Tuesday, January 11, 2011

زوجـــتـــي الـــعـــزيـــزة


زوجتى العزيزة



نعم احبك



واحب اطفالنا



واحب كياننا الاسري





ولكني مع الاخرى .... كنت انا كما احب ان اكون




فانا معها بلا اقنعة



وبلا مسؤليات



فهى كانت قادرة على ان تحمل عني العبء



وكنت استطيع الاعتماد عليها فى غيابى



ولكن معكى اشعر دائما بأن كارثة ستحدث وانا غائب عن المنزل



بسبب عدم استطاعتك على التصرف السليم



***




زوجتى العزيزة



نعم احب تدينك وافتخر به



ولكني مع الاخرى كنت اعشق جرائتها



فهي كانت قادرة على ان ترضينى جسديا اكثر منكي



اما انتي فى ادق لحظات عشقنا كنت اشعر بانني اقبلك من وراء حجاب



واشعر معك باننى مقيد ولا استطيع ان اخرج كافة مشاعري



وكنت اكره برائتك فى الفراش



واتمنى لو كنتى عاهرة تستطيعين اغوائي



***




زوجتي العزيزة



نعم احب احتشامك فى الملبس



ولكني تمنيت كثيرا ان اراكي انيقة ببساطة كما ارى الاخرى



فهى تستطيع بلمسات اكسسوارية بسيطة


ان تكون إمراْة شيك فى ملبسها



***




زوجتى العزيزة



نعم انتى نظيفة



ولكنك مهملة



وابداً ما شعرت يوما بأنني جالس فى بيت منظم



أما هى فكنت أرى بيتها دائما منظم ومرتب ومريح


***





زوجتى العزيزة



نعم انتى لا تطلبين ماهو غالي



ولكنك لا تحافظين على ماهو رخيص



فبالتالى انتى تكلفيننى دائما



بسبب استهتارك واهمالك فى كل ما اجلبه لكى



فانت لا تملكين موهبة الحفاظ على اشيائك الخاصة



وهذا يكلفني ماديا



ويبعدني عنك نفسيا



فانا تمنيت ان اراكى تحافظين على اى شيء جلبته لكي






اما هى فتحافظ على اشيائها



واعرف اننى لو كنت اشتريت لها الغالى



لحافظت عليه طول العمر



***




زوجتى العزيزة



نعم انتى متعلمة



ولكنك لا تحاولين التطور من نفسك



واكتفيتى بشهادتك العليا



ولم اراكى يوما تحاولين ان تتطورى من طريقة تفكيرك






ام هى فلم تحصل على شهادة عليا كما حصلتي انتى



ومع ذلك اشعر دائما بانها اكثر تطورا منك



واكثر انفتاحا على العالم الخارجى


***








زوجتى العزيزة



نعم انتى مطيعة



ولكنى اكره فيكى ان تعاملينني على انى تلميذ لديك



فلا تكلي ولا تملي من نصيحتي دينيا






اما هى



فانا اشعر معها باننى استاذ



واعشق لحظة تعليمى اياها



وهى بكل جبروتها وعدم طاعتها



تجلس امامى كقطة وديعة تستمع الى كلامي



وتناقشنى فيه



وارى نظرة عيناها المتعطشة للمعرفة



فاعشق فيها التلميذة



واعشق مجادلتها لي


***








زوجتى العزيزة



نعم انتى جميلة



ولكنى معكي احتاج ان اشعر باننى ايضا وسيم





فأنا معها



اشعر بأنني الجميل والمثير



ودائما ما تشعرني بأنني مرغوب


***





زوجتى العزيزة



نعم انا احببت اخرى وتزوجتها



ولكنى لم اتصور ابدا ان تهينى كرامتي


بسبب حبي لها وبسبب زواجي منها


فانا لم ارتكب حرام



و لم اتصور ان تنشرى ذلاتي امام الاخرين


وتصغريني امام الناس





فهى لو كانت فى مكانك


لم تكن لتكشف ذلاتي كما فعلتي انتى


***





زوجتى العزيزة



رغم عدم كفايتك لي



ورغم تقصيرك


ورغم اهانتك لي



فأنا ابقي عليكي انتي



من اجل ابناؤنا ومن اجل كياننا الاسري



وابعد عن الاخرى و اتركها و اطلقها


إرضاءاً لكي ولعشيرتي



ولكن...... ما فى القلب يبقى فى القلب



***



طليقتي الغالية


يا من كنتي زوجتي الثانية يوما ما



أحبك ... سامحيني







انتهى


68 comments:

richardCatheart said...

يخربيت كده ................

فاتيما said...

الأول وقبل أى كلام ينقال
اكيد عرفتى خبر وفاوة والدة محمد الغرباوى ؟
انا عارفة غلاوته كأخ عندك

البقاء لله
ربنا يصبره


--------------


و أخيييييييييييرا


طيب
كدا تعمليها ف بوست
ميتعلقش عليه
غير بكلمة من بتوعك
اللى مينفعش اكتبها دى ؟!!!


مش قادرة الوم عليه
لأنه ضعيف
و قليل الخبرة لأنه كان يفترض ان يعلم سلفاً قبل الزواج بآخرى احتمالية شن الحرب والخساير المتوقعة
لكنه قائد خايب (يبدو ذلك)انما هذا لن يمنعنى من الحزن على الزوجة الثانية التى ارتضت من البداية هذه المكانة وجعلت من نفسها اولى .. رغم كل شىء
ومع ذلك كانت هى كبش الفداء


بس اشفاقى عليها
ميجيش واحد على عشرة
من اشفاقى عليه
لأن خسارته أفدح عشر مرات
من خسارتها



حمدلله على سلامتك
تعليقياً
لأ
حمدلله على سلامتنا احنا


بوسس لشريف من فضلك
وحضونات كتير ليكى يا خوختى

:)

بت خيخة وأي كلام said...

فاتيما

أنا وشي سخن جدا دلوقتى
وماقريتش كل تعليقك
انا كل اللى شوفته من كلامك
ان مامة محمد توفت
يا نهار ابيض
!!!!!!!!!!!!!!!!!


انا فى حالة زفت
ومحمد مش أخ وبس
ده صديق غالى عليا جدا
وبحاول اتصل بيه دلوقتى ومش عارفة اوصله
وياترى هو نزل من السعودية ولا لسة هناك
وهاين عليا انزل المنصورة دلوقتى حالا
ومش عارفة عنوانه

انا متوترة دلوقتى

بت خيخة وأي كلام said...

فاتيما

كلمته يا فاتيما
هو مالحقش طيارة النهاردة
واحتمال ينزل بكرة

Ramy said...

و بعد دة كُله

زوجته التانية

لالالا كتر خيرك يا راجل

بت خيخة وأي كلام said...

انا طلعت من مود البوست بسبب خبر وفاة مامة محمد


انتى عارفة يا فاتيما ايه اللى واجعنى كمان اكتر
ان محمد عيد ميلاده الايام دى

انا مش فاكرة امتى بالظبط

بس انا فاكرة انه فى يناير وانه برج الجدي


بيقولى ان مامته اتوفت امبارح بليل

يارب امبارح مايكونش عيد ميلاده

ربنا يصبره هو واخواته

لو رحتله المنصورة يا فاتيما هاتيجي معايا مش كدة ؟

انا مضايقة أوي

richardCatheart said...

معلش يا خيخه قلبى معاكى والله

ربنا يصبره

Ramy said...

ربنا يصبر أستاذ محمد

حقيقى من الشخصيات المحترمة اللى الواحد قابلها

البقية فى حياتك

بت خيخة وأي كلام said...

مارو

ربنا يخليكي يا مارو
ويصبره ويصبر اهله

انا بس ارجو من الله سبحانه وتعالى انه يوصل بالسلامة
ده لوحده هناك فى السعودية
وهو اساسا فى العادي مابياخدش باله من صحته
وبيشرب سجاير كتير جداااااا
مابالك فى موقف زى ده هو هايكون عامل ازاى دلوقتي وهو لوحده

ربنا بجد يكون فى عونه

Anonymous said...

نورا
انشري تعليقي لو سمحتي

اولا عايز اعزيكي فى وفاة والدة محمد
واضح من تعليقاتك انه حد غالى عليكي اوي

وعايز اشكرك على البوست
انا كنت فاكرك هاتنقلي الايميل اللى بعتهولك زى ماهو
بس انتى كتبتى البوست بطريقة كويسة

عايز ارد على فاتيما واقولها
معاكى حق فى كل كلمة قلتيها
انا فعلا كنت ضعيف وخايب وخايف

انا جوازي من زوجتى الثانية لم يستمر سنة
ومع ذلك كنت اسعد انسان معاها
لكن وجود الاطفال بينى وبين زوجتى الاولى واصرارها على الطلاق والفضايح اللى عملتها
خلوني اخاف واخد قرار انى اطلق زوجتى الثانية واطلع ندل معاها
وبعترف ان لولا وجود اولاد انا كنت طلقت زوجتى الاولى وابقيت على الثانية
رغم انها مش اجمل من مراتى ومش مكملة تعليمها زى مراتى
لكن كانت مريحاني اوى وكانت بتعرف ازاى تحبني

وانا فعلا خسارتى كبيرة اوى لما طلقتها

نورا
هارجعلك تاني واقولك
شكرا على ردودك عليا فى الايميلات
وشكرا على البوست
وشكرا على وقوفك جنب طليقتى
وشكرا انك وافقتى انك تتكلمي مع ام الولاد
واسف انى اقحمتك فى حاجة زى دى
وبجد انتى مصيبة
انا كل ما بعرفك بكتشف فيكي حاجات غريبة

وقولتهالك قبل كدة وبقولهالك تانى
اللى ما يعرفكيش هايكرهك اوييييييييييييي

واللى يقرب منك ويلمسك من جوة
هايحبك اوييييييييييييييييييي



شكرا على اغنية منير
ولو ان مراتي لو سمعتها هاتموتك
هههههههههههه
;)

سمكه واحده said...

اخيرا ياشيخه فتحتي التعليقات
انا كل ما اجي كنت هتجنن عشان اعلق اقري وامشي ايون انا ولا اتي تعرفيني شخصيا ولا في لحقيقه بس ديما معجبه بكتباتك وكلامك وبتوحشيني بس انا شايغه اني في مدون مامته اتوفت
البقاء لله الواحد مضايق انه جه يعلق في ظروف وحشه كده
البقاء لله وربنا يصبره

سمكه واحده said...

بالنسبه للبوست
سعات بتعاطف وسعات لاء
بس هو ممكن الرجل يلجأ لزوجه اخري لما يحس انه مش مستريح بجد
وربنا سبحانه وتعالي صرح بده فمش عيب ولا غلط ولا حرام
بس انا مش عارفه بجد يعني اللي اتظلم
الزوج والزوجه الاولي عشان كرمتها والاولاد طبعا عشان مشاكل البيت والزوجه التانيه لانها حست بردو بأهانه كرمتها وانها في اي وقت ممكن باي باي وفي اولويات عنها
بصي دي مشكله ناس كتير
ربنا يصلح حالنا كلنا ويعملنا اللي فيه الخير

بت خيخة وأي كلام said...

مصطفى

اولا بعد كدة ما تقوليش انشرى التعليق
لانى بنفذ رغبة صاحب التعليق فى نشر تعليقه او عدم نشر تعليقه

وانت تعليقك انا ماكونتش عايزة انشره
وانت اجبرتنى انى انشره بالجملة اللى انت كاتبها دى
انشرى تعليقى

انت رخم اوى على فكرة


ثانيا انا نشرت ايميلك
_مع التعديل فيه واخراجه بهذه الصورة_
بناءاً على طلبك
و علشان كمان ناس كتير اوى تتعظ

الزوجة الاولى فى حياة اى زوج
تاخد بالها من تصرفاتها وتحاول تقييم نفسها كل شوية وتشوف هل هى فعلا مش مقصرة مع جوزها
ولا قصرت شوية بعد مرور فترة من الجواز؟

واذا كانت مقصرة وبسبب تقصيرها ده جوزها اتجوز عليها
يبقى قبل ما تخرب بيتها وتطلب الطلاق تحاول تصلح من نفسها

ثانيا ان اى ست ناوية تكون زوجة تانية
تفكر كويس اوى
وتشوف هل مصيرها مع الزوج ده هايكون امان
ولا ممكن فى لحظة يبيعها رغم انها مكفياه وبتحاول على اد ما تقدر تسعده

ومع ذلك زى ما فاتيما قالت
بتكون هى اللى فى الاخر كبش الفداء
رغم انها ماعملتش حاجة وحشة

وهل فعلا وجود الاولاد بيكون حجة قوية اوى كدة علشان الناس تعيش مع بعض رغم عدم سعادتهم سوا؟

لو كدة يبقى الواحد لما يتجوز يأجل موضوع الخلفة ده شوية
علشان لو ماكنش سعيد مع الطرف التانى
يبقى يبعد بسهولة ومايفضلش رابط نفسه فى حياة مملة لمجرد ان فيه بينه وبين الطرف الاخر عيال

ونشرت قصتك كمان
علشان اى راجل ناوى يتجوز تانى لازم يحسبها صح اوى
ويعرف ان زوجته التانية دى مش مواطن درجة عاشرة
ولازم يبقى عارف انه متجوزها علشان تعيش معاه العمر كله زيها زى الاولى
مش متجوزها علشان تبقى احتياطي فى حياته

وان ليها عليه حقوق نفسية قبل ما تكون حقوق مادية
ومش معقول لمجرد انها ماخلفتش منه عيال يقوم يطلقها ويرميها رمية الكلب كدة

انا لسة متغاظة منك اوى على فكرة يا مصطفى

بس خلاص مش قادرة اقول حاجة اكتر من اللى قولتهالك فى الايميلات

ربنا يهدي سرك ويزيح الغمة

وبعدين هى مراتك هاتموتنى انا لو سمعت الاغنية
ومش هاتموتك انت لما تقرا البوست وتعرف انك انت اللى طلبت يتنشر

ده كفاية اخر كوبليه اللى انت موجهه لطليقتك

اى نعم انت ماكونتش كاتبه كدة فى الإيميل
بس انا حاولت اصيغه بطريقة اخف وطأة عما كان عليه فى ايميلك

المهم خد بالك من نفسك ومن اهل بيتك
و بوسلي ابنك الصغنن
وبلاش تبوس ابنك الكبير لانه رخم زيك و كمان بؤه كان ملحوس فتافيت بسكويت

وش واحدة بتغمز

تحياتي ليك

محمود من الرياض said...

ومن قال ماقال ليسوا سواء

محمود من الرياض said...

انا مع فاتيما

بت خيخة وأي كلام said...

سمكة واحدة

اهلا يا سمكاية
بس انا عارفاكىمن تعليقاتك يا حبيبتى
ومنورانى

و انتوا كمان واحشتنى تعليقاتكم

تحياتى ليكى











محمود من الرياض

مش فاهمة يعنى ايه

ومن قال ماقال ليسوا سواء
!!!!!!!!!!!!!!!!!!

ممكن توضح اكتر تقصد إيه؟

شكرا ليك

رنونة حكومة ميخو said...

كلام مستفز بجد جداااااااا لاى ست وخصوصا انى حطيت نفسي مكان الزوجة الاولى
دايما الراجل بيشوف الزوجة التانية انها احلى و بتحلى في عينه جدا بالرغم ان لما يعدي عليهازمن زى زوجته الاولى هتبقى زيها زى ما قلتى يا خيخية فى بوست ليكي قبل كده
الزوج لو عاوز حاجة من مراته او يغير فيها حاجة سهل جدا يقولها ماهو عنده لسان ما يتكلم ويقول انا عاوزك كذا ايه الغلط يعني مش فاهمة
عاوزها تلبس اكسيسوريز يقولها البسي ايه المشكلة برده
البيت مش منظم قولها و ساعدها ومتنساش ان عندها اولاد وضحت بسنين شبابها عشانك وبسببها بقى يتقالك يا بابا
شفتها مش بتحافظ على حاجتها قولها ونبهها
مش بتتثقف قولها برده
بتنصحك دينيا حلو وخير وبركة حد يكره زوجته تنصحه ونصحها ليك ده لانها مش عاوزة تكون اعلى منك تفسها يوم ما تدخلوا الجنة تبقوا فى نفس الدرجة مش كل واحد بينه وبين التانى كما بين السماء والارض



انت مش ملاك واكيييييييد برده هيه مش شايفاك فتى احلامها فى كل حاجة مفيش حد بيتجوز بالظبط نفس الضخص اللى يتمناه اكيد من جواها نفسها فى حاجات كتير انت مش بتعملها
وهيه لو اتصرفت زيك وحبت راجل بس فى السر من غير اى اخطاء تانية كنت قلبت الدنيا ومقعدتهاش وكنت طلقتها ومرمتها وشهرت بيها برده مكنتش هتقبل على نفسك كده ولو قالت نفس اسبابك دى اللى انت قايلها فى البوست كنت هتقول ايه التفاهة دي انتى ست مش محترمة بقى انا الحق عليا اللى بصرف عليكي وبحبك وعاملك بيت و مش بهينك وبحترمك تعملى فيا كده عشان التفاهات دي
اعتقد انها هيها لمفروض تقولك الكلمتين دول

كلنا زى بعض مفيش فرق بين ست وست عشان لبسها وشياكتها ونيلة وطينة الفنانات مثلا بيلبسوا اغلى اللبس وبيصرفوا على نفسهم بالهبل بس كلنا زى بعض فكرا وجسدا كل الستات نسخة واحدة يمكن نفرق فى شخصياتنا اه انما تفضل الست هيه هيه بانوثتها و ضعفها واحتياجها لحضن الراجل وخجلها و جرئتها و دلالها و خفة دمها وعصبيتها و هدوءها كلنا فينا كل التناقضات دي بس الراجل اللى بيحب بيعرف ازاى يحب كل حاجة فى مراته بيعرف ازاى برده يغير فيها اللى مش عاجبه ويلفت نظرها ويقولها انا عاوزك كده


مراتك لو مخلفتش كانت ممكن تبقى فاضيالك اكتر من كده وانت لانك مش مشغول بالبيت ولا بالاولاد وده واضح من كلامك ففكرت تتجوز لانك فاضي بجد


لو حاولت تتصنت ولو مرة على مراتك وهيه بتكلم اصحابها هتعرف بجد هيه بتفكر ازاى وتعرف انت ايه بالنسبة لها وتعرف هيه نفسها تكون عامل ازاى وايه اللى مخبياه عنك
دايما الرجالة معتقدين ان الستات قابلينهم بكل ما فيهم ومش عاوزين منهم حاجة بس بالعكس زى مانت نفسك فى حاجات فى مراتك هيه برده نفسها فى حاجات واكتر
ماهى كانت فى بيت اهلها مش مطلوب منها تنضف البيت وترتبه كل يوم و تطبخ كل يوم وتغسل وتكوى و تاكل عيالها و تلبسهم و تلاعبهم و تغيرلهم و تحميهم و تبتسم فى وشك لما تيجي م الشغل و تتزوقلك و تشتغل اذا كانت بتتشغل كمان وترجع تنام كمان
ايه اللى جابرها على القرف ووجع القلب ده كله ايه يعني وفى الاخر ياريت بيعجب لا كمان تتجوز عليها بجد حاجة تحرق الدم

ياريت الرجالة تعقل وتتحمل مسئوليتها بدل ما نتجنن احنا كمان و نبص لبره زييهم .. سهل قوى نغلط بجد سهل جداااااااااااااا

مفيش اسهل من الغلط فى الدنيا دي
انا لو مكان الزوجة الاولى عمرى ما هفكر ارجع لجوزى ده وهستنى زوج تانى مخلص يتحمل السمئولية ويكون رجل بمعنى الكلمة ولما يشوفنى فى اسوا حالاتى ومهملة ومقرفة وزى الزفت ميقولش هتجوز عليكي .. هوه ايه اللى جرى بجد
بعد كده لو شميت بقى ريحة شراب جوزي وحشة اروح احب راجل تانى

زمن غريييييييييب بجد

محمود من مصر said...

انا مع فاتيما في ان من يقدم علي الزواج الثاني لابد وان يكون عالما بكل توابعة وقادرا علي قيادة السفينتين الي بر الامان فالزواج الثاني لابد ان لايكون بسبب نزوة عابرة بل يكن احتياج حقيقي ومن ثم لابد من التخطيط للامر وان يكن الموضوع معلوما للجميع حتي الزوجة الاولي ثم ترتيبات السكن وترتيبات المعيشة والترتيبات المادية فالرجل يجب ان يكون رجلا فما زنب الزوجة الثانية في البوست انة زنبة هو او فلنقل انة ليس رجلا عاقلا

محمود من الرياض said...

صحيح يانوران الا بيحب واحدة وكان نفسة انة يتجوزها وهية رافضة لانة متزوج يعمل اية عشان ميحبهاش ويكرها وينساها خالص

بت خيخة وأي كلام said...

رنونة حكومة ميخو

ولو كان قالها وبرضه ماتغيرتش يعمل إيه؟
ولو كانت مش فارقة ان جوزها يزني مع واحدة تانية والمهم عندها انه مايتجوزش عليها يعمل ايه؟

هنا هى مش متدينة ولا نيلة

هنا هى بتاخد من الدين اللى يعجبها
ومش فارق معاها جوزها يروج جنة ولا نار
ماهو لو زنا هايدخل النار
ومع ذلك هى كان ممكن تسامحه بعد ماتزعلها يومين منه
لكن ماكنتش هاتطلب الطلاق

دى طلبت الطلاق لما عرفت انه متجوز
وقالتهاله بصراحة
نفسك فيها اعمل اللى انت عايزه معاها من غير جواز

انا دلوقتى افتكرت مثل بيقول الزانية ولا التانية

يعنى فيه ستات عندهم يقبلوا ان اجوازتهم يزنوا مع اخرى ولا انهم يتجوزوا عليهم

ويجوا بعد كدة يتشدقوا بالدين


عموما

انا مش بدافع عن موقف صاحب البوست
انا مضايقة منه
ومشفقة على زوجته الاولى
وطليقته اللى كانت زوجته الثانية


متغاظة منه لانه ماكنش قوي كفاية انه يقدر يظبط دنيته
ويقدر يعدل من غير ما يظلم حد فيهم


ومشفقة على الاولى
لكن برضه مش قادرة مارميش عليها جزء من مسؤلية ان جوزها راح لواحدة تانية

والموضوع مش تفاهات يا رنونة
الاهمال مش تفاهة
ان الزوج ما يبقاش قادر يمارس مع مراته الجنس بشكل محبب الى قلبه مش تفاهة
انه يخرج من بيته وهو مليان بالقلق ان يحصل مصيبة ومراته ماتعرفش تتصرف مش تفاهة

انه يحاول يوجهها اكتر من مرة ويعلمها ويستحمل وبرضه مافيش فايدة مش تفاهة


انا مش بدافع عنه
لكن بحاول الاقيله اعذار

ويمكن لانى انا شخصيا مابيعجبنيش حاجات هو قال عليها
فبالتالى ممكن يكون كلامى متحامل على الزوجة الاولى ومتعاطف مع الزوج

انا واحدة من الناس بكره الاهمال جدا
فبالتالى لما حد يشتكيلى من اهمال الطرف الاخر بكون مقدرة شكوته وعارفة اد ايه هو تعبان من النقطة دى

وكمان لان صاحب القصة صديق وانا عارفاه وعارفة زوجته الاولى
وعارفة هو بيتكلم عن ايه
وعارفة تفاصيل اكترررررررررررر بكتير من اللى اتنشرت

فبالتالى انا يمكن شهادتى مجروجة فى البوست ده

عموما انا من وجهة نظرى
ان اللى مش مرتاح مع شريك حياته يطلق منه

لكن محدش فيهم يخون


تحياتى ليكى

رنونة حكومة ميخو said...

غريبة قوى فعلا انها عاوزاه يزنى بس ميتجوزش شكلها كده تستاهل اللى حصلها بس ردى كان على المعلومات اللى قلتيها فى البوست انما واضح فعلا ان الحقيقة مش ظاهرة كلها وكان المفروض انها بدل ما تقوله ما تتجوزهاش كانت تقوله قولى قصرت فى ايه وانا اغيره ... ربنا يهدي

بت خيخة وأي كلام said...

رنونة حكومة ميخو


الست بتعتبر ان جريمة الزنا اللى جوزها ممكن يرتكبها بتكون على سبيل نزوة وممكن يرتجع عنها
وممكن تكون علاقة جسدية خالية من المشاعر

لكن بالنسبة ليها الجواز ده حاجة عظيمة الشأن

معنى انه اتجوز ده معناه ان مشاعره اتحركت ناحية واحدة تانية غيرها
فابتحس انها مهددة بشكل ما

وبتبتدى تحسبها بالطريقة دى

بيحبها يعنى بتشغل حيز من تفكيره وانها مابقتش هي بس اللى فى عقله
وممكن يخلف منها عيال يعنى هتشاركها فى عز مادي ممكن تكون متمتعة بيه هى و ولادها
ومش عايزة حد يشاركها العز ده

وبتحس كمان ان جوزها كدة صغرها قدام اهلها
لانها اكيد هاتسمع انتقادات زي
انتى ايه اللى جابرك انك تعيشى مع واحد اتجوز عليكى

يعنى هى ممكن مايكونش فارق معاها اوى انه اتجوز عليها لكن مش قادرة تواجه اهلها وناسها وعيالها
فبالتالى بتاخد قرار بالانفصال

فيه ساعات زوجة تقبل ان جوزها يتجوز واحدة تانية بس بتشترط ان محدش من اهلها يعرف ولا من اهله
وتقوله اتجوزها وخليها فى السر بس انا اللى اكون فى العلن وانا اللى افضل فى الصورة


الجواز من اخرى دى حاجة صعبة اوى على الزوجة

علشان كدة بعض الستات بتحسبها ان الزنا مجرد نزوة

لكن الزواج من اخرى بتكون علاقة معلن عنها
وهى ماتقدرش تواجه العلاقة دى



وكمان فيه ست ممكن تقبل انها تكون زوجة تانية وهى اللى تقول لجوزها ما تقولش لمراتك الاولانية انك متجوز علشان ماتحصلش مشاكل
بس فى الحالة دى
هتلاقيها مش واخدة حقها فيه كما ينبغى
وهتلاقيه هو نفسه مش عادل معاها

ولذلك معرفة الزوجة الاولى بان فيه زوجة تانية فى حياة زوجها
ده بيساعده على انه يكون عادل ما بينهم



عموما
مسالة الجواز من اخرى دى
بتختلف من حالة لاخرى
وكل واحد بيكون له اسبابه حتى ولو تشابهت الاسباب عند بعض الرجال



شكرا ليكى يا رنونة









مصطفى

والله بدعيلك يادرش

ولو في حاجة هاقولك

ربنا يعينك على اللى انت فيه ويعدى الفترة دى على خير ويهديلك الحال

♥ BaToOoT ♥ said...

أولا : البقاء لله
ربنا يرحمها ويصبره اولادها
....
ثانيا : ردا على البوست
واللى طلعت حكايه حقيقية
احساسى ما بين الحزن والاشفاق
والدعاء بالخير لكل اصحاب الحكايه
وحققتلى غرضك من نشرها
انا بجد خدت بالى من حاجات بسيطه اوى بس لما نحط حاجه بسيطه على حاجه بسيطه بتفرق جامد معانا او مع الشخص اللى معانا
..
بس بستأذنك مع مراعاتى لحالتك النفسيه
انى انشر اللينك بتاع البوست ده ع الفيس عندى "بتتنشر باسم بلوجتك" لانها بجد هتفيد صحباتى كتير
..
هستنى ردك انا:)
شكرا لسعةصدرك

زوجه مفروسه said...

يعني عشان ماهي مراته بتتكسف وبريئة معاه فى وقت العلاقة الحميمية يقوم يتجوز واحدة عليها
ايه الرجالة اللى مابتفركش غير فى شهوتها دي

بت خيخة وأي كلام said...

بطوط

اه طبعا البلوج باللي فيه تحت امرك
وانشرى منه اللى عايزة تنشريه

شكرا ليكى








زوجة مفروسة

اولا هو ماقالش ان بس السبب ده هو اللى خلاه يتجوز على مراته

ومع ذلك احب اقولك ان السبب ده مهم جدا فى انجاح العلاقة الزوجية

وبعدين احنا بنتكلم عن علاقة جنسية
يبقى ازاى عايزاها تبقى بريئة؟

هما هايصلوا ركعتين شكر لربنا؟

دول هايعملوا سيكو سيكو
يعنى لا مجال للبراءة هنا


وبعين فيها ايه لما الست تتخلى عن برائتها مع جوزها وتقل ادبها معاه

لو ماقالتش ادبها مع جوزها هاتقل ادبها مع مين يعني ؟

تحياتي ليكى

Anonymous said...

لية مش بتردي علي تعليقي

زوجه مفروسه said...

وليه يقلو ادبهم
هو ماينفعش يعملو اللى بتقولى عليه ده من غير ما يقلو ادبهم

Anonymous said...

مر حتي الان عام كامل

بت خيخة وأي كلام said...

زوجة مفروسة

هههههههههههههههههههههههههههه

حلو اوى حتة اللى انا بقول عليه دى

حسستينى انك لو كتبتى جنس او سيكو سيكو
الكلمة هاتعضك او هاتتحرش بيكى


عموما

يا سيدتي الفاضلة
يقلوا ادبهم لانهم سيمارسون الجنس
ولا يوجد جنس مؤدب وجنس قليل الأدب
والجنس لذته فى قلة أدبه

وياريت نكتفى بهذا القدر من التعليقات على هذه النقطة وممكن نعلق على النقطة الرئيسية فى البوست

شكرا ليكي

بت خيخة وأي كلام said...

المجهول

علشان معنديش رد على كلامك

شكرا ليك

بت خيخة وأي كلام said...

بطوط

وش واحدة مبتسمة اوى

الف شكر على كلامك

وميرسى جدا على الدعوات الحلوة

وانا عندى اكونت على الفيس بوك
بس للاسف انا حمارة تكنولوجيا وماليش فى حكاية الفيس دى اوى
ومش حاباها
فبالتالى مش مهتمة اوى بالحياة هناك

شكرا ليكي









المجهول

مر عام على إيه؟
!!!!!!!!!!!!!!!!!!!

reem said...

خيخة ازيك
انا جاية اعزيكي في وفاة والدة محمد الله يرحمها ويسكنها فسيح جناته
لانى عارفه انه صديق عزيز عليكى

ربنا يرحمها ويسكنها فسيح جناته يارب

ويصبر محمد واخواته
ويؤجرهم في مصابهم خيراً
ولو هاتروحوا يا خيخة ياريت تبلغوني
محمد اخ عزيز وغالي وحزنه هو حزننا جميعاً

---------

اما بالنسبة للبوست فانتى وفاتاتيما
قلتو كل شئ ممكن يُقال

وليست دائما الزوجة الثانية مُدانة

في بعض الحالات تدفع هى الثمن

وعموما موضوع الزواج بأخرى دا موضوع لا يصح فيه التعميم

فلكل حالة ظروفها الخاصة

تحياتي لكِ وسلامى لشريف

رنونة حكومة ميخو said...

العفو يا خيخة :)

انتى عندك حق فى حكاية ان الزنا نزوة وفعل اسهل على الزوجة ان جوزها يعترفلها بغلطة زنا من انه يقولها انه اتجوز واحدة لان معنى الجواز انه بيحبها او انه خلاص هيستقر مع دى لكن الزنا بتبقى غلطة وراحت لحالها وكتير مش هتتكرر لو الزوج عرف غلطته وخلى عند اهله دم

بس برده مينفعش الست تقول لجوزها ازنى براحتك بس متتجوزهاش فى الحالتين خيانة سواء خيانة جسدية او قلبية هيه خيانة
ولكن اهونها الجسدية طبعا



والله انا شايفة ان التلات اطراف غلطانين
الزوج غلطان انه اتسرع واتجوز وغلطان انه محاولش يغير من مراته ويصبر عليها ده اذا كان محاولش يعني

الزوجة الاولى انها قصرت ومغيرتش من نفسها ومهملة فى حق جوزها
الزوجة التانية انها قبلت تكون فى الموقف ده وعارفة ان الزوج عنده اطفال مش مجرد متجوز بس فكان لازم تعرف انها اكيد هييجي عليها يوم هتبقى ضحية وهيرجع الزوج يفكر بعقله


متبقيش تقفلى التعليقات تانى عشان بتغاظ قوي :)

MaNoO said...

هو بوست معبر بكل معنى فيها ولكن فيه عظت كتير لك الاطرف للزوجه الاولى ايه اللى ممك يخلى زوجها يفكر يتجوز وللزوجه التانيه ايه ممكن يكون مصيرها وازاى كان شايفها مش عارف اكيد فى حاجات اكتر واكتر بس مش عايز اكسر اعجابى بالكلام الكتير
تحياتى ليكى

Mohammad Mamdouh said...

ياااااااااه أخيرا
كنت متضايق جدا انك قافله التعليقات ومتتخيليش فرحتي قد ايه دلوقت.
. اولا البقاء لله
ثانيا وثالثا وكل حاجه : يمكن حضرتك متعرفنيش بس تصدقي ان كتاباتك مهمه جدا ف حياتي ودايما بتلمس فيا حاجه وبقيت شغوف اني أقرأ أي جديد ليكي لدرجةان مدونتك من اول الحاجات اللي بفتحها بعد ما اشغل الكمبيوتر
الحكايه ابتدت من تدوينة (يارب لتجعلني ضحكه) بهرني الاحساس اللي فيها ,حاجه كده فريده من نوعها. احاسيس وتعبيرات مش مستهلكه كلها فِطره وبساطه. يمكن التدوينه دي والاحساس اللي فيها خلوني اتابع المدونه باستمرار فاكتشفت ان عندك فصاحه وبلاغه كمان, مش بس حد عنده احساس رائع والاجمل ان في مضمون حلو اوي من كل بوست . ساعات بيبقى مقصود زي التبرع بالدم او (زوجتي العزيزه) وساعات لما بتفضفضي بحاجه شخصيه عنك بتصادف ان حد ممكن يكون عاش الحاله دي او لسه بيعيشها فبيقدر يشوفها بعين تانيه . بجد عين حكيمه وخبيره .
انا بطلع بحاجات حلوه اوي من مدونتك
وحضرتك من الناس اللي حببوني ف التدوين الالكتروني
ولي طلب عندك - ده اذا سمحتي يعني - ياريت متقفليش التعليقات تاني وفي كم بوست كده اتمسحوا معرفش ليه كان فيهم معاني حلوه اووووووووي
ده كان تعليق للتعارف
وبجد تشرفني معرفتك

عمرو فكرى said...

انا متضايق جدا من تصرف صاحب الايميل


ومتضايق اكتر من ردود كدة

قالك جنس مؤدب

بت خيخة وأي كلام said...

صباح الخير يا جماعة

بعتذر للناس اللى اتصلت بيا كتيييييييير
وبعتولى ماسيدجات ليها علاقة بالبوست

معلش كنت نايمة وعاملة الموبايل سيلنت


هارد على باقى التعليقات بعد ما اشرب الشاي


شكرا ليكم

بت خيخة وأي كلام said...

ريم

الله يرحمها يارب
انا مش معترضة على مسألة الموت لان دى حقيقة كلنا هنواجهها يوما ما

انا اللى كان تعبنى اوى وقلقني
هو ان محمد لوحده فى السعودية
ومافيش حد معاه فى ظرف زى ده

وعموما هو ان شاء الله هايوصل مصر الساعة اربعة العصر النهاردة

وهاتصل بيه لما يوصل واخد منه عنوانه بالتفصيل وهابقى ابلغك ياريم هاروحله امتى واللى عايز يجى معانا يبقى كويس علشان نروح سوا كلنا ان شاء الله

شكرا ليكى
وبالنسبة للبوست
عندك حق
مسالة الزواج التانى او تعدد الزوجات عموما
كل حالة وليها ظروفها
وبتختلف من شخص لاخر


شكرا ليكى

بت خيخة وأي كلام said...

رنونة

بصي يا رنونة
انا صاحية النهاردة من النوم وانا مش طايقة التلات اطراف
وده بسبب انهم قرفونى امبارح قبل ما انام وقرفونى طول الليل وفى الاخر خلونى اقفل كل التليفونات واعملها سايلنت
بس بالنسبالى اسباب عدم طيقانهم مختلف ومش علشان نفس اسباب اللى انت مغلطاهم فيها

الزوج لانى اعرفه فهو لم يتسرع فى الجواز من التانية
ده قرار مدروس بعناية شديدة وممهد لمراته الاولى وقايلها بس تقريبا مراته ماصدقتش انه هايتجوز فعلا
وبرضه ماتغيرتش من نفسها
وهو بصراحة حاول كتيييير معاها
بس انا مغلطاه انه ماكنش قوي كفاية
وقدر يحكم بيته
حتى ولو كان هايطلق واحدة منهم ولا هايطلقهم هما الاتنين او هايبقى على الاتنين
كان لازم من الاول يكون صارم جداااا فى بعض المواقف

الزوجة الاولى انا اللى مضايقنى منها رد فعلها لانها كانت ممكن تعالج الامر بحكمة
لكن انا طبعا بحكم عليها من وجهة نظرى انا
يعنى بحط نفسي مكانها وبشوف انا كنت هاتصرف ازاى

فمكانتش هاتصرف بالفضيحة اللى هى عملتها دى
انا اه كنت هاطلب الطلاق وهاصر عليه لكن من غير اى شوشرة ومن غير اى فضايح لان بينى وبين جوزى عيال ومايصحش اصغره قدامهم
وخصوصا لما العيال دى تكون واعية وفاهمة لكل كلمة بتتقال
فده بصراحة موقف مش كويس من الزوجة الاولى
ومش قادرة مغلطهاش رغم اشفاقى عليها من خبر الزواج عليها

الزوجة التانية انا كرهت فيها انها تستسلم لقرار الطلاق
بس هى مش عايزة مشاكل
وكانت بتحبه لدرجة انها تضحى بنفسها من اجل ان بيته ما يتخربش
بس برضه الاستسلام لقرار مصيرى زى ده وهى مش موافقة عليه
ده مضايقنى منها
حتى ولو كنت هاشكرها على تضحيتها وعلى انها عاقلة
لكن ليه تغرق نفسها فى دور الضحية؟


عموما ربنا يهدى الجميع

تحياتى ليكى
وشكرا على مناقشتك معايا يا رنونة

بت خيخة وأي كلام said...

مانو

شكرا ليك
وانا بصراحة ماكونتش هانشر البوست ده
ولكن صاحب القصة اصر انى انشره علشان زى ما انت بتقول
هو كان عايز الناس تتعلم من اخطائه

شكرا ليك







محمد ممدوح

يااااااااه
كل الكلام الحلو ده علشانى انا
وش واحدة فرحانة اوى

شكرا ليك يا محمد

وانا كمان واحشتنى تعليقاتكم جداااااااااا

وبالنسبة للبوستات اللى تم رفعها
ده لاسباب شخصية
بس اوعدك انى ان شاء الله قريب هابقى انشرها تانى

الف شكر ليك على كلامك








عمرو فكرى

اولا ازيك يا عمرو

مضايق من صاحب الايميل
ده ماقدرش الومك فيها

لكن مضايق من تعليقات دى
احب افهمها

انت مضايق من تعليقاتى انا ولا من تعليقات مين بالظبط؟

خصوصا ان مصطلح جنس مؤدب ده مافيش حد كتبه غيرى فى التعليقات

فانا عايزة اعرف انت زعلان من ردي انا؟

ولا زعلان من التعليق الاصلى اللى انا رديت عليه؟

شكرا ليك

بت خيخة وأي كلام said...

مصطفى

براحتك خااااااااالص

البوست ده انا بعتبره بتاعك انت

عايزنى ارفعه هارفعه

بس احب افكرك انى نبهتك ان ردود الافعال قد تكون عنيفة
ومع ذلك انت عملت فيها جدع وقلتلى انشريه يا نورا

فاكرولا مش فاكر؟

انا عن نفسي ماكونتش عايزة انشر البوست ده خااااالص
لسبب ما فى نفسي

بس انت اللى اصريت وكنت محتاج تعرف ردود افعال الناس فى موضوعك
وكنت عايز توصل رسالة لمراتك وطليقتك من خلال البوست

عموما انا تحت امرك
لو مضايق هارفعه حالا

بت خيخة وأي كلام said...

إسلام

اعتبر كلامك فى التعليق ده نوع من انواع التسجيد للساني الطويل؟

ولا عايز تلعب بديلك معايا
وشيطان عقل بالك اوحالك انى علشان خيخة فأنا هاوافق على الصداقة المريبة اللى من تحت لتحت ومحدش يعرف بيها؟

انا معنديش مانع انى اكون صديقة ليك

بس انا علاقاتى باصدقائى كلها فى النور
ومعنديش صداقات فى الخفاء

وانت مش حبيب علشان اداريه عن عيون الناس

وحتى الحبيب بيجى عليه وقت بيكون مكشوف للجميع


لو خايف من اصدقائك وردود افعالهم وانك ازاى تكون صديق لخيخة ام لسان طويل
يبقى خليك فى حالك
وابعد عن سكتي يا بنى

انا سكتي كلها خوازيق

بت خيخة وأي كلام said...

ايناس

مممممممممممممممممممممممم

هافكر وارد عليكي

عموما ابعتيلى ايميلك علشان ابعتلك ردي

شكرا ليكي

Shaimaa said...

خوخة حمد لله على السلامة .. وحشتينا ...
الزوجة التانية صعبانة عليا جدا ...ايه اللى ارتكبته عشان يتعمل فيها كدة .. انها اتجوزت راجل متجوز ... طب مسألناش نفسنا ايه اللى رماها على المر ده؟..ياريت منحاولش نجاوب بالشعارات والكلمات الرنانة ياريت نجاوب بقلبنا وعقلنا ونحط نفسنا مكانها ونحس بوجعها وخسارتها... ربنا يعوضها خير

بت خيخة وأي كلام said...

شيماء

وانتوا كلكم وحشتونى والله يا شيماء


الزوجة التانية مافيش اى ذنب ارتكبته غير انها حبت الراجل ده
واعتقدت خطأ انه يقدر يحميها من غدر الايام والناس

لكن واضح انها اختارت غلط
واختارت حد شخصيته ضعيفة

ومافيش مر أجبرها انها تتجوز الراجل ده غير انها كانت عايزة تحبه فى الحلال وقدام كل الناس

ولو انى زعلانة منها انها استسلمت لقرار الطلاق بسهولة

انا لومنها
كنت وقفت قدام جوزى وقفة رجالة
و برقتله عنيا وقلتله مش عايزة اتطلق
ولو كان طلقنى كنت رفعت عليه قضية واقولهم عايزة ارجعله تانى

وبعد ما المحكمة تحكملى انه يرجعلي تانى

اروح تانى يوم و اخلعه

نيهاهاهاهاهاهاهاهاهاهاهاهاهاع


عموما
ربنا يعوضها خير ان شاء الله

شكرا ليكى

اخت سعيد حركات said...

خيخة هو انتي يابت مش بتجوزي لية وتتلمي

Anonymous said...

صححى الأية القرأنية لو سمحتى

"إنا لله وإنا إليه راجعون"

وليس "إن"

بت خيخة وأي كلام said...

المجهول

تم التصحيح وشكرا ليك على التنبيه

Anonymous said...

لو حاولتي تغيري صورتك الحلوة فى عنيا مش هاتقدري
وحشتينى اوى يا مجنونة
ورغم انى ماكونتش عايزك تفتحي التعليقات علشان محدش يعرف يوصلك
لكن انبسطت لما لاقيتك ملعلعة فى صفحة التعليقات
ربنا مايحرمنا من لسانك الطويل اللى بيقول اللى جوانا من غير زيف ولا خداع

Anonymous said...

نورا
نسيت اقولك
يعني ايه الدنيئة اللى انتى جننتينا بيها على الماسينجر دى
ودى بتتلعب ازاى؟

اخت سعيد حركات said...

محدش يعرف غير نورا الدنيئة يعني اية لانها بتمارسها دائما

بت خيخة وأي كلام said...

المجهول

مممممممممممممممم

انت مين في دول؟

افصح عن نفسك


اصل لو كنت معتقد انك انت وحدك حبيبينى

تبقى غلطان

حبيبنى هو قبلك
وربما جاء بعدك
وربما كان مثلك حبيبنى

فهم كثيرون
ولا اعرف عنهم شيئا


وش واحدة بتغمز اوى


لأ بجد انت مين بالظبط

انا بعد كدة هاعلمكم علشان ماتلغبطش فيكم
وكل واحد هاقوله على كلمة سر يقولهالى فى اول التعليق علشان اعرف افرقكم عن بعض


والاقيكم بعد كدة داخلين عليا فى صفحة التعليقات كالتالى

واحد يقولى
مساء الخييييييييييييييييييير
كلمة السر كتكووووووووووت

فساعتها اعرف ان ده فلان


ويجى واحد تانى يقولى
مساء الخييييييييييييييييير
كلمة السر خالتي بتسلم عليكي
فاعرف ان ده علان

و واحد تالت يقولى
مساء الخييييييييير
كلمة السر صنية البطاطس هاتتحرق
فاعرف ان ده ترتان


لا بجد مش معقول انتوا كترتوا اوى

انا لازم اعمل مسابقة للتصفيات النهائية للمجاهيل

ويبقى عندى مجهولين اتنين بس اللى يعلقوا عندى



انتوا هتلعبوا معايا انا الدنيئة ولا إيه؟

دى الدنيئة انا اللى اخترعتها
واللى بعمله فى الناس مش هاديكم فرصة انكم تعملوه معايا

وهافضل انا لاعبة الدنيئة الاولى فى مصر والوطن العربي

الدنيئة دى لعبتى
وانا اللى ابتدعتها وحطتلها القواعد

ومعنديش استعداد انى اكشف عن سر لعبة الدنيئة اكتر من كدة




قلتلى بقى انت مين؟

بت خيخة وأي كلام said...

ههههههههههههههههههههه

ماشي يا ايناس

انتى كمان هاعملك كلمة سر مخصوصة

انا لسة مافكرتش فى العرض بتاعك

عموما انا هاقدر احدد ظروفى يوم الجمعة بليل
وبالتالى ساعتها هابقى ارد عليكى

شكرا ليكى يا حبيبتى
والف شكر انك اساسا لسة فاكرة التاريخ

بت خيخة وأي كلام said...

وائل

حبيبى يا ابو سامية
ههههههههههههههههههههههههههه


هاتقولى عليك
ما انا عارفاك
تخربها وتقعد على تلها وتدخن سيجارة بكل ثقة

هى سانت كاترين شافت شوية

ده انت حبيبى من ايام الجيزة

نيهاهاهاهاهاهاهاهاهاهاع

وش واحدة بتغمز


ابقى كلم مصطفى علشان عايزك

بت خيخة وأي كلام said...

يا رجالة انتوا سمعتوا اغنية
الطول واللون والحرية لمنير؟

ايه الاغنية دى

يخرب بيت كدة

الاغنية قديمة بس انا اول مرة اسمعها لسة اول امبارح


فيها كوبليه بيقول
انا ممكن اجريلك دمي
انا حاسس دمى هايتصفى

ايه الجملة دى
يخرب بيت جمالها


ولا الكوبليه اللى بيقول:

بالظبط الشعر اللى بحبه
الطول واللون والحرية
ده مهفهف على وشك لعبه
اوصفلك ايه يغم عليا

الكوبليه ده بيحرضني انى اقلع الحجاب

نيهاهاهاهاهاهاهاهاهاع



انا رايحة اسمعها تانى

روحوا انتوا كمان اسمعوها

دى حلوة اوى

The Queen said...

عجبني اوي في البوست ده
مقارنة الرجل للزوجتين
وفعلا في حاجات كتير من اللي ذكرتيها تغفلها الكثير من الزوجات
لكن احب برضه اني اقول ان في كتير من الازواج بيلقوا كل اللوم والمسؤولية على المراة وهو كمان بيكون اتغير بعد الزواج واصبح غير مهتم وغير مبالي
تحياتي لقلمك المميز
بوست رائع

Anonymous said...

وحشتيني يا مجرمة
:)

Anonymous said...

الست نوران
أنا بصراحة معجب جداً بكتاباتك، وكمانا ببعض شطحاتك في الكلام اللي ما تخلوش من الطرافة ومن الواقعية كزلك، ومعلش دي المرة راح أشطح بعيد عن كل ماذكر وعن صلب الموضوع.
أكتر حاجة ضحكتني والله من كل الكلام اللي اتقال، دي العبارتين:

(وبعدين احنا بنتكلم عن علاقة جنسية
يبقى ازاى عايزاها تبقى بريئة؟

هما هايصلوا ركعتين شكر لربنا؟

دول هايعملوا سيكو سيكو
يعنى لا مجال للبراءة هنا)

(يقلوا ادبهم لانهم سيمارسون الجنس
ولا يوجد جنس مؤدب وجنس قليل الأدب
الجنس لذته في قلة أدبه)

تقبلوا مروري اللي مالوش لازم دي المرة

بت خيخة وأي كلام said...

the queen

نظرا لان صاحب المشكلة صديق قديم

فانا اقدر أأوكد
انه أه اتغير بعد الجواز

فلقد زاد وزنه
واصبحت التجاعيد تملأ وجهه رغم انه لم يتعدى عمره الــــ35

اصبح قليل الضحك كثير الهم

كل مواهبه وطموحاته تلاشت بعد الجواز

لم اراه مقبل على الحياة
الا فى خلال السنة الماضية
ولم اكن اعرف بعد ان سبب اقباله على الحياة هو وجود زوجة تانية فى حياته (عرفت ازاى تحبه صح) على حد قوله

رايته اخر مرة خلال الاسبوع المنصرم
بعد طلاقه من زوجته الثانية

وجدت امامى شبح رجل
حزين الى ابعد درجة
محبط جداااا

كل ملامحه تنطق بمصطلح

عيشة والسلام



ارجو من الله سبحانه وتعالى
ان يهدي اليه زوجته الاولى
وان تحاول بشتى الطرق ان تستقطبه مرة اخرى لاحضانها

لانها اذا ما ابقت وضعها على ماهو عليه
فهو ضائع منها لا محالة


وربنا يهدي حال الجميع


شكرا ليكى

عاشقه الرومانسيه said...

حطيت نفسى مكان الزوجه التانيه مااعرفش ليه
ولقيت مفيش فى بالى كلام ممكن اقوله للزوج الا الاغنيه دى
http://www.mawaly.com/music/Sooma
/track/62893
واسفه مقدما لو كلماتها جارحه
بس بصراحه هو يستحقها
لانه انانى
مشاعر الناس مش لعبه وهو مش فكر فى زوجته التانيه قد مافكر فى نفسه

بت خيخة وأي كلام said...

عاشقة الرومانسية

حلوة الاغنية يا دودو

بس فيه اغانى اجمد من كدة

لو تحبى ابعتلك كام لينك ينكد عليكي وعلى عيشتك
انا تحت امرك

وش واحدة بتغمز

عمرو فكرى said...

ازيك يا نورة؟

لا طبعا متضايق من التعليق الاصلى
لو متضايق منك هاوضحلك

انا معترض بس على :
((وليه يقلو ادبهم
هو ماينفعش يعملو اللى بتقولى عليه ده من غير ما يقلو ادبهم))

بت خيخة وأي كلام said...

عمرو فكري

ازيك انت يا عمرو
اخبارك إيه؟

طمنتني
انا كنت فاكرة ان ردودى هى اللى ضايقتك

شكرا ليك

bombona said...

هاى خيخه بجد مش مصدقه نفسى انى بكتب لك كومنت دانا لو عايزه اكلم عمرو دياب كان اسهل :)عايزه اقولك بصفه عامه مدونتك لذيذه جدا مش عندى اى تحفظات عليها انا مش هاقول دى قله ادب او غيره لانى شابفه ان كل واحد حر يقول اللى هو عايزه طالما مش بيتعدى على حرية الاخرين واللى مش عاجبه مايدخلشى
صحيح بس فى بوست لفت نظرى مش فاكره اسمه دلوقتى هابقى اقعلق لك عليه فى مكانه
اما بالنسيه للاستاذ بتاع البوست فابقوله بجد ومن كل قلبى بلسان زوجته التانيه(حسبى الله ونعم الوكيل) ومش عارفه اقولك ايه اكتر من اللى تعرفه عن نفسك مانت بنفسك قلت انا ندل هاقولك ايه تانى الاتنين مظلومين معاك انت رجل مرفه وانانى عايز كل حاجه البيضه والسمره والقويه والضعيفه والحنينه والقاسيه لو كنت عاقل كنت واجهت مراتك الاولى بعيوبها وحاوبته تصلحوا العيوب دى سوا لكن انت استسهلت وروحت اتجوزت اوكيه مش هاقولك لا لكن بعد ماعشت الحياه اللى كان نفسك تعيشها وجربت كل حاجه عملت ايه؟سيبتها ورجعت لمراتك وفكرت برضه للمره التانيه فى نفسك لكن البهيمه التانيه اللى كل ذنبها انها حبتك لا طبعا تفكر فيها ليه وتشغل بالك عموما اكيد ربنا هايعوضها باحسن منك وارجل وكويس اوى يا خيخه انك قلتى له ان التعليقات هاتكون قاسيه وده يخليكى تنششرى نعليقى وهو مهىء لسماعه وشكرا

بت خيخة وأي كلام said...

بمبونة

اهلا يا بمبونة

اسمك حلو اوى على فكرة


شكرا على كلامك
وشكرا على تعليقك وتواصلك معانا فى المناقشات

وانا مستنية تعليقك التانى اللى على البوست اللى انتى مش فاكره اسمه ايه


تحياتى ليكى

ابوشهاب said...

الاخت الفاضلة / خيخة
اكتب هذه الحروف وانا اشعر بحنق شديد لما سمعته في حقك
فمن يتمنى في زوجته صفات اكثر مما لديكِ؟
ومن يحلم بمعين له على الدين مثلك؟
العيوب التي يتحدث هو عنها هي مزايا يحلم بها سواه كثيرون
نقلب بقى عاميه
انا هطق هطرشق وجالي زحار وهسهس من الغيظ
عيوب ايه ياعم الحج
طب انا عندي المزايا اللي انت بتدور عليها دي وشارب منها اربعه وعشرين الف كاس
حرام عليك يا اخي ما تفتريش على نعم كتيره قوي ربنا واهبهالك
انا اسف يا خيخه
بس اعمل ايه
المخلص / ابوشهاب

بت خيخة وأي كلام said...

ابو شهاب

شعرت بحنق لما سمعته فى حقي؟
!!!!!!!!!!!!!!!!!!!!!!!!!!!!!

حقي انا؟

!!!!!!!!!!!!!!!!!!!!


حضرتك بتتكلم على البوست ولا بتتكلم عن إيه بالظبط؟


عموما مش انا زوجة صاحب البوست


شكرا ليك

زهراء الفاطمية said...

جميلة جد القصة دي
و اسفة اني قريتها متأخر
بس بجد حفة

في الاول كنت متعاطفة مع الزوجة الاولي قليلا
لانها مش قادرة تقدمله اكتر
او مش واخدة بالها انها مش كفاية
و بعد شوية فرحت انه لقي اللي يعوضه عن كل اللي اتحرم منه
و انه لقي السعادة
بالرغم اني كنت غيرانه جدا جدا و متضايقة لما حطيت نفسي مكانها
بس كنت سعيدة ان جوزي بيحبني و مستمر معايا
و حب واحدة تانية و اتجوزها لانه سعيد معايا
غيرانة و هموت من الغيرة و الغضب
بس اللي بتحب جوزها هتبقي عاوزاه سعيد حتي لو مع واحدة تانية
بس في المنتصف زعلت انها عملت فيه كدة و انها فضلت تتحاكي بسلبياته او غلطاته
و حسيت انها ندلة و مش اصيلةو و تستاهل انها تطلق
لكن لما في الاخر طلق التانية
زعلت اوي اوي
و حسيت انه كدة بجد خرب بيته
بيته الحقيقي
مش البيت المزيف اللي قائم فقط عشان الاعيال
العيال اللي هيطلعوا غير اسوياء لانهم هيشوفوا ابواهما مش عارفين يكونوا سعداء او يحترموا بعض

رأيي الشخصي
لو جوزي هيبقي سعيد مع التانية
هشجعه انه يفضل معاها و هحاول اصلح من نفسي
و هصاحبها كمان
بتكلم بجد

users online