الحزين يوضحلى وجهة نظره لانى بصراحة مافهمتش هو يقصد ايه

شكرا ليكم
اختكم خيخة

القلم السكندري said...

فعلا قرار مهم من سيادة الرئيس!!

إنه حقاً انجاز تاريخي


تحياتي

مروة الزارع said...

بجد انا اول مرة اسمع الكلام دة

بس بينى وبينك من حق الحضرى او اى حد يشوف مصلحتة فى اى حتة هو شايف فيها مصلحتة
مع انى ضد السفر فى اى حال من الاحوال وعندى انتماء للوطن

fatima said...

نوران الغالية
خير الكلام ما قل و دل
و التدوينة قصيرة و مركزة
و كل شوية تثبتى من غير ما تقصدى انك كاتبة مميزة
بس الصحافة الايام دى موش نعمة
يعنى دى اللى زعلتك بس يا نوران ؟؟
دا الناس كانت بتغرق و السمك بيكالها و هى صاحية و الريس بيزور معسكر المنتخب و يعمل الشو الجامد
بدل ما يروح يشد على قلوب الأهالى اللى واقفة هتموت على جثث ...بقول جثث ولادها
النظام كله غلط فى غلط
بس ساعات فيه غلط موش بس يضايق و لا حتى يغيظ
لأ
دا يقهرك و انتى وافقة فى ثانية
تحياتى ليك يا حبيبتى
و بوسة لشيكو

marool said...

والله تشبيه واسقاط تحفه جدا ..اول مره ازورك واكيد هاجى كتير ربنا يوفقك كلامك فى الجووووون ننتظر المزيد..وانتظر زيارتك كمان http://www.black-roses-candles.blogspot.com/

shayma said...

هاهاهاهاهاؤ
والله العظيم حاجه تفقع المرارة

طيب وبالنوسبه للناس الجعانه والعيانه والشقيانه والى طفحانه الكوته

يلاااااااااااااا
بخاطرها امه
سلامى

بت خيخة وأى كلام said...

نظرا لأنى ماليش فى الكورة ولا فى السياسة
فبالتالى مش هاعرف ارد عليكم اى ردود مناسبة
ولكن سوف اقتبس رد بسيط من عسقول اللى هو ابن حجر العسقلانى وهاقول كلمة واحدة بس

عند امه

هى ايه دى اللى عند امه
وام مين اساسا

لحد كدة انا معرفش حاجة

سلام


وشكرا على تواصلكم معايا
اختكم خيخة

SKOBL- Little Lazy Me said...

ايه يا خيخة ده .. أولا مرة ازورك و كنت مبسوط من البلوج أوي .. بس دلوقتي لأ .. ليه يا بنتي الحقد ده كله .. كل ده يعني علشان الريس مهتم بأمر ولاده اللي جابوله النصر الأفريقي .. أحنا مش بناكل بقالنا شهر من خيرات الكاس .. و مش الاقتصاد في البلد ارتفع و بقى مرفوع رفعا .. ماحدش يفهم غلط .. و مش الكاس اللي خدناه خوف اسرائيل و حارب في فلسطين و حرر العراق و قفل جوانتنامو و خلى العيش في الفرن بالهبل .. ده بقوا بيتحايلوا ع الناس تاخد العيش .. مش الكاس ده برضه بنالنا شقق عشان الشباب يتجوز و دفعلهم حق الشبكة و المهر .. مش الكاس ده خلى جامعاتنا الاولى على مستوى العالم .. اه منكم شعب ياكل و ينكر زي القطط .. يلا ربنا يسامحكم يا اهلي طلعتوني دكتور و كان حلي كاتب أغاني هابطة قد الدنيا و اسمي جاي على غلاف الشريط الاخير للفنان الصغير زز و كنا كبرنا سوا .. بس أعمل ايه .. ماليش في الطيب نصيب .. ما تيجوا يا ولاد نعمل فريق المدونين الوطني و اهه نلحقلنا حاجة كده ولا كده اللي موافق يكلمني او يبعتلي كلمني شكرا

users online