Thursday, January 13, 2011

زوجـــي الـــعـــزيـــز


زوجي العزيز



نعم احبك



واحب اطفالنا



واحب كياننا الاسري



ولذلك لم استطع صبرا ان اجد اخرى تشاركني هذا الكيان



واراه ينهار من حولي بعدما بنيناه سويا



فانهرت وانهارت ثقتي فيك



فلم اجد غير الشكوى لله ولكل البشر منك



فلم استطع ان احمل هذا العبء وحدي



فلا تلومني على رد فعلي



فانا كنت ضعيفة واحتاج الى احضان العالم اجمع


لتسع ضعفي وكسرتي



***



زوجى العزيز



نعم ارمي بكل اعباء الحياة عليك



ونعم لا استطيع تحمل المسؤلية وحدى



فانت لم تكن يوما لتقبل ان اتصرف وحدى فى اى موقف



وكنت دائما تطلب منى ان استشيرك فى كل صغيرة وكبيرة



وكنت تتدخل فى كل شؤن المنزل التى هى من اختصاصاتي



وبمرور الوقت اصبحت لا استطيع اتخاذ القرار فى ابسط الامور



فكنت ارجع اليك قبل ان اشترى ابسط الاشياء



والجأ اليك اذا ما انكسر كوب فى المنزل



فلا تلومني على عدم تحمل المسؤلية



فانت من سلبت منى ثقتى بنفسي


وثقتى فى اختياراتي وقراراتي



***



زوجي العزيز



لا تلومنى على برائتى وصمتى فى الفراش



فانت الذى نظرت لي نظرة شك حقيرة



عندما طلبت منك فى اول شهور زواجنا لمسة جسدية بعينها



وسالتنى بنبرة صوت لن انساها



وانتى عرفتى منين الحركة دى؟






زوجى العزيز



قبل ان تتمنى ان تجدنى عاهرة فى فراشنا



لتسال نفسك هل وصلت انا يوما معك الى قمة نشوتي؟



وقبل ان تطلب منى ان اكون عاهرة بارعة فى اغوائك



لتكن انت بارع فى اغوائي



ولتقبلنى ولتداعبنى قبل ان تقع علي كالبهيمة



***



زوجى العزيز



قبل ان تلومني على عدم اناقتي فى ملبسي



لتعطنى نقودا اشترى بها الاكسسوار اللازم لتكتمل اناقتي



***



زوجي العزيز



لو كنت تحافظ على اشيائنا معا



لكنت حافظت على اشيائي



فانا قد سئمت رقع الدخان فى الاثاث



وسئمت من رماد سجائرك على الفراش



وسئمت من حذائك اللعين الملقى فى غرفة الجلوس



وسئمت من معجون حلاقاتك المفتوح دائما



وسئمت من اصرارك على استخدامك لمنشفتي الخاصة



***



زوجي العزيز



لتعلم اننى اكره ان اكون قوامة عليك دينيا



ولكنك كنت تجبرني



ان اقوم بهذا الدور عند كل آذان



ولا اراك تقوم لتصلي



فتضطرني ان القي عليك محاضرة دينية



فى اهمية الصلاة



ولكنك لا تبالي



فالماتش عندك اهم من صلاة العصر



والفيلم الاجنبى اهم عندك من صلاة العشاء




زوجى العزيز



كم تمنيت ان اصلي معك جماعة



وكم تمنيت ان تأمرنى انت بالصلاة



فانت قدوة لاطفالنا




زوجى العزيز



هل تعلم ان صغيرنا سألني بالأمس



هو ليه بابا مش بيصلي؟



****



زوجى العزيز



ليت زوجتك الثانية كانت اجمل منى



ليتها كانت اكثر منى علما



ولكن باختيارك لها



كانت هذه طعنة قاتلة موجهة لأنوثتى



فانا وحدى التى رايتها اجمل منى



اجمل منى باختيارك لها



اجمل منى بارتياحك معها



اجمل منى بحبك لها



فانا اعلم تماما انه ليس من السهولة ان ترتاح لاحد



واعلم ماذا يعنى ان تختار احد لتقربه منك



فهذا هو النعيم بعينه



فتعبت وانهرت



وتمنيت ان كون انا هى حتى تراني كما تراها



***



زوجي العزيز



لتتذكر سنين زواجنا معا



هل يوما انتقدتك فى شيء؟



هل يوما غضبت من تصرفاتك الطفولية




هل يوما عاتبتك؟



لم افعل هذا ولا ذاك



لانك دوما كنت فى عينى المحق



وكنت دوما فى عينى الكبير الذى لا يخطأ



فكنت مقياس لي اقيس من خلاله تصرفات البشر



فإن فعلت انت هذا الفعل



فكل من يفعله على الطريق الصحيح



وإن كرهت انت هذا الفعل



فكل من لا يكرهه على الطريق الخطأ




كنت اراك دوما بعين الزوجة المحبة



اما انت فكنت لا ترى منى الا ذلاتي



ودائم الانتقاد لي



فعرفت انك لا تحبنى



فالذى يحب لا يرى اخطاء المحبوب



***



زوجي العزيز



تسالنى لماذا لا أطور من نفسي



اقول لك لانك دائم التسفيه بارائى



ولا اتذكر يوما قلت رأيي فى شيء واعجبك



فالتزمت الصمت



واكتفيت بما وصلت اليه من علم ومعرفة



ولم يعد لى قابلية ان اعرف اى شيء جديد



فما الفائدة مادام كل ما اتفوه به


سخيف من وجهة نظرك




***



زوجي العزيز



لا تبقى معي اشفاقا علي وعلى اطفالنا



لا تبقى معي خوفا من عشيرتك وعشيرتي



فإن بقيت لتبقى لأنك تحبني



وإن لم تكن تحبني ... لترحل اذن



فانا اطلق سراحك



***



زوجي العزيز



بحبك لكن موجوعة منك اوي






انتهى

67 comments:

MaNoO said...

انا قريبت البوست اللى فات وبعد اما علقت عليه عرفت انك حاجه واقعيه وكنت مع الزوجه بدون اى حاجه ودلوقتى معاها فى كل حاجه بتقولها والمشكله مظنش انها فيهم على قد ما هيا فى التفاهم بينهم والصراحه مش شايف انه عيب ان كل حد فيهم يقول للتانى ويطلب كل حاجه حتى الحاجات الجسديه اللى هيا ذكرتهالان دى علاقه مقدسه ولازم كل حاجه تبقى واضحه للطرف التانى عشان ميحصلش جواز وهروب وبلاوى زى اللى بنشوفها
احترامى ليكى اولا على البوستين
وثانيا على تدخلك فى المشكله زى ما قال صاحبها البوست اللى فات

موناليزا said...

إيه يا بنتى التألق ده
بجد جامدة جدا
وصادقة لأقصى درجة

بت خيخة وأي كلام said...

مانو

شكرا لمتابعتك الجيدة يا مانو


بس على فكرة المرة دى الزوجة هنا
مش زوجة صاحب المشكلة اللى فاتت
دى زوجة تانية خااااالص

دى واحدة قرت البوست اللى فات وتقريبا بتواجه نفس المشكلة
ألا وهى زواج زوجها من اخرى
فابعتتلى موضوعها
وطلبت منى برضه انى انشره

لعل وعسى الرجالة تتعظ
ولعل وعسى ان صاحب المشكلة اللى فاتت
لما يقرا كلامها
يقيم نفسه مع مراته هو كان عامل ازاى
ويتخيل مراته لو عندها الفرصة انها تبعبع بما فى مكنون قلبها كانت هاتقول إيه


ربنا يهدي حال الجميع


شكرا ليك

Anonymous said...

السلام عليكم
مش عارفة ابدا كلامي زاي
يمكن علشان اول مرة اعلق علي بوست
و كمان اول مرة اهتم بمدونة هيا بتاعتك
يمكن انا متباعها من شهر 7

بت خيخة وأي كلام said...

موناليزا

شكرا ليكى ومنوراني يا حبيبتى










الغير معرفة

اهلا بيكى
و المدونة وصاحبتها اتشرفوا بزيارتك ومتابعتك


شكرا ليكى

بت خيخة وأي كلام said...

مصطفى

هو انت كمان صاحي وبايت فى صفحة التعليقات؟

انتوا كلكم صاحيين ولا إيه؟


ما انا عارفة يا سيدى انها مش مراتك

دى مرات واحد تاني


واضح ان موضوع الجواز التانى ده اتكرر كتير والستات كلها مبؤئة منكم


بس بجد اقرا البوست كويس وفكر فى كلام صاحبة البوست

وشوف مراتك لو اتكلمت هاتقول إيه

حاول تشوف نفسك من خلال عيون مراتك
وشوف انت مقصر فى إيه

ماهو مش معقول تكون هى بس اللى كانت مقصرة
وانت اللى ملاك



ربنا يهديلك الحال
ويهديلك مراتك

Anonymous said...

اعتقد انهم هما الاتنين مسئولين عن اللى وصلو لية دة بس الراجل مسئول بنسبة اكبر لان المراة بتحب ان الراجل يهتم بالتفاصيل حتى لو كانت صغيرة
اعتقد انة مبقاش فية الراجل بتاع زمان اللى بيقدر مراتة ويديها قيمتها قدام نفسها وقدام الناس

Anonymous said...

نسيت اكتب اسمى انا حسام وتقريبا قريت كل مواضيعك وبجد انتى اكتر واحدة اسلوبك بيعجبنى وبجد بتضحكينى من قلبى وبحب صراحتك مع نفسك اوى

بت خيخة وأي كلام said...

حسام

شكرا ليك ويشرفنى متابعتك للمدونة

تحياتي ليك

أحمد said...

صباح الفل والياسمين
أنا من المتابعين للمدونة منذ أشهر، ومعجب بيها حقيقة، لكن ماتركش تعليق إلا ما ندر.
بصي يا سيدة نوران
أنا مش حارد على على كل جملة وعلى كل عبارة لأن ده راح ياخذ وقت طويل ورح يفتح ملفات سابقة مش لازم انها تنفتح لانها تقفلت خلاص من زمان.
بصي عزيزتي.. المفروض الراجل هو اللي بيتحمل مسؤولية زوجته وهو اللي بيبادر في كل حاجة، وهو عارف ده في قرارة نفسه، لكن ما دام إنه مش عامل كده فأكيد في حاجة مانعته، مش شرط إنها تكون حاجة مادية محسوسة أو عقبة ظاهرية، يمكن إنها تكون حاجة معنوية، ومش عايز أي حد يتدخل فيها، عاوز هو اللي يتحمل مسؤولية دا الشيء بنفسه ويصل للقرار بكامل اقتناعه وإرادته. أنا مش أنكر إن الزوجة راح تتضر كثير من ده، وأنا نبهت بده علشان ما أضحكش عليها وكمانا علشان ما تنخضش بعدين، وحتى أكون صادق معاكي وبدون لف ولا دوران الزوجة أمام أحد اختيارين: يا إما إنها تستحمل الوضع ده وتساير زوجها وفي النهاية يمكن تصل لنتيجة ويمكن لأ، أو إنها وبكل صراحة تقطع الموضوع من بدايته وترتاح.
وشوفي يا ستي حاجة مهمة خليها في ودنك، ما دام الرجل واقف جنب مراته وما ابتعدش عنا، فأكيد هو متمسك بيها مرة وبيحبها قوي، وأنا نفسي كمانا من أحد الأشخاص إنه يراجع الرسائل القديمة واللي بعضها كانت مخجلة، ويحاول إنه يقرأ ما بين السطور بتركيز، راح يكتشف حاجتين: حيتكشف إن في أجندة خفية كانت مستخباية عنه مقدرش يوصلها، وحيتكشف إن رايحة الحب فايحة منها.

بت خيخة وأي كلام said...

أحمد


ملفات قديمة إيه اللى اتقفلت من زمان؟
!!!!!!!!!!!!!!!!!!!!


ورسايل قديمة ايه اللى يراجعها وبعضها كانت مخجلة؟
!!!!!!!!!!!!!!!!!!!!!!!!!!!!!!!!



هو انت تعليقك غريب يا احمد
وحاسة انك بتعلق على حاجة غير اللى انا كاتباها
ولا انا اللى مش فاهمة؟



بص يا احمد
لانى حاسة ان حصل عندك التباس وخلط

البوست ده
يعتبر جزء تانى

الجزء الأول بتاعه
كان البوست اللى فات
اللى هو بعنوان زوجتى العزيزة

واللى يقرا البوست ده
لازم يكون قرا البوست اللى فات بتعليقاته


شكرا ليك

richardCatheart said...

بردو يخربي كده
هى هى اخت اللى فاتت

انا معلقتش امبارح لانى ماقدرش احكم من سماعى لطرف واحد
هو طبعا ماكانش فى بنهم حوار

والحوار دا اللى بيعمله الراجل مش الست الست لو اكلمت سنه وهو مش عايز يسمع مش هايسمع

المشكله من الاول بنهم هو اللى عملها
ماعملش معها علاقه جنسيه ناجحه
وبالتلى كله هايفشل مع الوقت والمشاكل

انا شايفه انها
انثى
زوجه
ام
محبه
كانت عايزه يحتوها هو مافهمش دا
فاعمل زى اغلب الرجاله ودور على راحته

اعتقد ان الحوار حصل لاول مره بنهم
هنا
ودا كويس بدايه على الاقل

انا معها فى الجزء
انه مايرجعلهاش علشان الولاد والاهل ماينفعش خااااااااااااااالص

هو دلوقتى حر عنده الاختيار
والكره فى ملعبه
يايبتدى يصلح يا يخلع ويسكت

عندى كلام كتير بس حاولت اجمعه قدر المستطاع ربنا يصلح لهم الحال يارب
ويقدملهم اللى فيه الخير يارب

رنونة حكومة ميخو said...

البوست ده اشبع وارضى غرورى كأنثى بجد
بجد فعلا ريحني حاسة انى بدات اتنفس تانى لان البوست اللى فات كان كاتم على نفسي كتمة سودة ومنيلة بنيلة بجد
ورد الزوجة ده لايق قوى على المشكلة الاولانية ياريتها تكون هيه ياريتها بجد

وعلى فكرة انا متاكدة ان الزوجة الاولى لو الفرصة كانت قدامها تكتب رد كانت كتبت ده بالظبط بالملللللللللللي

معظم الرجالة انانيييييييين
الراجل عاوز مراته تتزوقله ليل نهار وبرفانات و ميك اب وسشواروشياكة وتمخترة ودلع وهوه مش بعيد تلاقيه مبيستحماش اصلا الا كل اسبوع ول ااسبوعين ميفكرش مثلا يحطلها البرفان اللى بتحبه عليه
ميفكرش هيه بتبقى عاوزة ايه منه فى اوقات كتير
ممكن تكون بتعيط وشايفها بتعيط ميفهمش اد ايه الست محتاجة بس ان ايده تمسح دموعها من غير حتى ما يتكلم كفاية قوي يمسح دموعها
وفى نفس الوقت لو الست شافت جوزها راجع متضايق مثلا بعد الشغل او مش بيتكلم كعادته تتجنن وتفضل تقوله مالك مالك لحد ما يحكى واذا معملتش كده يقولها مش بتهتمى بيا ويبتدى يدورله على واحدة فى الشغل يحكيلها

طب ماحنا برده ممكن نعمل كده

البسوت ده جاااااااااااااامد اخر حاجة بجد
ريحنييييييي انا بشكر الزوجة اللى بعتت الايميل ده لانها بطت الرجالة اللى منهم الزوج بتاع البوست اللى فات
وياريت يقراه ويهدى كده ويفكر ماهى مراته برده ليها قلب ومشاعر ورغبات مكبوتة مراته نفسها تقضيها فسح ليل نهار وزواق ودلع بس هيه اتحملت مسئولية بيتها انما هوه فاضي ورايق

Ramy said...

انت فكنت لا ترى منى الا ذلاتي ودائم الانتقاد لي فعرفت انك لا تحبنى فالذى يحب لا يرى اخطاء المحبوب

هى لخصت كُل حاجة فى الكلمتين دووول

لا أعتقد أنه له أعذار

):

فاتيما said...

صباح الفل يا خوختى

ازيك يا قمممممر

شوفتى لما بتفتحى صفحة تعليقاتك الدنيا بتنور أزاى ؟!!!


طيب

اولا عندى ملحوسة بسيطة
ف ردك على تعليق مانووو

لعل وعسى الرجالة تتعظ


ستوب واوبجشيكشن

مين دول يا ماما اللى يتعظوا ؟!!!
الأخوة الرجال ؟
السادة الرجال؟
الرجالة تقصدين ؟
المذكر سالم يعنى ؟

مش لما يحسوا الاول
ان فيه حاجة فادحة حصلت
و تستدعى بعدها ان يتعظوا
؟!!!

بصى يا خوخة
اختك فاتيما بعد سنوات طوال
ف هذوها الدنيا
ايقنت ملياً وبما لا يدع مجال للشك
ان الراجل مخلوق بتركيبة تكاد تكون معاكسة للست و بشكل صارخ
خصوصا فى مواضيع الحب والجواز دى


يعنى اللى تشوفه الزوجة حق مطلق
يبصله الراجل ..ايه مالها دى
عاوزة ايه ؟

واللى يعتبره الزوج بديهى
تشوفه الست ... عدم احتواء
وتجاهل عن عمد



غالبا كل طرف
عاوز يتعامل زى ما بيتمنى
زى ما المفروض أن يكون
مش زى ما هو كائن
ولو اضطر يقبل الواقع
بيكون محبط
او مكئتب
او نفسه مسدودة
و بيتزق زق
والحياة بتكون مسلسل يومى ممل
لأقصى درجة


الحل ؟
كل واحد يحاول شوية
يتخلى عن بعض من أنانيته لصالح الطرف التانى
وميقعدش يذله بقى
انا عملت عشانك وسويت
انا زى الف وغيرك كان قدرنى
انا ..انا ..انا


و لو كل نفر
اتعامل مع الطرف الآخر
حسب طبيعته الإنسانية البحتة
ومشخصنهاش ...
واعتبر أى قصور يبقى
اهانة فى حقه
يمكن قوى المركب تمشى
وتقطع مسافات
وتروح لأبعد مكان كمان


طبعا اللى ع البر عوام
ويمكن أكون آخر نفراية تنصح ف الجواز وسنينه
بس الفرجة ع الدنيا والناس خلتنى اتيقن ان اغلب المشاكل جاية من حتة الأنا دى
المفروض كل واحد بيتجوز بيتخلى عن المفرد وحياته تبقى مضروبة فى اتنين
والأتنين دول لما يخلفوا حياتهم تنضرب فى تلاتة اربعة خمسة ...لما ييجوا العيال

وبالتالى
لازم الفكر ينضج وياخد منحنى تانى
العيوب يتم الإعتياد عليها اذا لم تنصلح ومنقعدش نضخمها بمرور الوقت
والمميزات نحس بنعمتها ونستمتع بيها ونكبرها
نحمد ربنا على ما اعطى
...

انا رغيت كتير قوى

صباحك ورد وياسمين
وحضونات جامدة جداااا
ع البوستات الجامدة جدا
وبوسيلى شيكو شريف شكشوكة

:)

ابراهيم رزق said...

ازيك يا نوران عامله ايه
على فكرة انا بابقى حزين لمل بتقفلى التعليقات مش عشان انتى قافلاها لانى باحترم حريتك فى فتحها او قفلها و لكن لانى باحس ان حالتك النفسية و المزاجية بتقبى بعافية شوية و لكن مع عودتك و تفاعلك مع التعليقات حسيت ان نوران القديمة رجعت بكامل لياقتها زى ما تكونى كده كنتى بتعملى معسكر اعداد خارجى فى المانيا لرفع معدل اللياقة هههههه و انا كنت متوقع انك تفتحى التعليقات مع اول السنة الجديدة عشان اقولك عام سعيد و كل عام وانتى بخير بس ملحوقة و باقولها دلوقتى

نظرت فوق للنجوم وانا ساير
رجليا عترت فى الحفر و الحجاير
بقيت اقول و انا ع التراب ياسلام
مش بس عبرة اخدت لكن عباير
عجبى ؟؟؟؟

بصى يا نوران انا اعتبرت البوستين بوست واحد عبارة عن حوار و هو ده بداية الحل الحياة الزوجية يجب ان يسودها الحوار من الطرفين و ليس طرف وحيد و مش معنى القوامة ان فكر الزوج هو الذى يجب ان يسود بل الفكر الاصلح وده لا ياتى الا بانكار الذات وان ينظر كل طرف الى الاخر و يضع نفسه مكانه و يبحث عن احتياجته بنفس النظر الى احتياجته هو
نقطة ثانية عندما يبحث الرجل عن زوجة ثانبة يكون السبب فى الغالب هو الملل و يبحث الزوج عن قتله و يكون الحل السحرى فى الزواج الثانى والذى يستغرب البعض ان الزوجة الثانية فى الغالب تكون اقل من الزوجة الاولى من حيث الجمال و التعليم و لكنه بمثابة القاء حجر فى المياه الراكدة فتتحرك و لكن بعد قليل ترجع للركود مرة اخرى ويرجع الملل للزواج الثانى فعلى كل زوجين البحث عن حلول لقتل الملل اولا باول والتجديد و تغيير رتم الحياة و على راى جاهين

ايوب رماه البين بكل العلل
سبع سنين مرضان بفعل الشلل
الصبر طيب..صبر ايوب شفاه
بس الاكاده مات بفعل الملل
عجبى؟؟؟؟
كل سنة وانتى طيبة و عريس بنتى طيب
و سلامى لشريف
ابراهيم رزق

بت خيخة وأي كلام said...

ازيكم يا حبايبيني

هارد عليكم حاااالا

ادونى بس شوية دقايق
اظبط فيهم بعض الامور الخيخية المنزلية

بت خيخة وأي كلام said...

بسم الله نبدأ

هو انا كنا وقفت لحد فين فى التعليقات

ممممممممممممممم

أه وصلت لحد قلب القطة

ازيك يا مارو يا قطقوطة

اولا اقفلى التعليقات عندك علشان عايزاكي فى كلمة سر


نيجى لموضوع البوست

رغم ان صاحب المشكل فى البوست اللى فات
ليس هو زوج صاحبة المشكلة فى هذا البوست
لكن اهوه كله بينفع

والمشاكل الزوجية تقريبا
بتتشابه مع اختلاف التفاصيل

وبالنسبة لصاحب المشكلة
هو بالفعل البوست المرادي افاده جدا
وخلاه يقيم نفسه ويسأل نفسه لو مراته عندها الفرصة انها تبعت هى كمان إيميل زى ما هو بعت يا ترى هاتقول إيه

ربنا يهدى حال الجميع
وانا مع صاحبة المشكلة انها ماترجعلهوش علشان خاطر العيال

العيال ماهى هاتتنيل على عينها هايتربوا كدة ولا كدة
لكن هى لو خسرت نفسها وروحها فى حياة زوجية مملة وتعيسة يبقى تقول على نفسها السلام

اه التضحية حلوة وكل حاجة

لكن كل حاجة وليها حدود

ولازم الواحد يفكر بأنانية بعض الوقت
ويشوف سعادته فين

لكن لما الواحد او الواحدة يجى على نفسه علشان خاطر تييييت ام العيال
طب وبعدين؟
وهو فين من ده كله

هاندي عيالنا حب ازاى واحنا مفتقدينه مع شريك حياتنا
هانديهم اهتمام ورعاية ازاى واحنا تعساء

ومحدش يجى يقولى الطلاق بيأثر على نفسية العيال

أحا
هو الطلاق بس اللى بياثر يا روح امكم

والخناق والكراهية وعدم الاهتمام مش بيأثروا؟

هو انا مالى اتنرفزت كدة ليه وصوتى علي اوى


لما ناخد نفس عميييييق ونهدا


ممممممممممم


كفاية عليكى كدة يا مارو

نيجى للي بعدك



رنونة حكومة ميخو

والله كنت متأكدة ان البوست ده هايريح قلبك
لانى كنت حاسة انك متغاظة اوى فى البوست اللى فات

معنديش تعقيب على كلامك
انا متفقة معاكي فيه

ولكن هارجع واقول ماقدرش اعمم واقول ان كل الرجالة كذا وان كل الستات كذا

ولكن فيه بعض الرجالة ولاد وسخة وعايزين الحرق

و الستات كمان بيبقى فيهم شوية ستات ولاد وسخة برضه وعايزين الحرق


تحياتى ليكى

بت خيخة وأي كلام said...

رامي

ازيك يا رامي
اخبارك ايه؟


محدش مالهوش اعذار
كلنا لينا عذرنا فى كل موقف بنمر بيه


هو ممكن يكون بيحبها برضه
وانتقاده ليها علشان عايز دايمايشوفها بشكل كويس ويشوفها احسن الناس

بس واضح ان هو كان مركز على المفقود من مراته ومش بيشوف الموجود فيها
ودى حاجة مش كويسة
لازم يكون متوازن
قبل ما ينتقد تصرف
لازم يشكرها على حاجة حلوة هى عملتها او ميزة فيها
علشان هى بعد كد تقبل النقد وتقدر تصلح من نفسها



شكرا ليك












فاتيما

ازيك يا طمطومة

يعنى ايه انتى اخر نفراية تنصح فى موضوع الجواز؟

!!!!!!!!!!!!!!!!!!

ليه بتقولى كدة؟

علشان مطلقة يعنى وليكي تجربة مهببة فى الجواز؟

لا يا فاتيما لاااااااااااااا

بالعكس نحن معشر النساء المطلقات
بيكون لينا رأيي مهم جدااااااااا

ورأينا بيكون مؤثر على زيجات كتيرة جداااااا


ولازم تعرفي ان احنا محسودين من الزوجات المخنوقات المكبوتات المبؤئات

نيهاهاهاهاهاهاهاع

احنا قدرنا نقول لأ

لأ على إيه مش عارفة ومش فاكرة دلوقتى

بس قدرنا نقول لأ مش هانفضل كدة ونعيش عيشة مش بتقنعنا

الدور والباقى على عايش ومكبوت ومش قادر ياخد قرار بالانفصال علشان خايف

اه علشان خايف مش اكتر من كدة

الموضوع كله بيتمحور حول الخوف

الخوف من كل حاجة
الخوف من مجتمع إبن أحبة وتابوهات عقيمة
الخوف من كلام ناس مش حاسين بوجعه مهما كانوا قريبين منه
الخوف من وحدة رغم ان الوحدة خيرا من جليس السؤ
الخوف على عياله
الخوف من خسارة مادية


انا طلعت برة الموضوع

انا بس مش عايزاكى تقنعى نفسك يا طمطومة انك علشان مطلقة ده معناه انك تكونى اخر حد يقول النصيحة فى مسالة الزواج

انتى مش اقل من اى حد
انتى صاحبة تجربة انسانية
والتجارب بتعلمنا اكتر وبتخلينا انضج وبتخلينا قادرين على اعطاء النصيحة بشكل افضل ممن لم يمروا بمثل هذه التجارب


انا متنرفزة اوى دلوقتى
مش منك يا فاتيما

بس انا عايزة اعيط
لا مش اعيط
انا عايزة اغضب
عايزة اصرخ
عايزة اعض حد ابن وسخة
عايزة اتخانق مع دبان وشي
عايزة اشتم اوى
عايزة انفخ اوي

اوفففففففففففففف
انا مضايقة

انا عايزة امشي من هنا

بت خيخة وأي كلام said...

ابراهيم رزق

ازيك يا ابراهيم
والله ليك وحشة


وانا كمان كنت حزينة وانا قافلة التعليقات
بس كنت محتاجة ابعد شوية عن الناس

شكرا ليك
ومعلش معنديش تعقيب على كلامك

و كمان اتخنقت وحاسة انى هاتكلم فى حاجات مالهاش علاقة بالبوست

انا اسفة
وشكرا ليك






بعتذر لمارو ورنونة وفاتيما اذا كان ردى عليهم فيه كلام ابيح
اعذرونى
بس انا اتنرفزت وانا برد عليكم
وانتوا مش السبب فى نرفزتى

بس حاجات كتير كدة اجتمعت مع بعضها فخلتنى اتنرفز

انا اسفة ليكم جدا

Anonymous said...

خيخة
تفتكرى لو ست جوزها مش بيمتعها فى الجنس بس هو ممتاز فى كل حاجة تانية تقوله ولا لأ؟ ولو قالتله يبقى ازاى؟

بت خيخة وأي كلام said...

المجهول


اه طبعا تقوله

ازاى دى بتختلف من شخص لاخر

وكل ست عارفة ازاى تدخل لجوزها فى الموضوع من غير ما تجرح كبريائه
ومن غير ما تخدش حيائها

ولو انى افضل خدش الحياء
لان الحياء لو ماتخدش فى النقطة دى
يبقى الست عمرها ماهاتعرف تقول على مطالبها الجسدية

والراجل يعنى مش هايشم من على ضهر ايده

الموضوع ده قائم على الزوجين
وليس على طرف واحد

يبقى الاتنين يحاولوا يساعدوا بعض فى الوصول لطريقة ترضيهم هما الاتنين


ولازم يكون فيه بينهم حوار
وعقل متفتح

وردود افعالهم تجاه طلباتهم لازم تكون واعية

لان عادة لو طرف طلب حاجة معينة وكان رد فعل الطرف التانى عنيف او استغرب اوى
ده ممكن يخلى الطرف اللى طلب حاجة يتكسف ويكش ويخاف بعد كدة يطلب حاجة

وده مش صح

لازم الطرفين يكونوا متقبلين طلبات الطرف الاخر بوعي كامل

أحمد said...

معلش سيدة نوران، البوست ينقرا بكدا طريقة، فإنت قلتي : (دى الزوجة هنا مش زوجة صاحب المشكلة اللى فاتت،
دى زوجة تانية خااااالص) فأنا افتكرت دلوقتي إن الآية انعكست، لكن الظاهر إني أخطات في الفهم، بس على فكرة مشاعري ما اخطات فيها. عالعموم مش محبذ الحفر في أشياء قد دفنت وانتهت، فلكل من الزوجين وجهة نظره ومبرراته التي يحتفظ بها.

عاشقه الرومانسيه said...

برضه هنا متغاظه من الزوج
هى كل المصايب بتطلع من الرجاله

بت خيخة وأي كلام said...

احمد

شكرا على التوضيح

تحياتى ليك







عاشقة الرومانسية

مش عايزين نعمم يا دودو

انا اعرف مصايب بتيجى من ورا الستات

انا عن نفسي ياما عملت مصايب

نيهاهاهاهاهاهاهاهاهاهاهاهاهاهاهاع


يا بنتى الرجالة دول فى الاخر اللى هما
ابوكى واخوكى وابنك وحبيبك وجوزك

بشكل ما مانقدرش نستغنى عن وجودهم تمااااااما

ورغم انهم بيطلعوا تربنتين اللى خلفونا
إلا اننا ساعات بنحتاجهم برضه
حتى لو كانت مساوئهم _من وجهة نظرنا_ اكتر من مميزاتهم

لكن بيجى علينا وقت وبنحتاج لحضنهم نستخبى فيه


تحياتى ليكى

الطائر الحزين said...

الله الله الله

قبل ان تطلب حقوقك ادفع بعض من واجباتك

بت خيخة وأي كلام said...

مصطفى

حاضر يا درش
ان شاء الله






وائل

روحوا انتوا
انا خلاص شوفته اول امبارح






أكرم

إمتى؟









إيناس
انا قلتلك هارد عليكى يوم الجمعة بليل
والنهاردة لسة الخميس يا بنتى








الغير معرفة

بصي من الاخر
ماتدخليش ماسينجر تانى واتلمي بقى

هو ده الحل الوحيد لحكايتك

ده من الاخر

اما لو عايزة لت وعجن وكلام حريم كتير
يبقى استنى منى ايميل طويل بعدين









المجهول اللى انا عارفة هو مين


لحد هنا واستوب
و مليون خط احمر ماينفعش تعديهم
وتاخد بالك من كل كلمة هاتكتبها

انت كدة تعديت حدودك

وانا موتي وسمى اللى يتعدى حدوده معايا

فيه مناطق محظورة فى حياتي
لن اسمح لأي بنى ادم مهما كانت غلاوته عندى
انه يقرب من المناطق دى

فالزم حدودك علشان خاطر ما تشوفش مني وش عمرك ماشوفته

بت خيخة وأي كلام said...

الطائر الحزين

ازيك يا ايهاب
منور المدونة بزيارتك وتشريفك


متفقة معاك فى رايك

بس انا احب اضيف ان العبارة دى المفروض تنطبق على الطرفين

الاتنين المفروض يعملوا اللى عليهم من واجبات
قبل ما يطالبوا بحقوقم


شكرا ليك

بت خيخة وأي كلام said...

محمود من الرياض

اولا انا ماكونتش اقصدك انت

بس واضح ان اللى على راسه بطحة بيحسس عليها

محمود من الرياض said...

جمعة مباركة

MaNoO said...

خيخه هانم اسمحيلى ارد تانى على تعليق فاتيما بس ليا نقطتين
اول حاجه حكايه ان التعميمي غلط فى اى حاجه يعى مينفعش اقول كل الرجاله كدا او مش كدا والدليل ان فى ناس ربنا يسعدهم عايشين ومبسوطين اكيد الدنيا فيها كدا وكدا
تانى نقطه والاهم لفاتيما برده انتى رديتى عليها وانا بتفق معاكى تمام
يعنى ايه اخر حد نتكلم عن الجواز
المطلفه ايه مالها عملت ايه ست قويه جدا فدرت تاخد قرار عشان تعيش حره مش شرط حره يعنى بعيد عن الجواز لا حره من الخنقه والقرف اللى شافته ونبعد بقى عن نفمه المجتمع والناس هيعملوا ايه الناس هما كانوا بيعيش ويشوفوا القرف اللى بتشوفه الست المطلقه دى
لازم يكون عندك قوه ان زيك زى اى حد ليه تجربه وطلع منها باستفاده كبيره وتردى وتقولى رايك بل اكتر من الناس
انا كشخص بشوف ان المطلفه دى لو على حقها وانها اخدت القرار بارادتها فهيا اقوى ست فى الدنيا خلى ثقتك اكبر من كدا طالما انتى متاكده انك بتعملى الصح

طولت بقى بس النقطه التانيه كانت مهم لانها تمييز وتفرقه بدون داع وقبل ما نقول المجتمع لازم اللى عشات التجربه تتعامل معاها على انها حاجه وعدت زيها زى اى حاجه
يلا سلاموز

بت خيخة وأي كلام said...

محمود من الرياض

مش فاهمة تقصد إيه

!!!!!!






مانو

اهلا بيك يا مانو ومشرفنى دايما

وانا مش هاتدخل فى تعليقك لفاتيما


انا بس عايزة اقول انى متفقة مع كلامك

شكرا ليك

محمود من الرياض said...

ياسلام علي بوست ارتاحي بقة عاجبني جدااااااااااااااااااااااااا تسلم يمينك يانوران

بت خيخة وأي كلام said...

وائل

لأ ما تتصلش بيا
مش هارد عليك

انا ماليش مزاج اكلم حد

محمود من الرياض said...

مش عارف انتي تقصدي اية يانوران ان كنت تقصدي جمعة مباركة يعني بدعيلك ان يكون يوم الجمعة غدا مبارك لك فية ويتقبل الله منك

بت خيخة وأي كلام said...

محمود من الرياض

!!!!!!!!!!!!!!!!!!!!

اوك شكرا ميرسي

بس انت كنت خلاص علقت على البوست بتاع ارتاحي بقى

لزمته ايه بقى تكرار تعليقك عليه فى صفحة تعليقات بتاعة بوست تاني؟


محمود
ما ترتاح انت بقى وتطلعنى من دماغك

بت خيخة وأي كلام said...

محمود من الرياض


اوك
شكرا

بس هو دعاء جمعة مباركة ده
مقتصر على ايام الجمع فقط

يعنى ما ينفعش اقول لحد مثلاً

أربعاء مبارك او سبت مبارك ؟

محمود من الرياض said...

اكيد انت عوزاني اطلعك من دماغي لو اة قوليها في البوست بس بطريقة حلوة محترمة لو لا متعلقيش في البوست

محمود من الرياض said...

صحيح يانوران

بت خيخة وأي كلام said...

وائل

ورحمة ابوك يا شيخ

ما تستفزنيش بغبائك

انا قلت مش عايزة حد يتصل بيا يبقى خلاص بلاش تنرفزنى
علشان ما شتمكش فى الأخر
وتيجوا بعدة كدة تقولى عليا لسانى طويل


خليك شاهد يارب
هما اللى بيستفزوني

هههههههههههههههههههه

وائل
وحياة ماماتك يا اخى
بلاش اصرارك ده دلوقتى انك تطمن عليا

انا لولا انى مستنية مكالمة مهمة انا كنت قفلت الموبيلات
فابلاش علشان خاطرى تضطرنى انى ارد عليك

صدقنى هاكون شاكرة جدا ليك لو بطلت حالا اتصالاتك ودخلت اتخمدت


والله العظيم هافتح عليك وومش هارد
وهاخليك تلبس فى فاتورة كبيرة

اقفل بقى يا رخم
وبطل تتصل

بت خيخة وأي كلام said...

محمود من الرياض

اه طلعنى من دماغك

وماتعلقش عندى تانى
وماتتصلش بيا تانى
وماتبعتليش ماسيدجات تانى
وماتبعتليش ايميلات تانى

ها
الطريقة دى كويسة علشان تتأكد انى عايزاك تطلعنى من دماغك؟

محمود من الرياض said...

لا دي مش كويسة دي مهينة شكرا ليك

بت خيخة وأي كلام said...

ريهام وحسن عندنا
يا مرحبا يا مرحبا

ازيك ياروما
ازيك يا حسن باشا

والله صفحة التعليقات منورة


ولأ مش هادخل اسكايب

والماسينجر فاتحاه علشان مستنية ايميل مهم
مش علشان اكلم حد

فبلاش تبعتولى نادج كل شوية
لانى مش هارد عليكم يا أوغاد


بوسولي المامات والبابات والجدو

وش واحدة بتغمز

بت خيخة وأي كلام said...

إسلام

اعتذارك غير مقبول

وانا خلاص خدت عنك انطباع انك وسخ

يبقى تستاهل اللى جرالك

وانا قلتلك من الاول ابعد عن سكتى
علشان انا سكتى كلها خوازيق

البس بقى يا معلم








محمود من الرياض

بجد مهينة؟

طب الحمد لله

ده معناه انك مش هتهين كرامتك
و تعلق عندى تانى





وائل

صح بس
43
فى الاخر

بت خيخة وأي كلام said...

حسن

وش واحدة متغاظة جداااا

وانا قاعدة ملطوعة من الصبح علشان يبعتلى ايميل او يكلمنى وفى الاخر تقولى اتحرك من ساعة

طب ما سابش خبر ليه

وبعدين انت مش بتقول ان وليد فى اسكندرية


يبقى ازاى سافر لوحده

هو من امتى كان بيروح فرداني؟

هو فيه حاجة جدت هناك انا معرفهاش؟

محمود من الرياض said...

انت قليلة ادب وسافلة

محمود من الرياض said...

انت سافلة لم اري ابدا من هم في سفالتك وبجاحتك وقلة زوقك واسال الله سبحانة وتعالي ان يقي الناس من سفالتك ومن عنجهيتك التي لااري لها داعي ومش لايقة عليك عموما لنا موعد احسبة ان شاء الله قريبا لان من يهينني لابد وان اهينة بالطريقة التي احبها ولا تحبينها

بت خيخة وأي كلام said...

محمود من الرياض

وانت محترم وكلك ذوق








حسن

ادخلي ماسينجر حالا دلوقتي انت وريهام

على الايميل ده

nouran_gamal_78@hotmail.com

واتصل بوليد وخليه يدخل اون لاين

بت خيخة وأي كلام said...

محمود من الرياض

انا لو قليلة الادب

كنت قلتلك

امك حلوة

بس علشان انا مش قليلة الادب
فانا مش هاقولهالك


نيهاهاهاهاهاهاهاهاهاهاهاهاهاع

بت خيخة وأي كلام said...

وائل

ههههههههههههههههههههههههههههههه

اعملكم ايه يعني؟

ما انا قلت كدة من الاول

قلت سيبونى فى اعتكافى
وادينى قافلة تعليقاتى
وكافية خيري شري

قعدتوا تزنوا على ودانى انى افتح التعليقات

وفى الاخر بتستفزونى

ههههههههههههههههههههههههههههه


طب قول كلمة حق يا وائل
انا بذمتك غلطانة؟

انا وريتك التعليقات اللى هو كان باعتها وانا مانشرتهاش

يبقى ليا حق اتنرفز ولا لأ؟

بت خيخة وأي كلام said...

حسن

انت ايه اللى جابك هنا تانى
انا مش قلتلك ادخل على الماسينجر

Anonymous said...

نورا يا حبيبتى انا مش عايز اخوفك واقولك
ان احتمال كبير جدا يكون هو ده نصيبك فى الاخر
الراجل ده مش بيحبك وبس
ده مريض بيكي
وشكله كدة من تعليقاته اللى انا قريتها عندك واصراره عليكى الشهور دى كلها
انه هايجيب مناخير الارض
يعنى هايجيب مناخيرك الارض
وفى الاخر هتلاقى نفسك حرم محمود من الرياض
وساعتها طبعا انا هافرح فيكي
وهاشاور عليكى واقول
العبيطة اللى اتجوزت مرتين اهى
العبيطة اللى اتجوزت مرتين اهى

امال اييييييه

ده انتى حبيبتى من ايام الجيزة
وخيرك عليا مغرقني
ولازم اعمل معاكى احلى واجب ساعتها
;)
;)
:)

بت خيخة وأي كلام said...

وائل

احييييييييييييه

انت عارف ان فيه واحدة صاحبتى مرة قالتلى كدة


يا نهار اسود

ده لو حصل
ساعتها هاكتب بوست بعنوان
يا شماتة وائل وطنط ظاظا فيا


انا اللى مضايقنى حكاية مناخيرى دى

هو ليه ناس كتير عايزة تجيب مناخيرى الارض

او تكسر عينى

او تضربنى


مع انى يا وائل هادية و وديعة جدااااا


بس سيبك انت


انا مش عاجبنى من الفرح
غير الزفة اللى انت هاتزفهالى

ههههههههههههههههههه

اصل متخيلاك وانت ماسك سيجارتك
ونضارتك المتزحلقة على ارنبة مناخيرك
وطريقة كلامك المسطولة دائما وابدا من غير اى سبب يستدعى السطل

وعمال تشاور بلا مبلاة عليا
وبتقول العبيطة اللى اتجوزت مرتين اهي

تصدق هايبقى فرح مسخرة

هههههههههههههههههههههههههههههههه



كفاية عليك كدة
انا داخلة انام بقى

تصبح على خير

بت خيخة وأي كلام said...

وائل

هههههههههههههه

معلش نشرته بالغلط

بس عادى بقى

خلي الجمهور اللى بيقرا صفحة التعليقات يتسلى شوية وينبسط معانا

هههههههههههههههههههههه










حسن

خلاص مالهوش لزوم الماسينجر
اكرم كلمنى خلاص

ممكن دلوقتى تروح تنام انت وريهام

بس ماتقولش لوليد ان اكرم كلمنى
خليه ملطوع شوية على الماسينجر
نوع من انواع لعب الدنيئة معاه

نيهاهاهاهاهاهاهاهاهاهاهاع



يلا تصبحوا على خير

بت خيخة وأي كلام said...

صباح الخييييييييير

ازيك يا ميرو
عاملة إيه يا حبيبتى

اه طبعا ممكن تشتركى فى البرنامج العام

ههههههههههههههههههههههههههههههههههههه


ومعانا صديقة البرنامج مروة....
مروة إيه؟

انا نسيت اسم عمو

ههههههههههههههههه


بس هو سؤال
هو انتى مش هاتنتشروا؟

هههههههههههههههههههههههههههههه
وش واحدة بتغمز


اه هو بعينه الجابري

انتى كنت فاكراه صلاح ولا إيه؟

nor said...

البوست اكتر من رائع سواء كانت دي زوجه اللي فات ولا غيره اصل الموضوع بقي مرضي عند الرجاله و كتير ان مكنوش كلهم افتكروا ان الجواز التاني لعبه حلوة اوي طب ما تيجي نجرب .......ززنيجي للمهم بقي يا اختي الفاضله اذا كان فتح التعلقات عندك او غلقه مهم لدي اصدقائك ولدينا كقراء ولكن حبيبتي انتي ام قبل كونك اي صفه اخري ارجوكي و استحلفك بالله لا تنشري مثل هذه التفاهات التي تأتي اليكي من معجبين أو غيرهم ولا تدخلي نفسك في اشايء انتي و ابنك الغالي في غني عنها واعتقد انك تتفهمي هذا و لست في حاجه الا نصائح ولكن خوفي عليكي في مجتمع ذكوري لا يتفهم حريتك التي تعتزين بها وسوف يتفهمها كشيء اخر
دمتي كاتبه مبدعه و أم راقية لشريف الصغنن
قبلاتي يا خيخه

بت خيخة وأي كلام said...

لا لا لا لا تجيبى مين

صلي على النبي يا ام العيال

كدة مش هاتبقى صفحة تعليقات فى مدونة ابداااااااااااا

دى كدة هاتتقلب حصة العاب


لا مابشوفش صلاح
انا قلت انتى اللى عندك اخباره


والجابرى لاجئ عندى هنا فى صفحة التعليقات
من ساعة ماقفش ان عندى مدونة

بت خيخة وأي كلام said...

لاااااااااااا ارحمونى بقى
انا كدة الضغط عليا جامد
انا مش عارفة بكرة هاقابل مين ولا مين ولا هاروح فين
انا كدة بكرة هالفها من شرقها لغربها لجنوبها لشمالها

هاتموتونى يا ولاد الكلب

ههههههههههههههههههههههههههه


وبعدين انتى بتهرجى يا روح امك

هو علشان مالعيال فى ديلك اتشحطط انا

انتى ماتعرفنيش
انا اجدع واحدة تستندل

وبعدين كنتوا عايزين تشوفيوني
وانتوا معاكوا العيال؟

انتوا تعرفوا عنى كدة؟

تعرفوا عنى انى محبة للاطفال؟


من امتى انا كنت بتنيل على عيني بخرج معاكم ومعانا العيال؟


تعالوا انتوا البيت عندى
وتيجوا من غير العيال برضه

لانى مابحبش الدوشة
وكمان مش طالبة معايا حد من عيالكم يكركب لعب شريف

لو جه ولقى حاجة ضايعة ولا مكسورة هايزعل منى انا

ومش هاينفع اشيلها من متناول ايد العيال

لان شريف عامل مجسمات واختراعات ماينفعش تتشال فى ادراج


و اساسا كمان بقى انا مابحبش قعدة الحريم فى البيت
بتقلب بنكد وفى الاخر بنعيط

لكن اى مكان برة هايخلينا مفرفشين ومانتكلمش فى اى حاجة حزينة

وكمان وانا برة بيكون عندى فرصة للفلفصة منكم واقدر امشي واسيبكم
لكن لو جيتوا البيت عندى مش هاعرف اطردكم لو حبيت افلفص منكم

وانتوا معندوكمش دم ما بتعرفوش امتى انا بتخنق وببقى عايزة اقعد لوحدى

نيهاهاهاهاهتاهاهاهاهاهاهع

بت خيخة وأي كلام said...

نور

ممممممممممممممممممم

انا طول عمري مبدئي فى الحياة
كل اللى يعجبك
والبس اللى يعجبك
واكتب اللي يعجبك
وادرس اللي يعجبك
واشتغل اللي يعجبك
واتجوز اللي يعجبك
واعمل كل حاجة تعجبك
وطظ فى كلام الناس

لان اللى بيحاسب البنى ادم
هو ربنا سبحانه وتعالى
مش الناس
والناس قبل ما تحاسبنى على اى حاجة كل واحدة يخليه فى نفسه ويحاسب نفسه

وبعدين المجتمع الذكوري ده
مابيشيلش عنى همى
ولا بيتوجع بدالى
ولا بيصرف عليا
ولا بيقدملي اى خدمات جليلة

من الاخر كدة المجتمع الذكوري اللى حضرتك بتقوليلى عليه ده
مايدخلش ذمتي ببصلة
فبالتالى اعمله حساب ليه

اعمله حساب خوفا من انه ممكن يقول عليا انى صايعة ومنحرفة؟

طزززززززززززززز

طزززززززززززززززززززز اوى

اللى عايز يقول حاجة يقولها

واللى عايز يتفهم حريتي كشئ اخر

هو حر


انا عن نفسي مايهمنيش نظرة الناس ليا
المهم انا شايفانى ازاى


عموماالف شكر ليكى يا نور على النصيحة
وبالنسبة للتعليقات السخيفة
والله انا التعليقات اللي بنشرها دى
تعتبر اخف تعليقات سخافة
انتوا لو شوفتوا المودريشن هاتصعقوا


شكرا ليكي

بت خيخة وأي كلام said...

اهو جه يا ولاد
اهو جه يا ولاد
اهو جه يا ولاااااااد

وائل جه يا ولاد


هههههههههههههههههههههههههه

صح النوم يا باشا

مروة علوبة بتسلم عليك

انا سايباها بتبخر اوضة المودريشن

كان نفسي والله اقعد معاك يا ول اكتر من كدة
بس المدونة مدونتك وصفحة التعليقات تحت امرك
عيث فسادا فيها كما يحلو لك

انا مضطرة انزل دلوقتى







ميرووووووووووووووووو

انا نازلة دلوقتى
وبكرة الصبح مش هاينفع خاااالص
انا اتحجزت خلاص بكرة الصبح

خليكي انتى بقى فى الفترة المسائية

نيههاهاهاهاهاهاهاهاهاع

bombona said...

هو انتى ماردتيش على تعليقى ولا انا متهيألى عموما براحتك بس عندى فضول اعرف ليه

bombona said...

على فكره معاكى اوى وعجبنى ردك على طمطومه لما قالت لك انتى اخر واحده تتكلم فى ده وفعلا برافو عليكى انك قلتى لا مش احسن من ناس كتير عايشين بنظام جوازه والسلام ومستسلمين للتعاسه تنشريه ماتنشربهوش هاعلق برضه

بت خيخة وأي كلام said...

بمبونة

ازاى ماردتش؟

انا رديت يا حبيبتى على تعليقك

انتى علقتى على بوست زوجتى العزيزة وانا رديت عليكى على نفس البوست
حتى روحى هناك هتلاقى تعليقى
ورديت من بدرى كمان

حتى روحى شوفى تاريخ التعليق


شكرا ليكى

bombona said...

ايوه صح انتى فعلا رديتى عموما معلشى يا خيخه عندى انا دى لما تعرفينى كويس هاتعرفى انى بنسى بسرعه وهاتخدى على كده اصل انا علقت على بوست زوجتى العزيزه وقال مستنيه ردك على زوجى العزيز عادى جدا:)))عموما انا كمان كنت حاسه انك ممكن ماتنشريهوش عشان الزوج مايزعلشى لانه فى كلام جارح بس هو بصراحه مستفز جدا عموما مبسوطه ان الاسم عجبك

nor said...

ارسلت لكي ميل ارجو قرأته
كل سنه وانتي طيبه

بت خيخة وأي كلام said...

بمبونة

ولا يهمك يا حبيبتى
حصل خير







نور
حاضر هاروح اقرا ايميلك

Anonymous said...

المرأة تريد من الرجل عطاء كثير وعطاء ليس له حدود من العواطف والحب ان لم تجد هدا تثور وتبين مخالبها كقطة هائجة وترفض اي شيئ منه مهما كان ترفض تصرفاته وكل شيئ تفكير المرأه سهل وسلس ولا يتطلب كل هدا التعقيد برأي أما الرجل فتفكيره غير ما تصبو اليه المرأه وخصوصا ادا كان زوجا يعني تحت سقف واحد تنتهي مهمته عند الزواج لان طبع الرجل يأخد الكثير ويعطي القليل صدقت كل الستات اللي قبلينا الواتي قالوا ان الرجل أناني طبعا الرجل اناني يأخد اللعبة يستهويها في الاول يصرخ ويغضب الى أن يمتلك هاته اللعبة ويعمل المستحيل ويتكلم بكل اللغات وكل الود وكل العنفوان الدي بداخله الى ان يتملكها وحين يجدها بين يديه يمارس عليها كل أساليب الاكتشاف والتنقيب ممكن يخبطها الارض وهو لا يدري انها تتألم ممكن يحضنها لانه هو حاسس كده هي لعبه وبيحبها في لحظتها فقط ولا يحس انها هي ترفض هدا الحضن البارد الحضن اللي من غير استأدان ومن غير فهم مشاعر هده اللعبة أيوه مشاعر الجماد كمان له مشاعر بيحس زينا
عشان متتألميش يا امرأة افعلي مثله خدي حقك بيدك أقربيه منك وقت ما تعوزي وابعديه وقت ما تعوزي من غير ما تكثري عليه النصايح ولازم تعمل كده ولازم تفهم كدا وانت كدا وانتكدا ...أكيد هيكرهك لانه لا يتقبل النصايح من حد لانه الرجل
متستنيش من الرجل لما تكوني معه عالسرير انه يوصلك للنشوة الكبرى هل هو ينتظرها منك؟ طبعا لئ بيوصل بطريقته طيب اوصلي انت كمان بطريقتك بدون خجل ولا تردد ولا برائه...مفيش برائه فساعة الجد حبيه انت وهتلاقي منه العجب.اكتفي بهدا القدر لان الحديث عن الرجل والمرأة اشكاليه لا تنتهي لكي تحياتي عزيزتي
ريما من المغرب

users online