Monday, October 20, 2008

شريف ... بحبك


شريف بحبك
واحب اعضك
فى احمر خدودك
والعب معاك
واحب ايدك
تطبطب عليا
وتقول يا مامى
بحبك كمان

شريف بحبك
واخاف عليك
محبكش تغلط
ولو غلطت
كفاية مرة
بلاش تكرر
غلطة مرتين
ساعتها هازعق
وابرق عنيا
وخصامي يكبر
ويبقى ثانيتين

شريف بحبك
بحب ضحكك
تضحكلى يعنى
ربي عنى راضى
ولو يجيلك
حرارة فى جبينك
يزيد عذابي
واكون حزينة

شريف بحبك
لما تبقى صاحى
الشقاوة تصحى
ومن شقاوتك
تطلع عنيا
ويزيد جنانى
واقول ياربى
خليه ينام
ولما تنام
تبقى ملاك
وتوحشنى جدا
واقول ياربى
خليه يقوم
والعب معاه

شريف بحبك
بحب كونك ابنى
ولما تكبر
هتبقى صاحبى
وهتبقى راجل
هتصلى فرضك
ومتخافش ابدا
غير من اللى خلقك

شريف بحبك
دعاء بقوله
ربي يصونك
ويحفظك ليا
ويباركلى فيك
يا نور عنيا
شريف بحبك
من غيرك انت
انا خيخة جدا
ومعاك قوية

شريف ... بحبك

55 comments:

مهندس مصري said...

الله
هي دي صورة شريف دلوقت
بسم الله ما شاء الله
ربنا يخليهولك يا نوران و يحقق لك كل ما تتمنيه و تخاويه بإخوات ولاد و بنات يكونوا سنده في دنيته بدل وحدته
ربنا يبارك لك فيه و في هاني و في عيلتك و حبايبك كلهم

أميرة said...

ربنا يبارك لك فيه يا خوخه يا رب ويرزقك بره ويبقى زي مانتِ عايزه

osama said...

الله يحفظه من كل سوء ويعينك على تربيته
وعقبال ما يبقي مدون هو كمان

Z_Diva said...

eh ya 5o5z elgmal da, da masha2allah rbna y7mih yganen, shklo 3sool awy, allaho akbar fe 3nini y5tchy

rbna ybrklk feh we y5liko lb3d ya set elkol, ya super mama inty :D

الطائر الحزين said...

بارك الله لك فيه ورزقك بره

mohamed ghalia said...

ربنا يحفظه ويخليكم لبعض
إحساس رائع قوى
تقبلى تحياتى
دمتى بود

خمسة فضفضة said...

السلام عليكم ورحمة الله وبركاته

ماشاء الله ماشاء الله

ربنا يبارك لك فيه ويقر عينك بيه في الدنيا والآخره

سلام

لماضة said...

ما شاء الله يا خوخه
خطيبي كبر وبقى زي السكر
ربنا يبارك فيه ويحميه ويحفظه يارب
وتشوفيه زي ما تتمني

كوارث said...

ربنا يخليهولك ..
بجد زي القمر

kareem said...

ربنا يخليهوليك و يفرحك بيه

ممكن طالما طلعتي جامده كده و شكلك حنزلي ديوان قريب تكتبي حاجه لزينه

Tamer Alhosiny said...

دائما اسمع عن هذا الرجل دون ان اراه
واخيرا شفته
هههههههههههههههههههههههه

ربنا يخليه لماما وبابا

تحياتي
تامر الحسيني

صبرني يارب said...

عسوووووول ما شاء الله شريف يا خيخه

احجزهولي يا خيخه انتى عارفه انا عندي بنات

ربنا يخليه لكي ويخليكى له ويكرمك يارب فيه

سها السباعي said...
This comment has been removed by the author.
سها السباعي said...

ربنا يخليهولك
ماشاء الله

همس الاحباب said...

ربنا يحفظه من كل سوء
ويبارك فيه
ويخليكوا لبعض
وما يحرموكش من بعض
ابدا
وتشوفيه احسن واحد فى الدنيا
تحياتى

دعاء مواجهات said...

ربنا يارب يخليهولك ويباركلك فيه

ويكونزىما بتتمنى

ما شاء الله عليه

بجد قمر

====================

لوينفع تخلى لاتبرع يوم سبت او اى يومتانى ياريت

الجمعه صعباوىونفسى اكون معاكو

بليز شوفى كدة

وانا هاجىتانى اشوف رديتى بايه

اوكى ياقمر

سلااام

حنين القلب said...

ربنا يخليه ليكى ويحفظه ويبارك فيه ويكرمه بيكى ويكرمك بيه
بس صورته بسم الله ما شاء الله قمررررررررررررر

مووووووووووووووووووء احلى بوسه لشيكو وام شيكو

ضد التيار said...

ربنا يباركلك فيه يارب

و يكبر و تكونى فخورة بيه

Ahmed Al-Sabbagh said...

وايييييييه
شريف يا عسول

nour shahen said...

بسم الله ما شاء الله

كتبتى كلام جميل قوى يمكن مش مظبوط خالص من ناحية القافيات بس مظبوط كأحساس وحب بالذات أنه من قلب أم
ربنا يباركلك فيه يا رب ويسعدك فى حياتك دايما

فاتيما said...

نونو
وحشتينى يا بنت الأيه
قوى قوى
و لو إنى كنت بقرالكم كلكم و مفوتش و لا بوست بس مكنتش فى حالة مناسبة للتعليق على آى حاجة
لكن إدينى رجعت لأنكم وحشتونى قوى
و شيكو كمان
يا روح قلبى عليه الله اكبر
بقى قمرين يا خيخة
بخور و المعوذتين و خلافه
ربنا يحرسه و تشوفيه احسن الناس
إنتى أكتر واحدة بتلمسنى كأم
أمومتك ساعات بتخلينى أموت نفسى يوسف يكون معايا و أعمل زيك
بس أدينى بتعلم و اخد كورسات عشان لما يرجع أبقى مستعدة و حكاية الألمانى دى حكاية كمان
ربنا يخليكم لبعض
تحيانى يا أحلى ام شريف ف الكون

كـــيــــــــارا said...

بسم الله ماشاء الله

ربنا يحرسهولك يارب ويصونهولك

ويكون ولدك الصالح

mony said...

ربنا يخليهولك و يباركلك فيه

و يجعلة من البارٍين الصالحين

و يقر عينك بيه

و يدخلكم الجنة مع بعض

آمين

Ahmed Al khashab said...

ما شاء الله تبارك الله
ربنا يبارك فيه
أنا كمان حبيت شريف من كلام حضرتك عنه

اقصوصه said...

ربنا يخليلك شريف

يا ام شريف

ويتربى بعزك يا رب

وتشوفيه عريس:)

موناليزا said...

ربنا يخليهولك وتشوفيه بقى راجل قد الدنيا

سومه...مجنونه فى بلد عاقل said...

ربنا يباركلك فيه ويكبر ويبقى عريس وتختاريله عروسه حلوه وتزفيه للكوشه بايدك

الرومـيصاء said...

ربنا يبارلكلك فيه ويجعله صالح ويجعله فى ميزان حسناتك

ojg said...

الله أكبر
ربنا يحفظه ويصونه
كلامك لشيكو باشا حلو بجد
وإحساسك مش ممكن
ربنا يخليهولك وتفرحي بيه يا نونة وبولاد ولاده

خوخة يا حبيبتي
ليكي انتي كمان عندي شعر فظيع طليعي
ويعبر عن حقيقة
بس لما اشوفك هقولهولك
عموما المطلع كان بيقول
ذكرتك والميكروباصو ماشيون
تعرفي تكمليها؟
:))
وحشتيني بجد

سها السباعي said...

انا رديت على تعليقك عندي يانورا
وباضم صوتي لصوت دعاء مواجهات ان التبرع والزيارات للمستشفيات وكده يكون يوم سبت

لان فعلا الجمعه صعب قوي

HopiZ said...

بجد رائعة جدا
و صادقة جدا جدا جدا
ربنا يحميهولك و يخليهولك و يخليكى ليه
و يكبر و يبقى صاحبك
تحياتى للحبيب شريف و كل طفل نحمل له تلك المعانى داخلنا

نعكشة said...

ربنا يخليهولك دايماً يا رب
و يكون الولد الصالح

ربنا يحققلك كل امانيكي

سلام عليكي

wafaa said...

ربنا يحفظه ويباركلك فيه

nona said...

ماشاء الله ربنا يبارك فية و يحفظها من كل شر
و يكبر و تشوفية افضل و احسن راجل فى الدنيا يا رب
و يرزقك برة و حنانة و يمللك البيت عيال كتير و نلاقيكى بتشدى فى شعرك

الشنكوتي الكبير said...

ربنا يحفظه ويسعده ويبارك فيه وفيكي وفي ابوه

تحياتي لأجدع اخت

سلاااااااااااااااااام
اخوكي ايهاب

Monzer said...

ربنا يحفظه

only spot said...

سلام عليكم
الله اكبر عليه وربنا يحفظه ويصونه ويخليكى ليه ومش يحرمك من بعض ابدا ودايما تشفيه ناجح مبسوط وفى احسن حال

بوسه كبيره للواد ده ربنا يخليكم لبعض

Mohamed Dawod said...

شريف بحبك
لما تبقى صاحى
الشقاوة تصحىومن شقاوتك
تطلع عنيا
ويزيد جنانى
واقول ياربى
خليه ينام
ولما تنام
تبقى ملاك
وتوحشنى جدا
واقول ياربى
خليه يقوم
والعب معاه

الله هو كل الامهات كده ولا ايه؟ يبقوا عايزين العيال تنام باى شكل ولما يناموا يبقوا عاوزينهم يصحوا علشان يلعبوا معاهم. ربنا يخليلك شريف ويخلينا كلنا ولادنا

Doba said...

الله أكبر
بسم الله ماشاء الله
ربنا يبارك فى عيون حبيبى ويحميه من كل شر

ويخليكى ليه يا احلى ماما نورا يارب
ويكونلك الراجل اللى بتتمنيه
يارب يحقق حلمك بيه يا خوخه

بوسات لشيكو
هبة

Sherif said...

يافندم أخجلتم تواضعنا

لكم جزيل الشكر

:))))

زهرة الياسمين said...

ربنا يخليهولك يا قمر

totaaaa said...

ربنا يخليهولك ويحفظه يارب
ماشاء الله زى العسل

هو حلو كده زى باباه بقى ولا مامته ؟
:)

ربنا يباركلك فيه

الطالبة عفو الله said...

ما شاء الله تبارك الله قمر
ربنا يخلوهولك و يحفظه من كل شر

Soul.o0o.Whisper said...

بسم الله ما شاء الله

ربنا يبارك لك فيه يا رب
و يقر عينك بيه دنيا و آخرة

بجد عسول جدا ما شاء الله

بس أعتبر دا من حسن حظى
أنا عارفة إنى مقصرة فى زيارتك
بس ما شاء الله حظى جه على شريف


بجد ربنا يحميه
و كلماتك حلوة أوى ما شاء الله
ربنا يحقق حلمك فيه يارب



خالص تحياتى

طالب ثانوى said...

الله عليكى ويارب يحفظ شريف من كل سوء وانتى مش ناوية تجيبلنا اخ لشريف

طالب ثانوى said...

لماضة

انا خلاص حجزت شريف لاختى الصغيرة

طالب ثانوى said...

ولا انتى عندك اعتراض

samamasr said...

رغم إنك مش تعرفيني خالص

بس ممكن أقول تعليقي أول ما شفت صورته


يا حبيب قلبي


ربنا يخليه يارب


يارب يفرحك بيه ويحميه :)

سالى said...
This comment has been removed by a blog administrator.
Diyaa' said...

ربنا يباركلك فيه ويكون قرة عينك :) ويحفظه من كل سوء :) ..بسم الله ما شاء الله ..ربنا يخليكم لبعض
هابي فاميلي :)) يا تري وصله الكلام ده ولا لسه ؟ من القلب للقلب..مش محتاج ترجمة

no0onAaA said...

على فكرة انتى ممتازة اوى وانا قريت كل حاجة ليكى بجد انتى ممتازة اوان لسة مدونة جديدة وخليتنى الاقى افكار كتيرة اوى اعملها وربنا يخليهولك ويرزقنى انا كمان بواد زى العسل كدة ان شاء الله قدام

Anonymous said...
This comment has been removed by a blog administrator.
بنوته مصرية said...

خوخاااااا وحشتيني مووووت

ربنا يبارك فيه ويخليه لكي ولباباه ولما يكبر يتجوز نور ههههههههههه

بوسيهولي وسلمي عليه

وحشتيني

رودي

mostafa rayan said...

ربنا يباركلك فيه
ويحققلك كل امانيكي فيه وتشوفيه احسن واحد

بت خيخة وأى كلام said...

الف شكر ليكم كلكم
وشكرا على دعواتكم

اختكم خيخة

users online