Friday, March 06, 2009

يوم من عمري


أنا فرحانة
بلاليني منفوخة
مرتاحة

اليوم كان يجنن
اليوم من أوله مبشر بالخير

أولا
حمادة السواق على غير العادة
جه فى معاده ومتأخرش عليا

ثانيا
انا على غير العادة
جيت بدرى نوعا ما ومتأخرتش
يعنى كنت هناك الساعة عشرة الا عشرة

ثالثا
اول مارحت لاقيت
عدد من المدونين يشرح القلب

رابعا
الساعة عشرة وخمس دقايق
جاتلى احلى مكالمة فى حياتى كلها
مكالمة اثرت فيا تماما
وخلت بلالينى منفوخة
مكالمة لما حكيت لماما على تفاصيلها
ماما انهارت من العياط

واحد بيتصل بيا من السعودية
الشخص : الو مدام نوران
انا : ايوة يا فندم معاك نوران مين حضرتك
الشخص : انا منذر انا متابع حضرتك من زمان جدا
انا : ميرسى خالص شكرا ليك
منذر : والد حضرتك اسمه محمد جمال الدين زكريا مظبوط كدة؟
انا : اه ليه؟ هو انا هيتقبض عليا ولا ايه؟
منذر بيضحك : لا يا نوران
اصل انا امبارح
كنت بعمل عمرة للسيد الوالد رحمة الله عليه
وكنت بتأكد من ان الاسم صحيح
انا مبرقة عنيا وقلبى تقريبا طلع لحد مستوى الزور : ايه؟ نعم
وطبعا مش فاكرة اى حاجة تانية انا قلتها او منذر قالها
لحد هذه اللحظة انا عندى حالة غريبة
وشعور بيغمرنى بالامتنان لمنذر
او بمعنى ادق شعور بالامتنان ليكم كلكم
لا مش شعور بالامتنان
حاسة اني واخداكم فى حضنى
حاسة ان انا بحبكم اوى
حاسة ان انا عندى ثروة لا تقدر بمال
والثروة دى هى انتوا
بجد مكالمة منذر ليا وموضوع العمرة ده
مسببلى حالة مش عارفة اوصفها ابدا
حالة من الفرحة والزئططة
مع حالة سكون نفسى وراحة داخلية رهيبة
مع الاحساس الرهيب انى مفتقدة بابا
كنت محتاجة انى احكيله عليكم
واقوله الناس دى دعتلك
كنت عايزة اساله الدعوات وصلت ولأ
طب منذر عملك عمرة
ثوابها وصلك ولا لأ؟
بجد يا منذر انا مش عارفة اقولك ايه
ومافيش اى كلمات شكر تقدر تعبر عن اللى جوايا
بس بجد انت السبب
فى ان اضحك من قلبى النهاردة
وانت السبب فى راحتى النفسية
وانت السبب فى الشعور الجميل
اللى كان حاضنى النهاردة
كنت حاسة ان فيه حاجة طرية
وناعمة وريحتها جميلة حضنانى
انا كنت فرحانة اوى يا منذر
وانا اسفة يا منذر
عارفة انك اتصلت تانى
وزى مايكون قلبك حاسس
انى هاشردلك على المدونة
وطلبت منى انى ما قولش على مكالمتك لحد
بس انت نسيت حاجة مهمة جدا
انك بتكلم خيخة
وحط تحت اسم خيخة مليون خط احمر


المهم يعني يا رجالة
بسبب الأربع حاجات دول
اليوم كان يجنن

رايحين فين ؟
انا لسة مخلصتش كلامى

انا لسة هابتدى التفاصيل

الحاضرون
فاتيما
فاروق طالب ثانوي
اسامة عبد العال
ايهاب الشنكوتى
محمود فانكي دكتور
محمود الدوح ابو ابتسامة تجنن
كريم يوميات مطلق
عمرو
خالد همس الاحباب
ابى هانم بتنجاني
داليا قوس قزح
محمود رئيس جمهورية نفسه
ضياء
ايمى كله ماشى
هبة قلب ينبض بالحب
ياسمين يوميات فنانة مفروسة
رودي بنوتة مصرية
ميرا إمرأة بعقل رجل
ممدوح مخرج
مايكل مايكيليتو
أنا طبعا

المتبرعون
هبة قلب ينبض بالحب
ياسمين يوميات فنانة مفروسة
فاتيما روح قلبنا كلنا
ابى هانم بتنجانى
ايمى كله ماشى
ايهاب الشنكوتى
خالد همس الاحباب
محمود فانكي دكتور
محمود الدوح ابو ابتسامة تجنن
كريم يوميات مطلق
عمرو

وانا طبعا زى ما عودتكم دايما
كنت خيخة ووقفت وقفة خيخة
ومتبرعتش
نيهاهاهاهاهاهاهاهاهاهاع


ناس افتقدت وجودهم النهاردة
محمد عبد العاطى مجرد انسان
شيماء فضفضة
عسقول
نيجرو
الصباغ
والصباغ رغم انه جه بعد كدة
وقابلنا فى نادى الزراعيين
الا انى افتقدت وجوده معانا من اول اليوم
دعاء مواجهات
مروة زهرة الجنة


ناس حضروا بعد التبرع
استاذ شريف
محاسن صابر
كيارا
الصباغ


الخيخة الكبير
سوووو
وسوووو يا جماعة
اثبت انه خيخة زى حالاتى
وانه لازمن
وحتمن ولابد
انه يتقرص فى لباليبه
ويتعض فى خدوده
لييييييييييييييييه بقى؟
لانه قال انه جاى
وكتب ملحوظة مكلبظة عنده انه جاى
وعمل اييييييييييييييييييه بقى؟
ماجاش
اه والله ماجاش
يبقى يتقرص فى لباليبه ولا لأ؟
يبقى يتعض فى خدوده ولا لأ؟


انطباعات خيخية
البت ايمى عسولة وشقية

محاسن صابر اول مرة اشوفها
لكن هرجنا مع بعض واتعاملنا مع بعض
بطريقة زى مانكون
اصحاب و عارفين بعض من زمان

خالد همس الاحباب
جه متأخر شوية بعد ما دخلنا
بس كنت مبسوطة انه جه
لاننا انا وفاتيما ورودى
كان عندنا يقين انه برضه جاى
فالحمدلله انه ماخيبش ظننا فيه

عمرو حسيت انى شوفته قبل كدة

القاعدة بعد التبرع فى بنت السلطان
كانت جميلة والدردشة كانت ممتعة
وبجد المجموعة كلها كانت محترمة جدا
وبجد كنت حاسة ان النهاردة
فيه ألفة بينا وبين بعض
كنت مرتاحة فى الكلام
مع المجموعة اللى كانوا قاعدين معايا

أستاذ شريف
رغم انى مقعدتش معاه النهاردة
بس الراجل ده
يجننننننننننننننننن

داليا قوس قزح
كانت لابسة اسود احتراما لوفاة بابا
لاقتنى لابسة فوشيا
فاقتنعت اخيرا إني خيخة

ميرا كانت حاطة مانكير لونه اسود ومهبب
كان شكله مرعب جداااااااااااااااااااااااا



مبسوطة انى اخيرا شوفت هبة قلب ينبض بالحب

ياسمين فنانة مفروسة مابتقعدش جنب رجالة

فاروق طالب ثانوي
صغنن خااااااااااااااااااااااااالص
ربنا يوفقه وينجحه ان شاء الله

فاتيما فرحانة

ابى هانم بتنجانى فضحتنا
الناس اللى اتبرعت
محدش فيهم فتح بقه
لما حقنة سحب الدم
كانت بتضرب فى وريدهم
لكن هى اطلقت صرخة مدوية
وكانت على وشك
انها تضرب الممرضة بالشلوت


المجموعة كلها كانت
حاجة كدة تشرح القلب
وتحسسك ان بلدنا لسة بخير

بس خلاص

وكل الكلام اللى فوق ده
نطلع منه بحاجتين
ان النهاردة كان يوم جميل من عمرى
و إني بحبكم جداااااااااااا


انتهى
بت خيخة وأي كلام

65 comments:

ايوشة said...

ربنا يعينكم على فعل الخير دايما يارب
وربنا يقبل ان شاء الله

ňįĝŗő said...

:)
+
:)
+
:)
+
:(
+
تنهيدة


رزقك الله بالخير من حيث لا تعلمي

احساس طفلة محبة للرومانسية بس واقعية said...

ربنا يرزقك الرضا والهدى
والصبر والراحة يا خيخة
ويرحم والدك ويغفر له
ويجازى منذر عنة خير
ويارب يجمعكم دئما على ما يحبة ويرضاة
ويديم سعادتك

تقبلى مرورى

مسدس صغير said...

يوم انا متأكد انه يوم جميل
لان كل الناس اللى فيه ناس جمال جدا .
اشكرك يا خيخة على التجمعات اللى بتعمليها بجد بتعمل فارق فى حياة الانسان وعمره ما ينساها.
كنت اتمنى اكون معاكو بس مقدرتش
بس ان شاء الله اقرب تجمع للمدونين فى اى مناسبة نكون متواجدين.
وربنا يجعله فى ميزان حسناتك.
وأسأل الله ان يتقبل العمرة وان يجعلها فى ميزان حسنات ابيكى.رحمه الله

dodda said...

كان نفسى اجى اوى
بس مجتش
كان نفسى اشوفك اوى وما شوفتكيش
كان نفسى اقولك كلام كتييييير
ومقولتش
فكرت اكلمك ومتكلمتش

حاجات كتييير معملتهاش
مش لانى خيخه

لانى كنت بعمل حاجه مهمه اجلتها اوى ومتتعملش غير يوم الجمعه

موضوع منذر اسعدنى اوى
ربنا يتقبل والثواب يوصل لباباكى
امين

ولنا لقاء ان شاء الله

Ahmed Al-Sabbagh said...

:))
ألف رحمة ونور تنزل على أبوكى وأبويا
سعدت بيكم اوى انهاردة
كان نفسى اقضى معاكم اكتر من كدة

mahasen saber said...

امال انا ااقول ايه بجد بجد ده من اسعد اسعد ايام حياتى
انا اخدت طاقة امل وحب وامان تكفينى مليون سنه قدام يعنى تكفى عمرى وتفيض
وانتى فى منتهى الجمال والرقه والجدعنه وانا خساره انى معرفتكيش لا انتى ولاا فاتيما ولاا ابى ولاا المجموعه الرائعه دى من زمان

بجد انا سعيده بيكوا قوى قوى وانتى قمر قمر يا ام شريف انتى تحفه

وربنا يرحم والدك ووالدى وجميع اموات المسلمين

واليى يقول عليكى خيخه يبقى بيظلمك يعنى انتى بتظلمى نفسك يا جميله

Anonymous said...

مبروك ليكى
مع انى براوى ونفرى ومبحبش الناس
الا والله فرحت لك ومن زمان مفرحتش لحد وبينى وبينك لنفسى كمان
وان شاء الله تحجى انتى بنفسك السنه الجاية وتدعيلنا
وربنا يتقبل من الجميع

عاشقه الرومانسيه said...

لازم تكونى فرحانه ياحبيبتى
ربنا يديم عليكى الفرح والسعاده
ان لم يكن بسبب لقاء الناس الجميله دى فيكون السبب العمره اللى اتعملت لبابا
الله يرحمه ويجعلها فى ميزان حسناته يارب
انا لما كلمتك فى التليفون انتى وفاتيما كنت طايره فى السما ومبسوطه جدااااااااا
امال لما اشوفكم هيحصل لى ايه؟ قلبى هيقف؟

البوست اللى عندى حاليا نفسى اعرف رأيك فيه
خليها حاله استثنائيه وتعالى زورينى
البوست بعنوان حكاية غرامى
علشان لو اتاخرتى عليا تقريه برضه

وهتبقى اول زياره ياقمر

منتظراكى

عاشقه وغلبانه said...

داليا قوس قزح
كانت لابسة اسود احتراما لوفاة بابا
لاقتنى لابسة فوشيا
فاقتنعت اخيرا إني خيخة
___________________________
انا صوتي جاب اخر الشارع من الضحك
ههههههههههههههههههههههههههههه


انتي جميله اوي
وانا في مره هاصمم احضر يوم زي ده
وربنا يقدرني

عقل مهوي said...

اكيد هيكون ليكي اتال بمنزر مرات قادمه
ياريته تبلغيه تحيات واحد لا تعرففوه ولا يعرفكم
بس فرحان بالتواصل اللي حاصل ده
فرحان قوي ومرعوب قوي قوي قوي

دعاء مواجهات said...

ربنا يخليكى ويكرمك يااحلى خيخة ف الدنيا دى كلها انا كدة بدأت افهم انتى لية مسمياكى خيخة البوادر بدات تظهر فعلا

لو كنتى بتزورينى كنتى عرفتى لية ماجيتش

==================

عقل مهوى

الحب مبيرعبش
اختفاؤة بس هو اللى بيرعب

بيس

د/عرفه said...

سلام عليكم
بجد فكره التجمعات دى جميله اوى
وعجبانى
وان شاء الله اقدر احضر اقرب تجمع ان شاء الله
بس تدعينا بس انتِ

محمد عتلم said...

ازيك يا نوران

صيدلانيه طالعه نازله said...

ههههههههههههههههههه

حلوه قوى حكايه انك كونتى لابسه فوشيا

و داليا جايه باسود

الحمد لله انك رجعتى مبسوطه من اليوم ده

و شكرا لمنذر اللى قدر يبسطك كده

بجد يا نوران نفسى اشوفك قوى

و انشاء الله يكون قريب

ساعه ما قابلت مفروسه كنت حاسه انك

حتيجى معاها بس مفيش نصيب

الجايات اكتر من الرايحات انشاء الله

رئيس جمهوريه نفسى said...

خوخة انا رغم الانهاك الشديد اللى كنت ومازلت فيه من جرء السفر رايح جاى فى نفس اليوم بس والله العظيم كنت مبسوط بالتواجد مع المجموعة كلها والناس اللى شفتها تانى بعد غيه انتى وفاتيما ورودى وميرا وخالد وممدوح الدوح وشريف وميشو مايكل والناس اللى شفتها لاول مرة زى محمود فانكي دكتور وزيكا المخرج وكريم والشنكوتي ومحاسن وكيارا وفنانه مفروسة
بس تصحيح صاحبة بلوج قلب ينبص بالحب مش اسمها هبة اسمها بدرية طه

كان نفسي بجد اشوف عسقول لانى كنت متوقع انه حيكون متواجد ونيجرو اتصلت بيه اول ما نزلت القاهرة وصدمنى لما قال انه فى المحلة ومش جاي

ملحوظه برضوا يا خوخة طلعتى خيخه مش قلت ليكى اكتبي انى متبرعتش لاني متبرع يوم 19/2 اللى فات ومكنش ينفع انى اتبرع تانى بدل ما الناس تفتكر انى مرضتش اتبرع
واللى لقاءت اخري ان شاء الله

Appy said...

هو لازم التسييح البنت ايدها تقيله وجايبه حقنه يدوها لحصان وانا يا اوختى فسفوسه خالص وبعدين ما انا قولت لها سوري يعنى اعمل ايه يعنى ها عااااااااااااا

karim said...

الحمد للة على عودتك مرة اخرى سيدتى, اريد ان اشارك معكم فى تلك المناسبات ماذا على ان افعل؟,تحياتى

Anonymous said...

بجد انا غيرانه منكم جدا كنت عايزه اجي معاكم شفت كل التأكيدات اللي نبهتي فيها علي الحضور و مع اني مش مدونه الا اني كنت عايزه اجي و اشوفكم
يا رب تتعوض قريب
و سلام كبير من نينا لأجدع خيخه

حواء said...

والله انا نفسي اكون معاكم
بس كنت هاجي مع اني مرضع بس برده كنت هاجي
بس للأسف المكان ليه معايا ذكره سيئه
ادعيلي ربنا يخلصني وانا هجي معاكم ان شاء الله وسعتها هكون خلاص ينفع اتبرع كمان
ربنا يسعدك دايما
انتي طيبه وتستهلي كل خير
تحياتي

مصري جدا said...

ما شاء اللة
ألف مبروك العمرة ولكن الاخ زياد لة في رقبتنا رد الجميل وانتي تكوني صاحبة الدعوة ندعيلة كلنا (زوارك) في الصلاة اللي تحدديها
سعداء جدا لسعادتك

همس الاحباب said...

ربنا يرحم والدك ويسكنه فسيح جناته
ويغفر للمسلمين جميعا
اما بالنسبة لليوم فكان رائع جدا والمجموعة الموجودة زى العسل
واليوم من اوله كان مبشر بصراحة
اه انا جيت متاخر ربع ساعة بس ما كانش ينفع انى ما اجيش
وخصوصا انه يوم كان لازمن اتبرع فيه
والحمدلله تبرعت اخيرا وكنت مبسوط قوى انى عندى دم مش شربات
ههههههههه
وانتى بصراحة تستاهلى كل خير
اه صحيح انك خيخة
بس اجدع خيخة فى الدنيا
ربنا يكرمك وتشوفى شريف احسن واحد فى الدنيا
وربنا يجمعنا دائما على خير
تحياتى

صبرني يارب said...

عاااااااااااااااااااااااااااااا
عااااااااااااااااااااااااااااا
عااااااااااااااااااااااااااااااا
على فكره زعلانه وهاعيط بجد

كان نفسي اجي اوي المره دي

يا وحشين روحتوا وانا لاااااااااااا

عارفه لو عشنا وكان فى عمر لو اتجمعتم كده تاني انا هاجي انشاله اجي لوحدي

عاااااااااااااااااااااااااااااااااااااا

زعلانه اوي

ربنا يجازيكم خير يا خيخه

والاخ منذر ده جدع اوي ربنا يكرمه

Anonymous said...

أنا آسف يا خيخة لكن أنا مضطر لنشر هذا التعليق في مدونتك و في عدة مدونات أخرى لأن المدعوة قطة الصحراء زودتها جدا في كتاباتها .. و كل ما أبعتلها ترفض نشر كتاباتي

يعني يا كلبة خليتي المسيحي اللي بيعبد خشبة يقول علينا إحنا المسلمين إرهابيين ..تصدقي بإيه ..أنا متأكد إنك واحد كافرة مالهاش دين و مستحيل تكوني مسلمة, أكيد إنتي واحدة صليبية من اللي بيعبدو الخشبة اللي القسيس بيصورهم في الكنيسة و (....) على صورهم .
إرهاب إيه يا وسخة ؟أليس من الإرهاب و الإجرام إجبار وفاء قسطنطين و أخواتها ممن أسلمن على ترك الإسلام ؟
أليس الإرهاب و الإجرام هو منع الناس من ممارسة شعائر دينهم؟
أليس من الحقارة أن تتفاخر العاهرات و الشراميط و الشواذ بالفجر و تمنع الشريفات العفيفات ؟

عمالة تشتمي في الإسلام و المسلمين من أول مقالة و مفيش جريمة تحصل في العالم إلا و تلزقيها في المسلمين ؟ليه الحقارة و الوضاعة دي ؟

يعني بلادنا محتلة و ممنوعين من ممارسة شعائر ديننا و كمان تقولو علينا إرهابيين علشان مابنعرفش نموت و احنا ساكتين زي الهنود الحمر ..

احمد سعيد said...

على فكرة يابت ياخيخه
انا مش متابعك من زمان
لسه داخل المدونه دى قريب
بس ايه دة؟؟؟؟
ايييييييييييييييه دة؟؟؟؟؟
اييييييييييييييييييييييييييييه دة؟


لسه فيه ناس كدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

احمد سعيد said...
This comment has been removed by the author.
احمد سعيد said...

لسه فيه ناس كدة؟؟؟؟؟؟؟؟؟

مهندس مصري said...

الله يجازيه خير منذر
و أصبري عليا كمان إسبوعين نازل عمرة و حأروقكم دعوات
و للوالد حيكون النصيب الأكبر
:)
اليوم الجميل ده أكيد كان نفسي أحضره
مليش دعوة بقى
لازم تجهزي لتجمع مدونين في أجازتي و إنتي اللي تدعي ليه
أنا أجازتي من 11 / 4 لـ 10 / 5
عايز أشوف الناس الجميلة دي كلها

ربنا يفرحكم دايماً يا أم شريف
و منتظر تعليقك على آخر بوست عندي

بوست شخصي يا ستي و المفروض تعلقي عليه بقى علشان بقى لك زمان ما علقتيش عندي

و لا انتي أعلنتي عليا المقاطعة الصامتة و لا ايه ؟
:))

ســـهــــر said...

ربنا يبارك ل منذر يارب
ويجعل والدك ووالدى وكل اموات المسلمين من الجنه
ومبسوطة ليكوا عشان قضيتوا يوم جميل
وان شاء الله اكون معاكم فى يوم من الايام

reem said...

خيخة العسولة اوى اوى والجدعة اوى
انا صحيح مش اعرفك بس بتابع مدونتك وبتعجبنى مواقفك جدا
وربنا يجازيكم خير على الحاجات الجميلة اللى بتعملوها وكنت بجد نفسي اوى اجى بس انا وبناتى كنا عندنا برد جامد اوى وان شاء الله التجمع الجاى اكون موجودة معاكم واتعرف على كل الناس الحلوة دى وانتى اولهم
ربنا يرحم باباكى ويسكنه فسيح جناته وربنا يجازى الاخ منذر كل خير
تحياتى ياقمر

يوميات فنانه مفروسه جداا said...

يعني قاعدين مع بعض من عشره لاربعه
يني تقريبا خمس ساعات
ودونن عن العشرتلاف حاجه اللي فيا
ملاقتيش غير اني مبعدش جنب رجاله
طيب انتي حجمك صغنون تقعدي في اي حته مش هتباني اساسا
طيب تخيلي كده لو كنت قعدت واره
!!!!!!!!!!!!!!!!!!!!
NO COMMENT
اما طلعتي خيخه بصحيح
بس كنت مبسوطه اوي
والله
ولدرجة اني كنت مستمتعه وانا بتفرج عليكو ومعرفتش اتكلم
ربنا يفرح قلبك ويجعلك سبب للخير دايما كده يا رب
سلام
يا ااااا
خيخه

حنين القلب said...

اولا عمرة مقبوله لوالدك يا نوران باذن الله

كان نفسى اكون معاكم
يا بختكم
ربنا يجعل اليوم ده فى ميزان حسناتكم

ويكرمك يا خوخه ويديكى على قد قلبك الابيض

بت يا خوخه
بحبك
مووووووووووووووووووه دى لشيكو حبيبى

قوس قزح said...

الله يا نوران
بسم الله ما شاء الله
لسه فى ناس حلوة كتير و فيهم الخير من غير مصلحة
ربنا يبارك لمنذر على موقفه ده
لكى حق تملاكى الفرحة

انا كنت سعيدة امبارح اوى معاكم
بالرغم من الاسود اللى لبسته فى الحر ده
ياااه فوشياتك يا خيخة اوى هههههه

فاتيما said...

طبعااااااااااااا فرحانة يا نونو
و إنتى السبب
و من بدرى
فاكرة ؟!!
من اول تبرع فى شهر أبريل 2008
و لحد أمبارح
و ربنا يبارك فى عمرك
و اللى عمله الاخ منذر أخلاق منه و اقل حاجة لواحدة زيك باباها رباها احسن ما يكون و ربنا بيردله الخير اللى عمله فى ولاده من ولاده بشكل غريب جميل
إنطباعك عن محاسن فى محله أنا بعد كدا هقولها يا نص قلبى التانى ...تاخدك كدا بشكل عجيب ...
الناس اللى جت كلها حلوة قوى قوى
حتى اللى بنشوفهم لأول مرة
و البركة في يا جميل
بوسس كتييييييير بقى
و دايما مجمعنا ف الخير يا نوران

حسام غانم said...

بغض النظر عن ده كله

بس متبرعتيش ؟!!

لا خيخة خيخة يعني :)

حياة said...

جعلك الله للخير وعقبال كل تبرع وتقبل الله عمرة منذر ولوالداك الرحمة

تحياتى

أبو العريف said...

يارب دايما كده فرحانه ومظأططه
وبلالينك في العالي

الحرامي said...

خييييخه
ربنا يسعدك يارب
وانا كمان سعيد جدااااا
لاني سرقت سريقه كبيرهقوي
كانت سبوبه زي الفل

dreem said...

والله يا خيخةكنت ناوية اجى اتبرع بس الحمد لله الحالة الصحية مش ولا بد ,, السن يا بنتى
وبجد بجد صدقى او ما تصدقيش انا كان فى نيتى اعمل لباباكى عمرة
وربنا يجعلها فى ميزان حسناته
سلامى لماما

Sherif said...

دائما أحضر هنا لشئ واحد

أن أشكرك على ذوقك ونفسك الجميلة النقية التى تتحدث من القلب .. الى الورق مباشرة

Soul.o0o.Whisper said...

ما شاء الله

ربنا يبارك فيكم يارب يا نورا
و يجعله فى ميزان حسناتكم


بجد فرحت بفرحتكم اوى
و كمان بالاتصال

تصدقى تخيلت نفسى مكانك
مش متخيلة حقيقى كان ممكن يحصل لى ايه




ربنا يكرمك يارب

سلام يا جميل

كيــــــــــــارا said...

ربنا يرحم والدك يانوران

وبجد كان يوم جميل

كل سنه وانتي طيبه

Soooo said...

ههههههههههههههههههه

غريبه غربنه انتي ياخيخه
يعني دايما بتنسيني في الحياه وبتنسيني في موضوعاتك وتعليقاتك .. دلوقتي عاملالي برواز كبير قوي عشان ماعرفتش اجي
هههههههههههه

عموما ياستي انا كنت ناوي والنيه لله اني اجي .. وكنت هاجيب معايا شخصيه مفاجأه ليكي ولكل الناس .. وماكنتش ناوي اتخيخن خالص والله
بس هنعمل ايه .. الموبيل بتاعي هو اللي اتخيخن .. نمت وظبطت المنبه على الساعه 8 عشان اتصل بالشخص المفاجأه اللي كانت هتيجي معايا
ولكن للأسف .. اتضح اني ظابط المنبه على الساعه 8 مساءا مش صباحا .. وراحت علي نومه .. وصحيت قبل صلاة الجمعة ببتاع نص ساعه يادوب اتصلت باللي كان هايجي معايا اعتذرتلو .. واستحميت ونزلت صليت
ولما رجعت اتصلت بالصباغ وقلتله اني هاكون في وسط البلد باقضي مصلحه عالعصريه لو يقدر يجي .. او لو حد يحب يجي معاه

وبعدين ياستي الحمدلله ان اليوم كان جميل وانكم استمتعتو بيه

ويارب دايما تكوني مجمعه الناس حواليكي في كل خير
وربنا يهيألك خير الدنيا والاخره


ملحوظه
ماكانش ليه لازمه انك تصرحي بموضوع منذر والعمره اللي عملها على روح والدك ربنا يرحمه يارب .. عشان يبقى ثوابها بالنسبه ليه .. ثواب الدعاء بضهر الغيب .. من غير مايدخل جواه او جوا اي حد من اللي بيدعو لوالدك بالمغفره والرحمه .. ولو نسبة صغيره من التباهي
وربنا يرحم والدك ويرحم موتانا وموتى المسلمين يارب .. ويجمعنا بيهم في جنة الفردوس الاعلى وفي صحبة سيدنا محمد عليه الصلاة والسلام





سلامووووووووووووز

بت خيخة وأي كلام said...

انا كنت كاتبة رد طويل على تعليقاتكم كلها
وبعد كدة حصل مشكلة عندى فى الجهاز
وردى عليكم ماتنشرش

وانا بصراحة مكسلة اعيد كتابة ردودى عليكم تانى



المهم انى عايزة اشكركم كلكم على كلامكم الجميل وبشكر كل الناس اللى جت يوم التبرع

وان شاء الله نعمل تجمع خيرى تانى يكون فى فترة الاجازة بتاعة مهندس مصرى
علشان يقدر يشرفنا ويكون معانا

وعايزة اشكر منذر

وعايزة اقول لسوووو
انساك ده كلام
انساك يا سلام

بس بجد افتقدناك يا واد انت

ودلوقتى بقى الفضول هيقتلنى علشان اعرف انت كنت هتجيب مين معاك



الف شكر ليكم كلكم

اختكم خيخة

... amr said...

بصراحة انا استمتعت بيوم زي دة .. مع اني كنت خايف بصراحة .. انما الحمد لله اليوم كان جميل جدا و الناس اللي قابلتهم أجمل وأجمل ... اتمنى محدش يكون كان عندة انطباع عني و شاف حاجة تانية خااااالص

------------
سامع حد بيقول
(( انت هتمثل ؟!!! انت حد يعرفك أصلا ))
:)
--------------
بس أنا زعلان


:(((((

:(((( كنت عايز أشوف شيكو
بس طالما الراجل كان عندة كورس توم و جيري .. فدة يخليني أرفع لة البرنيطة بصراحة .. و تتعوض في مرة تانية ان شاء الله
كمان انا عمال اعصر دماغي و افتكر انا شفتك فين قبل كدة ؟ .. مش عارف بصراحة
.....

مصري جدا said...

دة اية الشح دة
انتي من جمهورية المنوفية الشكيكة
هتبرع لوحدي ولا الحوجة

ربما تشرق الشمس said...

من السعودية اسجل اعجابي بمجهوداتكم وكن أتمنى المشاركة الفعلية ، لكني أشارككم بقلبي


أنا البحر فب احشائه الدر كامن ........ فهل ساءلوا الغواص عن صدفاتي
اطلعت على العديد والعديد من المدونات وأكثرها جيدة وذات أهداف سامية والقليل منها غث ضحل القيمة ، لكن ما أراه يقلل من قيمة غالبية تلك المدونات هو لغتها العامية الركيكة ، والمبتذلة أحياناً ، مما ينزل بها درجات في سلم الإجادة ، رغم محتواها الجيد في كثير من الأحيان، فهل من مستجيب لنداء.................
"فلندون باللغة العربية الفصحى" .
يقول الشاعر
ســـــــــجدت علـى أعتابهـا الكلمـات
فترنمـت لجـــــلالهـا الصــــــــــلـوات
سطعت على أرض العــروبة ضادها
فتحركت من فيضهـا الســـــــــكنـات
قـد علـم الرحمـــــــــــــن آدم لفظهـا
فتنزلـت بحروفهـا النفـحــــــــــــــات
قد رددت لحن الســــــــمـاء فأينعـت
فجر الهدى تشدو بـه النغمــــــــــات
كانـت لآي الله خــــــــــــــيـر معــبـر
عن نهجـه فأريجهـا البركـــــــــات
فدعامة الأعراب كانـت ضـــــادهـا
قبس الهدى قامت به الحضـــارات

أكرر دعوتي لأصدقائي المدونين حتى يكتبوا مدوناتهم - بقدر ما يستطيعون - بلغتنا العربية الجميلة ،، والله الموفق والمستعان

http://roppama.blogspot.com/

Geo Amr said...

ربنا يرحم والدك ويجمعك معاه وكل المسلمين فى الجنه

ليلى فى عالم ادم said...

شكله كان يوم جامد
ان شاء الله المرة الجاية اكون معاكو

وومن said...

يالهوي يالهوي هاتبقي خيخة أكتر من كدة ايه
يعني سايباني كلي علي بعضي ومفتكرتيش غير المانكير الأسود كدة تطلعيني فامبير ماشي

طب علمك بقي علمك انا غيرتة تاني يوم بلون بينك علشان حسين كان جاي وقولت احسن يتسرع لقيتة بيقولي ايه البوهية دي انا اعرف البنات تحط بني - نبيتي - أسود
انما اللون ده غريب

علي فكرة كان بيتكلم بجد قولت فسري ربنا يجازيكي يا خيخية
ماشي ماشي أشوفك التبرع الجاي إن شاء الله

fashkool said...

الف مبروك يا خيخه على العمره بتاعة والدك والف شكر لمنذر اللى عمل لوالدك العمره وربنايتقبل ويرحم والدك
تحياتى

صاحب المضيفة said...

ربنا يسعدك ويرضيكي ويرضى عنك يارب

كل سنة وانتي مجمعة الناس في الخير يا خيخة هانم


سلامي لشكيو باشا

Zika said...

ملحوظه بس صغيره
هو انا اسمي ممدوح زيكا
والمدونه هي اللي اسمها المخرج وزي ما هيبان عندك الاسم التدويني زيكا
يعني انتي كاتبه ممدوح مخرج
يبقي كده ده مش انا
:D:D
البقاء لله في وفاة والدك وربنا يرحمه ان شاء الله
فعلا كان يوم جميل وكان نفسي اتبرع بس للاسف ماكانش ينفع اليوم ده لاسباب يعذرني عنها الله قبل غيره
لكن ان شاء الله لو فيه مره جايه هاتبرع حتي لو هيحصل ايه :D:D
فرصه سعيده يا خيخه
وعلي فكره دي اول مره ادخل مدونتك
تحياتي

محمود الدوح said...

بجد انا سعيد لانى اول مرة اروح التبرع
وجاتلى حاله هيستيريا من الضحك المتواصل من اول ما قعدت على الشيزلونج عشان ياخدوا كيس الدم لحد ما قمت
مش عارف من غير الضحك كان ممكن اعمل ايه
بس بصراحة كانت تجربة جميلة هكررها باذن الله
وكان يوم اجمل وبالذات كمالتهة على البورصة
ههههههههههههه
والجملة الاخيرة للنا اللى رفضت تروح معانا على البورصة

وبجد احب من مكانى اشكر منذر جدا جدا جدا لانه حسسنى ان البنى ادم لما بيعمل خير بيلاقية

وبس
انا رغاى عارف بس محدش يقول على كدا
بس بجد المرة دى

!!! عارفة ... مش عارف ليه said...

عمرة مقبولة إن شاء الله

وجزاه الله كل خير

وإن شاء الله في ميزان حسناته

ويمكن ده حصل علشان

اللي بتعمليه



خالص تحياتي
وليد

عمرو فكرى said...

جميلة

عمرو فكرى said...

رجعت دلوقتى راجعت بعض التدوينات القدينة (فبراير) بالتفصيل

EmY said...

اليوم كان بجد جميل و انا ندمت اني مكنتش باجي التجمعات الي قبل كده
بس الصحيان بدري ده كارثه بالنسبالي بس بجد اليوم يستاهل هاصحي بدري بعد كده

انا شاهده يا باشا علي ابي هانم و انها اطلقت صرخه مدويه و كانت علي وشك الفتك بالممرضه الغلبانه
بس الحمد لله ربنا ستر

Founoon said...

ربنا يبارك لكم كلكم ويجازيكم خير ويجعله في ميزان حسناتكم آمين

نوران كنت عايزة استأذنك انقل الدعاء اللي انتي حاطاه دا واحطه عندي في المدونة

ممكن ؟

يــوم جــديد said...

ايه ده
ما شاء الله
أنا عايزة من ده
هوا ينفع آجي وما اتبرعش يا خيخة
أصلي عندي أنيميا ما ينفعش أتبرع
منذر ده بجد جزاه الله خيرا وربنا يكرمه ويكثر من أمثاله ويتقبل منه ويرحم والدك يارب
بس هو جاب تمرتك منين ؟؟؟
مش كان لازم تبحثي في هذا الموضوع
كده في خطر على حياتك التدوينية ومستقبلك النووي
الموضوع كبير كبير كبير

سومه...مجنونه فى بلد عاقل said...

يا ربنا ع الرخامه كان نفسى ابقى معاكم
:((

ReEm said...

الله يديم عليكي الفرح و السعادة ان شاء الله

و يجعلها دايمة لك بسلامة ابنك و زوجك واهلك و كل من يعز عليكي

و يارب عمرة مقبولة و ربنا يجعل التبرع في ميزان حسانتكم

حاجات جوايا said...

داليا قوس قزح
كانت لابسة اسود احتراما لوفاة بابا
لاقتنى لابسة فوشيا
فاقتنعت اخيرا إني خيخة
----------------------
ههههههههههههههههههههههههههههههههههه
والله انتى عسل يا خيخة

كل مرة وانتوا طيبين ومتجمعين وفرحانين يارب
ومبروك العمرة لبابا ربنا يتقبلها من منذر ويجازيه خيرا

سالى

الشنكوتي الكبير said...

يااااااااااه
كان يوم جاااااااامد

بجد يا نوران بشكرك على اليوم ده
ثواب
واصحاب
وهدوء
وفرحه
ونقاش
وفسحه
وتعارف
وشياكه
وخفة دم
وشقاوه
وبلطجه
وثقافه
وايس كريم


بجد بجد ربنا يكرمك ويسعدك
ومبروك على العمره والخبر الحلو ده
ربنا يرزقنا بزيارة بيته كلنا يارب ويتقبل مننا

سلااااااااااااااااااااااااام

اخوكي ايهاب

عاطف said...

ما شاء الله

ربنا يتقبل العمرة ويجزي الأخ خير الجزاء

users online