Wednesday, February 04, 2009

هو اللى بيفهمني

الزمان : من زمااااااان اوى
من حوالى خمسة وعشرين سنة
المكان : صالة بيتنا

بابا نايم على الارض وفارد دراعاته
وانا وأخويا آسر بنجري ونلف حوالين بابا
وبابا يحاول يمسكنا ويقرصنا فى رجلينا
واحنا نحاول نفلت من ايديه
ونجرى حواليه تانى وضحكنا يجلجل
وماما قاعدة تتفرج علينا وتضحك
وشايلة اختى الصغنونة ناريمان
اصل ناريمان لسة مولودة ولسة مبتعرفش تمشى

الزمان : من زمان اوى
من حوالى خمسة وعشرين سنة
المكان : فناء المدرسة

بابا فى مدرستنا أنا وأخويا أسر
بيصورنا واحنا بنستلم جايزة مادية
قدرها خمسة جنيه
بمناسبة فوزنا فى مسابقة
حفظ بعض السور من القرأن الكريم


الزمان : من زمااااان اوى
من حوالى عشرين سنة
المكان: اوضة نوم بابا وماما

بابا وماما نايمين فى السرير
وناريمان نايمة وسطهم
وبابا بيحكي لناريمان
قصة بعجورة المبألج
وبعجورة المبألج ده
شخصية من وحى خيال بابا
وبعجورة ده شخص ضخم جدا
اكبر برميل عندنا بالنسباله فنجان قهوة
بعجورة المبألج قصة مكونة من أجزاء كتير
كل جزء بيحكى عن مغامرة من مغامرات بعجورة المبألج


الزمان : يوليو 1995
المكان : اوضة نوم بابا وماما

بابا بيصلى ركعتين لربنا
وبيستعوض ربنا فى عربيتنا فيات أونو اللى اتسرقت
بعد أربعة وعشرين ساعة من شرائها
سمعته بيقول لماما
الحمد الله على كل شئ
فدا ضفر من ولادنا


الزمان : اغسطس 1995
المكان : اوضة نوم بابا وماما

بابا قاعد لوحده فى الاوضة
دخلت عليه بالصدفة لاقيته بيعيط
والسبب رسوبي فى الثانوية العامة
خرجت من الاوضة
وعملت نفسى مخدتش بالى من دموعه

الزمان :سبتمبر 1997
المكان : بيتنا

بابا يقرر بيع عربيتنا ال 127
علشان يقدر يدفع مصاريف تعليمنا
قراره ده فكرنى بجملته الشهيرة
انا لو هابيع اخر سجادة فى البيت ده علشان تتعلموا
هابيع السجادة ولو اضطريت انى ابيع هدومى هابيعها
المهم انكم تتعلموا تعليم كويس وتتعلموا الحاجة اللى بتحبوها
وافتكر يوميها انى قلت فى عقل بالى
طب ما تخلى العربية وبيع حتة الارض
اهى برضه حمارتك العرجة احسن من سؤال اللئيم
بابا ماخدش بكلام عقل بالى
وتم بيع العربية

الزمان : 1998
المكان : مستشفى حمد بدولة قطر

بابا كان لوحده فى قطر فى غربة عمل
وتعب هناك واضطر انه
يعمل عملية تغيير شرايين فى القلب
واستبدالها بشرايين من الساق


الزمان : 7يوليو 2000
المكان : بيتنا

بابا يحط ايده فى ايد هانى
ويقروا الفاتحة
بابا يباركلى ويهمس فى ودني ويقولى
اتمنى ان يكون ده اخر عريس
احط ايدى فى ايده واقرا الفاتحة
مش كل شهرين تلاتة هاقرا فاتحتك على عريس
انا اهز راسى وابتسم ابتسامة الناس المحروجين



الزمان :7 يوليو 2001
المكان: دار مشيخة الازهر

بابا حاطط ايده فى ايد هانى
وايديهم فوقيها منديل ابيض
بابا يردد ورا المأذون و يقول لهاني زوجتك ابنتى ...... الخ


الزمان : 15مارس 2003
المكان : اكتوبر اللعينة

بابا بيسلم على هانى ويوصيه عليا
بابا يبوسنى فى خدى
ويهمس فى ودنى ويقولى
كونى له أرضاً يكن لكي سماء
كونى له أمة يكن لكي عبداً

الزمان : 18نوفمبر 2003
المكان : بيتنا

بابا راجع من الشغل وبيخبط على الباب
افتح انا الباب
يبتسم لما يشوفنى ويقولى اهلاااااااااااااااااااً
وانا اسلم عليه واقوله ازيك يا بابا جدو
بابا يندهش ويبتسم اوى ويبص على بطني
ويقولى بجد؟
اهز راسى بالإيجاب
ياخدنى فى حضنه ويقولى مبروك


الزمان : 29 يونيو 2004
المكان : مستشفى السلام

بابا ماسك شريف لاول مرة
وبيكبر فى ودنه
وبيقراله قرأن


الزمان : من كام شهر
المكان : بيتنا

بابا شايل شريف على ضهره وعمال يقول
بلح الجمل
جمل البلح
وشريف بيضحك اوى

الزمان : من كام شهر
المكان : بيتنا

بابا يقول تصبحوا على خير
شريف يعيط ويقوله لا يا جدو متنامش خليك قاعد معايا
بابا يقوله تيجى طيب تنام جانبى
شريف يقوله اه ويجرى ينام فى حضن بابا

الزمان : من كام شهر
المكان : الجامع

بابا ياخد شريف معاه الجامع ويصلوا الجمعة سوا


الزمان : ليلة الاحد خمسة وعشرين يناير
المكان : مستشفى الهرم

بابا يتحجز فى العناية المركزة
بسبب انسداد فى الشريان التاجي الخلفى
يؤدي الى جلطة فى القلب

الزمان : الاحد خمسة وعشرين يناير بعد المغرب
المكان : قسم العناية المركزة

اسلم على بابا ويدينى السبحة بتاعته
ويقولي شليلى دى معاكي لحد ما اخرج من هنا


الزمان : الاتنين ستة وعشرين يناير بعد المغرب
المكان قسم العناية المركزة

ادخل ازور بابا ومعايا شريف خلسة
بابا يفرح لما يشوف شريف
اخد شريف واطلع برة القسم
والراجل بتاع الامن ماشى ورايا
ويقول بصوت عالى
مين اللى سمح بدخول الطفل ده هنا
اعمل نفسى عبيطة ومش سامعاه

الزمان : الخميس تسعة وعشرين يناير
المكان : بيتنا

بابا يخرج من المستشفى الصبح
بابا بيلعب مع شريف
شريف يخبى البسكوت الصغنن فى ايده
ويقول لبابا فى انهى ايد يا جدووو
بابا يضحك اوى
والضحكة تجيب كحة جامدة
نقول لشريف خلاص يا شيكو
كفاية لعب مع جدو علشان مايتعبش
بابا يقول خليه يلعب عادى انا كويس
بابا يسهر معانا انا واسر وياسمين
ونقعد ندردش سوا كلنا


الزمان : فجر الجمعة تلاتين يناير
المكان : بيتنا

بابا يقوم يصلى الفجر
وبعد ما يصلى يقعد هو وماما يدردشوا سوا فى الليفنج رووم


الزمان : قبل شروق الجمعة تلاتين يناير
المكان : الليفنج رووم

ادخل الليفنج رووم الاقى بابا وماما بيدردشوا
اسالهم هو الفجر عدى ولا لسة
بابا يقولى لا لسة الشروق فاضل عليه ربع ساعة
يعنى هتلحقى الفجر حاضر

اصلى الفجر وادخل فى سريرى
واقول فى عقل بالى
بعد صلاة الجمعة هاروح معرض الكتاب
علشان حفلة توقيع كتاب حماتى ملاك
واشتري كتاب استاذ شرين الكردي


الزمان : الجمعة الساعة اتناشر ونص الضهر
المكان : اوضة نوم بابا وماما

اصحى من النوم على صوت حشرجة انفاس بابا
افتح بابا اوضتى
الاقى ماما فى وشى بتقولى الحقى بابا يا نورا
ادخل اوضة نومهم
الاقى بابا ممدد على السرير
وصدره طالع ونازل وصوت حشرجة جامدة
اروح واجى جنب السرير فى ارتباك وخضة
ماما بتتصل بجارتنا
انده ماما اقولها خليه يقول الشهادة
ماما تقول الشهادة
وانا بتصل بالدكتور بتاعه على الموبايل
الدكتور يرد عليا
اقوله دكتور رضا انا بنت محمد جمال
وفجأة بابا يسكت تماما
مافيش اى حركة بتصدر منه
انا مكملش المكالمة وافضل ماسكة الموبايل فى ذهول
اسال ماما
ايه يا ماما
هو خلاص كدة
ماما بتنده على بابا
بابا ساكت
وانا فى هستيرية
ايه يا ماما
ايه يا ماما
هو خلاص كدة
هو خلاص كدة
بابا يتحرك حركة بسيطة
صوت نفسه يهدى
بطنى توجعنى
تجيلى حالة قيئ من هول الموقف
اتصل بهانى
اتصل باسر
اتصل بناريمان
بابا يطلب انه يدخل الحمام
اتنين من الجيران يسندوه
كل واحد ماسك دراع
وبابا جسمه واقع و متهالك
تقريبا بيجروا بابا لحد باب الحمام
ماما تاخد بابا وتدخل معاه الحمام
تغيرله هدومه
الحركة تشغل عضلة القلب شوية
بابا يخرج من الحمام ماشى على رجله فى ضعف شديد
يقعد فى سريره
العيله كلها تيجى
ودكتور العيلة يجى
يكشف على بابا
يقول الضغط واطى وده طبيعى بعد الازمة اللى جاتله
اتصل تانى بالدكتور اللى عالج بابا
واللى كان متابع حالته فى مستشفى الهرم
الدكتور يطلب ان بابا يدخل مستشفى الهرم تانى
بابا يرفض
اتصل بالدكتور اساله اذا كان فيه مستشفى تانية
نقدر ننقل بابا فيها ويفضل تكون ماما معاه مرافق
الدكتور يقول يروح مستشفى المنيل التخصصى
نتجه كلنا للمستشفى
بابا يدخل قسم العناية المتوسطة
علشان ماما تقدر تكون مرافق معاه
بابا يقعد فى اوضة رقم اربعة مؤقتا
لحد ما يوضبوا اوضة رقم ستة اللى بابا هيقيم فيها
بابا نايم على جنبه الشمال
ومنكمش على نفسه
ولوهلة احس انه ابنى
وعايزة اخبيه فى حضني

كلنا حواليه
انا وناريمان واسر
وماما وياسمين مرات اسر
وبابلو جوز ناريمان
وخالو حسين ومحمد ابن خالو حسين
هانى راح يودى شريف عند مامته
بابا بصوت ضعيف جدا يقول لخالو حسين
على الكتاب اللى ناريمان ترجمته
وموجود فى معرض الكتاب
بابا يشاورلى علشان اجى
اقرب منه ياخدنى فى حضنه
ويقولى خدى بالك من نفسك انا بحبك اوى
متخافيش عليا انا هابقى كويس
ابوس بابا فى خده واحاول اكتم دموعى
بابا يروح اوضة رقم ستة
الاوضة اوسع
الشباك اللى جنب سرير بابا
بيطل على النيل وعلى جنينة جميلة جدا
نمشى من عند بابا حوالى الساعة ستة ونص المغرب
ماما تفضل مع بابا بصفتها المرافق

الدكتور بتاعه يتصل بيا الساعة سبعة
ويبلغنى ان بابا هيدخل اوضة العمليات
بكرة السبت الساعة اربعة العصر
لعمل عملية قسطرة وتركيب دعامة
اتصل بماما وابلغها

اروح الهرم لحد هانى ما يجيلى هو وشريف من عند مامته

اروح اكتوبر الساعة اتناشر ونص بليل
واقول فى عقل بالى
بكرة اودى شريف الكورس بتاعه
ولما يخلص الكورس
نطلع على المستشفى

الساعة واحدة ونص بليل
موبايل هانى يرن
اسال هانى
مين؟
يقولى ده اسر
قلبى يتقبض
هانى يرد على اسر
اسال هانى فيه ايه
هانى مش بيرد
اكرر السؤال
هاني بتردد يقولى البقاء لله يا نورا
بطنى توجعنى
زورى يوجعنى
الدموع تقف فى عينى
البس التي شيرت الاسود على الجينز
اشيل شريف وهو نايم
اصحى شاهى بالتليفون الساعة اتنين الا ربع بليل
ابلغها الخبر
افوت عليها واسيبلها شريف
نطلع انا وهاني على المستشفى
اشوف اسر
اقوله عايزة اشوف بابا
يدخل معايا قسم العناية المركزة
واشوف جثمان بابا لأخر مرة فى حياتى
ابوسه فى جبينه
اقراله الفاتحة

يحطوا الجثمان فى التلاجة لحد الساعة تمانية الصبح
علشان المحاسب بتاع المستشفى يكون موجود

نرجع على البيت الساعة اربعة الفجر
ونستنى لحد الساعة تمانية ما تيجى علشان نبتدى نتحرك
اسال ماما ايه اللى حصل؟
ماما تقولى انهم ناموا حوالى الساعة حداشر
وعلى الساعة اتناشر ونص
صحيت على بابا وهو قاعد على السرير وبيقولها
الحقينى يا زيزى مش قادر اخد نفسى
ولاقت جسمه بينحنى لقدام
ندهت للممرضة والدكتور
خدوا بابا وودوه العناية المركزة
وحطوه على جهاز صدمات القلب
لكن كان خلاص
أمر ربنا نفذ

الزمان : السبت واحد وتلاتين يناير
الساعة تمانية ونص صباحا
المكان : مسجد الحامدية الشاذلية

انا بحجز قاعة العزاء
المسؤل يسالنى عايزين قاعة للسيدات
اقوله ايوة
يقولى عايزين مية ومناديل
اساله يعنى ايه؟
يقولى يعنى مع القهوة والشاى
تحبى يكون فيه مية وعلب مناديل محطوطة على الترابيزات
اقوله
ماشى
يسألنى
اسم المتوفى ايه
اقوله بابا
يبصلى ويسكت
استدرك الموقف واقوله محمد جمال الدين زكريا الشا
يقاطعني و يقولى الاسم ثلاثي بس
اقوله
بابا لوحده اسمه محمد جمال الدين
واسم جدى زكريا ولقب العيلة الشاملى
يبقى كدة الاسم ثلاثي
استكمل معاه باقى بيانات استمارة الحجز
واساله هل عندك عربية نقل موتى
يقولى عندى عربية نقل موتى
ولو كمان عايزين كفن
اتصل باسر
واسأله
يقولى انه خلاص هو اشترى الكفن
واتفق على العربية
امشى من المسجد
وانا مستغربة من اللى عملته
واعيد فى عقل بالى مراراً وتكراراً
جملة واحدة مافيش غيرها
معقول انا من خمس دقايق
كنت بحجز قاعة للعزاء علشان بابايا
اروح المستشفى
نستنى تصريح الدفن من مكتب الصحة
خالو حسين واسر قاعدين بيتفقوا
على صيغة النعي اللى هيتنشر
فى جرنال الاهرام بتاع يوم الأحد
خالو حسين يتصل بالتليفون
ويملى صيغة النعي لواحد بيكلمه فى التليفون
يتم غسل الجثمان
وننقله المسجد اللى قدام بيت بابا وماما
نصلى الضهر فى المسجد
وبعد الضهرنصلى صلاة الجنازة
واقعد اعيد فى عقل بالى جملة واحدة
محاولة منى لاستيعاب الموقف
انا دلوقتى بصلى صلاة الجنازة على بابا
انا دلوقتى بصلى صلاة الجنازة على بابا
انا دلوقتى بصلى صلاة الجنازة على بابا
ومع تكرار الجملة فى عقل بالى
اكتشف انى مش فاهمة معناها
ومش عارفة استوعبها
ومش عايزة استوعبها
اقرر انى مافكرش فى معنى الجملة
اقرر انى مافكرش فى حاجة خالص

نرجع من الدفن
الاقى قرايب بابا من البلد موجودين
ناس انا معرفهومش
واول مرة اشوفهم فى حياتى
واحد يسلم عليا وهو بيعيط
ويقولى الحاج جمال هو اللى محفظنى الفاتحة وانا صغير
وهو اللى حفظنى الحروف وخلانى اعرف اكتب اسمى
اسلم عليه وأنا ساكتة واهز فى راسى

الزمان : الأحد أول فبراير
المكان : مسجد الحامدية الشاذلية

بعد المغرب
نوصل للمسجد
اروح قاعة عزاء السيدات
الاقى واحدة قاعدة فى القاعة
اقول فى عقل بالى
ايه الاحراج ده؟
مين اللى جاية قبل اهل المتوفى ما يجوا
ادخل القاعة واكتشف انها فاتيما
اقول فى عقل بالى يااااااه يا فاتيما
حتى فى عزا بابا جاية انتى اول واحدة

اخد مكانى فى استقبال السيدات
واستغرب وجودى فى العزا بصفتي بنت المتوفى
اول مرة فى حياتى اتواجد فى عزا
ويستوجب عليا انى اخد العزا فى المتوفى
كان موقف غريب مش قادرة استوعبه لحد هذه اللحظة


الزمان : الاتنين الثانى من فبراير
المكان : اكتوبر اللعينة

انا : شريف انت عارف ان جدو كان تعبان وفى المستشفى مش كدة
شريف : اه هو خلاص خرج من المستشفى ؟
انا : اه يا حبيبى خلاص خرج بس هو مارحش البيت
شريف : امال هو راح فين؟
انا : هو كان لسة تعبان شوية فربنا وداه الجنة علشان يخف بسرعة
شريف : يترمى فى حضنى ويعيط جامد جدا
جسمه كله يتهز من كتر العياط
اطبطب عليه واقوله فيه ايه مالك
يقولى انا مش عايز جدو يروح الجنة
انا عايز جدو يرجع البيت علشان انا بحبه اوى
انا: طيب يا حبيبى مش انت عارف ان الجنة دى
مكان حلو جدا واحلى بكتير من عندنا هنا
شريف : يعيط ويقولى طب خلى جدو ياخدنى معاه الجنة
انا: جدو مالهوش دعوة ربنا هو اللى ندهله
شريف : قولى لربنا ياخدنى عند جدو فى الجنة
انا : ان شاء الله يا حبيبى كلنا هانروح الجنة
شريف: يعنى هننام ونصحى ونروح الجنة
انا : معرفش يا شريف
اصل ربنا هو اللى هيندهلنا
وانا معرفش ربنا هيندهلنا امتى
شريف: طيب يا مامى لما ربنا يندهلنا
عايزين نلبس بسرعة ونروح الجنة بسرعة
علشان منتأخرش على جدو
انا : حاضر يا شريف
شريف يعيط تانى
انا : بتعيط تانى ليه
شريف: انا عايز جدو يرجع البيت هو واحشنى اوى
انا : بص يا شكشوكة انا معايا صورة لجدو
خليها عندك و لو عايز تقول كلمة سر لجدو
بص للصورة وقول لجدو على كل الكلام السر
وبعد ما تقول الكلمة السر
تقول سورة الفاتحة وتقول ربنا يرحمك يا جدو ويغفرلك
شريف ياخد الصورة
افضل قاعدة جانبه
شريف يقولى مامى ابعدى بقى علشان عايز اقول لجدو كلمة سر
اقوم من جانبه
اسمعه بيهمس للصورة
شريف يروح فى النوم
ويصحى الساعة خمسة ونص المغرب

الساعة عشرة بليل
شريف بيلون فى كتاب التلوين بتاعه
شريف: مامى هو احنا مش هانروح عند جدو الجنة بقى؟
انا اقعد جانبه : ان شاء الله يا حبيبى
شريف: طب انا عايز الصورة علشان عايز اقول لجدو كلمة سر
انا اجيبله الصورة واقوم من جانبه
شريف يقول للصورة: انا بحبك اوى يا جدو
انا عايزك ترجع البيت
او تقول لربنا يندهلى علشان اروح عندك الجنة
شريف يقرا الفاتحة
ويندهلى ويسألني: مامى هى الجنة طريقها ازاى
وقبل ما اجاوب يكمل كلامه
ويقولى يعنى هنمشى يمين ولا شمال ولا علطول
اقوله الجنة مكانها فوق
شريف : فوقينا يعنى
انا : فوق فى السما
شريف : يعنى جدو طلع على سلالم لحد السما
انا : مش عارفة يا شريف انا مارحتش الجنة قبل كدة
شريف يسكت ثانية ويقولى: وانا كمان مارحتش الجنة قبل كدة
شريف: مامى هو جدو هيشرب من العسل واللبن الموجودين فى الجنة
انا : اقوله اه ان شاء الله
شريف يعيط ويقول انا عايز اروح الجنة بسرعة
قبل جدو ما يخلص كل اللبن والعسل
انا : اخده فى حضنى واقوله ماتخافش
اللبن والعسل مش هايخلصوا دوول كتير اوى
شريف : مامى هو جدو معاه الموبايل بتاعه فى الجنة؟
انا : لأ
شريف : طب هو ربنا معاه موبايل تكلميه عليه علشان نكلم جدو؟
انا : لأ
بص يا شريف لو عايز تقول اى حاجة لجدو قولها للصورة
وعلى فكرة هو جدو بيسمعك
وبيبص عليك من فوق من عند الجنة
شريف: يعنى جدو واقف فى البلكونة بتاعة الجنة وبيبص عليا؟
انا : اه بس علشان الجنة عالية اوى وبعيدة اوى
احنا مش هانشوف جدو لكن هو بيشوفك
شريف ياخد الصورة ويكلم جدو
انا: ايه رأيك يا شريف بكرة نروح عند زيزي البيت
شريف بحدة: لأ؟
انا : ليه؟ مش انت بتحب زيزى
شريف : ايوة انا بحبها وبحب خالو اسر وبحبكم كلكم
بس جدو هو اللى كان بيفهمني
الكلمة تخطفنى من جوة
ابص لشريف اوى واخده فى حضنى
ونقعد نعيط سوا
واقوله انا بعيط علشان جدو واحشنى
وانت بتعيط ليه؟
يقول علشان جدو واحشنى انا كمان
اقوله بس انا هابقى كويسة دلوقتى
وعايزاك انت كمان تبقى كويس
ومش عايزاك تعيط
بس لو حسيت فى اى وقت
انك محتاج انك تعيط تعالى فى حضنى اتفقنا؟
شريف : اتفقنا يا مامى وانتى كمان لما تعوزى تعيطى
لما جدو يوحشك تعالى فى حضنى
نحضن بعض ونمسح دموع بعض
ونلون سوا

الزمان : الثلاثاء الثالث من فبراير
المكان : اكتوبر اللعينة

انا: ها يا شريف
نروح النهاردة عند زيزي؟
شريف: لا يا مامى خليها بكرة
انا : ماشى يا حبيبى براحتك
اكلم ماما فى التليفون اشرحلها الموقف
ماما تقدر الموقف وتقولى براحتكم خالص
متغصبيش عليه انه يجى هنا
خليه يجى لما يحب يجى

ومازلت انا قابعة فى اكتوبر اللعينة
فى انتظار إشارة الرحيل من شريف


كنت دايما معتقدة ان الناس
اللى بيفقدوا باباهم او مامتهم وهما صغيرين
بتكون مأساة كبيرة
لكن لما جربت فقدان الاب وانا كبيرة وشاحطة كدة
قلت فى عقل بالى ياريتنى كنت عيلة ولا انى اكون كبيرة كدة
لو كنت صغيرة
الذكريات هتبقى قليلة
مش هتبقى كتيرة كدة
مش هتبقى كتيرة لدرجة انها تيجى كلها مرة واحدة فى دماغى
ومن كترتها تلاقى التفكير بيقف
حاسة ان دماغى هتنفجر
محتاجة اخرم دماغى علشان الذكريات تلاقى متنفس ليها
والاقى براح فى عقلى للتفكير فى اى حاجة تانية
لو كان بابا توفى من زمان
ماكنتش المخدة اللى بينام عليها خدت ريحته
لو كان بابا توفى من زمان
مكنتش هاقعد على الكنبة وافرد رجلى
والاقى حاجة مضيقانى عند كعب رجلى
ولما ابص عبارة عن ايه
الاقيه شريط اسبرين لعلاج الضغط العالى
لو كان بابا توفى من زمان
ماكنتش هاتكعبل فى فردة الشبشب الازرق بتاعه
لو كان بابا توفى من زمان
ماكنتش هالمح نضارته بتاعة القراية
واختها بتاعة التلفزيون
لو كان بابا توفى من زمان
ماكنتش هالاقى قصاصات ورق كتير
فى درج الكومودينو بتاعه
مكتوب فيها بخط ايده
ابيات من شعر او احاديث نبوية وقدسية
لو كان بابا توفى من زمان
ماكنتش اول حاجة عملتها لما رجعنا من المستشفى ساعة الوفاة
انى افتح الشنطة اللى كانت مع ماما
واخد منها الشال البنى
اللى بابا دايما يحطه على كتفه فى اوقات الشتا
لو كان بابا اتوفى من زمان
ماكنتش استبدلت التسبيح على السبحة بتاعتى
بالتسبيح على السبحة بتاعة بابا
اللى ادهالى وقاللى شلهالى معاكى لحد ما ارجع
لو كان بابا توفى من زمان
ماكنتش وقفت خدت العزا فيه
لو كان بابا توفى من زمان
ماكنش هيتردد فى البيت عندنا
كلمات زى
اعلام وراثة
ومصاريف جنازة
وتصريح دفن
لو كان بابا توفى من زمان
ماكنتش هاقعد ادور فى اوراقه
على كارت تليفون محمد فاروق
تربى ومقاول جبانات
لو كان بابا توفى من زمان
ماكنتش دموع شريف وكلماته وجعتنى كدة
لو كنت انا توفيت قبل بابا
كان موتى جنبني كل الوجع ده


مش هاكدب عليكم واقولكم بابا كان صديقى
وكنا مش اب وبنته
ده احنا كنا اتنين اصحاب
لأ
بابا بالنسبالى
كان بابا وبس
ومعرفش دى ميزة ولا عيب
يمكن كانت ميزة علشان لو كان بابا يمثل ليا صديقى
كان وجعى هيتضاعف لانى ساعتها كنت هافقد الاب والصديق

ويمكن مش ميزة
لانى مدتلهوش فرصة ولا اديت نفسى فرصة
ان انا وهو نقرب لبعض كأصدقاء
وبالتالى حرمت نفسى بنفسى
من اوقات كتير كانت ممكن تجمعنا سوا

يارب
اغفر لوالدي وارحمه
وتجاوز عن سيئاته
وزد من حسناته
وعامله بما انت اهله ولا تعامله بما هو اهله
اللهم ارحم امواتنا واموات المسلمين والمؤمنين
اللهم ارحم امواتنا واموات المسلمين والمؤمنين


متعتبروش البوست ده
استئناف لنشاطى التدوينى
ده مجرد فضفضة ودلق كلام
لانى كنت هانفجر لو ماكنتش كتبت الكلام ده
انا طول الفترة اللى فاتت وانا متماسكة جدا
بحاول اكتم دموعى
بحاول اكون طبيعية
مش عايزة اكون خيخة قدام اهلى
فى وقت لا ينفع فيه الخيخنة بتاتا

فأرجوكم استحملوا اى خيخنة ظهرت فى البوست ده

انتهى

بت خيخة وأى كلام

159 comments:

mostafa rayan said...

ربنا يغفر له ويرحمه ويدخله فسيج جناته
اتماسكي
وهواكيد دلوقتي في مكان احسن من هنا بكتير اللهم اغفر له وارحمه وتجاوز عن سيائته وادخله فسيح جناتك مع السفرة الكرام البررة

mostafa rayan said...

اللهم تجاوزعنه واغسلهمن ذنوبه بالماء والثلج والبرد ونقه من ذنوبه كما ينقي الثوب الابيض من الدنس
ووسع له في قبره واجعله روضة من رياض الجنة لا منحفرالنار وعامله بالاحسان والفضل
فانك اهل الرحمة والمغفرة والفضل
وصبر اهله واجرهم في مصيبتهم فيه واخلفهم خير منه
ورحمنا جميعا يا الهي
وصلي الله على النبي محمد وعلى اله ةصحبه اجمعين

عاشقه وغلبانه said...

مش لاقيه كلام يتقال غير اني بجد اتقهرت عياط
زي اللي مستنيه اي سبب حزين يسمح لدموعي تنزل

ربنا يرحمنا جميعا احياء واموات

Lady E said...

يا حبيبتي ربنا يصبرك انتي وشريف وربنا يغفر لوالدك ويدخله جناته

كلامك أثر فيا أوي بجد لدرجة ان دموعي نزلت وانا بقرأ البوست

يا رب تكون أخر الأحزان

محمود الدوح said...

البقاء لله

صوت من مصر said...

للاسف انا اثر فيا الكلام لانه فكرنى بيوم وفاه بابا
او حسيت ان ولدك هو والدى اولا لان سنك من سن حنان اختى ثانيا بابا قال نفس جمله باباكى الله يرحمه ابيع البيت عشان تتعلموا
على ما اظن ان الدموع كانت هتخرج منى لكنى ببكى من جوه قلبى
الله يصبرك بس فعلا باباكى انسان يكن له الكل باحترام لانه انسان مصرى من قلب

ستيته حسب الله الحمش said...

لو بابا اتوفى من زمان الله اعلم كنتي ها تكملي تعليمك ازاي

لو بابا اتوفى من زمان كنتي كل لحظة ألم أو موقف صعب ها تقفي تقولي أعمل أيه انا مليش ضهر انا لوحدي "مليش ولي امر"

لو بابا اتوفى من زمان كان اكتر من نص اللي قرأ معاهم الفاتحة فروا "محدش عاوز بنات الأرامل على أساس مفيش راجل في البيت"

لو بابا اتوفى من زمان مكنش لحق آسر ياخد منه كام صفة ها تشوفيهم في الأيام الجاية وها تعرفي اني بفهم وكان اخوكي تايه بين صفات عم وخال وصاحب

لو بابا اتوفى من زمان كان مش ها يبقى جواكي كل الذكريات دي تحكيها لشريف واخواته

لو بابا اتوفى من زمان كانت ماما داخت مجلس حسبي "حسبي الله ونعم الوكيل"

لو بابا اتوفى من زمان مكنش شاف فرحتكم كلكم ولا انتم شفتم فرحتكم في عينيه

الله يرحمه رحمه واسعه .. انتي في نعمة بس دلوقتي من الحزن مش شايفة

محمود الدوح said...

اللهم اغفر له وارحمة
اللهم تقبله بقبول حسن
اللهم اغفر له خطاياه
وضاعف له من حسناتة

حاسوباتيه said...

الله يرحمه ويصبركم يارب وبجد انا عيني دمعت قوي ربنا معاكم

MinGaH said...

البقاء لله

احساس طفلة محبة للرومانسية بس واقعية said...

كلامك صعب اوى يا خيخة
بجد خلانى ابكى
ربنا يصبركم ويخفف عنكم
ربنا يرحمه ويغفر له
ويتقبلوا قبول حسن
ويدخلة فسيح جناتة
اللهم ارحم المسلمين والمسلمات
الاحياء منهم والاموات

Anonymous said...

كلامك مؤثر جدا
سلام مؤقت

طالب ثانوى said...

انتى عارفة يانوران بالرغم من انى مقابلتيكيش فى الحقيقة علشان اقول انى قابلت والدك لكن بجد اظن كل المدونين عموما لمسوا صدقك واخلاقك وتربيتك وشددى على كلمة تربيتك الفضل الذى يعود بالاول على ابوكى من المواقف اللى انتى قولتيها دى انا فى الاول قولتلك البقاء لله مجاملة دلوقتى بقولك البقاء لله وحدة بجد لانى محتاج حد يعزينى فى والدك

اما بالنسبة لشريف انا رايى توية لدكتور نفسى لان الموقف دة ممكن يوثر على مستقبلة بحيث انها متهيالى اول حالة وفاة لشخص قريب منة جدا ممكن يترتب عليها انه يبقى شخصية مكتئبة وكدة انا عارف انك مثقفة ومش هتعتبرى اذهاب لدكتور نفسى جنون

طالب ثانوى said...

انا رايى تودية*

Soul.o0o.Whisper said...

نورا


حقيقى مش عارفة أقولك ايه
خلتينى اعيط خالص لأنى أفتكرت اصعب أيام مرت عليا فى حياتى

لحظة مافقدت أقرب انسانة لقلبى
و هى جدتى
و كنت أنا بين الحياة و الموت
فى غيبوبة كاملة
و الدنيا سودة
و مش فاكرة غير انى سمعت خبر وفاتها

و بعدها بكام يوم لما فقت
و سألت عليها
قالولى لا ..دا هى بخير و كويسة

و بعد كدا أكتشفت الحقيقة المفجعة
و هى انى فقدتها للابد

شعور صعب
صعب اوى
و بجد بنكون فى ذهول أول الامر
لأننا بنكون لسه مش مستوعبين

بعد كدا لما بتمشى الايام
و فعلا مش بنلاقيهم معانا
بنستوعب يعنى فقدناهم




ربنا معاكى و يصبرك يارب
و يصبر شريف
و العيلة كلها




سلام

لورنس العرب said...

رحم الله الوالد واسكنه فسيح جناته

الطائر الحزين said...

بكيت
رحمة الله رحمة واسعه هو ووالدى وكافة المسلمين

واحدة مفروسة said...

نوران حبيبتى
انا لله و انا اليه راجعون
ربنا يصبرك يارب
ربنا يجعل مثواه الجنة
آلمنى جدا انى لم استطع المجيء و ده لأن ضهري بعيد عنك مش بعرف امشي و لا اقعد و لا انام غير بمسكنات و كلها شكشكة ابر
و علشان انا مجربة الظرف ده فمش اتقالت عليكي بالتليفون
ساعات الواحد مش بيبقى فى مود الرد على كلمة البقاء لله و لا البقية فى حياتك و لا ربنا يصبرك
لما بيسمعها من الناس الرد بيوجعه
و مش بيبقى متصور انه الرد لانسان قريب منه

ربنا معاكي
الف قبلة و حضن ليكي و لشيكو
الى ان اراكي انا بدأت اتعافى الحمد لله
و نفسي اعدى عليكي

karim said...

انا للة وانا اية راجعون البقاء للة سيدتى لقد لامستى جزء خاص جداا لى لدرجة نزول الدموع منى و هذا شىء صعب, خلى باليك من شريف. و ربنا يرحمة

~*§¦§ Appy §¦§*~ said...

كده يا خوخه كده تدلقى وتوجعينا كانه والدنا كلنا
ربنا يرحمه يا رب
ويهديكى ويطمن قلبك
ويخلى لكى ابنك يا رب يا حبيبتى
مينفعش تبقى خيخه ومينفعش تبقى قويه انا عارفه وبجد مش عارفه اقولك ايه غير ان قلبى وجعنى كانه والدى بالظبط

Blind Sniper said...

اللهم تجاوزعنه واغسلهمن ذنوبه بالماء والثلج والبرد ونقه من ذنوبه كما ينقي الثوب الابيض من الدنس
ووسع له في قبره واجعله روضة من رياض الجنة لا منحفرالنار وعامله بالاحسان والفضل
فانك اهل الرحمة والمغفرة والفضل
وصبر اهله واجرهم في مصيبتهم فيه واخلفهم خير منه
ورحمنا جميعا يا الهي
نصيحة:اهم حاجة الصبر الطيب لأن كدة كدة قضاء ربنا نفذ و قضى الأمر الذى فية تستفتيان فعلشان كل دة ميروحش على الفاضى قولى الحمد اللة و اصبرى عارف انا ان ولا كلام الدنيا لو اى حد قالة حيبقى حاسس نفس الى حاسة ربنا يصبرك أمين

ابن حـجـر الـعـسـقـلانـى said...

وَلَنَبْلُوَنَّكُمْ بِشَيْءٍ مِّنَ الْخَوْفْ وَالْجُوعِ وَنَقْصٍ مِّنَ الأَمْوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ

الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلَّهِ وَإِنَّا إِلَيْهِ رَاجِعُونَ

أُوْلَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

محمد عتلم said...

خيخه
ربنا يرحمه ويرحماحياء واموات المسلمين كلهم . وربنا يصبرك وخدى بالك من نفسك ومن جوزك ومن اولادك
ربنا يبارك فيهم يا رب

ahmed_k said...

أنا مش عارف أعلق وأقول أيه
كلماتك أوقفت الكلمات
فلا أستطيع لها جريانا
أختي أدعي الله له بالرحمه والغفران
وتذكري قول الحبيب صلوات ربي وسلامه عليه (إذا مات أبن آدم إنقطع عمله إلا من ثلاث)إحداهم ولد صالح يدعو له
فدعائك له زيادة له في ميزانه
فأكثري منه
وأسأل الله أن يتولاه برحمته وأن يبدله دارا خيرا من داره وأهلا خيرا من أهله
إنه سميع مجيب
وأعذريني فلو كنت بالقاهره لما تأخرت عن أداء واجب العزاء
وأرجو إبلاغ السيده الوالده خالص عزائي
وإنا لله وإنا إليه راجعون

koukawy said...

صدقيني انا مش عارفه اكتب من كتر العياط
لأنك فمرتيني بموت بابايا انا كمان
كل اللي اقدر اقولهولك
ربنا يصبرك

اسامه عبدالعال said...

الله يرحمه
ادعيله بالمغفره لكن خدي بالك ان الشيطان يبلى قلبك بالحزن ارحمي نفسك كمان ربنا يرحمنا ميعا ويحسن الخاتمه لنا

Mohamed Hamdy said...

انا بكيت كما لم ابكى من قبل على كلامك

مش عارف اتكلم

رئيس جمهوريه نفسى said...

ربنا يرحمة ويصبركم يا خيخه يارب هو شريف حيتاج وقت علشان يبتدى يتعامل مع الموقف
بس كل اللى حقدر ااقوله ليكى انى بكيت بشكل هستيرى طلعت اكتئاب الاسبوع اللى فات وانا بقرى البوست دة

... amr said...

الله يسامحك على اللي عملتية فيا ... نفس الاحاسيس حسيتها واحنا بندفن أحمد عفيفي صاحبنا ... الله يرحمة و يرحم موتانا جميعا .... ربنا يلهمك الصبر و الجلد على مصابك ..... انا واثق ان ربنا هيقدرك و تخرجي شريف من الحالة الوحشة اللي هو فيها ... ربنا يصبركوا

Anonymous said...

البقاء لله و ربنا يسكنه فسيح جناته ان شاء الله و تماسكي علشان خاطر شريف , و لو كان باباكي توفي من زمان ما كنتيش بقيتي كدة ما كنتيش اخدتي كل الحنان و ابوة دي ربنا ما بيعملش حاجة وحشة هو الحمد لله اطمن عليكو كلكم و ادي دورة في الحياة علي اكمل وجه و قابل ربه وجهة ساطع لانه ادي الامانة ربنا يرحمة و يغفرله و يسكنه فسيح جناته و ربنا يقويكي علي وحشة الفراق
اختك شيماء

ذات الشمم .. said...

إنا لله و إنا إليه راجعون


احسن الله عزائكم و غفر لميتكم و اسكنه
فسيح جناته ..

موجعه تدوينتك ..


.

قال رسول الله صلى الله عليه و سلم
ذا مات ابن آدم إنقطع عمله إلا من ثلاثة: صدقة جاريةأو علم ينتفع به أو ولد صالح يدعوا له ..


هم السابقون و نحن اللاحقون ..

نهر الحب said...

الله يرحمه ويحسن اليه
عارفة يانوران مش عارفة اقولك انهى اصعب انه يكون باباكى وبس ولا باباكى وصديقك انا بابا الله يرحمه كان كل حاجة لى صديقى واخى وبابايا كن كل حاجة بس عارفة ساعات بحس ان لحظات الفراق الابدى هى اكثر ما يوجع
الظاهر كالعادة بنيل الدنيا
بصى بجد سامحينى لو كنت بلبخ
الله يرحمه ويحسن اليه ويتجاوز عنه
ويجعل مثواة الجنة
البقاء والدوام لله

Founoon said...

انا مش عارفه اتكلم

انا حتى ماقدرتش اكمل البوست لاخره

ربنا يكون في عونك ويصبرك ويرحم باباكي ويجعله في الجنةان شاء الله

انا حاسة ان اي كلام مواساه هيبقى مالوش طعم

Unique Gurl said...

البقاء لله
ربنا يسكنه فسيح جناته
بجد انتي مش متخيله انا عيطت قد ايه مع كل كلمة انتي كاتباها
ربنا يصبرك يارب ويصبر الاهل جميعا
و خليكي مع شريف اوي الفترة دي لحد ما تعدي علي خير ان شاء الله
ربنا يرحمه ان شاء الله

بنت القمر said...

البقاء لله الحمد للله ترك الذكي العطرة
تقبلي تعازي

Tamer Diab said...

ربنا يصبرك ويهون عليكي كلام شريف ده عشان بيوجع اوي
وان شاء الله تقابلوه في الجنة

ليث said...

البقاء لله/
انا معرفش حضرتك واول مرة ادخل هنا،
اسأل الله ان يغفر له ويرحمه وان يعامله بجوده ورحمته وعفوه ومغفرته ، وألا يعامله بقوته وعزته وعدله وان يصبرك انت وشريف (بارك الله لك فيه وجعله ذرية صالحة وقرة عين لك ولوالده)
ولا تنسي ان تعملي على انشاء اي شيء يكون صدقة جارية لوالدك والدعاء له انت واخوتك فليس هناك شيء ينفعه الآن إلا ذلك،
البقاء لله

عايش... ولكن !!!! said...

انا لله وان اليه راجعون
لله ما اعطى ولله ما اخذ
اذا مات ابن ادم انقطع عمله الا من ثلاث صدقة جارية او علم ينتفع به او ولد صالح يدعو له
صدق رسول الله قلى الله عليه وسلم

واعتقد هو بحاجه اليكى وليس بحاجه الى كمية لو التى لا اكره فى كلمات اللغه العربيه مثلها
اتمنى ان تتأقلمى سريعا

مش عارف اقولك ايه غير ربنا يصبركوا ودعواتى لوالدك بالرحمه والمغفره

رئـــــيسـة حزب الأحلام said...

لا اله الا الله
بجد عبرتى بطريقة خلت الواحد عايز يعيط حسيت انى عايشة كل الاحداث بجد ربنا يجعل مثواه الجنة يارب
وادخله الله فسيح جناته
البقاء لله

البت المشمشية حلوة بس شقية said...

ربنا يصبرك
انتى قوية
وده اختبار ربنا وانتى ادو

خمسة فضفضة said...

السلام عليكم ورحمة الله وبركاته

ماتتصوريش يا خيخه كلامك عمل في ايه ، ماحسيتش بنفسي الا والدموع نازله من عينيا


الله يرحمه ويغفرله يارب

ويارب تكون آخر الاحزان يارب

أخـــ مسلمة ـــت said...

البقاء لله حبيبتي
ابدله الله دارا خيرا من داره واهلا خير من اهله
وتغمده بواسع رحمته
واثابكم علي صبركم الجميل

حبيبتي
بلاش لو كتير
"لو تفتح عمل الشيطان"

ربنا معاكي

عاشــــــ النقاب ـقــــة"نونو" said...

قلبتي علي اللي عمري ما نسيته ابدا
رحمة الله على والدك ونني عيني اخويا واموات المسلمين

حياة said...

البقاء لله كما ان الله اعطى وان الله استرد ودائعه فليس هناك شئ غالى على الله وان الاخرة هى دار الحق وان الدنيا دار الباطل وانشاء الله اخر الاحزان

سلسبيل said...

البقاء الله..ربنا يغفر لوالدك ويتجاز عن سيئاته ويجعله في الفردوس الاعلي
والله مش ببالغ بس انا اول مره اقرا كلام من حد ماعرفوش عن حد معرفوش وابكي بالشكل ده
ربنا يرحمه يارب ويصبركو جميعا

فاتيما said...

غياب الأحباب
يكثف حضورهم
حتى لو كان الوالد الله يرحمه و يحسن إليه بالنسبالك أب و مش صديق مقرب
لكنه كان نعم الأب
و تفاصيله البسيطة بتتجمع سوا
و تعمل صورة كبيرة متنمحيش من الذاكرة مهما الواحد كبر
و أستقل بحياته
امومتك ليها دخل كبير فى تقديرك
لمكانة والدك
لأنك بقيتى حاسة بغلاوة الضنا
و عذابات الأباء و الامهات عشان ولادهم يبقوا احسن ناس
تعرفى إنى عملت حاجة شبههك و شايلة نضارة بابا بتاعة النظر
و حاجات كتير من ريحته
و كان بيحكلى قصة شبه بعجورة كدا
بس كانت عن معزة اسمها امل
المفروض على اسمى
و كانت بتعمل مصايب زيى
و يظهر إنه فلكولور أبوى مصرى صميم
قلبى وجعنى قوى من كلامك مع شريف
بس إنتى جاوبتى إجابات مقنعة
و مفيهاش اى خداع ليه
و لما يكبر هيفتكرها
و يقدر إنك لم تستخفى بذكاءه
و نصيحتى ليكى
عيطوا فى حضن بعض لحد ما العياط يخلص
عملت كدا مع يوسف لما عرفت خبر بابا
و ربنا يهون عليكى زى ما هونها على كل من فقد حبيب غالى
أحسن حاجة إنك كتبتى
و فضفضتى و خرجتى اللى جواكى كله
ربنا يصبركم يا حبيبتى و يعظم اجركم
و يجعلها آخر أحزانكم
و هتفضلى توحشينا
لحد ما تيجى المرة الجاية
حضونات كتير ليكى و لشريف حبيبى

رضوى said...

البقاء لله و ربنا يغفر لوالدك و يجمعكم معاه فى الجنة بعد عمر طويل إن شاء الله يا نوران

صاحب المضيفة said...

اللهم اغفر له وارحمه وتقبله في الصالحين

انا اول مرة اعرف الموضوع ده بجد


ربنا يلهمك الصبر والسلوان ويرضى عنه ويدخله فسيح جناته


تحياتي

أيــ كـلامــ said...

اللهم اغفر له وارحمه وغسله بالماء والثلج والبرد و نقه كما ينقى الثوب الابيض من الدنس

آمين آمين يا رب

البقاء لله

صبرني يارب said...

ربنا يرحمه وغفرله يا خيخه

اجمدي كده يا بت بلاش خيخنه صحيح

وما تقلقيش قلتلك على شريف هايبقى تمام الولاد الصغيرين اكثر تقبل مننا الامر

ولو كان بابا مات زمان كنتى هاتفتقديه اكتر

وان شاء الله بعد شويه هاتهدي اكتر وتعرفي ان كده احسن له هو ان شاء الله من انه كان يعيش مثلا يتعذب من الم ومرض

وان ربنا رحمه فعلا يعنى انتى شايفه الدنيا حلوه اوي يا اختي

وكلنا هانطلع الجنه بس قولي لشريف اننا هانطلفى في اسانسير مش سلالم بقى عشان تعب علينا يا اختي

وان شاء الله كل الذكريات الجميله الى انتى كاتباها دي هاتفضل كلها فى قلبك والوحشه بس هاتخف وتبعد وتتنسى شويه او ما عادتش هاتوجع اوي


واصبري يا خوخه واجمدييييييييييي

جعلوني مريض نفسيا said...

ربنا يغفر له ويرحمه ويدخله الفردوس الأعلي

يارب

مهندس مصري said...

ربنا يرحمه و يغفر له

كلامك مس قلب الواحد قوي

الله يرحمه رحمة واسعة من عنده

قوس قزح said...

كلامك يوجع اى قلب و يدمع اى عين

يمكن مقدرتيش تكونى له صديقة فى الدنيا بس دلوقتى تقدرى تكونى له الابن الصالح اللى بيدعو له بالمغفرة و الرحمة

ربنا يصبرك و يغفر له

همس الاحباب said...

ان لله وانا اليه راجعون
والبقاء والدوام لله وحده
ربنا يتغمده برحمته ويدخله فسيح جناته
ويلهمكم الصير والسلوان
بصراحة البوست يوجع قوى قوى
يجعل القلوب تدمع قبل العيون

BASMA said...

البقاء لله وحدة
تعيشى وتفتكرى يا حبيبتى

محمد said...

أنسان جميل
عبر الحياه فترك فيها
أبناء وحفيد صالحين
ولا أزكيكم على الله
ولكن أعمالكم دليل عليكم
أب عندما تتذكريه
تتذكرى حبه وخشيته من الله
وتتذكرى التزامه بمسؤليته
خوفه عليكم استعداده للتضحيه
الاب والجد والزوج
رحمه الله تعالى واسكنه فسيح جناته

الفراغ said...

الله يرحمه ويرحم جميع امواتنا
بنتى الحبيبه
فضفضى واتكلمى فانا وغيرى نسمعك ونشعر بكى
وربنا يجعل العوض فى ابنك شريف وجوزك هانى
وربنا يصبر امك ولكنى ارجوك لاتتركى ماما لوحدها
فلقد جربت الوحده بعد وفاة زوجى
ومازلت فيها حتى الان

عفاكى الله من الوحده وعذابها واطال الله فى عمر والدتك حتى تكون الصديقه والاخت والحبيبه فليس لها سواكم انتى واخوتك

وومن said...

نوران مش قادره حاجة اول مرة اكتب تعليق بدموعي

مدينـة من النسـاء said...

مش عارفه اقولك ايه
بس سافرت معاكى بجد ليوم وفاة بابا
مش هاقدر اقولك هو كان ايه ولا كان نفسي في ايه
بس عارفه يعنى ايه الموت لما يوجع اوى
ودموعنا تحرقنا بجد وهى بتغرقنا
وياريتها تهدي جزء صغير فينا
ياريتها ايدين تطبطب ولا تمسح دموعنا كنا بكينا ماسكتناش
يارب الصبر والرحمه من عندك يارب

البقاء الله

جنّي said...

السلام عليكم
اللهم اغفر له وارحمه واسكنه الجنة ..والهم اهله الصبر والثبات

من حديث أبي هريرة رفعه " إذا مات ابن آدم انقطع عمله إلا من ثلاث " ومنها الولد الصالح يدع له .. ادعيله كثيرا ولا تتوقفي عن الدعاء له في كل صلاة وانتي ساجدة ..

عاشقه الرومانسيه said...

اقسم بالله العلى العظيم
عمرى ماقريت بوست وبكيت عليه بالشكل ده
طيب انتى بالنسبالك كان بابا وبس يعنى مش صديق

تقولى ايه للى كان ابوها كل حياتها وكل اصحابها وهو الدنيا
كان تؤام روحى واكتر واحد فى الدنيا قريب منى

هو اللى بيفهمنى
فعلا والله
كان بيفهمنى ومن غير ما اتكلم كنت معاه كتاب مفتوح

مقدره احساسك جدااااا
لانى رغم كل ده كنت جامده قوى فى وفاته
لدرجه انى دخلت لحد القبر وشفته والناس بتنزله قبره

يعنى بيقولوا ان السكينه كانت سرقانى ومن شده الالم ما كنتش حاسه

وفعلا انا حسيت بوفاته بعدها بفنره كبيره اكتر من شهر
ويومها انهرت وعيطت كتيير جدا
ولحد النهارده بابكى عليه
ومش قادره اواجه الدنيا من غيره

حبيبتى الشئ الوحيد اللى بيتولد كبير ويصغر مع الوقت هو الحزن

ادعيله وحزنك هيجى عليه وقت ويهدى ويقل

احمدى ربك
انه استرد امانته بعد ما علمك وكبرك وجوزك

احمد ربك انه كان هو وكيلك يوم فرحك وهو اللى حط ايده فى ايد جوزك

احمدى ربك انه شاف حفيده ولعب معاه

ادعيله واقراى له قران كتير
ده اللى هينفعه
وعمله فى الدنيا موصول بيكى وباخواتك

ربنا يصبرك يارب
ويرحمه برحمته التى وسعت كل شئ
انه ولى ذلك والقادر عليه

البت المشمشية حلوة بس شقية said...

اان قريت البوست لتانى مرة واعصابى سابت
ربنا يكون فى عونك بجد
ويصبرك

Anonymous said...

بسم الله الرحمن الرحيم
" قل لن يصيبنا إلا ما كتب الله لنا "
" كل نفسٍ ذائقة الموت"
" أقصى ما يمكنني عمله هو ارسال هذه الكلمات فسامحيني"
اللهم صبرك و إلهم أهلك الصبر و السلوان
هكذا حال دنيانا تسلب منا اعز و أقرب الناس
تثبتي و آمني بقضاء ربك و قدره
و ما يصبرنا على ما ابتلينا به اننا نحتسبه عند ربنا في جنات الفردوس الأعلى
خالص عزائي لكي و للأسرة الكريمة


أبو ملك

Rania said...

البقاء لله ربنا يصبرك ويقويك ويعوضك ان شاء الله خلي ايمانك بربنا قوي حتي تستمدي من الله قوة الاحتمال والصبر يارب تكون أخر الاحزان في حياتك وربنا يباركلك في شريف ويطلع زي جده في طيبته وحنيته معاكي اللي ربى مماتش وكان الله في عون والدتك فكوني جنبها على قد ما تقدري
عظم الله اجركم

m5m said...

وجعتينا قوى
قوى
قوى

ربنا يرحمه و يجعل مثواه الجنة
ربنا يصبرك ويخللى لك ابنك الملاك الصغير

فرنسا هانم said...

والله والله والله والله عرفت الخبر لسه داخله النت دلوقتى
انا مش عارفه اقول ايه
كان نفسى اكون جنبك فى شدتك زى ما لقيتك جنبى فى شدتى
خلى بالك من نفسك يا خيخه
انا بحبك قوى
ومش عارفه اكتب
انا متلخبطه
صدقينى والله
مش عارفه اكتب
البقاء لله
ربنا يرحمه ويغفر له

esraa said...

ربنا يرحمه ويغفرله ويصبركم يارب

انا حرة said...

مش عارفة اقولك ايه بجد
ربنا يصبرك و يهون عليكى و يقوى قلبك و يغفرله و يرحمه و يثبته عند السؤال
كلامك هزنى من جوايا و بجد مش لاقية كلام ارد بيه
الله يرحمه

آخر العنقود said...

يااااااااااا عليكى ياخيخة
اسلوبك مؤثر قى بجد
فكرتينى بكل حاجة
اللى عمري اصلا مانسيتها
ربنا يقويكم ويصبركم يارب
ويبارك في شريف ويخليهولك

zainab said...

عزيزتى نورا

أنا للأسف أول مرة أدخل مدونتك و أسمع هذا الخبر

البقاء لله

و انا لله و انا اليه راجعون

اللهم ارحمه و اسكنه فسيح جناتك و اجعل قبره روضة من رياض الجنه

اللهم ارحم موتانا و موتى المسلمين

تقبلى مرورى

مسدس صغير said...

والله انا اتأثرت جدا جدا بكلامك خلاص كنت هعيط ان لم يكن عيط بالفعل .. ربنا يرحمه ويسكنه فسيح جناته ويجعل قبره روضة من رياض الجنة ويزيده بالاحسان احسانا وبالاساءة عوا وغفرانا..

Diyaa' said...

إنا لله وإنا إليه راجعون
مفيش خيخنة خالص ومش هعرف أتكلم دلوقتي..بس ربنا يتقبل دعائك ويجمعكم بيه في الجنة بإذن الله

! أم مصرية said...

البقاء لله ، و اللهم يغفر له و لأموات المسلمين جميعا ، و يجعل قبره روضة من رياض الجنة يا رب ..

الذكريات على قد ما بتوجع فى الأول ، على قد ما بتكون عزاء بعد كده ، كأنها نوع من الحياة ، نحتفظ بها داخل قلوبنا لمن نحبهم و يختارهم الله قبلنا.

أحيانا أدعوا الله أن يجعل يومى قبل يوم أبى و أمى كما تمنيت أنتى لكننى أتذكر الأبندوى حين قال يوما إوع تعيش يوم بعد ما يموت ولدك ، و ينقبض قلبى .، و أشعر بأننى أنانية

رد فعل شريف عادى بالنسبه لسنه ، بس المهم انك تاخديه فى حضنك كتير ،و تتكلمى معاه ، و تكونى صبورة

يارب يصبرك انت و شريف و مامتك و اخواتك و يغفر له و يجعلها يا رب آخر الأحزان

الفقيرة إلى الله أم البنات said...

البقاء لله
رحمه الله وجعل منزلته الفردوس الأعلى

اعرف احدهم اسمه محمد جمال الدين
وهذا اسمه لوحده مش ثلاثى
ولكنه عكس والدك فى كل شئ
قى كل شئ
هل تعتقدى ان وفاته هتكون فى ميزان حسنات ولاده مثل وفاة والدك
ان شاء الله وفاة والدك فى ميزان حسنات
وذكرياتك معه ستكون خط تسيرى عليه عندما تتداخل الخطوط

Rana said...

البقاء لله
اللهم اغفر له و ارحمه و عافه و اعف عنه و اجعل قبره روضة من رياض الجنة و احشره مع الانبياء و الصديقين و الشهداء
احتسبي و ربنا معاكي

Tamer Alhosiny said...

اللهـم .. يا حنَّان يا منَّان يا واسع الغفران اغفر له و ارحمه و عافه و اعف عنه
و أكرم نزله و وسع مدخله و اغسله بالماء و الثلج و البرد و نقِّه من الذنوب
و الخطايا كما ينقَّى الثوب الأبيض من الدنس

اللهـم .. أبدله داراً خيراً من داره و أهلاً خيراً من أهله و زوجا خيراً من زوجه
و أدخله الجنة و أعذه من عذاب القبر و من عذاب النار

اللهـم .. إن كان محسنا فزد في حسناته و إن كان مسيئا فتجاوز عنه يارب العالمين

اللهـم .. آنسه في وحدته و آنسه في وحشته و آنسه في غربته

اللهـم .. اجعل قبره روضة من رياض الجنة و لا تجعله حفرة من حفر النار

اللهـم .. ارحمه تحت الأرض و استره يوم العرض و لا تخزِهِ يوم يبعثون

اللهـم .. يمِّن كتابه و يسِّر حسابه و ثقِّل بالحسناتِ ميزانه و ثبِّت على الصراط أقدامه
و أسكِنه في أعلى الجنات في جوار نبيِّك و مصطفاك صلى الله عليه و سلم

اللهـم .. أمِّنه من فزع يوم القيامة و من هول يوم القيامة و اجعل نفسه آمنةً مطمئنة ، و لقِّنه حجَّته

اللهـم .. اجعله في بطن القبر مطمئنا و عند قيام الأشهاد آمن و بجود رضوانك واثق و إلى أعلى علو درجاتك سابق

اللهـم .. حل روحه محل الأبرار و تغمَّده بالرحمة أثناء الليل و النهار برحمتك يا أرحم الراحمين

اللهـم .. أوصل ثواب ما قرأناه من القرآن العظيم إليه و ضاعف رحمتك و رضوانك عليه

اللهم إني أسألك بمنك وكرمك أن تتغمد الفقيد برحمتك الواسعه

وأن تجعل قبره روضه من رياض الجنه

وأن تثبته بالقول الصالح

فلة said...

ربنا يرحمه ويجعل مثواه الجنة

maiosh said...

السلام عليكم ورحمه الله وبركاته
إن لله وان اليه راجعون
البقاء لله وان شاء الله في الجنه
ونعيمهاوان شاء الله يجعلها اخر الاحزان
انا متابعه جيده ليكي ولكل ما كتبتيه من قبل وأول ما قريت البوست ده قولت لازم ابعتلك واعزيكي في والدك انا مي مصريه عايشه في الامارات حبيت كل اللى كاتبتيه وبتعلم منك حاجات كتير اولها تربيتك لشريف ربنا يخليهولك يا رب ويحميه وتشوفيه احسن الناس ان شاء الله وتاني حاجه الخير والتجمعات اللى انتي بتعمليها اللى ربنا هيجازيكي عليها كل خير واللى اعتقد ان والدك غرسها فيكي من وانتي صغيره
انتي ونعمه الابنه لان والدك عرف بجد يربي انتي الابنه الصالحه وده عمل الاب
عن أبي هريرة رضي الله عنه أن الرسول صلى الله عليه و سلم قال: ( إذا مات ابن آدم انقطع عمله إلا من ثلاث: صدقة جارية، أو علم يُنتفع به أو ولد صالح يدعو له) رواه مسلم
وانتي الابنه الصالحه، ربنا يقويكي ويصبر قلبك يا رب

اختك مي

يا مصر اكتب إليكي رسائلي said...

الأخت العزيزة
صادق المشاعر بأحزانك ـ صادق المشاعر بأحزان الأسرة الكريمة ، له الرحمة والعفو والمغفرة ـ ولكم الصبر والسلوان ..
اسمحي لي ، يمكن الموقفين دول يوضحوا ليكي كيف ان الله معه ومعك ـ وقد تبتسمين فخرا ـ لأن الله سبحانه وتعالي قد قرأ مشاعركم ـ وعشان كمان تعرفي ان ربنا سبحانه وتعالي عارف انك خيخة واي كلام ، وحب يوضح ليكي ان ما فيش خوف ـ لا دنيا ـ ولا أخرة ـ على مثل أبيك :
الموقف الأول :
بابا نايم على جنبه الشمال
ومنكمش على نفسه
ولوهلة احس انه ابنى
وعايزة اخبيه فى حضني
الموقف الثاني :
بابا يشاورلى علشان اجى
اقرب منه ياخدنى فى حضنه
ويقولى خدى بالك من نفسك انا بحبك اوى
متخافيش عليا انا هابقى كويس
ابوس بابا فى خده
الا يعلم الله ما بالقلوب
الدوام لله والبقاء لله
تقبلي كلماتي

blackcairorose said...

ربنا يرحمه ويصبركم جميعا

لا أدرى ماذا اقول فكلماتك تصغر عندها أى كلمة عزاء

واعرف ما تشعرين به فقد خبرت هذه الاحاسيس منذ عدد قليل من السنوات

Mohammad Fathy محمد فتحي said...

عظم الله اجرك
وأحسن عزائك
وغفر لميتك
ان لله ما اخذ
وله ما اعطى
وكل شئ عنده بقدر

اللهم اغفر له وارحمه وتجاوز عنه

soaad fakoory said...

البقيه فى حياتك
ويجعله مع القدبسين والبركه فيكى وفى شريف.. و

مصطفى أبوزيد said...

إنا لله وإنا إليه راجعون
البقاء لله

زوجه said...

البقاء لله يأم شريف

فرنسا هانم said...

خيخه يا حبيبتى انا جايه اطمئن عليكى
والنبى تطمنينى عليكى
انا كنت هنا امبارح وقدمت العزاء
وانهارده جايه اطمئن عليكى انتى
بجد كلامك فى البوست ده وجعنى جدا
خلى بالك من نفسك
ومن شريف
ومن جوزك
ومن محبينك

الباز أفندى said...

لله ما أعطى ولله ما أخذ

ربنا يرحمه ويرحمنا جميعا

GiGi said...

انا لله وانا اليه راجعون هونى على نفسك
ربنا يرحمه ويسكنه فسيح جناته يارب

tamer.sala7 said...

الهم تجاوز عنه واغسله من ذنوبه بالماء والثلج والبرد ونقه من ذنوبه كما ينقي الثوب الابيض من الدنس
ووسع له في قبره واجعله روضة من رياض الجنة لا من حفرالنار وعامله بالاحسان والفضل
فانك اهل الرحمة والمغفرة والفضل
وصبر اهله واجرهم في مصيبتهم فيه واخلفهم خير منه
ورحمنا جميعا يا الهي
وصلي الله على النبي محمد وعلى اله وصحبه اجمعين

ربنا يصبرك

Desert cat said...

لله ما اعطى لله ما اخذ
البقاء لله يا نورا
الله يرحمه ويجعل مثواه الجنة

ňįĝŗő said...

عيطي
عيطي جامد
نهنهي
لما حاول صحابة النبي عليه الصلاة و السلام أن يردوه عن حزنه الشديد لوفاة و لده ابراهيم قال :
" ما عن الحزن نُهيت
و لكن عن رفع الصوت بالبكاء
و إن ما ترون بي من أثر ما في القلب من محبة و رحمة
و من لم يُبدِ الرحمة لم يُبدِ أحدٌ عليه الرحمة"

بس أقولك على حاجة كمان أحلى

وَالْعَصْرِ
إِنَّ الإِنسَانَ لَفِي خُسْرٍ
إِلا الَّذِينَ آمَنُوا وَعَمِلُوا الصَّالِحَاتِ
وَتَوَاصَوْا بِالْحَقِّ وَتَوَاصَوْا بِالصَّبْرِ


رحم الله أباكِ
و تقبل دعائكِ و دعائنا
و ألهمك الصبر و حُسن التصرف



البقاء لله يا نونا

dodda said...

ربنا يعينك

Anonymous said...

اللهم اغفر له ولجميع اموات المسلمين
وانزل الله عليكي من الصبر والرضا
ما يجعلك من عباده الخلصين
احمد الغانم

دعاء مواجهات said...

ربنا يرحمة رحمة واسعه ويتغمدة فسيح جناته ويغفر له ذنوبه جميعها

ويجعلكم له نعم الابناء الصالحين

البقاء لله

مفقوووووع جدا said...

انا كمان بابا مات من خمس شهور
كلامك ده يا نوران جرحني اوي
لاني حسيت انه من لساني
وحشتني اوي يا بابا
ربنا يرحمهم جميعا

entropymax said...

الله يرزقكم الأجر و الصبر
ويغفر لوالدكم و يعلي درجاته
الله يبدله دارا خيرا من داره و أهلا خيرا من أهله
ويجمعكم به في دار الأخيار

Jana said...

تبدو الكلمات صغيرة جدا فى هذه المواقف
وأعلم انها لا تكفى ابدا مهما طال الوقت
لذلك فالدعاء هنا أفضل من اى كلام

ربنا يرحم والدك ووالدى وأموات المسلمين ..ويدخلهم جنته دون سابقة عذاب..ويجمعنا بيهم على خير

أليس في بلاد العجائب said...

حدثنا ‏ ‏علي بن محمد ‏ ‏حدثنا ‏ ‏عبد الله بن إدريس ‏ ‏عن ‏ ‏عبد الرحمن بن سليمان ‏ ‏عن ‏ ‏أسيد بن علي بن عبيد ‏ ‏مولى ‏ ‏بني ساعدة ‏ ‏عن ‏ ‏ أبيه ‏ ‏عن ‏ ‏ أبي أسيد مالك بن ربيعة ‏ ‏قال ‏
بينما نحن عند النبي ‏ ‏صلى الله عليه وسلم ‏ ‏إذ جاءه رجل من ‏ ‏بني سلمة ‏ ‏فقال يا رسول الله أبقي من ‏ ‏ بر ‏ ‏ أبوي شيء أبرهما به من بعد موتهما قال ‏ ‏نعم الصلاة عليهما ‏ ‏والاستغفار لهما وإيفاء بعهودهما من بعد موتهما وإكرام صديقهما وصلة الرحم التي لا توصل إلا بهما ‏

------------

‏حدثنا ‏ ‏أحمد بن منيع ‏ ‏حدثنا ‏ ‏روح بن عبادة ‏ ‏حدثنا ‏ ‏زكريا بن إسحق ‏ ‏حدثني ‏ ‏عمرو بن دينار ‏ ‏عن ‏ ‏عكرمة ‏ ‏عن ‏ ‏ابن عباس ‏
‏أن رجلا قال يا رسول الله إن أمي توفيت أفينفعها إن تصدقت عنها قال ‏ ‏نعم قال فإن لي مخرفا فأشهدك أني قد تصدقت به عنها ‏
‏قال ‏ ‏أبو عيسى ‏ ‏هذا ‏ ‏حديث حسن ‏ ‏وبه يقول أهل العلم ‏ ‏يقولون ليس شيء يصل إلى الميت إلا الصدقة والدعاء ‏ ‏وقد روى ‏ ‏بعضهم هذا الحديث ‏ ‏عن ‏ ‏عمرو بن دينار ‏ ‏عن ‏ ‏عكرمة ‏ ‏عن النبي ‏ ‏صلى الله عليه وسلم ‏ ‏مرسلا ‏ ‏قال ‏ ‏ومعنى قوله إن لي مخرفا ‏ ‏يعني بستانا

تخاريف خاصه! said...

ربنا يرحمه ويغفرله ويجعل مثواه الجنه هو وجميع موتى المسلمين...

ربنا يثبته عند السؤال ويعفو عنه يارب...

ربنا يصبركو يارب..

وفاء بركات said...

السلام عليكم ورحمة الله وبركاته
أتقدم ليكي بالعزاء وأدعو لك وللعائله بالصبر والسلوان وأدعو للفقيد بالرحمه والمغفره وسكن الجنه والنعيم فيها
أبكيتني فكلماتك ذكرتني بموت أبي رحمة الله عليه وكان عمرى48ولكني أحسست باليتم وللأن أبكيه
ربنا مايحرم إبنك منك ولا من أبيه
وتفرحي به وبأحفاده
تقبلي من العزاء والدعاء لوالدك بالرحمه والنعيم في دار البقاء ولك والعائله بالصبر

ريهام العربي said...

البقاء لله

ربنا يصبركو علي فراقه
ويغفرله ويرحمه ويعفو عنه ياااااااااااااااااارب

والله حاسه بيكي و مش هقولك الايام هتمحي
حده الالم
اللي انت حاسه بيه لان ده مبيحصلش بس الحياه بتمشي وديما مبيبقاش غير الذكريات الحلوه حاولي تكتبيها كل لما تفتكر حاجه لان مشاغل الحياه بتنسي كتير

البقاء لله يا قمر عليكي بالصبر والصلاة والدعاء وقراءة القرآن تذكري ان ينقطع عمل الميت الا من ثلال ومنها ولد صالح يدعو له

عابد الرحمن said...

بقالي يومين يا نوران مش قادر ارد على البوست
عشان بيوجعني وخصوصا اني لسه حاسس ومارر بيه قريب
لو انتي شوفتي باباكي وهو في سكرات الموت
انا والدي مات في حضني واحنا في العربية ومادينه المستشفي يمكن تلحقه
بجد مش عارف اقولك ايه
البقاء لله يا نوران
ومحدش يغلي على ربنا
الفراق صعب اوي
بس ايمانا ان شاء الله اقوى
في حفظ ربنا
ادعيله اوي يا نوران
مفيش اي حاجة هتنفعه دلوقتي غير دعاءك ليه في كل وقت
في الصلاة وبره الصلاة

الطالبة عفو الله said...

انا لله و ان اليه راجعون
ياما قريت كلام مؤثر و ياما قريت كلام وجعني و يا ما قريت عن حالات وفاة

بس عمري ما تاثرت زي ما قريت كلامك

ممكن اكون معرفكيش و لا اعرف والدك الله يرحمه

بس مش عارفة الدموع بتنزل من عيني لطريقة غريبة

حوارك مع شريف كان مؤثر اوي هزني من جوا وجعني مش عارفة اوصفلك

ربنا يرحم والدك و يسكنه فسيح جناته

و انا لله و انا اليه راجعون

ريمان said...

البقاء لله حبيبتى

اسال الله ان يرحمه ويدخله الفدوس الاعلى

وان شاء الله هتلتقى بيه فى الجنه

Gannah said...

نويت ادعى لوالدك وللفارس الملثم فى العمرة وقعدت أفكر نفسى والحمد لله افتكرت وبعدها بقى روتين كل ما ادعى لابويا رحمه الله ادعى لوالدك ولمحمد وأسأل الله ان يتقبل الدعاءويرحمهم وكل
موتى المسلمين
تحياتى

صيدلانيه طالعه نازله said...

و الله مش عارفه اقولك ايه انت لخصت حياتك تقريبا كلها فى بعض السطور و كل اللى اقدر اقوله لك ان ربنا يرحمه و يغفرله و يثبته عند السؤال و يجعل قبره روضه من رياض الجنه و يصبرك و يصبر والدتك و اخواتك على الفقد

عبدالله said...

مازلت احاول ان اعلق علي كلامك رغم مضي ايام عديده منذ ان قراته من اصعب المشاعر الحزن واصعب من الحزن ان توصل احساسك بصدق وقت الحزن وقد وصل لم اعلم انني لازلت اقراء الا عندما وجدت بعض من دموعي الي فعلا بجد مش متعود اشوفها في اشد اوقات الحياة بس للمشاعر طبيعة اخري
ربنا يصبركوا ويرحمه

تحياتي

فاتيما said...

يا ترى عاملة إيه يا نوران النهاردة
و شريف إزيه دلوقتى ؟
و مامتك و ناريمان و آسر
يا ربت تكونوا دلوقتى أهدى شوية
عن ذى قبل
ربنا يصبر قلبكم و يهون حملكم
حبى الخالص يا حبيبتى

son's egypt said...

السلام عليكم
البقاء لله وحده
وعظم الله اجره

Anonymous said...

عفر الله له
واسكنه فسيح جناته

ماجد said...

روى جابر بن عبدالله – رضى الله عنه – فقال سمعت رسول الله صلى الله عليه وسلم يقول ( من كان له ثلاث بنات يؤدبهن ، ويرحمهن ، ويكفلهن ، ويزوجهن ، وجبت له الجنة البتة )) .

قيل : يارسول الله ، فان كانتا اثنتين ؟

قال : (( وان كانتا اثنتين ))

قال : فرأى بعض القوم ان لو قالوا : واحدة ، لقال : واحدة .

وهو وللة الحمد ربنا وفقة انة يعمل دة فاحسبة فى الجنة انشاء اللة وعليك بالصدقة والدعاء عنة انا عندى تلات بنات لما ربنا رزقينى بيهم قلت الحمد للة انك يسرت ليا السبيل لدخول الجنة وبجد بتمنى انى لما اموت يكونوا زى ما انا شايفك كدة دلوقت ويفتكرونى بالطريقة اللى بتفتكرى بيها والدك
وانا للة وانا الية راجعون

Anonymous said...

دي اول مرة اعلق على بوست انا بتابابع المدونه بتاعتك من زمان بس دي اول مره اعلق انا بعيط دلوقتي انا والدي مات من 11 سنه ماتتصوريش كلامك اثرفي ادي انا وسط نوبت عياط دلوقني انا معرفكش ولا اعرف بباباكي بس البقاء لله ربنا يرحمه ويغفرليه ويتجاوز عنه ويصبرك انا حسيت باباك هوباباي وصدقني وانا بقرا البوست بتاعك اتمنات ان انواهو مايموتش انا كونتش اعرف انوالدك مات غير من البوست دا البقاء لله البقاء لله البقاء الله

عاشقه الفردوس said...

انا لله وانا اليه راجعون

ادخله الله فسيح جناته وتجاوز عن سيئاته رزقه صحبه ومجاوره الرسول الهم امين

والهمكم الصبر اللهم امين

خيخه انا بقالي 4 ايام بتصل بيكي ليه موبايلك غير متاح

Bella said...

إنا لله وإنا إليه راجعون

رحمه الله رحمة واسعة واسكنه فسيح جناته وغفر له وألهمكم الصبر والسلوان

البوست مؤلم لاقصى درجة خاصة طريقة تعاملك مع ابنك
ربنا يصبرك

فكرتيني بيوم وفاة والدي لان مات بين ايديا
ربنا يرحم الجميع يارب

لاتتصوري ان حياتك كانت ستكون اسهل لو ان والدك توفاه الله وانت صغير لان الامك وعذاباتك ستكون مختلفة ولكن لاتتصوري انها ستكون اقل او اسهل من وانت طبيرة
تصوري انك كنت ستفتقديه في مواقف كثيرة تمر بك وهو غير موجود وتقولي لو كان بابا موجود في الوقت ده كان ياترة حصل ايه
على الاقل هو رحل بعد أن ترك لك ذخيرة جميلة من الذكريات التي تتذكريها وتتذكريه بها في كل موقف يمر بك.

ربنا يصبرك ويصبر والدتك لان حياتها بدونه ستكون أصعب كثيرا ولا تتركيها وحدها لفترات طويلة

شدي حيلك وأدعيله كتير وتصدقي عليه على قدر طاقتك

ولا تنسي ولد صالح يدعوا له

لقد خلقنا الله احرارا said...

البقاء لله ربنا يرحمه ويصبركم ويرحم اموات المسلمين جميعا ويتجاوز عن سيئاتهم ويجعل مثوانا جميعا الجنة واحنا صغيرين كنا فاهمين ان الجنة حلوة علشان فيها اكل كتير وجنانين ولما كبرنا حسيت ان اجمل ما فى الجنة اننا نقعد تانى مع حبايبنا من غير مرض ولا حزن ولا قلق ولا نكد ----يارب ادينا العمر الطويل فى طاعتك واجمعنا مع احبائنا والمسلمين جميعا فى الجنة يا رحيم

Sherif said...

حتى وانت فى اصعب اوقاتك .. كل مشاعرك يقظة ..

اللهم هون عليك هذا المصاب الذى ادمعنا معك من رهافة شعورك

لم أكن أحب ان اقف هذا الموقف مع انسان له عندى تلك المعزة العالية .. والاحترام العميق .. لكن عزاؤنا على ألم الفراق اننا نلتقى بهم فى الجنة باذن الله .. حيث لا نفترق ابدا .. عن احبائنا

اللهم تغمده بفسيح رحمتك .. وخالص عفوك .. وايانا معه .. فالاحياء ايضا يحتاجون الرحمة

اللهم آمين

Dornen said...

البقاء لله

يا رب اغفر سيئاته و ادخله الجنة من باب رحمتك الواسعة

ربنا يصبرك و يصبر والدتك و اخوتك و اهلك

يا رب يباركلك في ابنك و يصبره


الَّذِينَ تَتَوَفَّاهُمُ الْمَلآئِكَةُ طَيِّبِينَ يَقُولُونَ سَلامٌ عَلَيْكُمُ ادْخُلُواْ الْجَنَّةَ بِمَا كُنتُمْ تَعْمَلُونَ [النحل 32

ojg said...

ربنا يصبرك بجد
كلامك صعب قوي
عليا بالذات
عشان والدي مات بالضبط بنفس الطريقةوالتفاصيل تكاد تكون واحدة
كمان أنا مكنتش قريبة قوي يعني منه
بس حبيته أوي بعد سنين من موته
تخيلي؟
كل ما كنت بحتاجه ومش بلاقيه كنت بحبه أكتر
وأنا كمان ماعرفتش اقول حاجه ساعة الوفاة غير كلمتين
خلاص؟؟
يعني خلاص؟؟
ماعرفتش أبكي
بس كل ما كان حد بيسمعني
كان بيبكي قوي
ربنا يرحمهم يارب
بكتيني قوي يا خيخة
قووووووووووووووووي
ربنا يتجاوز عن والدك ووالدي وموتى المسلمين
يغفرلهم ويرضى عنهم ويرضيهم
اللهم آمين

يوميات فنانه مفروسه جداا said...

نوران يا حبيبتي

البقاء لله

ربنا يرحمه ويغفرله وينورله قبره

ومتنسيش يا نوران

ولد صالح يدعو له
وكمان سورة الملك بتنور القبر

الله يصبر قلبك ويجعلها اخر الاحزان

فاتيما said...

أنا قولت أعدى اطمن يمكن يكون فيه جديد
طب لحد ما تعودى
بدعيلك زى كل الأحباب بكل الخير
و الصبر
و هبقى آجى تانى

heart of ocean said...

ربنا يرحمه يا رب و يغفرله و يتجاوز عن سيئاته و يُنير قبره و يجعله روضه من رياض الجنه ..

اسلوبك ابكانى بشده

ربنا يصبركم و يرزقكم الصبر و السلوان

حبيبه said...

البوست بتاعك خلاني بجد اعيط كتير اوي
لاني في الفترة دي مفتقدة ابويه اوي اوي
ربنا يرحمنا ويرحم اموات المسلمين

challenger said...

اولا البقاء لله
وخالص التعازي القلبيه

ثانيا كل ما استطيع قوله هو رحمه الله وموتى المسلمين واسكنه فسيح الجنان

والهمك الصبر والسلوان باذنه سبحانه وتعالى وجميع افراد الاسره الكريمه

Reem said...

ربنا يغفرله ويرحمه

و يكسنه فيسح جناته و نعيمه

و يصبركم على فراقه بجد

يارب يجعله من سكان الفردوس الاعلى و يجعل قبره روضة من رياض الجنة

الجواز و سنينه said...

و الله مش عارفه اقولك ايه
اكيد طبعا البقاء لله
و ربنا يرحمه و يرحمنا جميعا
عايزه اقولك انى كنت تقريبا من كتر وصفك شايفاكى و حساكى اوى
فيه كلام كتير قلتيه بيبين اد ايه انى انسانه شفافه و طبيعيه
و عايزه اقولك يمكن الكبير بيتألم اكتر لوفاه الاب او الام
لكن الصغير بيتمنى يوم واحد ينام و هو متطمن ان وراه ضهر يحميه
وجوده معاكى كان نعمه من الله عز و جل
كفايه انه رباكم و جوزك و حط ايده فى ايد جوزك و وصلك لبر الامان
ما تزعليش من كميه الالم اللى حاسه بيها
الالم بيتولد كبير و يصغر
بكره تفتكريه و تدعيله و تكون عندك الزكرايات اللى تحكيها لاولادك عن اللى علمهولك باباكى
ساعتها بس هاتحمدى ربنا انك استمتعتى اطول مده بوجوده فى حياتك

الشنكوتي الكبير said...

انا بجد يا خوخه مش عارف اقول حاجه
ومش عارف اجمع كلام مناسب يصبرك فعلا ويكون ليه فايده
كل اللي اقدر عليه ادعيله ربنا يرحمه ويرزقه اعلى درجات الفردوس الأعلى في الجنه
ربنا يصبرك ويرحمنا جميعا

سلاااااااااااااااااام
اخوكي ايهاب

GhaniM said...

إنا لله وانا اليه راجعون

اللهم تجاوز عن سيئاته واسكنه فسيح جناتك
اللهم ارحهم موتانا وموتى المسلمين

Anonymous said...

إرجعي بقى يا خيخة
وحشتينااااااااااااااا

Anonymous said...
This comment has been removed by a blog administrator.
أم محمد و عمر said...

السلام عليكم
للحيوان اللي كتب قبل مني علطول

اخرس جاك قطع لسانك و كسر ايدك اللي كتبت الكلام القذر ده

عايزة ادعي عليك و اقولك ربنا يحرق قلبك علي حد عزيز عليك عشان تجرب حالك هايكون عامل ازاي لما تقرا كلام حقير زي كلامك ده
بس ارجع و اقول ربنا يهديك انت و امثالك او يخلصنا منكم
جاتك القرف علي المسا

ان كنت مختلف مع نوران في وجهات نظر و لا في شئ هيه كتبته قبل كده
ده ماخلكش تقول كلامك البغيض ده

ألي الاخت نوران
ربنا معاكي انتي و عيلتك و لا تحطي في بالك كلام الحيوان ده
القافلة تسير و الكلاب تعوييييي

ربنا يخليلك ابنك و يغفر للوالد

سلام

آلاء محى said...

ربنا يرحمه

ويصبركم

حسام مصطفي إبراهيم said...

الله يرحمه
ويرحم موتانا
مدونتك رائعة بجد
دمت بكل خير
تقبلي مروري وتحيتي واحترامي

SostyPasha said...


ربنا يرحم والدك يارب يا ابلة نوران
..
تدوينتك قريتها مرتين و أثرت فيا جدا ومش عارفة اقول ايه بجد ..
بس انا بشكرك اوي
انتي خليتيني افتكر حاجات كتير لازم افتكرها
وخليتيني اقول في نفسي واقرر اني اقرب من بابا اكتر ..
وعايزة اقولك ان الفرق بين اللي والده مات وهو صغير واللي مات وهو كبير
انو اللي مات وهو كبير سابلو ذكرى وسابلو تاريخ ومبادئ في حياته وعلمه ورباه وكبروا .. وبقى نوران اللي مش خيخة
..
دي اول مرة ازور مدونتك يا ابلة نوران
كنت اتمنى اول بوست اقرأها تكون في ظروف غير دي ..
البقاء لله

Anonymous said...

البقاء لله انتى اقوى بكثير وليستى خيخة كنتى فى هذا الموقف مش خيخة خالص كنتى صالبة هى دة الدنيا بنستقبل ونوداع اعز الناس ان شاء الله فى الجنة معى الصحابة امين يا رب العالمين


قتطى

Diyaa' said...

عديم الإحساس اللي بيعلق بال
Anonymous
إنت فاكر إن ربنا هيسمع منك بتعليقك الحقير ده ودعائك علي طفل برئ وعلي إنسانة مسلمة بتمر بابتلاء ؟
مهما اختلفت معاها أنا مش لاقي مبرر للي إنت بتعمله ده غير إنك معندكش إحساس

Anonymous said...

السلام عليكم
البقاء لله و ربنا يصبرك انت و اهلك جميعا.
ربنا يغفرله و يرحمه و يجعل مثواه الجنه.



نسرين

m5m said...

فيه حيوان دخل هنا و ساب زبالة زيه و زى بيئته الواطية..أنا مش متخيل مين حقير فى العالم مها كانت حقارته وسفالته يدعى على طفل برىء و يشمت فى الموت؟

ايه السفالة و القذارة دى؟

حسبى الله ونعم الوكيل

والحيون بيبتدى كلامه بانشاء الله..هو اللى زيك يعرف ربنا يا زبالة

ربنا يصبرك ويكرمك فى ابنك وتشوفى ولاد ولاده ان شاء الله

رابطة هويتي اسلامية said...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

أليس في بلاد العجائب said...

ربنا يطمنا عليكم

(احمد سكر ) said...

السلام عليكم ورحمة الله وبركاته

كل ماادخل ابكى من كلامك معرفش اعلق

اخرج تاانى وارجع بعدها ادخل اقرأ كلامك عن الراجل الطيب

اللى احسن تربيتكم

الراجل المؤمن ابو اسر

الله يرحمه اقرأ كلامك واتذكر حنان ابى

رحم الله والدك واسكنه فسيح جنته

بكيت كثيرا من تعلق شريف بجده بكيت اكثر من تماسكك للان

وبقولك لازم تبكى لازم تبكى

لازم تخرجى اللى جواكى دا مش كويس ياام شريف

ربنا يصبرك يارب

اما بخصوص الحيوان صاحب التعليق انو نيمس

خساره فيه اى كلمه

وربنا يارب يسلط عليه كلب من كلابه

اتمنى اطمن عليكى قريب جدا

البقاء لله

احمد

MOURAD said...

السلام عليكم ورحمة الله وبركاته

يقول الله تبارك وتعالي في كتابه العزيز بسورة البقرة

وَلَنَبْلُوَنَّكُمْ بِشَيْءٍ مِّنَ الْخَوْفْ وَالْجُوعِ وَنَقْصٍ مِّنَ الأَمْوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ ، الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلَّهِ وَإِنَّا إِلَيْهِ رَاجِعُونَ ، أُوْلَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

وعليكي بالدعاء في كل وقت ..وتربية شريف كيفما تربيني .. وكيفيما كان يتصور المرحوم والدك

اللهم اغفر له وارحمه،اللهم تقبله بقبول حسن،اللهم اغفر له خطاياه،وضاعف له من حسناته ..أمين ..أمين ..أمين

MaNoO said...

مقدرش اتكلم ولا أرد لانى مش قادر ولا عارف اقول ايه

ربنا يرحمه ويسكنه فسيح جناته

حسام غانم said...

ربنا يرحمه ويسكنه فسيح جناته

اسلوبك رائع فعلا

الحرامي said...

ربنا يغفر له ويدخله فسيح جناته ويبدله دارا خير من داره واهلا خير من اهله
ويلهمكم الصبر والسلوااان

فتافيت said...

ربنا يغرله ويرحمه ان شاء الله
انا اتأثرت جدا بالبوست ده وبكيت كتير وحطيت نفسي مكانك كتير اوي
ربنا يصبرك ويغفر له

تحيااااتي

الحرامي said...

بصي يا خيخه مع انه ظرف مش مناسب
بس من باب التخفيف عنك انا قررت اسرقك وجاي ال ايه استأذن

dodda said...

انا لاجى كل يوم اطمن عليكى
ممكن تكتبى اى حاجه؟؟؟
طمنى الناس اللى بتحبك منغير ما تعرفى

طمنينى على شريف رضى يروح عند زيزى؟؟؟
ربنا يخفف عنك...

~ Heba ~ said...

البقاء لله يانوران

ربنا يرحم والدك ويسكنه فسيح جناته آمين يارب

قلبي وجعني قوي وحاسة قوي بيكي

شدي حيلك ياحبيبتي ان شاء الله تكون اخر الاحزان

انا اسفة بجد اني اتأخرت في الرد

dreem said...

انا لله وانا اليه لراجعون
البقاء لله نوران وربنا يجعلها اخر احزانكم
تعازيى للاسرة الكريمة

حاجات جوايا said...

ازيك يا نوران دلوقت
وازاى شريف
يارب تكونوا بقيتوا احسن وشريف تعايش مع الموقف
ربنا يصبركوا ويصبر مامتك
ويخليلك ابنك يارب
ترجعى بالسلامة يا جميل
فى انتظارك

sakayar said...

ربنا يصبركم ويعظم أجركم يا نوران
آسف على تأخري في التعليق .. صحيح عزيت حضرتك ف البوست السابق ... لكن البوست ده من يوم ما نزل وانا مش قادر أقول أي حاجة.... فلاش باك على حياة بتخلينا كلنا نعمل فلاش باك على حياتنا ونفتكر الغاليين والأحبة اللي كانوا معانا وفقدناهم
إن شاء الله نحسبه في جنة ونعيم
ويارب تكوني انتي وشريف وطنط والشباب أحسن دلوقتي
ربنا يفرحه بيكم في الجنة ويجمعنا جميعاً مع الحبيب المصطفى في رضوان من الله
حاولي ترجعي للكتابة شوية هتخرجك من أي مشاعر نفسية وهتخليكي ترجعي للحياة أفضل وبإيجابية أكتر
ومش تنسي موجود جنبك أجمل مخلوق ف الحياة ... شرفنطح
تحياتي نوران هانم

Shimaa Esmail said...

إنا لله وإنا إليه راجعون
البقاء لله، أبكيتني يا نوران. لم أعرف غير الآن.
ألهمك الله وكل الاسرة الصبر والسلوان.
"إن لله ما أخذ، وله ما أعطى، وكل شيء عنده بأجل مسمى، فلتصبري ولتحتسبي"
غفر الله له ورحمه وأسكنه فسيح جناته.

فضفضاتى said...

رساله للأخ اللى دعا على إبن أختى

كان ممكن ردى عليك يكون شتايم عمرك ما سمعتها أو دعوه عليك بإن ربنا يحرق قلبك على أهلك كلهم أو يحرق قلب أهلك عليك

إنما عملا بمقولة لا تجعل سفالة الآخرين تكشف عن سفالتك

عايز أقولك حاجه مهمه جدا

قال تعالى : {يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ }

وقال أيضا: (( ما يلفظ من قول إلا لديه رقيب عتيد ))

وقال رسول الله صلى الله عليه وسلم: ثكلتك أمك يا معاذ وهل يكب الناس في النار على وجوههم إلا حصائد ألسنتهم

وقال أيضا: من كان يؤمن بالله و اليوم الاخر فليقل خيرا او ليصمت

وأحب أقولك إن النبى عليه أفضل الصلاة والسلام قال: إتق دعوة المظلوم فإن ليس بينها وبين الله حجاب

ومش هاقولك أكتر من حسبنا الله ونعم الوكيل فيك وفى أمثالك من الجبناء

وبما إنى كتبت هنا أحب أشكر كل اللى قاموا بمواساتنا فى أبونا وأشكر كل اللى ردوا على الشخص اللى دعا على ابن أختى وأقولهم شكرا وجزاكم الله خيرا

أخوكم

آسر الشاملى

Here i'm said...

ربنا يرحمه و يغفرله و يرزقه الجنة و نعيمها و يحاكمه برحمته لا بعدله و يرزقه داراً خيرا من داره و أهلها خيرا من أهله و خلفا خير من خلفه ..

البقاء لله .. مفيش كلام يقدر يواسى حد عن فقدان والده .. البقاء و الدوام لله

عايز أتعلم said...

البقاء لله
ربنا يغفر له ويرحمه ويحسن اليه ويتقبل حسناته ويتجاوز عن سيئاته ويغفر له بمرضه وصبره
وابشرك بقول المصطفى صلى الله عليه وسلم فيما معنا الحديث .. ان المبطون (اي من مات بمرض في بطنه وصبر عليه ) كالشهيد في الاجر .. او كما صلى الله عليه وسلم

DaNDoNa said...

السلام عليكم

بجد مهما وصفتلك اد ايه البوست ده أثر فيا انتى مش هتتخيلى
كلامك وجعنى اوى
يمكن لانى مريت بنفس الظروف فى نفس الوقت تقريبا
بيوجع اوى لما شخص عزيز عليكى يضيع منك وماتعرفيش قيمته الا لما يروح وتحسى انك ماكنتيش قريبه منه زى ما لازم تكونى
نزلتى منى دموع كتير اوى كنت بحاول اخبيها

ربنا يرحمه ويرحم اموات المسلمين جميعا ويجعل مثواهم الجنه بأذن الله

عمرو فكرى said...

اول مرة من زمااااااااااااااااااان جدا اقرا بوست طويل ف اى مدونة .. وحتى بوستاتى او مقالاتى انا الشخصية واللى كلها كانت بتبقى طويلة بقيت ازهق من انى اقراها
بس قريت البوست ده كله



دمعت هنا

يسألنى
اسم المتوفى ايه
اقوله بابا


شريف يقولى مامى ابعدى بقى علشان عايز اقول لجدو كلمة سر



حقيقى صعب


الله يرحمه ويرحم جميع امواتنا

عمرو فكرى said...

بعد مرور شهرين ونصف تقريبا على قرياتى للتدوينة دى للمرة الاولى
اعترف ان دى تقريبا احد اكثر التدوينات اللى أثرت فيا


رحم الله كل اموات المسلمين

سامية عبد المطلب said...

وصلت هنا بالصدفة المحضة وانا أبحث عن عزاء أحد المعارف..
أعترف ان تدوينتك فريدة من نوعها.. رغم انها وصفت تجربة مرت بملايين الناس..
استطعت تدوينها انت لحظة بلحظة فاختزلت.. معك ..ذكريات وآلام الملايين
ضروري بابا عظيم جدا.. لأنه خلف بعده فتاة بتلك الأحاسيس والموهبة..
على فكرة كانت أول ما لفت انتباهي هو وصفك لنفسك بخيخة.. وهو الوصف الذي يتناقض تماما مع أفكارك التي قرأتها على يمين المدونة..
وهي قمة في البلاغة والحكمة..

لا أعلم ان كنت سأمر مرة أخرى من هنا .. ولكن لا شك تركتي في نفسي انطباعا.. لا يمحى أبدا.. اتمنى لك كل خير وسعادة ونجاح.. وان يعوض الله حزنك وصبرك خيرا
تقبلي إعجابي الشديد وفخري بك كفتاة مصرية .. جمعت معاني خالدة يصعب وصفها للأبوة والبنوة.. والوفاء في تدوينة واحدة

عمرو فكرى said...

سبع سنين يا نوران
ورجعت أقرا البوست ده تاني
وحسيته بنفس الوجع دلوقتي

الله يرحم الجميع

users online