Tuesday, July 08, 2008

خيخة والكلب


أنا إتهوهو عليا يا رجالة
أييييييييييييييييييون
انا إتهوهو عليا
انا خيخة بجلالة قدرها يتهوهو عليها
ومن مين؟
من حتة كلب مايسواش فى سوق الكلاب تعريفة


اللى حصل من فترة كدة
كنت رايحة الشغل فى امان الله
وفى اليوم ده
اتهبلت فى دماغى
وشربت شاى بلبن الصبح قبل ما انزل
ونتيجة هبلى ده
انى اتزنقت وعايزة اعمل بى بى
فقلت فى عقل بالى لما اروح الشركة
ابقى افك حصر هناك
علشان متأخرش على الشغل
المهم انى رحت الشغل قبل ما اعمل بى بى
وطالعة السلالم يا مشاالله عليا
وإذ فجاتن ألاقى
هوهوهوهوهوهوهوهوهوهو
الهوهوة اللى فوق دى معناها انى لاقيت كلب
وكان رد فعلى هو
عااااااااااااااااااااااا عااااااااااااااااااااااااااااا عاااااااااااااا
الــــ عااااااااااااااا اللى فوق دى
معناها انى بصرخ


ماهو انا لما لاقيت الكلب بيهوهو عليا
قمت انا صرخت
وانا لما صرخت
الكلب ابن الكلب راح جرى ورايا
رحت انا جريت انا كمان
والجرى فى الحالات اللى زى دى
مش بيكون نص الجدعنة
لااااااااااااااااااا يا بابا لاااااااااااااااااااااااااااا
ده بيكون الجدعنة كلها


وكان هذا المشهد
انا بجرى على السلالم
على طريقة الرملة سخنة الرملة سخنة
وطريقة الرملة سخنة دى بتكون كالأتى
ان رجليك الاتنين يكونوا مخاصمين بعضهم زى رجلين الضفادع
وتحس وانت بتجرى انك بتنط مش بتجرى
زى ماتكون ماشى حافى وتحت رجلك رملة سخنة
المهم جريت انا على طريقة الرملة سخنة
وبصرخ كالأتى
عاااااااااااااااااااااا
عم نااااااااااااااااااااصيييير
عااااااااااااااااااااااا
عم نااااااااااااااااصيييييييييييير
عاااااااااااااااااااااااا
عم ناااااااااااااصيييييييييييير

عم ناصر ده بواب المجمع
اللى فيه الشركة اللى بشتغل فيها
وطبعا كلمة عم ناصر دى
ماكنتش بتطلع عم ناصر كدة وخلاص
لاااااااااااااااااااا
ده نتيجة الجرى والخضة والصريخ والزنقة
عم ناصر دى كانت بتطلع منى بصوت اشبه بالسرسعة
وكل ده وانا بدى اشارات لمخى
علشان هو كمان بدوره يدى اشارات للمثانة عندى
انها متتهبلش فى مخها وتفتح على البحرى
طبعا كل الاشارات دى
كانت بتاخد منى مجهود جبار فى الموقف اللى انا فيه
ولكم ان تتخيلوا شكلى
واحدة محترمة شحطة
بتجرى على طريقة الرملة سخنة
وبتصرخ وبتنده على عم ناصربصوت اشبه بالسرسعة
وبتدى اشارات لمخها
علشان يدى اشارات للمثانة انها تمسك نفسها شوية

المهم
ان عم ناصر جه والحمد الله فى اللحظة
اللى كنت خلاص بفكر افقد فيها السيطرة على مثانتى
واللى يحصل يحصل بقى
وراح قايل للكلب كلمة كدة مخدتش بالى منها
خلى الكل يقف فى مكانه
رحت انا كمان وقفت فى مكانى
وخدت نفس عميق
وبصيت لعم ناصر
وعم ناصر بصللى وضحك
وقاللى ماتخافيش ده مابيعملش حاجة
رحت انا اييييييييييييييه بقى؟
ايييييييييييون شطاطير
رحت انا بقى قعدت على السلم
ورحت قعدت اعيط
راح عم ناصر نده على واحد كدة
وقال له هات كوباية مية للأبلة علشان مخضوضة
انا مسكت كوباية المية وايديا بتترعش
وشربت بؤين كدة وتمالكت نفسى وطلعت على الشركة

وبس خلاص


وكل الكلام اللى فوق ده
نطلع منه بحاجة واحدة بس
الى يجى يروح مشوار بعد كدة
مايبقاش يشرب شاى بلبن قبل ما ينزل


انتهى

بت خيخة وأى كلام

70 comments:

نعكشة said...

هههههههههههههههههههههههههههههههههههههههههه

ضحكتيني وانا مش عايزة أضحك

ههههههههه


ربنا يعزك

الحمد لله لم اتعرض في حياتي لموقف الكلاب دة


دمتي سالمة

سلام عليكي

عبدالله said...

ههههههههه
زي العسل بعد فاصل الخضه و النكد
:)
اهم حاجه موضوع الشاي علي الصبح فعلا بلاش منه

تحياتي

نوره الخشن ــ آي و كفاية said...

HAHAHAHAHAHAHAHAHAHAHAAAAAAAAAA

اللي فوق دي اني بضحك

والله ياخيخة انتي دماغ

انا حصلتلي وكان كلب بلاك جاك محترم ابن ناس عالسلم وصحبو فاقد السيطرة عليه
وكنمت حلوة كده 8سنين ولابسه شورت لاميه يعني لو فكر يعض هيبئى كل سنة وانتي بالصحة والعضضان

وعوبال كل مرة كده
مش الكلب والله
لأ الشاي بلبن
:0))

مهيج الجماهير said...

هههههههههههههههههههههههههه
انا حصلى مع الكلاب مواقف كتيييييييييييييير
و سبحان الله بتحصل حاجة فى اللحظة الأخيرة بتنقذنى
لدرجة انى ممكن مخافش من العفريت بس أخاف من الكلب
هههههههههههههههههههههههههههه
اللى يضحك أكتر بقى فى الموضوع اجتماع الحاجتين فى نفس الوقت
يعنى موضوع الشاى بلبن مع الكلب
الطبيعى ان أول حاجة تحصل لما تتخضى
انك تحسى زى ماتكونى عطشانة و شربتى
عارفة الاحساس ده ؟
و بعدين تجرى من الكلب براحتك بقى
هههههههههههههههههههههه
ربنا ما يحطك فى الموقف ده تانى
سلام

shahy said...

معلش ياخيخة
انا مش قادرة امسك نفسي من الضحك
هههههههههههههههه
هههههههههههه
ههههههههه
كل لما اتخيل منظرك وانتي بتجري ههههههههههه
وانتي اصلا صغنونة هههههههههه

معلش بجد تعيشي وتاخدي غيرها
هههههههههههههههه
هههههههههههههه
لأ لأ لأ مش قادرة فعلا
انا هامشي بقى علشان بقيت بايخة
هههههههههههههههه

تحياتي

استني هاقولك على حاجة مهمة افتكرتها

انا مش بخاف من الكلاب بس لما بشوف كلب شكلة وحش في الشارع وبحس اني ممكن اخاف منة بقول : سلام قول من رب رحيم

انتي عارفة مرة كلب وقف على ماما وهي ماشية في الشارع عارفة ازاي ؟
يعني وقف على رجلية اللي ورا وخلى رجلية اللي قدام على ماما ولما ماما قالت كدة راح ساكت ونازل وماشي
دة بجد على فكرة

سلام

dreem said...

مستحيل تكونى خيخة ابدا انتى بنت زى العسل وسلامتك مالخضة يا قمر
سلاموز

3ala asm masr said...

ارخم مواقف هى مواقف الكلاب دى
هههههههه
تعيشى وتاخدى غيرها يا قمر
والله وحشتينى

kochia said...

انا اشطر منك بقي

انا مرة كنت ماشية في الشارع جمب عربية كبيرة كدة ولازقة فيها
وعلي ناصية العربية فجاة لقيت كلب طولي جاي عاوز يعدية الشارع ولقيته قدامي بينه وبينه 5 سم
الكلب
هوهوهوهوهوهو
وانا عااااااااااعاااااااا
بس قبل ما اجري انا
الكلب جري

بس بعد ما كل الناس في الشارع اتفرجت عليا والمرور وقف والناس اتلمت

رفعت راسي بكل كبرياء
ومشيت
كان محصلش اي حاجة

ها
يبقي مين اشطر

blue-wave said...

بجد فطستنيى من الضحك
ربنا يكرمك

A.SAMIR said...

بصي
انا بأخاف من اي كائن حي يمشي على الارض سواء اكان على اربع او اتنين او زاحفا او اي حاجة
ربنا يكون في عونك
الحمد لله انك خلفتي....لاني اعتقد ان بعد الموقف دة مش هينفع تاني بقى خلاص
تحياااتي

Two in One said...

الله يكون في عونك بجد انا اعصابي تعبت من اللي بتحكيه ده خالص علشان مابحبش الكلاب ةكل مااشوفهم اقعد اقرأ قرآن

رغم ان فى صغري كان عندنا كلب بوليسي وقال ايه كان جايبينه علشان يحرسني وكان بيشيلني ويشدني من اللفة وكان بيحبني اوي علي مابيحكولي
انا لا اذكر هذه الفترة من عمري اطلاقا

فكرك لو كان كمل معانا كان زمان عندي مناعة من الكلاب

ايييه

الف سلامة عليكي يا قمر

Dr. Flavio said...

من ناحية الشاي بلبن .. مش بفكر أشربه

انما من ناحية الكلاب .. مش بفكر أعبرهم

هههههههههههههههههههههههههه

نقول ايه .. خيخه وأي كلام ههههههههههههههههه

بنوته مصرية said...

ههههههههههههههههههههههههههههه

متخيلة منظرك وانتي بتجري شكلك تحفة وانتي بتنطي هههههههههههههههه

والله انا كمان بخاف من الكلاب بتوع الشارع دول موووت

اسكتي ابن اخو جوزي مربي كلب في العمارة عندنا اسمه رعد ومش قادرة اوصفلك مدي الرعب اللي بنعاني منه كلنا الغريب بقي اني نور بتلعب معاه وبتحبه ههههههههههههههههههه

وابوها وامها بيخافو منه شوفتي هبل اكتر من كدا بقي

يلا متشربيش شاي بلبن تاني الصبح

وعلي فكرة كلام شاهي صح لما تقولي كدا الكلب يبعد عنك

وربنا يجعل كلامنا خفيف عليهم


سلمتك يا قمر من الخضة

د. موني said...

هههههههه
بجد مش قادرة ما اضحكش
معلش اول مرور ليا عندك بجد عملتي فيا معروف كبيييييييير لو تعرفي بقالي قد اييه ماضحكتش كده؟؟؟؟
ما علينا بخصوص الكلاب يعني انا بموت من خوفي منهم بس هعمل ايه بكتم خوفي بالعافية عشان مايتجننش ويشم الادرينالين ( زي ما درسنا زمان) ويعضني وانا ياختي بكره الحقن كره ، عمري ماخدت حقنة غير وانا صغيرة
وعشان كده ممكن تشوفيني ماشية جنب الكلب ولا عنتر زماني بس اول ما هحس بغدر
حاااااااااااسب
مييييييين يا ماما؟؟
ده اناهبقي عبد الفتاح القصري ساعتها
اتشرفت بمروري عندك وبجد ربنا يكرمك عشان ضحكتيني ويارب ماكنش ضيفة تقييلة
سلام

Sola said...

hi ya nono :
\ ezayek
2eh ya bent dah fatasteny 3ala ro7y mn el de7k ha2olek 3ala 7agah ba3d ama geet hena usa b shahreen keda 2olt ama 2arkab el 3agalah ba2a o 2aro7 3al market,o 3enek matshofsh ela el nour,aywan el nas hena betseeb el kelab beta3etha el sob7 3alashan ta3mel pepe so ana rakbah el 3agalah o far7ana awy b nafsy o 2ez fag2ata2 kalb b yegry waraya o saba2ny kaman o ana 7'oft 2a7'batoh omt mewa2afah el 3agalah o nazla om 2eh 2ala2y el kalb gay 3alaya o 2am shamemny o mesh o ana mesh ba2ol 3'eer allah o 2akbar
bas 7'alas
salam ya 2a7la nono fel donia

Mohamed Dawod said...

كده اثبتى فعلا انك بت خيخه....مبروك اثبات اللقب.....بالنسبه للشاى بالحليب 90% من شعب مصر بيشرب شاى بحليب الصبح ومحدش بيتزنق ولا حد بيتهوهو عليه يبقى العيب فى مين؟ ايوه بالظبط مش فى الشاى بالحليب.......تحياتى وشكرا

ليلـــــــــــــــــــــــــــــى said...

انتِ مسخرة و الله يا خيخة و أنا بحب أقرالك أوىىىىىىىىىىىىىىى
مش عارفة ليه اخر كام سطر فكرونى بمسرحية "تخاريف": لو ما شربتش اللبن حتبقى شبه عمو الجارثون (الجارسون)

و أكيد المواقف دى الجري كل الجدعنة :))))))))

البت قباحة said...

ههههههههههههههههههههههههههه

تحفة بجد
تحفة

انا ضحكت ضحك و كت هدلق على قفايا

الله يجازيه بقى

مش عارفة انهو فيهم الكلب و لا الشاى باللبن

سلامى

Doba said...

بت يا خوخة
فيه واحد بيقل أدبه هنا
عارفة

انا كنت هكلمك اقولك تدخلى تمسحى التعليق
بس حبيت انك تأدبيه صح
فهسيبلك الطالعة دى
صباحو تهييس يا عمونا
حد ييجى يرخم عالوحش خيخة
ده انت هتتضرب ضااااااااارب
===============
عودة الى البوست
متخيلاكى وانتى بتتنططى على الرملة السخنة وعاملة زى الضفدع

يلا حصل خير ان شاء الله
سلام يا حبى
هبة

Anonymous said...
This comment has been removed by a blog administrator.
الشنكوتي الكبير said...

يا سلاااااااااااااام
ده ايه الشجاعه دي يا بنت يا خيخه

ههههههههههههه

بس اقولك على حاجه عندك شويه تناسق عصبي ذهني عضلي رائع
ههههههههههههههه

يا بنتي انا مبطيقش الكلاب اصلا بسبب الحكايه دي
تلاقي الكلب ابن الكلب مالوش لازمه اصلا وصايع كده ومعفن وبعدين يلاقي الواحد معدي جنبه من غير ما تأذيه يقوم يهب يعمل عليكي سبع مش كلب
المهم اني بلاقي عيال صغيره هاريه الكلاب بالطوب ويصعب عليكي الكلب بس تقولي ايه هو كلب ابن كلب اصلا يستاهل اللي يجراله من العيال الكلاب الصغيره اللي قاعدين يلعبوا في الشارع

اقولك ايه بس حاولي تتعودي تثبتي قدامه لما يهوهو عليكي واشخطي فيه كده جامد هيتلم ويسكت وطبعا مش تنسي تقراي سورة الفيل هتهديكي انتي نفسك وهتخليه يبعد عنك ومش يقدر يئذيكي انشاء الله

سلامتك من الخضه يا قمر
سلاااااااااااااااااااام
اخوكي ايهاب

الشنكوتي الكبير said...

وااااااااااطي

الى الغير معروف المعفن

بعد اذن اختي خيخه طبعا

واااااااااطي يعني يا صايع يا جبان خلاص هو انت البعيد حمار للدرجه دي
مبتعرفش تميز خالص كده
اللي ربوك بهايم معرفوش يعلموك الفرق بين الناس

متخلف وحمار وقولنا ماشي كمان جبان
يعني من الأخر اصلا انت ولا حاجه عارف الكلب اللي كان بينبح عليها ده مش هاقولك ده من عيلتك لا لا عيلتك انيل من كده
بس هاقولك انك عامل زيه بالظبط
لدرجه مذهله بصراحه

اولا انت جبان زي اي كلب لو تهب فيه يخاف بس انت جبان علشان كده مستخبي
ثانيا كل تفكيرك في الوساخه زيك زي الكلاب بالظبط
يعني مش بعيد نلاقيك واقف جنب اي حيطه في خرابه ومديها تعبئه عامه يا معفن

ثالثا مالكش لازمه زي الكب بالظبط وبالتالي بتعمل زيه علشان تحس بقيمتك بتنبح لى اللي رايح واللي جاي اهو بتضيع وقتك وخلاص

وعموما اللي زيك كتير وفي كل مكان بني ادم متخلف دخل الصفحه بالصدفه واكتشف صاحبتها واحده ست فطبعا العاده الكلابيه نقحت عليك وقلت تعاكسها بس معاكسه بهايمي شويه على كلابي

المه اني عارف انك لا هتقرا الرد ده ولا هتعرف بيه ولا هتيجي هنا خالص
زي اي كلب بيهوهو في الشارع عمره ما هيرجع يسال ايه اللي حصل بعد هوهوته لأنه عارف انها اصلا ولا تساوي حاجه
بس خلاص
معلش يا خيخه على طولة لساني

اما الناس اللي هتقلي ردك مش محترم وميصحش اقولهم عفوا لا تعليق

سلاااااااااااااااااااااام
اخوكي ايهاب

Ma 3lina said...

ههههههههههههههه

مسخرة يا بنتى معلش ادى اخرة اللى يشرب شاى بلبن

----------------

بتهيالى تقفلى التعليقات الانونيمس
منعا لقلة الادب دى

محبط افندى said...

السلام عليكم

مدونة محبط أفندى

مدونة ..بس للمحبطين ..
ومين فينا مش محبط من حاجة ؟؟

بس يلا بينا ..نحاول اننا نخرج من الاحباط دة

ونشوف اخرتها ايه!!

ونعيش مع الامل ..وياااارب
:)

نتمنى من الجميع المتابعه .. والمشاركة ..والمساعده


الميل ..
amohbat@yaho.com

مواطن مصرى نايم said...

هههههههههههههههههههه
هههههههههههههههههههه
هههههههههههههههههههه
هههههههههههههههههههه

انا ميت على نفسى من الضحك
اصل حصل معايا موقف شبة ده
بس انا جريت مسافه حوالى كيلو او اكتر
من اول خالد ابن الوليد لحد سيدى بشر ترام
و انا اجرى و هو يجرى
هههههههههههههههههههه
بس مكنتش شارب شاى بلبن
هههههههههههههههههههه
و كمان مكنش فى عم ناصر
الكلب تعب لوحده
و رجع فى كلامه
و قال و الله ما انا عضك
ههههههههههههههههههه

بحبك يامصر said...

بخصوص الغير معروف كنت افضل ان مفيش حد يعبره ويرد عليه كان هيكو افضل وياريت يتم حذف تعليقه وخلاص لانه اكيد لما قال اللى قاله مستنى حد يرد عليه ويشتمه واحنا لما نتجاهله اكيد هيكون افضل
اما بخصوص البوست والحكايه فدايما بنخرج من بوستاتك بدرس او اكثر طلعنا المره دى باننا منشربش شاى بلبن لما نكون خارجين
من الخيخه نستفيد

النجمة الصامدة said...

وادي جزات اللي تشرب شاي بلبن قبل ما تنزل من بيتها
تن تن تن

:D


حمدالله على سلامتك من الهوهو

واحدة مفروسة said...

ههههههههههههههههه
عارفااااااااااااااااه الكلب ابن الكلب اللي فى العمارة اللي فيها الشغل
شوفته لما جيتلك....شكله يخوف فعلااااا

بصي بدون ان تجعلى مدونتك مرعى و مأوى للكلاب اللي زي الكلب اللي هوه عليكي
ماهو كل الكلاب بتهوهو
الغي خاصية الغير معروف
لان اللي بيختارها بيبقى نكرة
فليه ندي اهتمام لشخص نكرة
ونرد كمان على شخص غير معروف يعني من غير وجود...مش موجود اصلا

بت خيخة وأى كلام said...

خلاص يا جماعة
حقكوا عليا
انا كنت ناوية ادخل اكمل عليه
بس انتو جبتولى حقى وزيادة

متحرمش منكم ابدا

نشكر كل السادة اللى اتحمئوا علشانى

والى المجهول
روح عند احمد الصباغ
هتلاقى هناك
تفة كبيرة اوى
علشانك
هتلاقى كلمة بصقة
البصقة يعنى تفة
هى دى بقى اللى تروح تاخدها من هناك



الف شكر ليكم كلكم
واسمحولى هامسح تعليق المجهول
وهامنع التعليق للغير معرف

شكرا ليكم
اختكم خيخة

ňįĝŗő said...

بكل هدوء كده يا ريت تمسحي الزبالة دي
و تمسحي كل رد عليها و كل تعليق له علاقة بيه و تعليقى ده كمان امسحيه
البوست حلو و حرام يتشال علشان الزبالة ده
و يا ريت لو بتحبينا تلغي تعليقات الغير معرف
أقسم برب العزة أنا لو رديت في حالة الغضب دي لهقول كلام عمري ما قلته في حياتي قبل كده

يا ريت يا جماعة مفيش حد يرد على الزبالة دي و اللي بيحب خيخة بجد و بيعزها يعلق في سياق البوست و بس

البت قباحة said...

اوافق نيجرو و يا ريت كلنا ننسى و نمحى اى اثر لية

سلامى و قبلاتى ليكى يا خيخة

همس الاحباب said...

هههههههههه
هههههههههه
يا يخرم جيبك يا شيخة
فطستينى على نفسى من الضحك
بجد متخيل منظرك وانتى بتنطى زى الانب المذعور ههههههههه
ربنا يسعدك دنيا واخرة
تحياتى

فاتيما said...

نونو
هعلق على البوست بس حسب الأتفاق
يوسف هينضم الى نور القمر بنت رودى
كان عندنا كل الجيران حاجة كدا أقصر من الحصان بشوية
كنت بخاف أمشى ناحيته خالص ليعضنا
قوم يوسف يا ستى ألاقيه بيجرى عليه
و الكلب بيجرى على يوسف
عارفة احمد و منى بتوع السنما
و انا حسين رياض عمالة أصوت يا جهاااااد
قصدى يا يوسف الكلب هيعضك
أبص ألاقيلك الكلب الشياكة راح قاعد يلحس فى إيد يوسف و يلف حواليه و يوسف بيطبطب عليه و يلاعبه
و أنا و صاحب الكلب واقفين مذهولين
و الراجل يقولى دا مبيحبش حد يعاكسه بس غبنك ما شاء الله عليه
و هاتيله كلب يربيه لأن عنده حس القيادة من بدرى و شجاع
بقيت أقول سبحان الله فى سرى
و قولت ليوسف إن ربنا بعت الملايكة تهمس للكلب و تقوله يوسف دا ولد كويس و من فضلك متأذيهوش ...
جمدى قلبك يا خيخة
اومال لو شريف معاكى كنتى هتعمل إيه يا جميل فى الموقف المنيل دا ؟؟؟

فاتيما said...

آه
و الحمدلله هنفذ نصيحتك
عشان أصلاً أصلاً مبحبش الشاى
و لا الشاى بلبن
أنا تخصص نسكافيه و قهوة بس
يبقى أنا كدا فى السليم أهو

المستفز said...

هههههههههههههههههههههههه

كسبت الرهان

انتوا فعلا مثال للشعب المصري الكلب الوسخ

انا كنت متعمد انى استفذكوا ولا واحد فيكم للأسف متربي

قابلتم السيئة بالسيئة يابها***ا

مافيش حد فبكوا رد رد نضيف الا بنت مصرية

هما دول مثال للشعب المصري

واحدة تتنا**ا والباقى يدخل يغطى عليه

اتفو عليكوا شعب

بت خيخة وأى كلام said...

المستفز

ياااااااااااااااه
تاعب نفسك وعامل مدونة مخصوص
علشان تدخل تشتم خلق الله

بصراحة مش عارفة اقولك ايه
ده ان دل على شئ فهو بيدل على انك انسان عنيد ولازم توصل للى انت عايزه

اسمحلى احييك على اصرارك ده


وفى النهاية هاقولك حاجة واحدة بس

انا مش هارد عليك عارف ليه
علشان انا مقتنعة تماما بالحكمة اللى بتقول
لا تجعل سفالة الاخرين تكشف عن سفالتك

وهاطلب من كل قرائى المحترمين انهم هما كمان مايردوش عليك
علشان ماينزلوش من مستواهم لمستواك

مدحت محمد said...

هههههههههههههههههههههههههههههههههههههههههه
المفروض بعد كدة تشربى الشاى من غير لبن
هههههههههههههه

انا مرة بقى كلب اشتغلنى

والله بجد

قعد يجرى ورايا وكان عندى عشر سنين

واجرى واصوت
كتير اوى

راح راجل ماشى فى الشارع وقفنى وقاللى مالك يابنى

ببص لا قيت بتاع عشر متر كدة بينى وبين الكلب والظاهر الكلب تعب من الجرى وقعد تحت الشجرة

وسبنى اجرى واصوت لوحدى

ده موقف من مواقفى مع الكلاب ويعتبر اسهل موقف
مريت بيههههههههههه

قهوة بالفانيليا - شيماء علي said...

انتي عسل :)
و الله انا بحترمك و قدرك جداً..
و بحب كل كلمة بتكتبيها بجد ..
بقى برضه ..
واحدة بالجدعنة دي ..
تبقى خيخة وأي كلام ؟؟
:)
انتي عســــــــــــل

صيدلانيه طالعه نازله said...

مش عايزه اقولك انى عماله اقرا البوست و اضحك و انا اصلا مزنوقه برضه مع انى مشربتش شاى باللبن و لا حاجه و مش عايزه اقوم الا لما اخلصه
بتفكرينى بنفسى زمان كان فيه كلب اول شارعنا قمه متعته انه يجرى ورايا مع انى مش بعمله حاجه و مش باكون مزنوقه
هيا حظوظ و قرف بكسر القاف و فتح الميييييييييييم

Ali-7ob said...

أحلى مسا على احلى خيخة فى الدنيا
ههههههههههه
انا ضحكت اوى على البوست
بجد انتى فقرية وزى العسل
انا كمان باكره الكلاب
وخصوصا اللى بتتكلم
متزعليش يا خيختى العزيزة
دى ضريبة النجاح
على اساس انك اشهر خيخة على مستوى المدونين
واخر واحدة فى الفصيلة الخيخية كلها
ههههههههههههههه
اكتبى يا خيخة اللى انتى عايزاه
قولى كل اللى فى نفسك
احنا بنحب نقرألك اى حاجة
الكلاب تعوى والقافلة تسير
تحياتى ليكى
على حب

صيدلانيه طالعه نازله said...

مش عايزه اقولك انى عماله اقرا البوست و اضحك و انا اصلا مزنوقه برضه مع انى مشربتش شاى باللبن و لا حاجه و مش عايزه اقوم الا لما اخلصه
بتفكرينى بنفسى زمان كان فيه كلب اول شارعنا قمه متعته انه يجرى ورايا مع انى مش بعمله حاجه و مش باكون مزنوقه
هيا حظوظ و قرف بكسر القاف و فتح الميييييييييييم

smilyrose said...

على فكرة بجد جيتى لى وقت كنت مخنوقة بجد وخلتينى اضحك بس لما تشربى الشاى باللبن مش تشربى كتييييييييير
smilyrose
مدونة جديدة عاوزة اعرف ارائكم

Oss said...

الحمدلله
احنا الكلاب اللى فى مدينتى أليفه
القطط بتجرى وراها

بس انا مره كنت فى العاشر من رمضان
وكنت صغير بلعب على تلال رمليه كده جنب بيت قريبى
وحاصرنا كلب
وفضل يقترب يقترب يقترب
لغاية لما واحد ابن حلال حدفه بطوبه طلع يجرى ورا ابن الحلال ده
وانا خلعت عالبيت

سلاموز
أول زياره ومش هتكون الأخيره

عمرو وجيه said...

هههههههههههههههههههههه


فعلا الدرس مهم جدا اللى استفدناه


الشاى بلبن ليه وظيفة ملينة فبيساعد على دخول الحمام أسرع وخصوصا الصبح ...


شكرا على المعلومة الطبية دى ....

المستفز said...

على فكرة انتى أثرتى اوي بجد فيا يا خيخة

وانا متأسف جدا

احرجتينى بذوقك جايز انى ماعرفتش اعنبر صح وكنت بس متغاظ حبتين

وياريت ياريت اللى راجل بجد مايشتمش الام والاب ده لو انتوا بتفهموا

متأسف مرة تانية ياخيخة اتمنى انك تسامحينى بينك وبين نفسك

إيما ( أم البنين) said...

الحمد لله إن قصة إستئصال دي مجرد قصه..وقعت قلبي
وحكاية الكلب دي موتتني من الضحك وأنا مش قادره أضحك
ياريت توصلي سلامي لكل إللي هيجوا يوم الجمعه وربنا يسعدكم هكون معاكم بروحي وإن شاء الله اجتمع معاكم على خير

حنين القلب said...

يا لهوى يا خيخه
يا حبيتى الكلب كان هيعضك بس حلوة اوى طريه الرمله سخنه دى بجد عجبتنى
انا حصلى الكلام ده من زمان قبل ما اتجوز وشارعنا كان فيه كلاب كتير ونزلت شغلى وهما قعدوا يهوهوا انا ساعتها كنت بخاف اوى مش زى دلوقتى انا دلوقتى بقيت بمسك نفسى المهم هما يجروا وانا اجرى لحد ما وقعت وهما مشيوا من ساعتها اتعلمت انى ولا اصوت ولا جرى واقول بصوت خافت اعوذ بكلمات الله التامات من شر ما خلق مستحيل يجى جانبى وخلاص
سلامتك من الخضيه يا حبيبه قلبى
سلام يا خوخه

حنين القلب said...

المستفز
طيب ليه من الاول تشتم انسانه مش تعرفها بجد دى لو عرفتها هتندم طول عمرك انك بس ضايقتها او زعلتها
انسانه نضيفه بجد ونقيه واخلاق ومتربيه وده اللى شوفته بنفسك
ومن غير زعلى اللى غلطوا فيك مش غلطنين لانهم غلطوا بناء على غلطك انت
بالله عليك انت شايف ايه انك تكون مستفز وتخلى ناس محترمين يكرهوك ويشتموك ولا تكون انسان بجد وتتصرف من غير استفزاز وعند
شكرا

المستفز said...

انا بتأسف للمرة المليون

آسف آسف آسف

وماعنتش هارد هنا تانى واتمنى ان الاخت خيخة ترد عليا وتقبل اعتذارى قصاد الناس كلها

Z_Diva said...

هاو هاو هاو هاو

نياهاههاهاهاهاااا

-افهمك بقى الجنان اللي فوق ده, انا هشتري كلب كميل كده, و هاجي واحد من المييتنجز اللي انتم عمالين تعملوها من غيري دي, وهاروح مسلطاه عليكي و اقعد اضحك ضحكة الساحرة الشحريرة عشان تبقوا تستنوني بعد كده-

خلاص خلاص هبقى انقذك في اللحظة الاخيرة :)

عالم رويللا said...

أنا لسه حاصلي موقف شبه ده إمبارح ...كنت مع ماما في شارعنا ولقيت كلب بيبصلي, وعشان انا بخاف من أي كائن حي غير البني ادم.. طلعت أجري لقيته جري ورايا
بس الحمد لله ربنا ستر مالحقش يعض :)
بس عموماً أنا بيتهيألي إن كان شكلك تحفة وانتي بتجري زي الضفدع كده :))
يارب ماتتحطيش في مواقف بايخة زي دي تاني :)

مواطن زهقان said...

بجد
موقف جميل
ضحكت عليه كتير
وهاخد بالنصيحه بلاش الشاى باللبن

بت خيخة وأى كلام said...

المستفز
اعتبر ده وعد منك؟
يعنى خلاص مش هتشتمنى تانى ولا هتكتب تعليق مش ظريف؟
عموما
خلاص
نظرا لانى خيخة
وبثق فى الناس بيرعة
انا واثقة من كلامك انك مش هتضايقنى تانى

وخلاص انا قبلت اعتذارك


خلاص يا جماعة

محدش ارجوكم يقول اى حاجة
ولا كأن اى شئ حصل


حنين القلب الف شكر يا جميل


شكرا ليكم كلكم يا جماعة
متحرمش منكم ابدا

الف شكر لكل اللى ردوا غيبتى
والف شكر لكب اللى علقوا

ربنا يخليكم ليا


اختكم خيخة

نوره الخشن ــ آي و كفاية said...

العفو ياخيخة

وانا كمان مصدقة المستفز

هو شاطر ومش هيعمل كده تاني

!صح؟

صح

المستفز said...

ايوة اكيد ياخيخة والله ماعنت هاضايقك تانى

وعد وعد وعد

لكن زى ماقولتك سامحيني بينك وبين ربك

انا هاغير الاسم علشان خاطرك وهارد على طول ردود ايجابية

Reem said...

هههههههههههههههههههههههه

جدعة يا بت يا خيخة انك جيرتي

مع انه بيقولو انه الكلب لو وقفت مس

هيجري وراك غير لما تجري يعني عبط تجري

يجري وراك تقف يسيبك شغل ندالة مش كلب

بس برضو الجري كل الجدعنة

بوست لذيذ اوي بصراحة

الشنكوتي الكبير said...

تخيل انت لما واحد تبقى عايز ترد على شكره ليك وانت عايز تقوله ان جمايله سبقتك وان هو ليه رصيد عندك وقفاته الجدعه معاك فتقوم ترد تقوله ايه "عادي يعني هي اول مره"
انت قصدك ان هو اللي مش اول مره يعمل معاك واجب انما بقت معناها انك انت اللي دايما تعمل معاه واجب
تقولي ايه بقى على الناس اللي بقت بتتلخبط في الكلام دي

--------------------

بجد بجد سعيد باني اكون
اخوكي اايهاب
سلاااااااااااااااااااااااااام

truelove said...

ههههههههههههههههه
ميت مرة ااقول للاولاد الحلوين محدش لما البوبي يهوهو عليه يجري بس الاولاد الحوين الي شربوا الشاي باللبن مش بيسمعوا الكلام تحياتي يا احلى خيخة

أنسانة-شوية وشوية said...

بصي يا خيخة يا اختى
الموضوع ده حصل لي وانا في ابتدائي واللي طلعت منه انى مجريش واو اصرخ لما اكلب يجرى ورايا او ينبح ورايا
اما موضوع الشاي باللين ده انا مقدرش مشربش شاي بالبن الصبح معرفش اشتغل وابقي مهنجة خاااااااااالص

سبهللة said...

تعرفى انا ضحكت من البوست دة اكتر من لما ضحكت امبارح لما مثلتى اللى حصل لك عالحقيقة
دمك عسل يا خيخة
عموما انا نزلت بوست فيه صور لينا امبارح ابقى روحى شوفيه

mony said...

لا يا خيخة

نطلع من الموضوع ده ان اللي يشوف كلب مايقولش عااااااااااا


لا


مش مايشربش لبن

طيب ايه رأيك ان كوباية اللبن ديه هي اللي سندتك و ادتك طاقة انك تجريو تصوتي براحتك


يبقي نشرب اللبن و نعمل بيبي و مانقولش عاااااا

اتفقنا

رئـــــيسـة حزب الأحلام said...

انا بخاف من الكلاب اوى
بس انتى بجد أجدع خيخة
الف تحيه لكى

مروة جمعة said...

ولا نشرب شاي بلبن

الحمد لله اللبن بقى غالي
:)

الجري أحياناً بيغري الكلب بلعبة الجري.. كأنه عيل وما بيصدق!ا

ربنا يكفيكِ شر الكلاب كلهم بكافة أنواعهم

صباحك فل

FaceMoon said...

هههههههههه ضحكتينى والله
دمك خفيف خالص

son's egypt said...

السلام عليكم
كل ده من كوباية شاي بلبن
معلش بعد كده متشربيش شاي خالص سواء بلبن او من غير لبن

أنونيمس said...

سلامتك

المهم طمنيني

الكلب عامل أيه دلوقتي

:)))))))))

أدي آخرة الشاي ابو لبن

Lady E said...

بجد انتي زي العسل والبلوج بتاعك رائع وجميييييل جدا

والموقف بتاع الكلب ده حصللي بس انا كنت ماشيه عالبحر والحمد لله جت سليمة

عروسة ننوسة said...

انتى شربات اوى اوى والبوست ضحكنى اوى اوى بس انتى مش عايزانا نبقى اصحاب ولا ايه؟؟

سمر الشافعى said...

ههههههههه الله يجازيكى كل خير يانوران موتينى من الضحك وانا بتخيل منظرك وانتى متشتته ياعينى تجرى ولا تمسك نفسها وتدى اوامر ولا تقول عم ناصر هههههه اه ياماما هموت من الضحك اصلك كمان فكرتينى بموقف شبه دا حصلى انا وصحابى واحنا صغيرين لسه يمموت من الضحك بس مش هعرف احكيه هنا بقى

سومه...مجنونه فى بلد عاقل said...

هههههههههههههههههههههه اخص عليكى يا نوران وكنتى عاوزانى اجى اشتغل عند الكلاب ....دا انا بترعب من حاجه اسمها كلب انا مره نطيت من فوق الرصيف قدام العربيه كانت حتدهسنى عشان اسيب الرصيف للكلب
اصل بعيد عنك اخت ى اتعضت قبل كدا قصاد عينى ربنا يسترها على الجميع
تحياتى ليكى يا جارتى العزيزه اللذيذه....اه عاوزه اعتذرلك عن اخر مره اتصلتى فيهاا بيا حسيت انى كروتك او رديت مش حلو شويه معلش كنت بتخانق وانتى اتصلتى ههههههههه فجات فيكى...معلش يا خيخه
تحياتى ليكى سومه_87

users online