ريموت الريسيفر باظ
اشتريت ريموت شبهه بالظبط
من على الرصيف فى العتبة ب10جنيه
الريموت الاصلى بيتباع ب120 جنيه
الريموت ابو 10 جنيه مكتوب على قفاه
صنع فى الصين
فى هايبر وان
فى الدور الارضى
كشك جنب السلم
بيبيع صنادل بلاستيك
جميع المقاسات والالوان
وتنفع حريمى ورجالى واطفالى وشبابى
للنوادى وللبلاجات
الصندل الواحد بحوالى 150 جنيه
ولو حبيت تشترى اكسسورات بلاستيك
علشان تزوق الصندل بتاعك
شريط الاكسسوار ب20 جنيه
لما تطلع الدور التانى فى هايبر وان
هتلاقى نفس الصنادل دى
وسعرها 15 جنيه
ومعاها شريطين اكسسوار هدية
الصندل مكتوب على قفاه
صنع فى الصين
شبشبي الازرق اتقطع
اشتريت شبشب ازرق تانى
من عند التوحيد والنور
الشبشب ب9 جنيه
الشبشب مكتوب على قفاه
صنع فى الصين
فى كارفور المعادى
دخلت محل نظارات
لاقيت نضارة شمس شبه بتاعتى بالظبط
لما سالت على تمنها
البنت قالتلى بــ 1700جنيه
واستدركت فى كلامها
وقالتلى بس ليه حضرتك
تجيبى حاجة زى اللى عندك
ماتشوفى موديلات تانية
قلتلها اصل النضارة بتاعتى
عجبت واحدة صاحبتى
وعايزة اشتريلها واحدة زيها هدية
قالتلى لو حضرتك جايبة النضارة دى من عندنا
ممكن نعمل تخفيض على النضارة التانية
قلتلها لا ده انا جايباها
من عند محل تانى وبسعر تانى خاااااالص
قالتلى ليه هو حضرتك جايباها بكام
قلتلها الراجل كان طالب فيها 20 جنيه
خدتها منه بــــ 15 جنيه
البنت تنحت وبرقت عنيها
وقالتلى بس مش هاتكمل شهر وهتلاقيها اتكسرت
قلتلها النضارة دى بقالها معايا 3 سنين
النضارة مكتوب على قفاها
صنع فى الصين
مؤخرا خبر قريته فى الجرنال
الدهب الصينى يغزو الاسواق المصرية
باسعار خيالية
يعنى ممكن تشترى اسورة حلوة ومكلبظة
وعريضة وتملا عين المدام
وماتدفعش اكتر من 40 جنيه
ولو عايز تخطب
وتخلى اهل العروسة يتفشخروا بيك قدام الناس
وتغرق عروستك دهب
من شعرها لحد اخمص رجليها
دلوقتى تقدر تشترى الشبكة من الدهب الصينى
وماتدفعش اكتر من 500 جنيه
الدهب الصينى لونه لا يتغير
الا بعد مرور حوالى تلات او اربع سنين
الدهب الصينى
مكتوب على قفاه
صنع فى الصين
الكيبورد اللى انا بكتب عليها دلوقتى
مكتوب على قفاها
صنع فى الصين
بصيت على قفا الماوس
لاقيت مكتوب على قفاه
صنع فى الصين
بصيت على الجزمة والكبشة والحلة
وايشارباتى ومايوه شريف
وشنطة النادى وسجادة الصلاة
ولعب شريف واقلامي
وزمزمية شريف
لا قيت مكتوب على قفاهم
صنع فى الصين
بتصل بواحدة صاحبتى
بقولها عاملة ايه
قالتلى كويسة
قلتلها وجوزك عامل ايه
قالتلى زفت
قلتلها ليه كدة؟
قالتلى قاطع مية ونور
قلتلها طب ما تبصى على قفاه
وشوفيلى مكتوب ايه
غابت دقيقتين ورجعت
قالتلى مكتوب jil صناعة مصرية
قلتلها العيب مش فى جوزك
ده العيب فى الفانلة الداخلية
غيريها واشتري صنع فى الصين
هتلاقيه شغاااااااااااااااااال علطول
بس خلاص
أخر الكلام
الصين تنين نائم ... ويل للعالم إذا إستيقظ
إنتهى
بت خيخة وأى كلام
52 comments:
طبعاً بغض النظر عن لُب الموضوع
فأنا بأؤيدك تماماً في حكاية رخص أسعار الشباشب في التوحيد و النور .. و الجزم كمان
للدرجة اللي هتخليني أعمل مشوار الأسبوع ده و أشتري جزمتين و شبشب في قفا بعض
إلا قوليلي يا خيخة
هو آخر دور ده يطلع الدور الكام ؟
:D
يلا سلام
اخويا الصغنن نيجرو
الدور الاخير
هو بذات نفسه
الدور النهائى
:D
نيهاهاهاهاهاهاهاع
هههههههه هو الصين دول متر ونص بس جبارين فى كل حاجة والله اول مرة اسمع عن الشبكة الصينى دى بس والله هتحل ازمات شباب كتير :))
ربنا يخلي لينا الصين
على رأيك انا ممكن اشتري حاجة صناعة صيني لاني عارفة لو هي باظت او اتكسرت مش هزعل لانها رخيصة
انما لو كانت ياباني ولا تايواني
وحصل لها حاجة انا ممكن ازعل قوي واتقهر كمان
اما بالنسبة للذهب الصيني
فنزل مصر وبقى الجرام ب خمستاااااااشر جنيه
ده ليه لان طلب المصريين عليه زاد و بوظ لنا الدنيا
الصين
تنين نائم
ناس بتشتغل بعزيمة وارادة
عقبالنا يارب
ههههههههههه
على فكرة الصين مش تنين نائم
بالعكس
ده تنين تمساااح
شايف وعارف كل حاجة
وكل حتة يشرف فيها
لازم يعمل اغراق سلعى
اه صحيح
انتى مش عارفة
الصين دلوقتى بتعمل قيادات ورؤساء
تصنيع صينى
بحيث يعمر معاكى
ويوم مايبوظ
يجي غيره بارخص سعر
يا حبيبتى انا سمعت والله اعمل
لانى سمعت الكلام دة من زمان اوى
وعلى ما اتفكر
ان يأجوج ومأجوج مكانهم الحالى فى الصين
وفى هناك قبائل معروفة بالاسم على حسب ما سمعت من الدكتور طارق سويدان بتاع قناة الراسلة
القبائل دى
اسمها جوج وموج
وان من علامة يوم القيامة ظهور الناس دى
واهم ظهروا بشكل لم يسبق له مثيل
لاى دولة قبل كدة حتى امريكا
لدرجة ان اخو جوزى المقيم فى انجلترا كل سنة وهو نازل بيجيب لنا هدايا
والهدايا براند نيم
يعنى ماركات معروفة جدا زى نايك وريبوك واديدس
وكلها مكتوب على قفاها صنع فى الصين
هذا وقد صرح مسئول كبير غير مسئول ان مصر اصبحت الان اكبر سوق مفتوحة لتسويق البضائع الصينية
ومن ناحية اخرى يقال ان مصر محتلة صينيا
هذا وبالله التوفيق
ههههههههههههههههههههههههههههههههههههه
حلو الحوار بتاعك انتي ونيجرو ..
وحشتني مصر.. ووحشني التوحيد والنور .. وشارع سليمان جوهر .. وسوبر ماركت خير زمان ..
والبواب والجزار اللي بحبهم حب مراهقتي ..
هههههههههههههههه
وحشتيني يا خيخه عـ فكرة ..
ومواضيعك تحفه كالعاده ..
والصين تنين عشان هو عاوز يبقى تنين ..
اما اللي عاوز يبقى خروف او اي حاجه تانيه .. هيفضل خروف ..
مش عارفه انا بقول ايه.. اهي هلاوس اخر الليل ..
وعندي امتحان حاسب بوكرة ..
مش حاسب لتقع.. ولا حاسب يا اسطى ..
ههههههههههههه
حاسب الي .. اللي هو الكمبيوتر..
دعواتك ..
في رعايه الله ..
والله اللى بستغربله الناس ازاى مش بتتعلم من الصين دى احنا نشترى وخلاص ونقول ياااه دى الصين حلوة طيب ماننيل اى حاجة ماحنا 80 مليون حتة لو بصينا لبعش بس هنعمل كوارث ونبيعها ونشغل نفسنا شوية والله الواحد خايف بكرا نصحى نلاقى على الهرم صنع فى الصين ولا على الانسان نفسه صتع فىا لصين لا وجاى على هوانا كله رخيش واضرب يامعلم وانتهت الحكاية
ههههههههههههههههه
والله انتى سكررررررر
عجبتنى قوووى حته قفاه دى
والعيب اللى فى الفانله الداخليه
بصراحه انتى عندك حق
اللى باقى اننا نتكلم صينى
وكده تبقى فله ياروحى كملت من كله
بس ياريتنا نكون فى نص عقليه الناس دى واصرارهم على النجاح
حالنا هيختلف كتير
مساء شريف خيخه هانم
امووووه
حلوة اوي ثقافه القفه دي هههههههه
حقيقي تلخيص رائع لاوضاع اقتصاديه
بس على فكره برده اللي انتي بتقولي عليه ده من ضمن الحاجات اللي بتفسر المشكله اللي كلنا عارفنا و بنعاني منها كشعوب عربيه عامه و كشعب مصري خاصة ، ألا و هى ان ليه دايماً الانسان المصري محدش بيحترمه بره بلده و كتير اوي مهان ؟؟؟
لما كنت قاعد بتكلم مع احد الاساتذه الكرام اللي كانوا بيدرسولي قالي :
يا ابني انت لما بتسافر اي بلد اجنبيه فرنسا كانت ولا امريكا و لا حتى بنين ، و رحت مثلاً انت و واحد صيني و واحد هندي مثلاً و يمكن انت معاك فلوس اكتر منهم إلا انك اول ما بتنزل من المطار و تدخل البلد انت و الصيني و الهندي بتلاقي نوع من الاحترام للصيني ده و الهندي اكتر منك انت بس لمجرد انك مصري ؟!! غريبه هو المصري ده اغبى منهم يعني !! ده انت ممكن دماغك دي تكون توزنهم هما الاتنين ولكن ...
الراجل اللي بيتعامل معاكم لاول مره ما يعرفش غير اساميكم و جنسيتكم و طبيعي جداً حيتعامل معاكم على قدر المعلومات اللي يعرفها عنكم هو لما عرف ان ده صيني جه في باله " اه بقى ده من البلد اللي عامله الاتاري بتاع العيال ممممم و اه ولا البلده اللي جبتها وكانت جامده اوي و كمان سعرها متهاود و لسه معايا لحد دلوقتي يااااه و لا العربيه اللي نازله جديده في السوق دي و خطيره اوي واااو ... " تلقأياً يروح مسلم عليه بحفاوه و كأنه بيسلم على الصين كلها ، رغم ان الصيني ما يعرفش الالف من كوز الدره ..
و الهندي طيب ؟؟ اظن مش محتاج اوضح هو ممكن يفتكر ايه من التكنولوجيا الرهيبه اللي الهند بارعه فيها دلوقتي و العالم كله يشهد بذلك ..
و المصري بقى ؟؟ ممكن يفضل يبص ليه ساعتين يشوف يا ترى ده شبه مين ؟!! ممكن يجيب توت عنخ امون و لا اقرب لأمنحتب !! ما هو اخر حاجه يعرفها عن ايجيبت هى الاثار دي ، لأ لأ ممكن يكون راجل متابع للأخبار شويه و يفتكر حاجه تاني ... مش انت من مصر البلد الوحيده اللي لما سمعت اسم انفلونزا الخنازير راحت دابحه كل الخنزير اللي عندنا لأ و كمان بالجير الحي ... و طبعاً بناء على هذا حيكون الاحترام عالي اوي ليه ...
رغيت كتير اوي انا معلش بس القفه دي بصراحه فجرت فيا الكلام ههههههه
ممكن سؤال ؟؟؟ هو الكي بورد مذكر ولا مؤنث ؟؟؟؟ يجد عاوز اعرف
بتاع الدايفيدوف
علي فكرة الصين كانت اعلنت انها ها تهتم بالجوده لاعادة الثقه ف منتاجاتها كمحاولة للخروج من شبح الازمه الماليه .... وهما فاهمين كويس قوي هما بيعملوا ايه وبيدرسوا
سوق اي دولة وبيراعوا جدا متوسط الدخل وحجم الشراء عشان كده تلاقي الجوده بتختلف من سوق لسوق علي حسب متوسط الدخل وده في اروبا واضح جدا يعني فرق شاسع مثلا بين جودة لبمتج الصيني في المانيا وبينه وبين اليونان او ايطاليا او اسبانيا
بتاع الدايفيدوف
الكل خايف من الصين قوى عظمى
نائمة
دة حتى العمالة بقت صيني و عهندي
ههههههههههههه
موضوع حلو اوووووى
حضرتك شوفتى الفيديو بتاع العروسة الصينى
؟
على فكرة فيه موبيليا صينى
حتضرب اسواق دمياط كمان
لأ و الجميل فيه حلاقين صينى
بيحلق للراجل فى البيت
شعر و دقن ب 5 جنيه
و للبنت العروسة
فيه كوافيرة حريمى
يشوروها
ب 3 جنيه
بس
!!!
يا بلاش
---
الصين مخلتش حاجة
فاضل بس الاقى سواق الميكروباص صينى
و يقولى لو سمحت الأخ اللى ورا الأجرو ين و ربع
ههههههههههههههه
و انا اقوله خذ ين واحد من خمسة
هههههههههههههههههههههههه
ينقع نستورد لعيبة صيني للزمالك؟؟؟
فعلا لو التنين الصيني صحي.. يبقى هنروح فى الكازوزة (مع انى معرفش اساسا سعنى ايه هنروح فى الكازوزة دي بس بسمعها كدة)
ههههههههههههههههههه
بجد الصين لو قررت تبقى أقوي دولة فى العالم هتغير موازين كتيرة قوي.. وان كانت بردو هتخدم مصالحها
لو لفيتى فى كارفور شويه كنتى شفتى خس صينى
ده بجد على فكره مكتوب انه صينى
انا كنت فى الاتوبيس من اسبوع لقيت واحد طالع يبيع لضامة ابره صينى
بتلضم الخيط فى الابره
شوفى وصلوا لحد ايه؟
دول بييجوا بنات من الصين والله يخبطوا علينا فى البيت شايلين على ضهرهم حاجات بيبيعوها
هو تنين فعلا, بس ليه ويل للعالم؟
هما ممكن يعملوا فينا ايه اكتر من اللى خاصل يعنى
مدونتك حلوه جدا
تحياتى
الصين خلاص بقت جزء لايتجزء من حياتنا وبصراحه بقي مخلتش نفسنا في حاجه
دا احنا حتي لسه شاريين موتوسيكل صيني زي الفل بعمل بيه امريكاني
viva china
ههههههه
بس مصر تعمل حاجه واحنا نشجعها بس
تحياتي
:D
هههههههههههههه
هو كله صينى صينى كدة مفيش كورى ابدا
عمتا يا خوخة دلوقتى مش محتاجة تروحى كذا مكان عشان تشترى اى حاجة صينى
البنانيت الصينيين والولاد بييجوا لحد البيت
ويسألو لو فى أروسة ( يعنى عروسة )ومعاهم شنطة فيها جهاز ل 30 أروسة
واول متشوفك تقولك انا عندى هاجات هلوة
اية يلا القصد بقا
انك وحشنى على فكرة خفة دمك
صدقينى مش فى المتجات دية بس فى كل شىء انا بشتغل فى توكيل صينى للاتوبيسات السياحية واللة العظيم احسن من انواع كتير واللى مش هاتصدقية ان البادى بتاعة جامد عن اللى بيتصنع هنا فى مصر من مكونات من برة, الناس دية مش بتهرج , واحب ان انوةةةةة ( حلوة الكلمة دية ) ان الدور اللى جاى على تركيا, بقت هى كمان صرح عملاق و هاتاكل اوروبا والعالم, واحنا دايما نحب نتفرج ونشجع اللعبة الحلوة, بلا نيلة, تحياتى
انتي جامده جدا جدا
وموضوعاتك فظيعه
ضحكتيني موووووت.......
كنا بتريقا على كل حد وخصوصا الهنود في السعوديه
تلاقي حد لما يعمل حاجه غبيه اوتصرف احمق يقولوله انت هندي
ولما نزلت هنا مصر اكتشفت ان الدكتور بيتمنى اننا نكون هنود
وهو اكبر هندي......
الناس دي اتقدمت في حاجه بسيطه
واحنا لسه بنتفرج...
بشكرك على الموضوع الرائع بشده
منار فايد
بخاف ادخل المحلات دى علشان دقون العملين فيها،ووصاحبتك لوشافت المكتوب على قفا
زوجها مش على الفانله هتلقيه صنع فى الصين!!وسلام
اللي مش هتصدقية .. اني شفت ناس صينيين شغالين على عربيات نقل
متعرفيش الختم بتاع الصين دة بيتختم منين ؟؟ من السفارة ولا اية ؟
الصينيين احتلوا البلد يا فندم
عشان احنا - لامؤاخذة - بلد خيخة
يا سلام على الصين
ياريتني الاقي الرساله اللي جاني فيها خبر نزول الزوجه الصينيه
بتعمل كل حاجه وممتازه وبسعر خيالي
هدور عليه وابعتهولك علشان تعرفي الصين بقت جامده قد ايه
ههههههههههههههههه
المشكله يا بنتي انه كتييييييييير قوي ومع ذلك بيديروا المشكله اللي عندهم بطريقه خلت المشكله تحولت لقوة مش ضعف
ياريتنا نستغل مواردنا الكتير اللي عندنا كان زمانا حكمنا العالم
ربنا يعوضنا بقى
سلاااااااااااااااااااااااااام
اخوكي ايهاب
انا تلقائياً قلبت الموبايل بتاعي علي قفاه وبالرغم من انه مش كتوب علي قفاه انه صنع في الصين وانه اصلا المفروض ألماني الا اني متأكدة انه برضة تقفيل صيني
ولما هو تنين ونايم وعامل فينا كدة علي كدة احنا بقي هانصحي امتي ؟؟؟؟؟
بس انا عاوز اعرف حاجة .. هو الدهب الصيني ده قشرة و لا دهب دهب يعني؟؟
:)
China is a civilization pretending to be a nation
كويس انك لفتي نظري لموضوع جيل ده
هشتري صيني و اشوف الفرق
هي دي مناهج البحث الظبوط
انا بقا لما اكون في مصر ما اجبش غير صنع في مصر
هو لسة لم يستيقظ يا خوخة
ده استيقظ من زماااااااااااان
بدليل ان كل حاجة بتشتريها صنع الصين
ربك يستر علينا
طيب شوفتى الناس اللى بتلف وعلى ضهرهم شنطة قد التهمة ويضرب عليكى الجرس بتاع بيتك ويقولك تشتلى كلابية بيجامه ولوب يعنى تشترى جلابية او بيجامة وروب
طيب فى حلاقين صينى معاه شنطة فيها كل حاجة وبيلف على البيوت برضه
مش عارفة موجودين فى القاهرة والجيزة واللا ايه بس هما عندنا فى محافظتنا وبقوا عاديين جدا وبنشوفهم كتير وممكن نشترى منهم كمان حاجات حلوة صحيح
هما اذكياء فعلا وبعدين بينزلوك اللى على مستواكى المادى يعنى اللى بينزل هنا غير اللى بيروح الخليج غير اللى بيروح امريكا
معلش طولت عليكى بس اعملك ايه بقى موضوع جميل كالعادة
تحياتى
ههههههههههههههههههههههههه
فكرتينى بالفديو بتاع العروسه الصنيه واول ماشفته قعدت متنحه بتاع ربع ساعه استوعب ايه الناس دى عرفم اللعبه صح وعرفم ان عشان اغزى لازم ابقى مأمنه نفسى كويس اقتصاديا و ابقى عارفه انا نازله فى اى سوق وفعلا السياسه الصينيه لولبيه الحركه وعارفه هى راحه فين كويس اوى والله بفكر اروح اخد كورس صينى اهو ضمان للمستقبل ماتيجى معايا
رسالتك وصلت يا جميل
بوصه كبيره لصديقى شيكو وليكى وحشه يا قمر
مقولة
الصين تنين نائم ويل للعالم اذا استيقظ
المقولة دى انا عارفاها من زمان
وهى مقولة قديمة
كانت بتوصف حال الصين
قبل ماتستغل كل مواردها
و قبل ما نشاطها الاقتصادى يزداد
وتبقى مغرقة شوارع مصر بمنجاتها
ومش بس مصر ودول تانية كتيرة
يعنى اللى قال المقولة دى
كان اكيد واحد بيفهم وعنده
رؤية مستقبلية سليمة
لان خلاص التنين استيقظ اقتصاديا
وشوية شوية العالم كله هيكون تحت سيطرته
وعلى فكرة فعلا المنتجات الصينية مش كلها وحشة او بتبوظ بسرعة
هى فعلا شاطرة وبتدرس السوق اللى هتصدرله منتجاتها
حتى فى مصر هنا مش كل الصينى وحش
فيه صينى رخيص وده هتلاقيه فى اسواق اتنين ونص
وفيه حاجات تانية بتكون صينى بس غالية ودى بتنزل لمستويات تانية من الناس
وفعلا بلاش نظلم كل حاجة صينى ونفتكرها حاجات اى كلام
بصراحة الصين دى سترت بيوت كتير
الأم اللى مش معاها تجيب لعبة لعيالها من عند توب تويز
تقدر تجبيلهم لعبتين بخمسة جنيه من اسواق اتنين ونص
والعروسة اللى بتجهز ومتقدرش تشترى حلل من مصانع 6 اكتوبر
او تيفال زهران
تقدر تجيب طقم بسعر معقول
وتستر نفسها قدام عريسها
يعنى بجد بيوت كتير اتسترت بسبب رخص اغلب المنتجات الصينية
اللى موجودة فى مصر
تعليقاتكم كلها كويسة
انا بس هارد على التعليقات اللى مش فاهماها
او حد بيستفسر عن حاجة
بتاع الدافيدوف
الكى بورد مؤنث
مواطن مصرى
موضوع نستورد لعيبة صينى للزمالك
دى فطستنى على روحى من الضحك
انت عارف لو ده حصل
ممكن يحصل فتنة فى البلد
لان ممكن بعد كدة هتلاقى كل الناس عايزة تستورد الصينين
هتلاقى الرجالة عايزين عروسة صينى زى ما بدراوى قال
ان العروسة الصينى نزلت البلد
ومش بعيد تلاقى الستات كمان اتجننوا
وتلاقى الست من دول واقفة
عند جمعية الصينين الاستهلاكية
وساحبة جوزها وراها
وبتقول للموظف خد ده
وادينى واحد صينى من فضلك
لا بس بجد من غير تهيس
انا قعدت افكر فيها
الموضوع ممكن يقلب بجد فعلا وتلاقى مصريين بيتجوزوا صينيات وهتلاقى الموضوع ده ممكن ينتشر فى طبقة معينة يعنى مثلا الصينية اللى بتيجى مصر هنا
وبتبيع هدوم
هتلاقيها مثلا اتعرفت على شاب مصرى من نفس مستواها واتجوزوا
ولو واحدة مصرية بتشتغل بياعة فى محل ممكن جدا تتعرف على بياع صينى ويتجوزوا
يعنى الموضوع الاول هيكون منتشر فى طبقى معينة
بس ممكن بعد كدة يحصل عدوى ما بين باقى الطبقات
وهتلاقى بعد كام سنة
جيل من الاطفال طالع متخلط
مصرى على صينى
وده هيخلى الصين تعمل بيزنس
فى مجال التعليم
ويعملوا مدارس صينية
على غرار المدارس الفرنسية
والانجليزية والكندية والايطالية
ويستودوا مدرسين صينين علشان يعلموا العيال الصينى على اصوله
سعاد فاكوورى
مش فاهمة بتخافى تدخلى محلات ايه؟
انتى تقصدى
التوحيدوالنور؟
!!!!!!!!!!!!!!!!
دول طيبين اوى يا بنتى ومحترمين جدا
انا ساعات بستغرب هما ازاى بيجيبوا كل العدد ده من العمالة يكونوا زى بعض كدة
لان بحس انهم كلهم شبه بعض فى الشكل والطباع والهدوء والاحترام
وصبورين جدا على الزباين
انا مافهمتش الحتة بتاعة هتلاقة على قفا جوزها صنع فى الصين
ممكن تفهمينى تقصدى ايه؟
احمد 1316
بصراحة انا سمعت وقريت يا احمد الخبر
لكن معرفش بقى حكاية اذا كان قشرة ولا دهب بجد
انا ماليش فى الدهب اساسا وعلشان كدة مهتمتش انى اسال اى صائغ
بس لو عرفت حاجة هابقى اقولك
هندسة وصفية
هههههههههههههههههههههههه
لو فيه فرق
بلغنا
شكرا ليكم كلكم يا جماعة
ومعلش مش برد عليم كلكم
انا مش عايزة اخلى حكاية انى لازم ارد على كل واحد تكون قاعدة علشان محدش يزعل منى
انا عايزة احس اننا بنتناقش او بنتكلم فعلا مع بعض
اختكم خيخة
شيماء اونلى سبوت
انا عايزة اشوف الفيديو ده
انتى بتقولى عليه وبدراوى قال عليه
والشنكوتى تقريبا كان يقصد نفس الحاجة
طب اللى فيكم عنده الفيديو ده يبعتهولى
واوعى يكون متفيرس
الواحد مش ناقص
انتى وحشانى جدا
وعلى بالى يا شيمو دايما
حضن كبييييير اوى ليكى
سيدتى خيخة هانم فعلا فى مدارس صينى دلوقتى زى الفرنساوى و الامريكانى وكمان عندك فى اكتوبر والبقية تاتى
http://www.youtube.com/watch?v=6GLF8QzPnNI
دة لينك للفيديو يا نورا ... سلمي على شيكو و الحقي احجزيلة عروسة من دول
:))
بعد الشر على الولد طبعا
كريم
بجد ؟
اكتوبر اللعينة فيها مدرسة صينية؟
فين دى
فى انهى حى؟
عموووووووور
هههههههههههههههههههههههههههههههههه
انا لسة شايفة اللينك حالا
يجنننننننننن
بس مافهمتش بعد الشر على شيكو ليه؟
هو انا هالاقيله عروسة احسن من كدة
دى عروسة هتريح حماتها قبل ما تريح جوزها
انا بفكر احجز عروستين
واحدة لشريف وواحدة لابو شريف
:D
بصراحة انا فاصل اليومين دول بس خوفتيني لاحسن ابص على قفايا (مش عارف ازاي الصراحة ) ألاقي مكتوب صنع في الصين ...وتبقى مشكلة لأني في الحالة دي هبقى رخيص قوي عشان انا بفضل يكون مكتوب على قفايا (وخدي بالك من حتة قفايا دي ) صنع في مصر عشان ابقى غالي من ناحية!!!!!!!!!!!!!!1 ومن الناحية التانية لازم يكون في مصر بماان الموضوع يخص القفا وكل واحد ياخد باله من قفاه.... This comment is (made in China)
عنيا ابعتهولك بس اكتبى لي اميلك لانه والله ما عندى وانا ابعتهولك حالا يا جميل
ربنا يعزك يا خوخه ويكرمك وانتى كمان من الناس العزاز الى بحبهم والله من قلبى
تحياتى
خوخة
انتى ليه دايما بتوصفى اكتوبر باللعينة؟؟؟؟؟
عارفه يا خيخه
لما رضا راح الصين من سنتين جه حكالي عنهم
قلتله امريكا مش هاتسيبهم
قالي امريكا نفسها مش هاتقدر عليهم عشرين سنه بالكتير وهاتكون الصين ند لامريكا
وده حصل فعلا والصين اتحدت امريكا ايام الدوره الاولمبيه
الصين رغم كل شيء
ورغم انى مش باحب الصفر وباحسهم لو اتمكنوا من رقابي العالم لقصفوها
الا انهم ناس بيشتغلوا وبينتجوا كلللللللهم
الشعب كله بيشتغل مش الشعب كله مانتخ
بصرف النظر عن الديانات كمان والافلام دي
الا ان فعلا طبقوا كلام زعيمهم الى قالوله هاتعمل نهضه ازاي وانت عندك مليار بؤ بياكل
قالهم وعندي 2 مليار ايد بتشتغل
الصين لها منتجات تضاهي فى جودتها المنتج الاوربي وبتنافسه منافسه عاليه فى الاسعار
وده الى هاجننهم منها
لكن وبلا فخر احنا الى بنروح هناك نلم زبالة المجتمعات ونجيبها
لا فيه رقابه على المستورد ولا في نيله
والمستورد تاجر يهمه الربح والبيع اهم حاجه
واحنا شعب ساذج واهم حاجه هاندفع كام
مش هانعمل بها ايه
مش احنا بنقول الغالي تمنه فيه
المهم يكون غالي عشان ساعتها نتاكد انه كويس
صدقينى من خلال دراستي بجد فى موضوع الاستيراد من الصين
لقيت ان اغلب البضايع الصينى احنا بندفع 90 فى الميه من تمنها عباره عن تكاليف الشحن والتسويق
والباقي بقى تمنها فى الصين عشان احنا بنروح نلم زباله
خلينا مانتخين وبنقول الصين وحشين ومفتريين وهاياكلونا
أولا وقبل كل شئ نرفع القبعة لهذه المدونة الرائعة
يمكن متبابعها من زمان بس عندي بخل في الردود
اعذرونا بقى
بالنسبه للصيني
عمي مستورد وأساس شغله من الصين
بيحكي لي
بيقولي لما سافرنا هناك أول مرة مرة
الراجل قالها له بالصيني : لو عايز لبن العصفور هنجيبهولك
كناية :عن إن الناس فجروا في الصناعه
أخيرا دعونا نقل :::
عماااااااااااااار يامصر
بيلعب في الشارع ممكن تنادي لي عليه يا مصر
شيماء اونلى سبوت
خلاص يا شيمو
عمرو جابلى اللينك واتفرجت عليه
ماتتعبيش نفسك يا جميل
سبهللة
اكتوبر لعينة ليه؟
والله انا حاليا مش متذكرة السبب
بس انا كل اللى فاكراه ان كان فيه عدة اسباب تخلينى ادعوها باللعينة
فعلاً الصين دولة غزت العالم...
عقبالنا إحنا كمان..
ماهو دا اللى بيفرسنى يا نونو
لما الاقى السادة الأفاضل المشئولييييييين إياهم
تيجى تكلميهم عن الزحمة و الفوضى و ....
يقولولك منتو كتير
ونجيبلكوا منين و نعملكوا إيه و الزيادة السكانية و أبصر إيه عشان يداروا خيبتهم ؟؟!!
الله طب ما الصين أهى و ماليزيا و الهند أهى
بلاد أعدادها ما شاء الله
و قدروا بشوية تخطيط فى فترة زمنية بسيطة يقوموا من عثراتهم
و يبقوا حاجة كبيرة قوى
منبقاش زيهم ليييييييييه ؟؟!!
على رأى الشاعر سيد حجاب
الله يمسيه بالخير
صعبة الحياة و الحل بسيط
حبة تخطيط
يا مصرى ليه دنياك لخابيط
بوسيلى الواد شيكو قووووووووى
بش مش بوسة صينى
بوسة مصرى و بالثلث
على سيرة الزواج الصيني http://www.youtube.com/watch?v=8WRXCbowV8E
مش عارفه ليه افتكرت البقى الحمضان اللى كان بيقول و يبصوا عليه و يقولوا العبيط أهه
:)
بس انتى بتبصى و تلاقى صنع فى الصين ، انا كنت ف معرض الاجهزة الكهربائية اللى ف مدينة نصر من فترة و كان فيه هناك معرض مفارش و حاجات كده و كنت عايزة اشترى حاجه من واحد صينى فبيقول سعرى امى جت تفاصل راح قالها و الله العظيم دى بكذا انا تنحت و قلتله هو انت عرفت و الله العظيم
بس تفتكرى الغالى تمنه فيه و للا الواح يشترى دسته من الرخيص تؤ]ى الغرض ؟
خيخة
شفتي الميل اللي بعتهولك بتاع الصين؟؟
مش ممكن توارد الخواطر ده
انا مكنتش قريت البوست ده لسه
:D:D:D
أجدع صباح صيني على عيونك يا جميل
ههههههههههههه
البوست حلو خالص والفيديو يفطس من الضحك
بس معنى كلامك ده إن الصين إديت العالم كله على قفاه
تريد مارك يعنى
هههههههههههههه
ههههههه
هههههههه
احاول ابطل ضحك علشان اعرف اعلق
بجد تحفه
تحياتى
اكمل ضحك
ههههههههههههههه
هههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بصراحه انا بقيت لما بنزل والاقي حاجه صنع في الصين بشتريها علي عكس ماما اللي مؤمنه ان الماركات بتعيش اكتر وافضل واحسن
لما قريت اول كلامك كنت عاوزه اقولك انو مالو الصيني بيعيش والله
وبعد ما كملت لقيتك بتقولي شبشب وانا في رجليه شبشب ببص فيه لقيتو مكتوب عليه ماركه غريبه قلت طيب كويس مش صيني نفد ده مني
لقيتك بتقولي ماوس ببص في الماوس لقيتو صيني بتاعي وهو معايه بقالو سنه ونص اهه
الكيبور صيني وبكر الشعر بتاعي انا بعشق التحف كلها صنع في الصين ومن احسن ما يكون فعلا حجات كتير
بجد الصين دوله منتجه بكل المقايس من الاكترونيات الي الشباشب وكل الحجات وانا متوقعه انها هتبقي وريثه امريكا بل ممكن هتبقي احسن منها
ده انا متوقعه ان علي ما اتجوز واجيب بيبي وابني يدخل المدرسه هتبقي اللغه السائده هي الصينيه وقاعده بفكر هدرسهالو ازاي
ههههههههههههههههههههههه
معلش اصل انا بتعمق في افكاري وتوقعاتي لحدود بعيده حبتين
انا خلصت لاأخر كلامك وبجد اخره حكمه جامده
(أخر الكلام
الصين تنين نائم ... ويل للعالم إذا إستيقظ
((
يا حكمك الجامده هههههه تحياتي ليكي يا سكر
What do you think about Japan?
[url=http://acquistagenericolevitra.com/]acquisto l e v i t r a generico[/url]
Post a Comment