فى اغلب البيوت يوجد قضية من نوع المسكوت عنه
وبتبقى فى السكرتة ومحدش واخد باله
لكن لما المسكوت عنه يبقى علنى وعلى صفحات الجرايد
تبقى فيه كارثة بتحصل او حصلت فعلا
المسكوت عنه بتكون عادة جرائم جنسية بين المحارم وبعضها
انا مش هادخل فى تفاصيل او فى سرد قضايا
لكن هاقول على حاجات لازم ناخد بالنا منها
وماندفنش راسنا فى الرملة زى النعامة الجبانة
لكل ام
لما بنتك تقولك ان فلان بيتصرف
تصرف غريب او بيلمسنى بطريقة غريبة
اوعى تهزئي بنتك
وتحسسيسها ان هى الجانى رغم انها ضحية
انتى تروحى معاها وتواجهى الشخص ده
ومهمها انكر اوعي تصدقيه وتكدبى بنتك
الكبار بيستغلوا صغر سن الصغار
وبيقولوا معقول هتكدبينى انا وتصدقى عيلة صغيرة؟
اه بروح امك اكدبك انت طبعا
واصدق بنتى واصدق ابنى
هو انت هتكون عندى اغلى من عيالى
العيال الصغيرة بطبيعتهم مش كدابين
ولا يعرفوش يعنى ايه كدب اساسا
لكن الكبار فاهمين يعنى ايه كدب
وبيستخدموه علشان يهربوا من مصيبة ارتكبوها
علشان كدة يا امهات صدقوا عيالكم
واوعوا تكدبوهم
ومهما الشخص حلف ايمنات
لازم برضوا تاخدوا موقف حاد وحازم معاه
علشان مايكررش فعلته
من الاخر كدة اللى يلمس حد من عيالك
خديه قلمين
وانهشى ضوافرك فى لحم وشه
وعضيه فى اى حتة تيجى تحت سنانك
وبهدلي بكرامة اللى خلفوه الارض
ولو بتشربي سجاير
اطفى السجاير فى جسمه
ولو مطولة ضوافرك
ادفسى ضوافرك فى عيونه
دول عيالك
يعنى اغلى حاجة عندك
فاهمة يعنى ايه عيالك
يعنى امانة ربنا ادهالك تحافظى عليها
وربنا لما يسترد امانته دى
هيسالك عليها يوم الحساب ماحافظتيش عليها ليه
لو حصل اى تحرش بعد ماتاخدوا حق عيالكم
وتربوا الكلب ابن الكلب اللى عمل كدة
لازم تتعاملوا مع عيالكم عادى بعد كدة
وماتتكلموش فى الموضوع كتير
واوعى تقفلى على بنتك
او تكبتيها او تحجبيها من وهى عيلة
علشان اتعرضت لموقف زى ده
بنتك مش غلطانة
لكن الشخص المعتدى هو اللى غلطان
ماينفعش بنتك تقولك فلان بيلعب فى شعري
تقومى تحجبى البت وهي عندها سبع سنين
ايه الهبل ده
ماينفعش تصلحى الغلط بانك تكبتي بنتك
لكل زوج
لما مراتك تقولك انا مش مرتاحة لفلان
بلاش تقعد تقول ليه وتسال اسئلة كتير
ارجوك يا حضرة الزوج المحترم
افهمها وهى طايرة
افهم ان نظرة فلان لمراتك مش مريحة
افهم ان مراتك ممكن تكون اتعرضت لشئ من التحرش
ومش عايزة تصرحلك علشان
ماتعملش مشاكل بينك وبين الشخص ده
خصوصا لو كان الشخص ده
اخوك ولا ابوك ولا حد من قرايبك الرجالة
لان صلة الدم اللى تربطك بيهم
هتخليك لو هى صرحت باللى حصل
انت مش هتصدقها برضه
مش هتصدق ان اخوك ممكن يكون بيتعرضلها
او صاحبك يكون بيبصلها نظرات غريبة
فعلشان كدة لو سمحت
ارحمها من التصريح وافهم التلميح
لكل اب وام
ممنوع منعا باتا الولاد والبنات يناموا فى سرير واحد
لو شقتكم صغنونة ومافيش غير اوضة واحدة للعيال
يبقى كل واحد وله سريره حتى ولو كانوا بنات
ولو اوضة واحدة وعندكم ولاد وبنات
افصلوا الاوضة بستارة بينهم
وممنوع باب الاوضة يتقفل عليهم لوحدهم اطلااااااااقا
ممنوع منعا باتا ممارسة العلاقة الزوجية قدام العيال
حتى ولو كانوا اطفال
وحتى لو كانوا نايمين
ابقوا اقفلوا عليكم باب اوضتكم
و وطوا صوتكم
وبلاش هونجا بونجا بصوت عالى
ممنوع منعا باتا انكم تسيبوا ولادكم مع بعض لوحدهم
حتى لو مربينهم وواثقين فيهم
الاطفال فى سن ما قبل المراهقة
بيكون عندهم حب فضول واستطلاع للاعضاء الجنسية
يعنى ممكن يلعبوا مع بعض لعبة العريس والعروسة
او لعبة الدكتور اللى بيكشف على المريض
لمجرد انهم يكتشفوا اعضائهم
والموضوع ممكن يتحول من لعبة جماعية لجريمة مسكوت عنها
ممنوع منعا باتا ان عيالكم تقعد على حجر حد
ممنوع منعا باتا تبعتوا عيالكم يشتروا حاجة حلوة مع اى حد
علموا عيالكم الصويت والعض والصراخ والجري
وعلموهم انهم يحكوا فى امان
من غير ماتزعلوا منهم او تحسسوهم ان هما المتهمين
لكل ام
ولادك قدام عنيكي
ولادك قدام عنيكى
ولادك قدام عنيكى
ولادك قدام عنيكى
فى التدريب بتاع النادى
عينك على ايد المدرب رايحة فين
حتى لو ولادك دول ولاد مش بنات
عينك على ولادك
وانتى عند الدكتور
عينك على ايد الدكتور وهو بيكشف على ولادك
ولادك قدام عنيكى
لو ظروفك ماتسمحش انك تكونى مع ولادك فى كل مكان
يبقى لازم يكون فيه بينك وبين ولادك مساحة من الحرية فى الكلام
وخليهم يحكوا
وانتى اسالى كتير
عملوا ايه ولعبوا مع مين وايه نوع اللعب
لكل ست او بنت
ليه دكتور امراض نسا؟
لييييييييييييه؟
مافى دكاترة ستات ماليين البلد
انا مش بتكلم من المفهوم الدينى
انا بتكلم عن الكسوف والاحراج
لو خلاص انتى بترتاحى مع دكتور نسا
يبقى جوزك معاكى
جوزك معاكى
جوزك معاكى
جوزك معاكى
جوزك معاكى
جوزك معاكى
لو جوزك مش موجود
يبقى تاخدى معاكى اختك او مامتك او صاحبتك
اى حد يروح معاكى
ممنوع الذهاب الى دكتور امراض نسا لوحدكم
ممنوع الذهاب الى اى دكتور راجل لوحدكم
خدوا معاكم حد يرحمكم الله
اللى ساكنين فى بيت عيلة
ممنوع الست لو هى محجبة
تقعد بشعرها قدام اهل جوزها من الرجال
لو الست مش محجبة اساسا
ممنوع انها تقعد بلبس فاضح
قدام اهل جوزها من الرجال
حتى لو فى بيت عيلة يا جماعة
اعملوا حدود فى العلاقات
وكل واحد يلزم حدوده
يعنى مش الراجل يدخل ينام
ويسيب مراته بتلعب كوتشينة مع اخوه
ويقول عادى دى مراتى وده اخويا يعنى اخوات
لا وحياة امك مش عادى ومش اخوات
لكل اب وام
لو عيالكم بتاخد دروس خصوصية
الدروس الخصوصية تكون فى بيتكم
والأب او الأم
يقعدوا فى نفس الاوضة اللى العيال بتاخد فيها الدرس
والباب يكون مفتوح
بس خلاص
انا تعبت من كتر النرفزة وانا بكتب البوست ده
خدوا بالكم من نفسكم اوى
وخدوا بالكم من عيالكم اوى اوى اوى
وقربوا من ربنا اوى علشان يرحمكم ويبعد عنكم اى شر
ربنا يحميكم كلكم ويحمي عيالنا
يارب
يارب
يارب
بلاش شريف يارب
لو مقدر ليا انى اشوف حاجة وحشة فى دنيتى
تبقى فيا انا يارب
وبلاش شريف
يارب انت وحدك اللى عارف مدى خيخنتى
وعارف انى مش هاستحمل حاجة على ابنى
يارب علشان خاطر حبيبك المصطفى يارب
بلاش شريف
بلاش شريف يارب
واى حاجة وحشة خلهالى انا يارب
يارب احفظلى ابنى والنبي
يارب لو زعلان مني بلاش تعاقبنى فى ابنى
احفظهولى يارب من كل شر
انا هامشى بقى لانى مش شايفة من دموعى
ومناخيري ساحت وبربرت
خدوا بالكم من نفسكم
وربنا يحفظكم ويحفظ عيالنا
احلى الكلام
بسم الله الرحمن الرحيم
قل لن يصيبنا إلا ما كتب الله لنا
صدق الله العظيم
انتهى
بت خيخة وأى كلام
38 comments:
very good blog, congratulations
regard from Reus Catalonia
thank you
يخربيت دماغك ايه الجراءة دى
لا بجد انا مشوفتش حد فى العالم اتكلم عن الموضوع ده بالجراءة دى
بجد ارفع لكى القبعة
نصايح مهمه طالعه من قلب ام بجد
ربنا يجازيكي عنها خير
وربنا يحفظك انت وشريف .... وما تشوفيش ولا يوم وحش ابدا
روحي يا شيخة ربنا يجازيكي ألف خير
مافيش حاجة قولتيها غلط عندك حق لا ألف حق
لاوم نتعلم أن في حدود
دلوقتي بس عرفت لية خالي كان بيقعد معانا وأحنا بناخد الدرس الخصوصي
لية كان ممنوع نقعد لوحدنا أو نقفل علينا باب
لية الإختلاط بينا وبين قرايبنا الولاد كان في حدود ضيقة جداَ
لية لما كانت بتحصل ظروف ونتجمع في بيت واحد أو في المصيف كان في حد كبير بيفضل صاحي طول الليل
اللي كنا بنقول عليها مراقبة محكمة وخنقة طلع ليها فايدة في الآخر والحمد لله
ياريت كل الناس تعرف وتفهم ومش ترافب جوة بس اللي برة افظع وأخطر
أيوة نعلم ولادنا يصرخوا ويصوتوا ويعوضوا ويخربشوا أي حد يقرب منهم
مش كل الناس طيبين ولا كل الناس نواياهم كويسة
ياااااااااارب أحمي كل طفل برئ من كل شر
يااااااااااااارب
اول تعليق
اولا ربنا يحملك ابنك من كل سوء وشر
ثانيا موضوعك مهم جدا بجد
بتبقى صعبه اوى لما يحصل حاجه زى كدة
وبجد ياريت
كل اللى يقرى البوست
يعمل بيه علشان فعلا ربنا يرحمنا
حزينه
بجد كلامك مش قادرة اقول لك حاجة غير بجد برافو عليكي
انتي بجد صدقتي اوي و داه اللازم يحصل
و بجد فيه حدود و دلوائتي باءا كتير يستهين بيها و بتوأدي الاستهانة دي لحجات وحشة اوي
و ربنا يحفظلك شريف دايما
انا متابعك من زمان بس دى بجد اول مره ادخل اكتب تعليق فى اى مدونة
الموضوع جامد جدااا
و حقيقى مائة بالمائة
سالخير
اولا البوست فوق الرائع
بصى بقا انا بنوته صغيره من سوهاج عندنا الحياه ف الصعيد اغلبها ام لم يكن كلها تخاويف
يعنى لو بنت فكرت تقول ان مثلا ابن الجيران عمل كذا فهيبقى نهار مطلعتلوش شمس
والبت هتتجرجر من شعرها ويتقفل عليها ميت باب ومش بعيد يبطلوها تعليم
طبعا ده مش ف الصعيد كله
بس اقربها
واحده قريبتى ومتعلمه تعليم عالى بنتها الصغيره راحتلها قالتله يا ماما ابن خالتى عمل كذا
هو تحرش جنسى
الام مكدبتش خبر
ضرب ف البنت وبهدله البنت يادوب سبع سنين حلفتلها والله يا ماما اما ما عملت حاجه ومش هو كمان عمل حاجه بس كان هيعمل لولا انى جريت
الام مصدقتش البنت وتخيلى تاخدها لدكتور امراض نسا عشان تتاكد ان بنتها سليمه
بالذمه ده اسمه ايه؟
وف الاخر الام دى تقريبا مش بتخرج البنت اطلاقا ومنعتها من كل قرايبهم ولاد وبنات
والله انتى معاكى حق
مجهودك ف البوست ده مدهشويارب يحميلك شريف من كل شر ويبعد عنه اى مكروه باذن الله
السلام عليكم
اقولك ايه والله موضوع قمه فى الروعه
حسيت بقلب الام اوى فى كلامك
ربنا يحفظ ولادنا يارب من كل سوء
كل سنه وانتى طيبه يارب
تقبلى تحياتى
فى حفظ الله
متفق معاكي جداً
و عايزك تقرأي الحديث ده
عن عقبة بن عامر أن رسول الله صلى الله عليه وسلم قال : " إياكم والدخول على النساء ، فقال رجل من الأنصار : يا رسول الله أفرأيت الحمو ؟ قال : الحمو الموت .
رواه البخاري ( 4934 ) ومسلم ( 2172 ) .
والحمو : هو قريب الزوج .
وأنت تلاحظ أن الصحابي أراد أن يستثني قريب الزوج من الحكم فجاء التشديد من جهته ، لأن دخوله البيت لا يُستغرب .
قال النووي :
وأما قوله صلى الله عليه وسلم " الحمو الموت " فمعناه : أن الخوف منه أكثر من غيره , والشر يتوقع منه , والفتنة أكثر لتمكنه من الوصول إلى المرأة والخلوة من غير أن ينكر عليه , بخلاف الأجنبي ، والمراد بالحمو هنا أقارب الزوج غير آبائه وأبنائه ، فأما الآباء والأبناء فمحارم لزوجته تجوز لهم الخلوة بها , ولا يوصفون بالموت , وإنما المراد الأخ , وابن الأخ , والعم , وابنه , ونحوهم ممن ليس بمحرم ، وعادة الناس المساهلة فيه , ويخلو بامرأة أخيه , فهذا هو الموت , وهو أولى بالمنع من الأجنبي لما ذكرناه ، فهذا الذي ذكرته هو صواب معنى الحديث ... وقال ابن الأعرابي : هي كلمة تقولها العرب , كما يقال : الأسد الموت , أي لقاؤه مثل الموت ، وقال القاضي : معناه الخلوة بالأحماء مؤدية إلى الفتنة والهلاك في الدين , فجعله كهلاك الموت , فورد الكلام مورد التغليظ .
" شرح مسلم " ( 14 / 154 )
بالنسبة لنوم الأولاد مع إخواتهم البنات فرسول الله صلى الله عليه و سلم أمر بالتفريق بينهم في المضاجع لعشر
يعني لما عمرهم يوصل 10 سنين لازم يناموا في سراير منفصلة عن بعض و يفضل في اوض منفصلة عن بعض
و برضه سن الـ 10 سنين هو سن بدء الفتاة لإرتداء الحجاب لتتعود عليه من صغرها مثله مثل الصلاة
متفق معاكي بس مش عارف بتعيطي ليه ؟
خلتينى اعيط من قلبى بحرقة على الزمن الى اخاف اقول انا ماليش فى الدنيا بعد ربنا غير اخويا ولا اختى يجوا بعد كده يدبحونى بسكينه خلاص فى الزمن ده انا خايفة اتجوز يطلع شخص واطى ولو اتجوزت خايفة اجيب عيال هموت عليهم من الرعب كل يووم مش هديه لخالو علشان يشتريلو حاجه حلوه ولا هديها لخالتها علشان تجبلها فستان جديد واجيبهم ليه وكل الرعب ده حواليا مش كفاية بقيت اخاف لما حد يبصلى او حتى يقرب ويمشى جمبى
ربنا يحفظلك شريف ويحفظ المسلمين جميعا من كل شر
بوست جميل جدا جدا جدا
بس نسيتي تحكي
ان الام لازم تلبس لبس محترم ومحتشم
علشان نمنع المعاكسات والتحرشات
نسيتي تنصحي كل ام
انها تلتزم بانها تجبر بنتها وهي صغيره انها تلبس محترم
بلاش القصير والديق
وقعت منك دي
مهندس مصرى
كنت بعيط لانى كنت بكتب البوست ده بحماس اوى
وكنت خايفة جدا على شريف
انه يتعرض لحاجة زى كدة لا قدر الله
ربنا يحفظهولى يارب ويحفظ عيالنا كلهم
آميييييييييييين
تسلمى يا نورا بجد
ربنا يكرمك يارب ويباركلك فى شريف
بصراحة انا عيطت زيك فى آخر البوست وانتى بتدعى لشريف
لانى دايما دايما بدعى بنفس الكلام
ربنا يحفظ لنا اولادنا من كل سوء ويباركلنا فيهم يارب العالمين
كل سنة وانتى طيبة يا حبيبتى
رمضان كريم
بوسيلى شريف
ازيك يا نانو يا عزيزتي الغالية
ربنا يكرمك يارب ويحفظك انتي وشريف وكل اسرتك من كل سوء او شر يارب
________________________________
والله يا نانو كلامك صحيح مليون في المية طبعاً
واللي ينكر اي كلمة من الكلام ده
يبقى سوري بيدفن راسه في الرمل زي النعامة او بيضحك على نفسه
واللي بيستهون بكلامك يبقى بيضحك على نفسه
احنا فعلا بقينا في وقت
الناس فيه ما بقيتش طبيعيه
إلا من رحم ربي طبعا
ربنا يهدينا ويرحمنا برحمته الواسعه
بس هل الناس اللي بترتكب الفواحش او الجرائم دي طبيعيه ؟؟؟
اعتقد ان بقى جواهم خلل
والموضوع مش ضيق حال او ضيق معيشة
لأأأه
الموضوع ضيق في الاخلاق وانعدام اخلاق
كأن الناس استغفر الله العظيم مش شايفين ربنا
نادراً اما نلاقي حد بيتقي الله
ويقول
البنت الصغيره دي او الطفل ده ابني
او ان شخص بيتقي الله ويخاف ربنا
ويقول جواه ( بنتي او ابني حته من دمي ولحمي واعصابي ...باختصار انا وانا صغير )
ماهو لو كل الاباء والامهات شافوا في اولادهم انهم بيشوفوا طفولتهم وشبابهم وحياتهم كلها مرة تانية في اولادهم
ما كانش حد يرتكب الفواحش او الجرائم اللي انتي قولتي عليها دي
ربنا يرحمنا جميعاً برحمته الواسعه يارب
___________________________________
نانو على الهامش
انا باحبك جداً في الله
واعذريني ما عنديش انترنت في مصر
بس ان شاء الله اول ما هارجع لقواعدي تاني سليمة في بلدي التاني
ان شاء الله هايبقى عندي انترنت ثابت
ويااااااااارب تبعتي لي ايميلك يا بنتي
وبخصوص المدونة بتاعتي
انا فعلا قافله التعليقات عندي لان في بعض الناس اللي بتستهبل اوي
وكان لازم نوقفهم عند حدهم
طبعا شوية زبالة وحثالة بيشتموا في دينا
والله المستعان
ربنا يحمى ولادنا وأولاد المسلمين وإحنا لازم ننبه ولادنا للحاجات اللى حتى ميقدروش يستوعبوها أو يفهموها لأن مجرد ما أبنى يدخل حمام رجاله لوحده لأنه كبر لازم يفهم إن الناس منهم كتير مبقوش زى الناس والكارثه إن الغدر يجى من حد مش ممكن نكون وضعناه فى القايمه علشان كده عندى نصيحه ممكن تطبيقها يدى الناس جرأه لو حد إتعرض لأى أحتكاك يصرخ ويقول حرااااااااااااااااااااااااااااامى لأن كده اللى بيعمل حاجه غلط حيخاف والناس حتجرى تمسك لأن لو قال الحقونى مثلا ممكن يقول ده أنا باباه ,عمه , خاله أو الناس تفتكر أنه جوزها وبيأدبها فأى تدخل بعد كده يكون ضد الضحيه لانهم حيكونو ناصحين ويحولو يلطفو الجو وبكده حتكون ضحيه بأمر الجميع ومساعدتهم وده قهر وظلم بين ودى نصيحه نضمن بيها إن شاء الله حمايه ولادنا وبناتنا من خطر ربنا يبعده علينا وبتفق معاك جدا أهم حاجتين المتابعه والصراحه والصداقه التامه وربنا يقدرنا على ولادنا فهما أمانه
وكمان بطلب من ربنا وأترجاه إن ميكنش إمتحانى وأبتلائى فى أولادى وربننا يحمي ولادنا وأولاد المسلمين يارب
)كفى على المرء إثما أن يضيع من يعول(
يارب نقدر كلنا نحافظ على ولادنا وكفايه كده لأنى إتوجعت أوى أوى
جزاك الله خيرا
يارب
يارب
يارب
بلاش شريف يارب
لو مقدر ليا انى اشوف حاجة وحشة فى دنيتى
تبقى فيا انا يارب
وبلاش شريف
-------------------------
إحساس المؤمن بأن زمام العالم لن يفلت من يد الله يقذف بمقادير كبيرة من الطمأنينة في فؤاده.
إذْ مهما اضطربت الأحداث وتقلبت الأحوال فلن تبُتّ فيها إلا المشيئة العليا: ) وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ((1).
وذاك ما عنته الآيات الكريمة: ) قُلْ لَنْ يُصِيبَنَا إِلاَّ مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ "
أما إذا فرغت نفسه من الله ونظر للأحداث كأنها موج يتدفع مداً وجزراً يغرق فيها من يغرق ، وينجو من ينجو فإنه يحيا بفؤادٍ هواء تلعب به الأحداث والظنون...
هذا يفسر ركون المؤمن إلي ربه ، بعد أن يؤدي ما عليه من واجب .
إنه يتوكل عليه بعد ما بذل جهده من عمل وأعداد وإحتياط.
وما أكثر أن تتبخّر خواطر السوء ووساوس الضعف، ويتكشّف أن الإنسـان يبتلى بالأوهـام أكثر ممـا يبتلى بالحقائق، وينهزم من داخل نفسه قبل أن تهزمه وقائع الحياة: ) الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ ، فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ"
---------------------------
( مَا مِنْ عَبْدٍ يَقُولُ فِي صَبَاحِ كُلِّ يَوْمٍ وَمَسَاءِ كُلِّ لَيْلَةٍ بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ ثَلَاثَ مَرَّاتٍ لَمْ يَضُرَّهُ شَيْءٌ )
قال الله تعالى : ( لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ )
( قُلْ هُوَ اللَّهُ أَحَدٌ ) وَالْمُعَوِّذَتَيْنِ حِينَ تُمْسِي وَحِينَ تُصْبِحُ ثَلَاثَ مَرَّاتٍ تَكْفِيكَ مِنْ كُلِّ شَيْءٍ )
( مَنْ قَالَ حِينَ يُمْسِي ثَلاَثَ مَرَّاتٍ: أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ، لَمْ يَضُرَّهُ حُمَةٌ تِلْكَ اللَّيْلَةِ )
( الَّذِي لاَ يَضُرُّ مَعَ اسْمِهِ شَيْءٌ فِي الأَرْضِ وَلاَ فِي السَّمَاءِ ) أي : مَن تعوَّذ باسم الله فإنَّه لا تَضرُّه مُصيبةٌ من جهة الأرض ولا من جهة السماء .
مَا مِنْ عَبْدٍ يَقُولُ فِي صَبَاحِ كُلِّ يَوْمٍ وَمَسَاءِ كُلِّ لَيْلَةٍ بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ ثَلَاثَ مَرَّاتٍ لَمْ يَضُرَّهُ شَيْءٌ )
مَنْ قَالَ : بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ ثَلَاثَ مَرَّاتٍ لَمْ تُصِبْهُ فَجْأَةُ بَلَاءٍ حَتَّى يُصْبِحَ ، وَمَنْ قَالَهَا حِينَ يُصْبِحُ ثَلَاثُ مَرَّاتٍ لَمْ تُصِبْهُ فَجْأَةُ بَلَاءٍ حَتَّى يُمْسِيَ )
اول تسلمى ويسلم لامك
وثانيا بدعوكى لزيارة مدونتى
ولى كامل الشرق
مع فائق تقديرى واحترامى
ندى عدلى
ايميلى اهوه
nouranelshamly@hotmail.com
مواطن شوجاع
انت خدت جزء من دعائى لشريف وكتبت بعديه كلام كبير اوى
يصعب على امثالى فهمه
ومافهمتش انت عايز تقول ايه
عايز تقول ان انا من الناس اللى بتحيا بفؤاد هواء
وتلعب بهم الهواجس والظنون؟
ولا انا من الناس التانية الكويسة المؤمنة ان زمام الامور لن يفلت من يد الله؟
طمنى ربنا يطمنك
انا ناجحة ولا ساقطة؟
وزاد الوسواس عندى حبة اكتر ما هو كان موجود
بجد عجبتيني قوي المرة دي ومقدرتش امنع نفسي اني اعلق بجد بجد يسلم لسانك ويحفظك لشريف ان شاء الله ولا يوريك فيه الا كل خير وطيب ويبعد عنه وعنك كل اذى ان شاء الله كتير من الجرائم الي تكلمتي عنها تشيب سمعت عنها من معارف واصحاب اتعرضوا لها وكتير من الناس بشوف اهمالهم لولادهم بدعوى الثقة في الناس والدنيا بخير وباسلول غبي بيعرضوا ولادهم لبلاوي وده اهمال الومهم عليه يسلم لسانك الف مرة على كل كلمه كتبتيها في البوست ده عيطتيني معك والله وكل سنة وانت وشريف بالف خير يارب رمضان كريم
يسلم لسانك و قلمك يا خيخة
هو دا بالضبط اللى كنت بعمله مع يوسف و كنت بحذره منه
لأن مفيش امان عموماً
و الحذر يؤخذ من مكمنه للأسف
خالص حبى ليكى يا خوخة
و بوسس لشريف كتير مخصوص عشان رمضان
نورااان
انا جيييت
المهم انا لاقيتك كاتبة كلام مهم فقلت قشطة
المهم رمضان كريم و يا رب يكون خير عليكي و علي شيكو و كل الناس يا رب امين
في امان الله
انا الي عيطت مش انتي
ربنا يجازيك كل خير على نصايحك الغالية ، و الله نفس الكلام كنت قريب جدا بناقشة مع صاحبة لى ، النقاط دى مهمة جدا أن كلنا نراعيها و تلاحظها وما نغفل عنها ابدا ابدا ، جزاك الله كل خير نورا ، بس بالذمة دة كلام بنت خيخة أمال لو مش خيخية كانت ها تقول أيه !!!!!!!!! ربنا يبارك فيك و يحفظ لك شريف من شر وسوء يارب و يحفظك من كل شر ، وكل سنة و انت طيبة و بخير .
" وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنزٌ لَّهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنزَهُمَا رَحْمَةً مِّن رَّبِّكَ
سورة الكهف
كلامك مظبوط يعنى واجب نسد اى ثغرة نفتكرها مش هى دى باب الاذى لا دى ممكن قوى تجيب الاذى وتجيب بلاوى سودة
شوفى انا اصلا معدتى قايمة عليا والاحساس اللى جانى من البوست خلى معدتى اتشنجت تانى هههههه معلش الامر لله هاخد العلاج تانى ههههههههههه
شوفى بجد والله الحتة الاخيرة فى البوست دى والله العظيم حسيتها جدا ولانى قرات المدونة كلها يعنى الثابت اكيد واكتير من اللى اتمسح فانا قدرت افهم امومتك لابنك ومش مستغربة كلامك ابدا انا فعلا بدعى زيك كده بالظبط لانى ام واعرف يعنى ايه ابنى يبقى موجوع مش عارفة اعمله حاجة فالاسهل ليا انى انا اللى اتوجع ادينى هبقى عارفة فيا ايه وخلاص انما لو ابنى هبقى مش عارفة بالظبط موجوع ازاى الوجع فين شدته قد ايه وووو يبقى الاسهل اى حاجة تحصل لى انا ولو حتى شوية برد
فانا والله من قلب صادق بدعيلك ربنا يخلى ابنك يارب ويبارك فيه ويبعد عنه اى شر يارب هو واولادى واولاد المسلمين اجمعين ويجعل منهم جميعا عزة للاسلام واعلاء لكلمة الحق فى كل مكان
---------------------------
شوفى كلامك بجد المرة دى صح يعنى فعلا مفيش واحدة تروح لدكتور لوحدها مفيش واحدة تبقى العملية سداح مداح كده مع اهل جوزها وتقولك زى اهلى لا يا عثل هو انتى دخلتى جوه نفسه وعرفتى فيها ايه لا طبعا شوفى موافقاكى وبعدين كلام وومن بتاع المصيف ده بالظبط كان بيحصل ومكانش فى دماغنا خالص حاجة كده ولحد ما قرات تعليقها فهمت اه والله اتاريهم؟؟!!! ؟
المهم نرجع لمرجوعنا اشكرك جدا ربنا ينور بصيرة كل مسلم ياربلا
خيخة ممكن تكلمى ازاى البنت تحمى نفسها من انها تنخدع او تعمل اى غلط مع ولد او ازاى تحافظ على جسمها
وده مش مقصود بيه التحرش
ده مقصود بيه لو واحدة بتحب واحد او مخطوبة
ام شريف الغالية
اول مرة اعلق ولكن ليس اول مرور عندك
ربنا يحفظك انتى وشريف
من كل سوء
وكل سنة وانتى طيبة
وانى احبك فى الله
تحياتى
شكرا ليكم كلكم على تواصلكم معايا
وربنا يحفظلكم عيالكم يارب
المجهول اللى عايزنى اكتب ازاى البنت تحافظ على نفسها وهى بتحب واحد
من عنيا الاتنين
سبنى بس يومين كدة استعد فيهم لرمضان
وبعد كدة لينا كلام تانى
تحياتى ليكم
ممنوع منعا باتا تبعتوا عيالكم يشتروا حاجة حلوة مع اى حد
mawgod 7ad m3ahom wma3 zalek.
elbya3 et7arasg beha w2aswa2
ra7t 7aket odam elsh3'ala 2aletlha (never mind,3ady)
elbent 3ashet snen wsnen msh mst7mla 7d ylmsha la om wala ab 7ta law slam bel2ed
da 3'er blawy kteer
kol da 3sshan lbana bembem eshtretha mrat wmrat !!
elalb ya nouran m2fol 3la blawy welmot7arsh behom aktar mema tatkhyly wm7dsh bydra behom ely b3d mykbaro ema yetl3o shwazzzzz aw rbna yltof behom wy3afro m3 7alhom bs sa3b awe believe me walahi sa3b awe awe awe
تصفيق حاد
يجب ألا نخشى في الحق لومة لائم
برافو برافو برافو عالموضوع ده
اه انا معاكي في كل كلامك يا خيخة
بس من امتي كان الحجاب كبت ؟
اديكي بنفسك قلتي ان طالما هتتجحب يبقي خلاص مفيش حد هيفكر يعمل حاجة
يبقي وقاية من ان حد يفكر التفكير القذر ده
اننا نقفل الباب من الاول و نعود اولادنا علي الحجاب من و هم صغيرين
و ربنا يحفظنا كلنا يارب
متهيالى يانوران لو كلنا واجهنا مشاكل مجتمعنا بالجرأة والصرامه والحزم دة
اعتقد اننا هنحل كتير منها
ان مكانش كلها
كل سنه وانتى طيبه
سلميلى على شريف
ربنا يكرمه ويفرحك بيه يارب ويحبب فيه خلقه
عارفة يا نوران
اكتر حاجة وجعت قلبى فى البوست ده
ان بقى مفيش امان حتى من اقرب الناس لكى
حتى من الام نفسها
للاسف فى حالات تحرش من الام باولادها
قوللى بقى الولاد دول يروحوا فين ؟؟
كنا بتريق على الاجانب لما يوعوا الاطفال يبلغوا عن ابوهم و امهم لما يضربوهم و نقول ايه قسوة القلب اللى بيعلموها للولاد دى
طلع هم صح يا خيخة
اصل لما التحرش من اب او الام هيروحوا فين ؟
ربنا الحارس
انا باستودع اولادى عند ربنا كل يوم و هو خير الحافظين
تسلمي عن كل حرف كتبتيه
Post a Comment