Monday, August 30, 2010

أن تـــــعـــــشـــــق كــاذبـــــة


أن تعشق كاذبة

يشبه تقلبك على جمراً من نار

لا تعرف طعماً للإستقرار

فإن قالت لك معشوقتك

انها تحبك

تفرح فرحة الاطفال... للحظات

ثم تبدأ رحلة شكك فيها

وتسأل نفسك

هل هى تعنيها حقاً

ام تكذب كما عودتنى دائما على الكذب



ان تعشق كاذبة

يعني وجعاً دائماً فى القلب

وضربات رصاص فى العقل

لا تعرف ابدا اين الحقيقة

ولا تعرف طعم الثقة فى الحبيبة

وإن اقسمت معشوقتك بكتاب الله

وبكت بدموع كالتماسيح

تصدقها للحظات

ثم تبدا رحلة البحث عن حقيقة ما اقسمت عليه

وتدعو الله فى صلاتك

ان تكون معشوقتك الكاذبة ...صادقة



ان تعشق كاذبة

يعنى اعلى درجات الجنون

فلا تعرف ماذا تفعل فيها

هل تحتضنها

ام تقتلها



ان تعشق كاذبة

يعنى ان حالك دوما

يشبه أسد

هائج غاضب

غاديٍ أتٍ

محبوس فى عرينه

لا يحق له حتى ان ينفث عن غضبه بزائيره



ان تعشق كاذبة

يشبه ادمان الكوكايين

فهو يضيرك بخباثة غير معلن عنها

اكثر من شعورك بالسعادة لحظة تعاطيه


ان تعشق كاذبة

يعنى سؤال دائم مؤلم فى عقلك

هل عشقك لها

ذنب يجب ان تبرأ منه؟

ام هو إبتلاء من عند الله

ليختبر مدى صبرك وايمانك؟



ان تعشق كاذبة

يعني عدم قدرتك على التمــيــيـز

بين النـــور والــنــار

وما بينهما من ...... نــوران




بس خلاص


***


اخر الكلام


قالت له : صدقني ..... انا كاذبة

قال لها : أصدقك ... ولذلك لا أصدقك




انتهى


بت خيخة وأي كلام

17 comments:

P A S H A said...

قالت له : صدقني ..... انا كاذبة

قال لها : أصدقك ... ولذلك لا أصدقك

:)

فاتيما said...

نونو

معرفش ردى دا هيستفز حد و لا لأ

بس اتمنى محدش يطلع على حد تعبيرك زى الخازوق كدا و يقولى متروجيش للكدب و تدافعى عنه و الأفلام دى
عشان مش دا قصدى


بس زمان سمعت مقولة بتقول
ان الكدبة لما تنقال بصدق
احيانا تبقى أصدق من أى صدق

و دا بشوفه كتير حواليا
مش كل كدبة هدفها طمع
او تحقيق مكاسب
او تعاطف
او رغبة ف ايذاء حد تانى

مش دايما
اوقات حد يكدب ع الناس
أو على نفسه
بدون قصد
او بدون هدف مؤذى لغيره


الكدب مش خطية
على رأى فيروز


صاحب الحدوتة عارف انها بتكدب
لأنها مش قادرة تقول الحقيقة
بس الحقيقة مكتوبة على وشها
مهما قالت اى كلام تانى
عشان كدا مبيصدقهاش
و بيصدق قلبه اكتر
و بيحبها لأنه فاهمها و حاسسها

و هيا عيلة صغيرة
بتكدب كدب مفضوح
برىء
مش مؤذى


و القصة دى صحيح قد تبدو طالت و عاملة تعقيدات
بس انا شايفة العكس تماماً

كل شوية بيقربوا من بعض اكتر
و عيوبهم بتنكشف لبعض اكتر
و بيفضل الحب و الإحتياج بيزيد اكتر


انا بخطرف ؟!!

طب اسكتى يا فاتيما

بس البوست مغرى بالتعليق قوى
و فيه الف حاجة
يسلم احساسك

بوسس لشريف حبيبى

عمرو فكرى said...

ابقى صحيح دورى على حاجة اسمها متناقضة ابيمنيدس
لذيذة

no_life.no_sorrow said...

أن تعشق كاذبة. لأنك كاذب
تكره الكذب وتفعله وترضي به لانك اصلا بتبرر

ابراهيم رزق said...

السلام عليكم

وقفت بين شطين على قنطرة
الكدب فين والصدق فين يا ترى
محتار حموت .. الحوت خرج وقالى
هو الكلام يتقاس بالمسطرة
عجبى

اكيد يا نوران مش هيكون فى هذه الحيرة عشان اللى بيحب عنيه فى الغالب مش بتشوف الحاجه الوحشه من اللى بيحبه انا بقول فى الغالب ولكل قاعده شواذ
تحياتى لكى ولشريف
ابراهيم رزق

ويكا said...

كأنى اتكلم

اعقل مجنونه said...

"ان تعشق كاذبة يعني عدم قدرتك على التمــيــيـز بين النـــور والــنــار "وما بينهما من

عجبتنى اوى الجمله دى

Ramy said...

أصعب حاجة الحب بصدق يقابله كذب

و الأصعب ان انت تكون عارف و رغم هذا لازلت تحب

و الأصعب جدا رغم أعترافها بكذبها لا تزال تحبها

و كأنك نسيت ما هو المنطق

جميل جدا البوست يا خيخة

!! a7mad sala7 !! said...

//ضربات رصاص فى العقل
لا تعرف ابدا اين الحقيقة
ولا تعرف طعم الثقة فى الحبيبة
وإن اقسمت معشوقتك بكتاب الله
وبكت بدموع كالتماسيح
تصدقها للحظات
ثم تبدا رحلة البحث عن حقيقة ما اقسمت عليه
//

روووووووعة
لمستنى من جوا :D

تحياتى
العنوان شدنى
وفعلا مخيبتيش ظنى

Anonymous said...

ياكدابة يانوران

شهووووده said...

مدونتك جميلة واسلوبك في الكتابة متميز .. سلمت اناملك ودام رقي ابداعك.. اعجبني جدا هذا الموضوع


احترمااااتي

LoSt DeSiRe said...

كالعادة .. مجرد رائعــــــة

نورس من شاطيء غزه said...

كلمات رائعه مست وجداني ,ولكن كيف الاقلاع عن ادمان عشقها ؟

بت خيخة وأي كلام said...

شكرا ليكم كلكم على تواصلكم معايا


اختكم خيخة

بت خيخة وأي كلام said...

فاتيما

اولا

اولا ايه؟

اولا انا مش عارفة اقول حاجة على تعليقك اللى مش للنشر

هو انا اتبسطت من انبساطك

واتبسطت من كلماتك اللى نفخت بلاليني

وفرحت اوى من كلمة بحباااااااااك يا خيخة اللى انتى ختمتى بيها تعليقك

مش فرحت بيها لانها كلمة حلوة
على اد مافرحت انى حاساها طالعة منك صادقة بجد وانك بتحبينى بجد


وفى نفس الوقت معرفش ليه الواحد وهو فى عز انبساطه بيبقى عايز يعيط


وفعلا مش قادرة افهم ايه السر فى كدة

ليه الواحد بيعيط لما يتأكد او يحس ان اللى حواليه بيحبوه زى ماهو بعبله بغبائه بخيخنته

انا دلوقتى بضحك وبعيط وشكلى اهبل اوى

ما علينا

المهم يعنى انا مبسوطة
انك فرحانة

ومبسوطة من كلامك


ثانيا
تعليقك التانى اللى مش للنشر برضه

بشكرك عليه وبشكرك على اهتمامك

وانا كويسة يا طمطومة

ماتحرمش منك ابدا ولا من سؤالك عنى

شكرا ليكى يا كميلة










ويكا

تعليقك التانى اللى مش للنشر
اسعدني كثيرا عندما قراته بالامس
وابكاني كثيرا عندما قراته اليوم

شكرا ليك







المجهول اللى مانشرتش تعليقه

ايه ده يا محترم؟
انت كنت نازل مخصوص من بيتكم علشان تراقبنى وتحطنى تحت الميكرسكوب ولا ايه؟

طب سؤال بقى بدل انت كنت مركز اوى كدة


عدد الاطفال اللى زرناهم يوميها فى ابو الريش كانوا كام طفل؟

ولا انت كنت مركز معايا انا بس؟

!!!!!!!!!!!!!!!!!!!!!

فاتيما said...

يا بت بطلى تقولى على حالة الشجن
و الاحساس العالى كلمة هبل


كلمة هبل دى تنقال
ع العالم
العبيطة اللى بجد
و اللى تعدى قصادها
لحظات غالية
و تفوتها
و تتعامل معاها ببرود



بقى مستغربة من نفسك
انك بتتخنقى بالدموع
و تعيطى
لما تسمعى كلمة حلوة
او طالعة م القلب ؟


اومال امتى هتتأثرى طيب ؟!!

الدموع و الذهول
و المظاهر المصاحبة للحالة دى
ما هى الا مجرد تعبير عن انفعالك
اللى حاصل ف مكانه
و معاده بالتمام و الكمال
عاوزة ايه سيادتك ؟؟


تعرفى
انا يتهيألى ان مشكلتك
اغلب عمرك يا نونو
انك مكنتيش بتعرفى تعبرى عن مشاعرك
ف معادها
و بشكلها الصح
قوم بقت تطلع
ف توقيت غلط
و بشكل غالبا غلط


لأ
مش غلط


بس بشكل مبالغ فيه
او مش ف مكانه الصح
و مش للشخص الصح



على فكرة
لو دى حقيقة
فهيا مش مشكلتك لوحدك
دى مشكلتنا كلنا يا بنات حوا
اتربينا كدا
و اتعودنا على كدا
و عقبال ما قررنا نتمرد على ذلك
بقينا نتمرد بالشكل الغلط
مع الناس الغلط
ف الوقت الغلط
فالغلطة تبقى فادحة
و بنبقى فرجة للعالم اجمع


و الواحد بقى عقبال
ما يتعلم
و يعترف بغلطه
و عقبال ما يضبط اتجاهاته
و البوصلة توديه ف الحتة الصح
بياخد وقت طوييييل
و يتكعبل ف السكة كتيييييير
و يخسر فيها ناس اكتر


عشان كدا بقولك يا نورا
يا بنورة
امسكى ف الفرحة
قد ما تقدرى
و زى ما بتحزنى قوى
افرحى قووووى برضو
و ولا يهمك يا بنتى
هيا عيشة و لا اكتر


انتى يوم الريش كنتى منورة
و كنت حاسة من اول ما شوفتك
انك جاية عاوزة تفرحى
و الناس كانت فرحانة بيكى
انا كمان كنت مبسوطة بيكى قوى
و انبسطت اكتر من انطباعات الناس
ف البوستات اللى انكتبت
انتى كنتى قاعدة ف ضهرى صحيح
بس كنت متونسة بيكى
و مطمنة قوى
و متفشخرة جدااااا
ان الترابيزة بتاعتنا
فيها ناس حلوة
انتى اولهم يا خوخة


و رغم انى قريتلك مرة
انك مش ناوية تعملى
لقاءات حريمى تانى
و حسيت انه قرار نهائى
بس ع البورصة لقيت نفسى تلقائى بقولك اعمليلنا يوم
نتلم فيه زى زمان
و فرحت جداااا
لما قولتى حاضر
ببساطتك المعهودة
و التلقائية اللى متعودة عليها


يا بت يا خوخة
انا بحبك و الله
و ربنا عالم

و الحب هو
(لأ مش بتاع مصطفى حسين دا بتاعى انا)

الحب هو
انك تحب عيوب اللى قصادك
و تقبلها
زى ما بتحب مميزاته
و طباعه الحلوة


و انا كلى عيوب جنب مميزاتى
و انتى كمان
و كلنا كدا

المهم ف النهاية
اننا نفضل سوا
مجمعنا حاجة
بعد اى حاجة


يبقى انا بحبك بقى
و لا لأ ؟؟!!



و لو مسألتش عليكى
هسأل على مين ؟؟
هل تفتكرى ينفع كدا ؟؟
هوه انتى شوية ف قلبى يا نونو ؟


و ف قلبنا كلنا و الله

بوسات و حضونات
يا حبيبة قلبى

حزينه said...

حلوه اوى

users online