Sunday, March 16, 2008

هو يعنى لازم نحرقها



ايه بقى
جرى ايه يا حسنى
ياراجل مش كدة
ده كدة افترا بقى
الناس هتاكل ايه بعد كدة
ياراجل حرام عليك
ارحم من فى الارض يرحمك من فى السماء
ولا انت واثق من نفسك اوى
ومش محتاج رحمته
ياراجل ده انت ريسنا
يعنى راعينا
وكل راعى مسؤل عن رعيته
ياراجل ازاى عارف تاكل وغيرك مش لاقى اللقمة
عمال ترفع فى اسعار السلع الغذائية
لما خلاص علمت الناس الصيام مجبرين
انت مش فاكر من 31 سنة
لما السادات رفع الاسعار شوية حصل ايه
الناس حرقت البلد
والسادات تراجع فى قراره
تكونش مستنى يا منيل على عينك
ان احنا نحرق البلد علشان ترتجع عن قرارك
اى والله شكلك كدة مستنى

طب صحيح يا بشر
هو احنا مستنيين ايه
هو احنا ساكتين ليه
انا مابقولش نقوم نحرق بلدنا
بس ماتيجوا نعمل حاجة
بدل ما احنا قاعدين زى خيبتها كدة
تعالوا كلنا نتلم ونتجمع ونعمل زى ما عادل امام
عمل فى فيلم النوم فى العسل
جمع الشعب وخداهم وراه
على مجلس الشعب وقعدوا يقولوا
ااااااااااااااااااه
ااااااااااااااااااه
ااااااااااااااااااه
هما كانوا بيقولوا اااااااااااااه

علشان عايزين سيكو سيكو
تعالو احنا نتجمع ونقول
اااااااااااااااااااه جعانين
اااااااااااااااااااااااااه تعبانين
اااااااااااااااااااه عايزين نتعلم
ااااااااااااااااااااااااه عايزين نتعالج
اااااااااااااااااااااااااااااه عايزين نتجوز
ااااااااااااااااااااااااااااه عايزين نعيش مستورين

اااااااااااااااه عايزين مرتبات تفتح بيوت
اااااااااااااااااااااااه عايزين رغيف عيش يتاكل
ااااااااااه عايزين رحمتك يارب

تعالوا نقول اااااااااااااااه بعلو صوتنا
بدل ما نصحى فى يوم نلقى البلد محروقة


وإلى كل الذين نسوا ذكرى 18 و 19 يناير 1977

إن أول الغيث مظاهرة


انتهى

بت خيخة وأى كلام

70 comments:

لماضة said...

يلا بينا انا جبت الشمعه وانتى عليكي البنزيم

nada_adly said...

خوخة

( مش ده الاسم الحركي بتاعك بردو)

مش ملاحظة معايا حاجة
ان الناس ماردتش على البوست ده بالذات

تفتكري ليه ؟

لان واضح كده ان الناس كلها اتقبض عليها
ههههههههههههههههههههههههههههههههههههههههههههههههههههههههههههههههههههه

لموا بتوع المدونات ورموهم في السجن علشان كده ماحدش رد عليكي في البوست ده بالذات

مافيش غيري ولماضة كتبت الرد وهي في الطريق اليه


هههههههههههههههههههههههههههههههههههههههههههههههههههههههههههههههههههههه


(ندااااااا)

انا ما اعرفهاش يا بيه ...وحتى مش داخلة من المدونة بتاعتي

ههههههههههههههههههههههههههههههههه

wanna b a physician said...

ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

nada_adly said...

اوعي تزعلي
هي بس طلبت معايا هزار المرة دي لانك اول مرة تكتبي في السياسة

وانتي غالية عليا والله وزعلك يا جميل يعز عليا

ربنا يكرمك وما يحرمنا منك ابدا يا جميل

Doba said...

ايدى فى ايدك وايديكم
ونقول كلنا ااااااااه
ااااااااه
جامدة
قوية
صاخبة
تهتز لها الأركان

بحبك
بحب طيشك وجنونك

سلام يا اقوى خوخة
هبة

Soooo said...

خيخه
انا معاكي وهقول اه
ااااااااااااه عايزين هوا نضيف
اااااااااااه عايزين ميه نضيفه تتشرب من غير فشل كلوي
اااااااااااااه عايزين لقمة مش متغمسه بالذل والاهانه
ااااااااااااااه عايزين نحس اننا بشر
اااااااااااااه من كل حاجه فيكي يامصر





سلامووووووووووووز

shahy said...

بنت ياللي مش خيخة

يوم الاربعاء اللي فات طلعتلي نورة البوابة وقالتلي : الحقي ازازة الزيت بعشرة جنية

النهاردة الاحد وصلت ل13 جنية

انا اعرف ان اكل الناس الغلابة بيبقى بتنجان وبطاطس محمرة
وكيلو البتنجان وصل اربعة جنية
طيب الناس دي تاكل منين؟

ربنا يرحمنا

همس الاحباب said...

اااااااااااااااه
ااااااااه
اه من الزمن و3 من الايام
يلا بينا يا شجيع السيما
انتى عايزة ايه من بابا حسنى
الراجل يقطع نفسه
مش كفاية مقطعنامن الجوع
تحياتى يا خيخه

فضفضة said...

اااااااااااااااااااه

ااااااااااااااااااه والف اااااااااااه

انا معاااااااااك

وهقووووووول

ااااااااااه نفسي ارجع مصر

نفسي ارجع من غير ما اخاف

على ولادى من الفقر والجوع

ولا ان يجي لهم تسمم من مياه الصرف الصحي

اللى نازلة من الحنفيات

بعد ما خليتهم يفتخروا

ان فى مصر الناس بتشرب من الحنفية

لان مصر عندها النيل

الا صحيح هو لسة النيل موجود

ولا شربوه او صدروه او باعوه

عم حسنى وشركاه

مدحت محمد said...

ولعها
وغلاها علينا
الله ينتقم من الظالمين
قولى امين

آخر العنقود said...

اذا كان على الاهااااااااااااااااااات ياخوخة
صدقينى مش هنخلص

اااااااااااااااااااااااااااااااااااااااااه على كل اللى انتى قولتيه

بجد مش عارفة اقول على ايه ولا يه؟
خلااااااااااااااص والله الكل هيحس بكرة يوصل للى وصلناله

واللى مش حاسس النهاردة بكرة يحس وبتوجع كمان

اصلها هتوصل هتوصل
مش هترحم حد
اللى كان بيحصل فى سنين فى الاسعار بقى يحصل فى ساعة
ااااااااااااااااااااااااه

ربنا يسترها علينا وعليكى ياخوخة
:)
تحياتى ليكى على البوست ده

كلاكيت تانى وتانى said...

ياجميل لا حياة لمن تنادى
مش هقول اكتر من كدة خوفا من اللى بالى بالك
التبرع بالدم انشاء اللة اجى
تحياتى

A.SAMIR said...

لما يبقى منطق المصري الفقير اللي مش لاقي ياكل في انتخابات الرئاسة
انا هنتخب مبارك علشان اللي نعرفه احسن من اللي مانعرفوش
يبقى حلال فيه الموت جوعا

fatima said...

نوران الغالية
متفقة مع نرمين كلاكيت تانى و تانى جملة و تفصيلا ...
مفيش فايدة من الآه ...
لو على القوالة مفيش أكتر منها
ياما قولنا آه ... إيه فارق ؟؟؟
لكن اللى بتعمليه دا صحصحة و تكوين وعى لمن لا يعرف...
تحياتى يا حبيبتى

غربة وطن said...

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

as.zaid said...

ان كانت ااااااه هى اللى هتحل المشاكل كلهايبقى نقولها اوى وبحرقة كمان
على فكرة مش لازم نحرق البلد انا اعرف ان السادات غلى رغيف العيش فى مرة الناس ساعتها عملت اضراب رجع هو فى كلامه علطول طبعا ده مش هيحصل دلوقتى مش لاننا مش عارفين نعمل اضراب لالالالالالالالالالالالالالا
عشان مش هنلاقى حد يعبرنا
لا حياة لمن تنادى

الله المستعان

رئيس جمهوريه نفسى said...

انا جيت الضهر وعلقت على بوست غير ده خالص وحجزت اول ثلاث كومنتات الضهره واعـــــــــــــــــــــــــا
ضاقت فلما استحكمت حلقاتها فرجت وكنمت اضنها لن تفرجه وبخصوص احنا لسه ساكتين لانه ملعون فى كل كتاب ي داء الخرس

مهندس مصري said...

فين شعر نزار؟
احنا فينا من كده و لا ايه ؟

Desert cat said...

حبيبت الناس عمال تصرخ ومش لاقيه رغيف العيش بس مش عارفه ايه التبلد اللى ماسك فيهم ده
مش عارفه ليه قاطعين لسنتهم وساكتين ياريتهم بيقولوا نعمل حاجه مفيدة ياريتهم بيقولوا هنروح نقول ونتكلم
الا بيقولوا احنا حنهج ونسيب البلد

عايز أتعلم said...

والله يا خيخة ..... انا مش عارف بس نعمل ايه

بس بيتهيألي ااااااااااااااه دي مش هتأثر في أمثال دول والا ايه رأيك؟؟؟؟؟؟؟؟؟؟؟؟؟؟

بس اهو ياللا نعمل حاجة ..لعل وعسى يكون فيه حد لسه مش عنده صمم....

احنا فعلاً عايزين نتعلم .........ههههههههه .. ؟أهم حاجه

ومبروك على الشكل الجميل ده للمدونة

فرنسا هانم said...

اااااااااااااااااااااااه
وااااااااااه
والف ااااااااااااااااه
تحياتى يا خيخه
مقولتيش نفسك فى حاجه ؟؟؟؟؟

انين الحزن said...

ام شريف ياقمر

انا معاكي بردك في كل الاهات الا هتقولها
يعني لو قررتوا تولعوا البلد اوك
معايا ولاعه بتعمل موسيقي وبتنور في الضلمه
لزوم الموسيقه التصوريه

انتي جميله اوي
سلامووووووووووز
وزة

somaa said...

هههههههه لا سبيل للحريه الا بالاعتراض على ما يحدث بس يا ترى مين يعترض....الاطباء اللى تراجعوا عشان الاضراب مخالف دستوريا طيب بالزمه ايه اللى حكومتنا مبتعملوش مخالف للدستور
تحياتى ليكى سومه_87

somaa said...

والله لما الخلق كلها تقول الف ااااااااه نحن نتبع سياسه ودن من طين وودن من عجين

bo2loz said...

ana lsa knt bshtri 7agat m3 ahli elnaharda..ana mn osra 3adeya gdn..la2eet enena eshtarena 7agat baseta bkmyt floos ktera..w eli kont bshtri beeh kelo ela rb3 bshtri beeh nos dlw2t..ana kman m7`toba w isa lesa htshebek w lesa feeh ghaz w shabka w farsh sha2a..msh adra at7`yl ana mmkn a3ml eih wala 7`atibi eli 3leeh 7ml akbr meni bkteer..7`ayfa nfrksh elmwdoo3 le7d ma elas3ar t2el 7ata..m7`no2a gdn w 7mla elham..omal lama ana mn beet 3adi..omal el3`alaba y3melo eih...shakli h2agel elgawaza le7ad sen elarb3een nkon ghzna nfsna shwaya..byeeee

bo2loz said...

w 3ala fkra..ana fkrt fe mwdoo3 en lw elnas 3malt edrab akeed hy7sl 7aga..la2eet eno s3b tmn3i elsha3b eno yakol aw yroo7 sho3`lo eli a7`er eldenia 3shan ygeeb floos w ytwr mn nfso 3shan ykon mofeed felmgtma3..w kaman nseet a2olk en asfa msh h2dar azork b3eesh w 7alawa..el3eesh 3leeh taboor mbyntheesh..w elnas btmwt b3d feltaboor..w kaman el7alawa 3`elyet naaaaaaaaaaaaaar :)

inksarat said...

وشريف رأيه ايه فى الموضوع ده ؟
:)
ــــــــ

د/اجدع بنوته said...

اهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااات

اه بالثلثثثثثثثثثثثثثثثثثثثثثثثثثثث

سنووايت said...

كل مرة اشوف اسمك في مدونات كتير استغرب من الاسم اوييييييي
بس لما دخلت المدونة عرفت انك مش خيخة خااااااالص
علي فكرة انتي بتتكلمي صح الموضوع عايز بس حد ينظمه ويكون اد المسئولية بس يا رب الاه تتسمع لان انا حاسة انهم بقوا صم بكم عمي لا شايفين ولا سامعين ولا حاسين باللي بيحصل في البلد
مش عارفة مستنيين ايه علشان يفوقوا , دا الواحد لما بيبقي مربي في بيته كلب ما يتعشاش بيخاف من عقاب ربنا تخيلي الراعي اللي مسئول عن بشر قربوا يتعشوا ببعض علشان مش لاقيين مش عارفة ازاي يجي له قلب يحط راسه علي المخدة ؟؟!! والكلام لكل واحد مسئول في مكانه

aya said...

انتى عايزانا نقول ااااه يا نور

ااااه واحدة مش كفاية

لا
ده الف اااااه مش كفاية

اللهم ارفع غضبك ومقتك عنا

m5m said...

والله العظيم يانوران حتى الأه مابقيت قادر أقولها...دى علامات نهاية بلد و جزء من علامات نهاية الزمان
.
.
.
كان نفسى أقول لك تسلم ايدك..بس حتى دى مش قادر أقولها

محمد

مستــ ج ــــدة said...

هوا يعنى لازم الناس تدعى عليهم؟
هوا يعنى لازم الناس تصرخ وتقول جااااى ؟
ولا لازم يموتوا علشان يعرفوا ان الله حق؟
.
.
.
لا تعليق
تحياتى ياخوووخة

بيسوو said...

اااااااااااه والف ااااااااه
ااااااااه من القلب والله ياخوخة(علشان مليش قلب اقولك خيخة)
كل حاجة في مصر غلط في غلط ومفيش ولا حاجة عايزة تتصلح الامور كل شوية بتتنيل زيادة
الناس ايام السادات عملت مظاهرات وكيرت الدنيا لما رغيف العيش غلي بس الناس دلوقتي سلبية قوي وكله خايف وبيقول وانا مالي هو انا الي هصلح الكون

يارب نفوق

عاشقه الفردوس said...

وانا معاكي ياخيخه والله

حرام بقي

بطوط حبوب said...

ههههههههههههه
هو مطمن لانهم نشروا انابيب اطفاء
يعنى بالعند فيكى مفيش امل

بت خيخة وأى كلام said...

يعنى ايه
يعنى برضه مافيش فايدة
يعنى لو اتجمعنا برضه مش هيحصل حاجة
ولا انتوا مش عايزين نتجمع اساسا
انا عارفة ان فكرة ترتيب تجمع مش حاجة سهلة وعايزة تنظيم
بس بجد تعالوا نفكر مع بعض ازاى نعملها
انا مش هاقول عليها مظاهرة
ده مجرد تجمع علشان نقول فيه ان احنا بجد تعبانين
يمكن الحكومة فعلا مش واخدة بالها ان احنا تعبانين علشان محدش بيشتكى
ومهما غلوا الاسعار شايفنا ساكتين وحطين فى بقنا جزمة قديمة
تعالو نتف الجزمة القديمة اللى محطوطة فى بقنا ونقولهم كفاية
والله العظيم تعبانين
والله العظيم عايزين نعيش عيشة البنى ادمين
لو هما ولاد كلب عاملين يقطعوا من لحم الحى
تعالوا احنا نكون ايجابيين ونطالب بحقوقنا
ولا يضيع حق ورائه مطالب
احنا اساسا مش بنطالب بحقنا علشان كدة هما واخدين راحتهم على الاخر
لو وقفنا كلنا مع بعض اكيد هيستجيبوا
هما كام نفر
مليون نفر مثلا
احنا اكتر من سبعين مليون نفر
بلاش نقف متكتفين كدة
متحبطونيش وتقولوا ان مافيش امل
فكروا معايا ازاى نرتبها
حتى لو بحلم
تعالوا نشجع بعض على تحقيق الحلم وبلاش اليأس اللى فى تعليقاتكم ده

شكرا على تواصلكم معايا كلكم
سلام
اختكم خيخة

ابن حـجـر الـعـسـقـلانـى said...

آآآه و أوووه و إيييييه كمان

بس يا خوفى من "التونجر" ... أمن الدولة فى عسقلانيا ما بترحمش .. و التونجر عندهم بيبقى ابن لذين ... مابيطلعش أقل من عشرين أمبير

ملحوظة: "التونجر" دة اللى بيشحنوا بيه بطاريات العربيات .. بس هناك بيشحنوا بيه اللى بيركبوا العربيات

بت خيخة وأى كلام said...

الى العزيزة
bo2loz
ياريت تبعتيلى ايميلك
عايزاكى فى حاجة مهمة

ايميلى اهه
bet_khikha_we_ay_kalam@yahoo.com

ياريت متطنشيش
اختك خيخة

بت خيخة وأى كلام said...

عسقول
الا الامبير ده يطلع كام متر
علشان بس الواحد يعرف ايه اللى مستنيه ويعمل حسابه

صوت من مصر said...

بصراحه موافق على المظاهره وموافق انى اصر جزء من فائض الفقر بتاعى

rona said...

ياريت كلنا معاكى فى المظاهره دى وهنقول ااااااااااااااااااااااااه بأعلى صوت فينا

بنوته مصرية said...

آآآآآآآآآآآآآآآآآآآآآآآآآه
والف آآآآآآآآآآآآآآه

انا قولت لي جوزي انا مش همسك المصروف

والله جالي اكتئاب بنزل بي الفلوس برجع من غير ولا مليم وافضل افكر هو فيه ايه
الناس الغلابة تعمل ايه
اللي عنده كم عيل ياكلو ايه

ده رغيف العيش بقي بي 25 قرش
والله مرا لقيت رغيف بي 75 قرش
الزيت الصغيرة اللي الواحد مكنش بيجيبها بقيت بي 13 جنية وكان بيجيب الكريستال دانا من كم يوم نزلت جبت زيت كرستال و3 علب زبادي وكيلو لبن الراجل اخد مني 52 جنية بذمتك مش ليا حق اتجنن


هو عوزنا يعني نشتري الزيت والسكر والرز من الصين

دي الصين نزلت جمبري جامبو بي 30 جنية يعني اقل نص تمن الجمبري المصري


احنا شكلناالصين هتاكلنا والله

خرابها وقعد علي تلها
الله يخرب بيته

بيته ايه اقصد قصوره

اسكتي دانا مفقوع مرارتي والله من زياده الاسعار دي

اختك المفقوعه

صمت الجروح said...

أنا معرفتش أنام غير لما أعلق على البوست ده لأهميته وخطورته

والله يانور أنا مش عارف أتكلم أقول أيه ولا أبتدي منين ، موضوعك ليه فروع كتيرة ومهمة فعلاً موضوع صعب وبيمس كل بيت مصري
جوايا كلام كتير جداً عاوز أقوله بس ده مش مكانه ، ولكن نكتفي بالقليل

من التناقضات الغريبة إننا يوم فوز منتخب مصر بالكاس تقريباً نص الشعب طلع في الشوارع يحتفل ويفرح والشوارع اتقفلت كان يوم بهدلة إتجمعوا من غير إتفاق وعلى حاجة أهيف من الهيافة إنما في موضوع إرتفاع الأسعار الهستيري ولا فكرنا حتى نتجمع نعمل حاجة تفيدنا
وطبعا الأسعار كل يوم بتزيد ومحدش بيتكلم يبقى خلاص أزود أكتر واكتر , زي المثل اللي بيقول ومعلش على التعبير بس ده اقرب تشيبه لقيته ( ايه يا فرعون فرعنك قال ملقتش حد يلمني ) ده وضعنا دلوقت والأيام اللي فاتت والايام اللي جاية إن شاء الله

حتي العيش الناس مش لقية رغيف العيش وبتموت في الطوابير، في أكتر من كده مهزلة ، طب مستنيين ايه تاني بعد كده ؟ ده حتي الفول والفلافل أكل الغلابة مش عارفين يجيبوه ، ياناس احنا بنتكلم في حاجات اساسية مش بنتلكم في كباب ولحمة مشوية

بس أنا نفسي أعرف أيه السبب في
إرتفاع الأسعار المستمر ده ؟
عايزين نفوق بقى ونتحرك
ــــــــــــــــ
صعبان عليا بلدي
صعبان عليا ولاد في السكك نايمين
وولاد طول الليل من الجوع صاحيين
وأم غلبانه بتجري علي عيالها سنين
وأب شقيان علي لقمة عيش ولاده مسكين
ومستشفي حكومي تتعب السليم
وأمراض ياما واكشف يا حكيم
ودواء غالي تاريخ صلاحيته قديم
ـــــــــــــــــــ
وأخيراً قوتنا في إتحادناوأن نكون يا واحدة يقول المولى عز وجل: {وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ } (103) سورة آل عمران

أعتذر يا نوران على الإطالة بس انا قولتلك في الاول جوايا كلام كتير

خالص تقديري لكِ يا نور وربنا يحميكي ويحفظك
ــــــــــــــــ
أخوكم صمت الجروح

صبرني يارب said...

أنا عن نفسي يا خيخه عايزه اولع فيها بصراحه بناسها بحاكمها اهو بيقولك النار بتطهر كل حاجه

واحنا محتاجين تطهير بالنار والاوزون وكل حاجه اصل خلاص استشرت فينا امراض كتير وبائيه

وزاد وغطى ان الناس جاعت هايكلوا بعض اكتر واكتر
ومش عارفه البقره الى قاعده على نفسنا دي بيجيلها نوم ازاي وبياكل ويمرا كرشه هو واهله ازاي

الهي يحلبوه مع جموسه هبله وحسبى الله ونعم الوكيل

الطائر الحزين said...

نجن جيل تربى على الجبن


تحياتى

appy said...

انا موافقه انا جايه لو رحتوا فى اى وقت اتصلوا بيا وانا هاجى معاكوا ان شاالله بلبس البيت يا اختى انتى عارفه ان دماغه طقه بس نروح ان شاالله عند الرياسه موافقه

الشنكوتي الكبير said...

بصي انا هاخلي شريف عندي وممكن استضيف هاني لحد ما ترجعي من رحلة الأستجمام في سجن ابو غريب

بصي هم ماشيين معانا بنظام علمي قوي
بيقولك ان في حاجه اسمها هرم الأحتياجات
وان الأنسان بيدور الأول على اشباع حاجة الجوع وبعدين الملبس وبعدين المسكن وبعدين الأمان وبعدين الرفاهيه وبعدين تقدير الذات وبعدين كام حاجه كده وفي الأخر الهيمنه او السيطره وحب القياده يعني
وبالتالي لما نفضل احنا عند اول سلمه في هرم الأحتياجات ولسه بنجري وراء رغبة الجوع يبقى لسه بدري قوي على ما نقولهم احنا عايزين شوية احترام

لكن زي كل النظريات ممكن النظريه تطلع غلط تماما ويحصل شذوذ عن القاعده
والدنيا تنقلب عاليها واطيها في ثانيه ونلاقي الحال اتقلب خمسميت درجه
ادعي بس اللي جاي ميكونش اسخم من اللي قبله
وحصره على شبابنا شوفي حد غيري بقى يراعي هاني وشريف لحسن شكلي هشرف معاكي

سلاااااااااااااااااااااااام

Anonymous said...

أختى العزيزة/ نوران
لا حياة لمن تنادى و حسبنا الله و نعم الوكيل .
أهديك قصيدة الشاعر القدير فاروق جويدة " أغضب "
اغْضبْ . . ولا تسمع احد
اغضب .. فان الله لم يخلق شعوباً تستكين
اغضب .. فان الأرض تحني رأسها للغاضبين
اغضب.. فان الريح تذبح سنبلات القمح..
تعصف كيفما شاءت . . بغصن الياسمين
اغضب .. ستلقى الأرض بركاناً . .
و يغدو صوتك الدامي نشيد المتعبين
اغضب فإن حدائق الزيتون ..
لا تؤوي كلاب الصيد ..
لا تنسى دماء الراحلين
الأرض تحزن . . حين ترتجف النسور ..
ويحتويها الخوف . . والحزن الدفين
الأرض تحزن حين يسترخي الرجال . .
مع النهاية . . عاجزين
اغضب فان قوافل الزمن الملوث . .
تحرق الأحلام . .
في عين الصغار الضائعين
اغضب . . فان العار يسكننا
ويسرق من عيون الناس لون الفرح . .
يقتل في جوانحنا الحنين
ارفض زمان العهر . .
والمجد المدنس تحت أقدام الطغاة المعتدين . .
اغضب . . ففي جثث الصغار
سنابل تنمو . . وفي الأحشاء
ينتفض الجنين
اغضب . . فإنك إن ركعت اليوم
. . سوف تظل تركع بعد آلاف السنين
اغضب . . فان الناس حولك
نائمون . .
وكاذبون . .
و عاهر ون . .
و منتشون بسكرة العجز المهين
اغضب إذا صليت . .
أو عانقت كعبتك الشريفة . .
مثل كل المؤمنين
اغضب . . فان الله لا يرضى الهوان لأمةٍ
كانت ــ ورب الناس ــ خير العالمين
فالله لم يخلق شعوباً تستكين
■■■
اغضب . . إذا لاحت أمامك . .
صورة الكهان يبتسمون والدنيا خراب والمدى وطنُ ُحزينْ
ابصق على (( الشاشات )) . .
إن لاحت أمامك صورة المتنطعين
اغضب . . إذا لملمت وجهك
بين أشلاء الشظايا . .
و انتزعت الحلم كي يبقى . .
على وجه الرجال الصامدين
اغضب . . إذا ارتعدت عيونك . .
والدماء السود تجري . .
في مآقي الجائعين . .
اغضب إذا لاحت أمامك أمةٌ ُمقهورةُُ خرجت من التاريخ
. . باعت كُلٌ شيء . .
كل أرض . .
كل عرض . .
كل دين . .
اغضب ولا تترك رفاتك . .
جيفة سوداء كفنها عويل مودعين
اجعل من الجسد النحيل قذيفة
ترتج أركان الضلال . . و يشرق الحق المبين
اغضب . . فانك إن تركت الأرض عارية
يضاجعها المقامر .. والمخنث . . والعميل
سترى زمان العهر يغتصب الصغار . .
و يفسد الأجيال جيلاً . . بعد جيل
وترى النهاية أمة . . مغلوبة
ما بين ليل البطش . .
والقهر الطويل ابصق على وجه الرجال . .
فقد تراخى عزمهم واستبدلوا عز الشعوب
بوصمة العجز الذليل
كيف استباح الشر أرضك . .
و استباح العهر عرضك . .
واستباح الذئب قبرك . .
واستباحك في الورى
ظلم الطغاة الطامعين ؟!
اغضب . . إذا شاهدت كهان العروبة. .
كل محتال تخفى في نفق
ورأيت عاصمة الرشيد ..
رماد ماض يحترق
و تزاحم الكهان في (( الشاشات )) تجمعهم سيوف من ورق
■■■
اغضب . . ككل الساخطين
اغضب . . فإن مدائن الموتى
تضج الآن بالأحياء . . ماتوا . .
عندما سقطت خيول الحلم . .
وانسحقت أمام المعتدين
اغضب . . إذا لاحت أمامك . .
صورة الأطفال في بغداد ماتوا جائعين
فالأرض لا تنسى صهيل خيولها
حتى لو غابت سنين
الأرض تنكر كل فرع عاجز
تلقيه في صمت . . تكفنه الرياح . .
الأرض تكره كل قلب جاحد
و تحب عشاق الحياة . . وكل عزم لا يلين
اغضب . . و حاصر طغمة الجرذان في بغداد
لا تسمع صراخ العاجزين
انشر شراعك فوق دجلة والفرات
فإن للأنهار أسراراً
و للتاريخ سحراً لا يبين
فالأرض تركع تحت أقدام الشهيد و تنحني
و تقبل الدم الجسور وقد تساقط كالندى
و تسابق الضوءان . .
ضوء القبر . . في ضوء الجبين
وغداً يكون لنا الخلاص . .
يكون نصر الله بشرى للمؤمنين
اغضب . . فإن جحافل الشر القديم . . تطل من خلف السنين
واسأل ربوع القدس عن أمجادها
واسأل ثراها عن صلاح الدين
ما بيننا ثأر طويل في ربى حطين
اغضب . . ولا تسمع سماسرة الشعوب
وباعة الأوهام . . و المتأمركين
■■■
اغضب . . فإن بداية الأشياء أولها الغضب
ونهاية الأشياء آخرها الغضب
و الأرض أولى بالغضب
و العرض أولى بالغضب
سافرت في كل العصور ..
و ما رأيت . . سوى العجب
رأيت أقدار الشعوب
سيوف عار من خشب
و رأيت حرباً بالكلام . .
و بالأغاني .. وبالخطب !
ورأيت من سرق الشعوب . .
و من تواطأ . . و من نهب !
و رأيت من باع الضمير
و من تآمر . . و من هرب !
و رأيت كهاناً بنوا أمجادهم
بين العمالة والكذب
و رأيت من جعلوا الخيانة
قدس أقداس العرب
ورأيت تيجان الصفيح
تفوق تيجان الذهب
ورأيت نور محمد يخبو أمام أبي لهب ! !
فاغضب . . فإن الأرض يحييها الغضب
■■■
اغضب . . و لا تسمع أحد . .
قالوا بأن الأرض شاخت . . أجدبت
منذ استراح العجز في أحشائها
نامت . . ولم تنجب ولد
قالوا بأن الله خاصمها . . وأن رجالها
خانوا الأمانة . . واستباحوا كل عهد
الأرض تحمل . . فاتركوها الآن غاضبة
ففي أحشائها . . سخط تجاوز كل حد
تخفي أساها عن عيون الناس . .
تنكر عجزها
لا تأمنن لسخط بركان خمد
لو أجهضوها ألف عام . .
سوف يولد من ثراها كل يوم ألف غد
اغضب . . ولا تسمع أحد . .
اسمع أنين الأرض . .
حين تضم في أحشائها عطر الجسد
اسمع ضميرك . . حين يطويك الظلام
وكل شيء في الجوانح قد همد
أرض النبوة تستغيث . .
و في العراق جحافل تعوى وإيمان صمد
و النائمون على العروش
فحيح طاغوت تجبر . . واستبد
لم يبق غير الموت
إما أن تموت فداء أرضك
أو تباع لأي وغد
مت في ثراها . .
إن للأوطان سراً ليس يعرفه أحد
إن أخرجوا بغداد من صلواتها
سيكون عار المسلمين إلى الأبد
إن تنصروا الرحمن ينصركم .. وهذا ما وعد
هـــــذا مـــــــا وعـــــــــــــد
أبو خالد

هو ده احساسى said...

عزيزتى

عارفه الفرق بين ال31سنه ودلوقتى ايه
ان الناس خلااص ابتديت تبيع نفسها واللى بيبيع بيلاقى اللى يدافع عنه

وهو اتعلم من اللى حصل كويس

والسادات رفع المواد مره واحده

لاكن الاستاذ حسنى عمال يدينا السم وحده وحده ومخليها سوق حره ومخلى الكل يضرب فى بعض وكتر الصحافه اللىلا تعارضه وبرضوا تقف جنبه

معارضه واهيه

خلا الناس تاخدها مسكن

بس الموضوع بصراحه زاتد عن حده

افترا بجد

وبجد لازم يحصل شئ يحرك البلد لازم هيحصل شئ

ربنا يقوينا ويسبتنا اصل الخوف بقه معشش جوانا من الصغي للكبير

سلااااااااام

خمسة فضفضة said...

السلام عليكم ورحمة الله وبركاته


هاقول معاكي آه ه ه ه ه ه ه ه ه ه ه ه ه

بس شكلنا كده يا نونا هانحضر العيش والحلاوه

قوليلي بتحبيها ساده ولا بالفستق

رئيس جمهوريه نفسى said...

ام شريف انا معاكى قلبا وقالبا ويوم دى بجد حسيبى شغلى واجى

soska said...

ليه كدة يا أم شيكو ما احنا كنا بنتكلم في حاجات مفيدة برضة بس من غير ما حد يأذينا دلوقتي لو جم علقولك الرمانة مش هنعرف نجيب عيش و حلاوة عشان طبعا الأسعار ولعت و المدعم ما يتكلش هههههههه والله ياريت بجد بس الناس معرفش ايه اللي جرالها يكونوش بيحوطولهم مخدرات فالتموين عشان محدش يقدر يقول أه اتمنى ان ده يكون فعل مش كلام

همس الاحباب said...

شكلك كده انتى اللى حرقت القاهرة فى 77
ناوى ابلغ عنك يا خيخة
انتى مالك ومال السياسة خليكى فى الجمعية الخيرية بتاعتك احسن
تحياتى

بت خيخة وأى كلام said...

يا جماعة انا بتكلم جد
البوست ده مش مجرد فضفضة وخلاص وكل واحد يروح لحاله
المشكلة انى مش عارفة ازاى اظبط التجمع ده
مش عارفة اخطط كويس له
اللى يعرف يقولنا واحنا ننفذ
كلنا مع بعض والله هنعمل حاجة

يعنى مش عارفة هل هتكون مثلا مسيرة من مكان معين لحد مجلس الشعب
ولا هتكون عاملة ازاى

عموما فيه لقاء مدونين يوم السبت الجاى فى ساقية الصاوى
اللى مهتم ياريت يجى وممكن جدا نناقش الموضوع ده كلنا سوا
وكل واحد يطرح فكرته عن تنظيم الموضوع
ونشوف ممكن ننفذ امتى

ياريت بجد تاخدوا الموضوع بحماس اكتر

تحياتى ليكم
وشكرا على تواصلكم معايا
اختكم خيخة

Anonymous said...

انا ممكن اجيبلك ايميل الأمم المتحدة و أحاول كمان اجيب ايميل لجنة حقوق الانسان و تبعتوا لهم ايميل على الأقل لو الأسعار بتغلى لازم يكون في زيادة فالرواتب و المعاشات تتناسب مع زيادة الأسعار
بجد لو عايزة اديني اي ايميل ليكي و هبعتلك كل الايميلات

تحياتي
حد بيحب البلد و زهقان من غربته

حزيــــــــــــــــــن said...

انا اسف مش هقدر اجى معاكم واقول اه
هكون فى الشغل عشان محتاج المرتب لأن الحاجه غليت اوى
........
تقريبا كل الناس هتكون فى الشغل

بحبك يامصر said...

انتى طلعتى ولا خيخه ولا حاجه
يعنى بجد هيحصلنا ايه اكتر من اللى احنا فيه المفروض كل واحد خايف على نفسه وخايف على ولاده يقوم يقول ااااااااااااااااااااه
لازم نعمل حاجه

بحبك يامصر said...

انا موافق عالتجمع بس فين ساقية الصاوى دى
حد يوصفلنا العنوان

بت خيخة وأى كلام said...

حد بيحب البلد وزهقان من غربته

والله مش عارفة ليه مش مقتنعة ان احنا علشان نحل مشكلتنا احنا نقوم نلجأ لحد من برة علشان يحلهالنا
وعموما انا هاجرب فكرتك دى يمكن نعمل حاجة بس برضه بما انك انت صاحب الفكرة
ياريت تقولى كيفية مراسلتهم
يعنى اعمل ايه او اكتب ايه
عايزة اعرف الصيغة
لانى اول مرة اعمل حاجة زى دى بصراحة وعايزاكم كلكم تبقوا معايا
عموما الايميل بتاعى اهه

bet_khikha_we_ay_kalam@yahoo.com

ابعتلى عليه كل الايميلات اللى انت قلت عليها وقولى صيغة الايميل هتبقى ازاى

وشكرا ليك جدا على اهتمامك



بالنسبة لمكان ساقية الصاوى

ساقية الصاوى يا جماعة
قدام سنترال الزمالك
انا بركب مترو وبنزل فى محطة جمال عبد الناصر وبركب تاكسى لحد سنترال الزمالك

بس تقريبا فيه مينى باص ممكن ينزلك قدام السنترال
انزلزا عند السنترال واسألوا فين ساقية الصاوى الف واحد هيدلكم عليها
ياريت بجد تيجوا


شكرا ليكم كلكم على تواصلكم معايا
اختكم خيخة

المتمردة said...

اااااااااااااااااااااااااااااااااااااااااااااااااااااااااااااااااااااااااااااااااااااااااااه اقول اه من هنا لبكرة ماشاء الله عليكى جريئة جدا وانا بحب الجرأة هبقى ابعتلك عيش وحلاوة ف المعتقل بقة ....ههههههه

دكتور حر said...

ااااااااااااااااااااااه


ثم جاااااااااااااااااااااااي
كماااااااااااااااااااااان

Soooo said...

خيخه
انا معاكي
شوفي ايه الحوار وانا معاكم
انا خلاص ماليش حد لا يبكي علي ولا ابكي عليه
-----
انتي بتقولي ساقية الصاوي .. طب فين وامتى .. ولو اني باقول لو اتقابلنا في الاوبرا اوسع وابرح ومكان وسط اكتر قربا من التحرير ورمسيس
لكن عموما مش مشكله
اي مكان اي زمان اي حاجه
انا بجد خلاص على اخري من البلد دي






سلاموووووووووووووووز

نهر الحب said...

احسن اسم للبوست دا
صرخة الم
او صرخة فقر
او حتى صرخة بتاكل فى لحم الغلابة اللى فى بلدنا
الله يستر على اللى جاى
وربنا يحرمناا

ياريت يكون فى حل للناس الفقراء ولنا

ريحانة مصر نهر الحب said...

مدونة رائعة

الله يستر
همر من هنا تانى ان شاء الله

على فكرة شكلك مش بس لمضة لا كمان جدعه
هههه

عاشقه الفردوس said...

ايه ياخيخه هانم
لا طبعا
انتي التاج ده ليكي ها
انا قايله كده من الاول وهتاخديه يعني هتاخديه

Sola said...

ya nono:
taba ana ha7'od el tayarah 3ala mogama3 el ta7reer 3edel o ne2ol
el kabab e kabab l ne7'aly 3eshetko hebab
bgad ya nono kalamec sa7 o yewga3 el2alb bas na3mel 2eh 2e7nat et3alemna neskot rabena ye3een el kol

Hosam Yahia حسام يحى said...

مدونه جميله


ماشاء الله

اول زياره وساكررها ان شاء الله

بت خيخة وأى كلام said...

لقاء المدونين هيكون يوم السبت الجاى الساعة حداشر فى ساقية الصاوى
تعالوا علشان نتكلم ونشوف ممكن نعمل ايه

تحياتى ليكم كلكم
وشكرا على تواصلكم معايا
اختكم خيخة

nonoymm said...

حبيبتي خيخة
اعتذر عن التاخير
تقريبا الدموع لا تفارق عيني يوميا بسبب موضوع الاسعار دة والسلبية والصمت الرهييييييييييييب دة
وزيك افتكرت ايام السادات لما السكر زاد قرش صاغ واحدالشعب خلاه يتراجع بسرعةاحا الظاهر جتتنانحست
دمتي بخير وهنفذ اللي قلتيه

أع ـقل مـ ج ـنـونــة said...

تعرفي بقي
اني اخيراً عرفت مين مفجر الثورة المصرية؟؟؟

الموضوع قديم جدي ^_^
بس وانا بقلب في المدونة بتاعتك لاقيته

ملحوظة صغنتوتة
انا متابعة مغرمة بكتابات خيخة !!
لدرجة اني انهاردة
وانا امر بحالة اكتئاب عنيفة
قولت اما اقلب في مدونة خيخة
اقرا
اتمزج
اتنكد
واضحك
!!
اصل هو دا اللي بحسه من كتاباتك
كل المودات في آن واحد
وماجاش في بالي اني الاقي تحريض عن الثورة من 3 سنين !!!!!!!!!!

ربنا يباركلك يارب
بحبك في الله علفكرة <3

users online