Sunday, January 16, 2011

زوجتـه الـعـزيـزة ..... طـلـيـقـي الـعـزيـز


زوجته العزيزة



اليكي ساتحدث



نعم انا مخطئة بحقك



عندما قبلت ان اكون زوجة ثانية لزوجك



لا انكر ألمك



ولا انكر احساسك بالمهانة



وفقدان الثقة فى نفسك وشريك حياتك



فأنا إمرأة مثلك



واعرف ماذا يعنى ان يتزوج الزوج على زوجته


وليعلم ربي بانني حاولت جاهدة ان ابتعد عنه


وهو ايضا حاول


ولكننا كلما ابتعدنا عن بعضنا البعض


كنا نزداد اقترابا


فلم يكن لنا حل إلا الزواج


فسامحينا





و هل إذا إعتذرت منكي ستتقبلين إعتذاري؟



أعرف انه من الصعب عليكي هذا الأمر



ولكن لتحاولي ان تمارسي تدينك المعروف عنك




ولتسامحيني




أه ... نسيت



نسيت إنك من المتدينات على هواهم




فأنتي تختارين من الدين ما يحلو لكي




اخترتي من الدين نقابك واخفاء وجهك



ونسيتى ان الله قال فى كتابه الكريم



إنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ




لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ





فأهنتينى ونعتيني بالعاهرة




عاهرة



!!!!!!!!!!!!!!!!!





عاهرة لانني تزوجت وحصنت نفسي؟


!!!!!!!!




لا ... ولكني عاهرة _من وجهة نظرك_ لأننى تزوجت زوجك






اعذريني



فأنا لم اكمل تعليمي مثلك



ولذلك لم اعرف ان الزواج من متزوج يسمى عهراً






اعذرينى فانا لم اكن اعرف



انك اكتفيتى بالمظهر الخارجي للتدين



والتزمتى بالبرامج الدينية ليل نهار




ولكن عندما عرفتى بأمر زواج زوجك منى



استسلمتى للشيطان والغضب



ودعيتي عليا بالموت كفراً



ونسيتى ان الله قال




وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّه يُحِبُّ الْمُحْسِنِينَ




اسفة


لا يجب ان ألومك انتي على اعتقادك في واهانتك لي



فانا اعرف ان المرأة حينما تغضب




لا تعرف ديناً او رباً او شرعاً



ولكن أنا وثقت فى كلام زوجك العزيز



الذى كان زوجى انا ايضا يوما ما



فهو من قال لي



انك متدينة جدااااااااااااااااااا



وانه مهد لكي فكرة الزواج الثانى



وانه حسم معكي هذا الامر عدة مرات




وانه اجلا او عاجلا سوف يتزوج




انا صدقته



وصدقت انك متدينة لهذه الدرجة من التفهم



التى تجعلك تتقبلين ان يتزوج زوجك مرة اخرى



حتى اننى كنت امازحه واقوله له



اذا كانت زوجتك الاولى متدينة لهذه الدرجة



وتوافق على ان تتزوج عليها



فاعلم اننى لست على نفس درجة تدينها



ولن اوافق ابدا ان تتزوج علي



****



لا اعرف من فيكم كذب



هل انتي التى كذبتى على زوجك من البداية



واقنعتيه بانك متدينة لهذه الدرجة



ام هو الذى كذب علي واقنعني بأنك متدينة لهذه الدرجة



حتى يحاول طمأنتى بأننى لن اخرب كيان زواجكم؟





لا يهم من كذب فيكم



فالنتيجة واحدة وهى اننى اصبحت مطلقة للمرة الثانية





نعم



مطلقة للمرة الثانية



هل قال لك زوجك اننى كنت مطلقة من قبل



هل تعرفين ما معنى ان توجد فى مجتمعنا امراة مطلقة مرتين؟



هل اختبرتى احساس المطلقة؟



هل تمنيت يوما ان يصيبك خدر تام فى احاسيسك



حتى لا تتألم روحك عندما يرمى عليكى يمين الطلاق؟






اه نسيت



فانتى لم تكونى مطلقة يوما ما



لذلك لن تفهمى ما اشعر به الان






انا التى بدلت هموم زوجك الى افراح



انا التى اوصيته عليكى خيرا



انا التى قمت بشراء هدية عيد ميلادك وذكرته بتاريخه



انا التى قمت بتهدئته مرات عدة


عندما كان يجيء الي وهو غاضب منك



انا التى ارتضيت ان اكون فى حياته


مجرد سويعات قليلة على مدار الاسبوع



انا التى ارتضيت ان ادخل غرفة العمليات وحدي


واجري عملية خطيرة



دون ان يكون بجانبي حتى لا يتركك






واخيرا



انا التى اوصم بالعهر



ويدعى علي ان اموت كافرة



واطلق للمرة الثانية






لا اعرف ماذا اقول الان



فدموعي الان تقول عني ما لا استطيع قوله





___________________________________




طليقي العزيز



اليك ساتحدث



يا من كنت زوجي يوما ما امام الله



هل تتذكر يوم زواجنا؟



انا اتذكره جيدا



كنت خائفة لحد الارتعاب



عندما نطقت بها وقلت نعم اوافق على الزواج منك



هل تتذكر كلامك لي



هل تتذكر ضحكك مني عندما قلت لي



ياااااه انتى مرعوبة اوى كدة



هل تتذكر انك قلت لي


بأن نبرة صوتى تغيرت منذ ان اصبحت زوجتك



و اصبحت فيها حياء وبراءة وعذرية



وكأننى لم يسبق لي الزواج من قبل



هل تتذكر؟



انا اتذكر



اتذكر كل همساتك



وكل كلماتك



اتذكر كل احلامك



وطموحاتك



اتذكر كل جنونك وهدوئك





وللاسف هذه مصيبتي ..... بأنني أتذكر





فانا ايضا اتذكر خوفك من زوجتك



واتذكر ترددك



واتذكر انانيتك



اتذكر بانك أقنعتني ان اكون زوجة سرية



حتى تهنئ انت بحياة اسرية هادئة



اتذكر وقت احتياجى النفسي لك ولم تكن بجوارى



اتذكر يوم ان هاتفتك لاحتياجى ان اتحدث معك



فوضعت جوالك على وضع إلغاء المكالمة لانك بجوارها



اتذكر يوم سفرك معها خارج البلاد دون علمي



وتركتنى اعاني الامرين


لا اعرف هل انت حي أم ميت




واتذكر يوم ان طعنتني فى مقتل



وقلت لي



اسف مش هانقدر نكمل مع بعض



هى ام العيال وماينفعش اطلقها






ام العيال؟



!!!!!!!!!!!!!!!!!!!!!!!!!!!!






فقط لانها أم العيال ... ستبقى عليها؟




وانا لأننى لست بأم أحد ... ستتخلى عني؟





هل كان من المفروض ان اخدعك



وامتنع عن وسائل منع الحمل بدون علمك



حتى اكون اماً لطفل منك حتى تبقى علي؟





هل لاننى مطلقة من قبل




هل اعتقدت حقا انها تجربة سهلة


على من اختبرها سلفا فقمت بتطليقي ؟






انا حقا لا اعرف كيف تكون متزوج من إمرأتين



و احدة تطلب منك الطلاق



والاخرى لم تطلب منك الطلاق


فتطلق من لم تطلبه ؟






هل كان يجب علي ان اطلب الطلاق انا ايضا



حتى لاتطلقنى وتبقى علي كما ابقيت عليها؟






ماذا تفيد الاسئلة الان



وماذا يفيد عتابي لك






فالامر انتهى




وانا انتهيت معه




انتهيت معه بعد ان استخلصت حقيقة واحدة فقط




ألا و هي ... انك تستحق زوجتك الأولى عن جدارة



وهى ايضا تستحقك




اما انا..... فسأرفع يدي بالدعاء لربي



وادعوه قائلة



اللهم أجرني فى مصيبتي واخلف لي خيرا منها




انتهى



امضاء : زوجتك الثانية سابقا



مطلقتك حاليا


____________________________



كانت هذه نص رسالة الزوجة الثانية


نقلتها لكم بعد التعديل في الصياغة والاسلوب


وبموجب موافقة الزوجة الثانية



بت خيخة وأي كلام


64 comments:

Anonymous said...

مش عارفه ليه يا خوخز
من اول الرساله الاولانيه وانا حاطه نفسي مكان الزوجة التانيه
ومكنتش عارفه ارد عشان حاسه ان كلامي هيبين انا اد ايه متعاطفه معاها
وشايفه اني انا هي
رغم اني لا اتجوزت ولا كنت اولى ولا تانية
بس دايما بحس ان الزوجة التانيه شيطانه في نظر الناس
ودايما اسهل حاجه ع الراجل انه يتخلى عنها هي
لدرجة انه لو عمل العكس
يبقى هو اللي شيطان ويبقى اتخلى عن بيته وعن مراته عشان نزوة
شوفي ،، الرجاله اه فيهم البدع
بس في رأيي الست ربنا خلق روحها اطول بكتيييييييير من الراجل
ويقولوا من زمان الست تعشش والراجل يطفش
يعني الست عليها العبء الاكبر في تظبيط الحياة الزوجية عكس ما بيتقال دايما والزوجة التانيه لما بتنجح في ده هي ماخترعتش الذرة لا الموضوع سهل وفطري
هي بس سابت نفسها للفطرة وبمنتهى البساطة كانت ست او ممكن كمان نقول رفضت انها تفشل يبقى الاولانيه ماعملتش ده ليه؟؟؟
لأسباب كتير
ممكن عشان فكرة الجواز الارثوذوكسي اللي المسلمين بقوا بيتجوزوا بيها اليومين دول وان مفيش طلاق عشان لو طلقها هتبهدله في المحاكم وان العيال هيربطوه جنبها وانه ماحدش ممكن يرضى بالهم اللي هي رضيت بيه ويتجوزه
يبقى الزوجة الاولى تفكر انها تحسن نفسها ليه؟؟
لا
تحط قدامها كل عيوبه وتقول هو كده وان كان عاجبه
عايزني اتغير يبص لروحه الاول
كل ده كررررررررررررش؟؟؟
يا ستي اتغيري واطلبي اجرك من ربنا
ده بفرض انه لو انتي اتغيرتي وراضيتيه هو مش هيحس يعني
ويتغير ويبقى احسن من اللي حلمتي بيه
ولا فكرة إبدأ بنفسك دي موجودة في الكتب وبس
كل الرجاله مهما اتغيروا
من جواهم عايزين نفس المتطلبات
انثى
انثى في كل شيء بقى
ضعف انثى ولو كان من جواه موقن بقوتها هو عايز يشوفها اضعف
اغراء انثى حتى لو هي بره البيت قديسة عايزها جواه رقاصه
نظام الانثى واهتمامها بالتفاصيل
ليه؟؟ عشان فوضوية الرجل محتاجه نظام الانثى
الزوجة التانيه بتنجح في الغالب مع الراجل عشان هي مش عايزة تكرر فشل الاولى وعشان هي عايزة تنجح
وعشان الراجل بيكون عنده استعداد نفسي لتقبل التانيه وخايف من الفشل كمان ماقدرش انكرها دي
وعشان بيكون في علاقه جديدة وده بيجدد مشاعر كتيييييييير عنده
طيب يا أولى
ليه ماتديلوش ده كله
ليه ماتدخليهوش معاكي في علاقه جديده ؟؟
لا
مايستاهلش
وبعدين هو الراجل المفروض هو اللي يعمل كل حاجه
يثيرني ويراضيني وانا كمااااااااااان اتمنع واقوله عيب
وكمان لما الراجل يدور على راحته بشرع الله
الحق بسرعه لحسن ملكيتي تروح مني
واقوله يا انا يا هي
يقوم يرجعلي وكمان يعتذر
انا اسفه
اسفه بجد
اسفه للزوجة التانيه اللي اختارت حد ماقدرش يحميها
رغم اني متعاطفة جدااااااا معاكي الا اني شايفاكي غلطانه ماتزعليش مني
بس اختيارك غلطططططططط
مش عشان متجوز ومش عشان مراته حسبتيها متدينة
بس عشان قوة الراجل مهمه قوي حتى لو هتتجوزيه كزوجة اولى
مع كامل احترامي للزوج
مش قوة جسدية
قوة شخصية واقتناع تااااام باللي بيعمله
لو كان مقتنع من الاول وشايف في مراته التدين وشايف في نفسه انه صح
مكنش خبى عليها
مش هقولك حاجه غير احمدي ربنا
ولو مكنش طلقك
كنت هقولك اطلبي الطلاق
ماينفعش تعيشي مع واحد رضي عليكي وعلى نفسه الاهانه دي
طولت قوي في التعليق معلش
بس ماصددددددقت جبتوا سيرة الزوجة التانيه ماعرفتش امسك نفسي
وحشتيني يا نورا
تليفوني اتفتح تاني
عرفتيني؟؟
لو عرفتي ماتسيحيش وكلميني اسمع صوتك

رنونة حكومة ميخو said...

صعبانة عليا بجد بس هيه اللى عملت فى نفسها كده

يعني مادام انتى مطلقة من قبل كده كان لازم تاخدى بالك كويس قوي الاختيار التانى وتختارى راجل عاوز يعيش بجد وظروفه تسمح بانه يكمل معايك مش تروحي تتجوزي واحد متجوز وعنده عيال
متنسيش ان ارلاجل كمان بيفكر باسلوب غيرنا يعني انتى فرصة حلوة قوي بالنسبة له واحدة مطلقة نفسها تتجوز وتسترجع شبابها وده حقها فيقول اكيد هتوافق عليا مع انه مش لازم من حقك تحبي وتتجوزى وتنقى على مزاجك عادى جدا كانك لسه متجوزتيش
انما الرجالة من نوعية صاحب المشكلة دي بتفكر بطريقة رخمة وغلسة للاسف بتعتبرك زوجة للمتعة والراحة يعني يروح يريح عندك نفسيا وجسديا ويطلع من هم مشاكل العيال والبيت ومراته اللى قارفاه على حد زعمه

وفى الاخر يرجع لعقله و يسيبك
انتى اللى غلطتى فى حق نفسك
هوه برده غلط لما ساب مراته واتسرع
ومراته غلطت لما قصرت فى حقه وخلته يتجوز واحدة تانية
بس للاسف انتى دفعتى تمن غلطتهم هما الاتنين لانك اتسرعتي انتى كمان

ياريت تستنى نصيبك برضا ويقين تااااااام ان ربنا مش هيخذلك انتى اتجوزتي ومعملتيش حاجة غلط غلطك بس انك اسأتى الاختيار وربنا ان شاء الله هيكرمك بزوج يحبك ويحن عليكي ويكون احسن من اللى اتجوزتيهم باذن الله

وساعتها هتلاقى خيخة كاتبالك بوست حلو كده نباركلك فيه ان شاء الله :)

واحد من الناس said...

السلام عليكم
بدون مقدمات , رايي ان الزوجة التانية في الحالة دي هي الطرف المظوم في المعادلة الشهيرةالزوج -الزوجة - الزوجة التانية , وقبل محد يلبس وش الواعظ ويقول انها غلطانة انها اتجوزت واحد متجوز ,لما تجرب نظرة المتخلفين للمطلقة وتعيش حياة كئيبة بدون شريك لما تحس ان اللي حواليها بيوطوا صوتهم ويقولوا مطلقة كانها موبوئة او مصابة بمرض خطير , لما تكون صغيرة او حتى كبيرة من غير طفل تتسند عليه في يوم بعد ما تفرح بانه عاش طفولته مسنود عليها ,وخصوصا لما تكون ست مش عضو في جمعية النساء ذوات المخالب والانياب , مش ممكن نتخيل ان انسانة قبلت انها تعيش نص عيشة طبعية الا اذا كانت بتعتبر نفسها مش عايشة اصلا, ياريت اللي يحكم ع الزوجة التانية يفكر في احتياجها انها تعيش زي بقيت البشر , وياريت الزوجة الاولى لما الظروف تحكم بشىء زي كده تفتكر انها بتضحيتها بشوية من حقها في سي خليل سبع البرمبة بتحيي نفس بزراعة الامل فيهاوليها فيها ثواب اكتر من اللي شربت قطة عطشانه ( في كل ذات كبد رطبة اجر) , اما سي السيددون جوان عصره واوانه خلة القلة يا يعرف انه حيقدر يعيشهم الاتنين حياة كريمة ويعدل بينهم في الحقوق ييتلم ويتخمد ينام في عشته جنب لفراخ ويسيب الناس في حالها ميزودش مصايبهم بخيبته ,.الى صاحبة الرسالة احمدي ربنا وادعيه يعوضك فما الحزن الا مقدمة السروروعيشي حياتك قريبة من الملك سبحانه ومتخليش تفكيرك في نظرة الناس يحرمك من السعادة ,فرحنا بيخرج من جوانا احنااللي بنصنعه لما نحب نفرح الناس مش حتاكلك ولا تشربك ولا حتى حتحس بالمك
انسيهم اعملي كل الخير لله ومتستنيش خير من حد انت الاكرم

MaNoO said...

يامعين يارب ونرد
اولا الزوجه الأولى بصرف النظر عن غضب الست لما جوزها يتجوز عليها ولكنها انا سمعت كتير من خلال البوستين انها متدينه يعنى فعلا والتدين انى ابقى راقى بأخلاقى مهما حاصل موصفش وحده انها عاهره ولا اغلط فيها باى سبب من الاسباب لانها كانت زوجه فى شرع ربنا
وانها لو عاهره فعلا هتبقى فى نظرها هيا بس

لكن
الزوجه الثانيه
انتى مش مظلومه الا لانها غلطت فيكى وبس
انما انتى مش مظلومه منه ولا منها لاى سبب تانى انتى كنتى عارفه انه متجوز وكنت اكيد عارفه انك مطلقه قبل كدا
وكنتى عارفه ان اى جواز تانى بيبقى ليه مشاكل وانتى اللى مقدرتيش تحددى قد ايه هو ممكن يتمسك بيكى
كل اللى حصل بعد جوازك انتى اخترتيه يوم ما وافقتى وبس كدا

بعدين ياخيخه مفيش حاجه تفتح النفس على الجواز انا ككرهته اكتر ما كنت وشكلى مش هتجوز

richardCatheart said...

افففففففففففففففففففف

بجد صعب
مش عارفه انهى اصعب كلام الزوجه فى بوستها
ولا المطلقه دلوقتى

بس الاكيد انه هو اللى عايز تتتتتتتتتتتتت
معلش بقى
الوضع كله صعب
والزوجه التانيه خسرت الجلد والسقط حقيقى
بس غلطت من جوزها به وهى قابله تكون زوجه تانيه
وللاسف لا زم تتحمل نتيجه الخطاء دا
احلى حاجه فى الموضوع ان الراجل فى كل الاحوال مش خسران حاجه
هنا متكيف ومتمتع وهنا شرحه
والستات هى اللى شيله الزفت
الله يعنهم

ويكا said...

خيخه
اتابع بترقب البوستات الاخيره ولم احب ان اشارك التعليق الى ان تنتهى وتضح الصوره
واكتفيت بالمشاهده والمتابعه من بعيد حتى ارى الامر بوضوح دون التحيز لاى طرف استناداً على عاطفه تحركت داخلى تجاه هذا الطرف او ذاك لمجرد جزالة الاسلوب او حسن اختيار الكلمات لوصف موقفه او وجهة نظره.
الا انى الان وبعد هذا البوست وبعد ان لم اجد اى تغيير فى حكمى ووجهة نظرى ووجود نفس الرأى عندى بعد جديد الاجداث لدى فهذا هو رايى :
ارى فى هذه القصه غرابه حقيقيه من كل الاطراف ، نعم كل الاطراف
فأنا ارى الثلاثه مقصرون بدون تحييد لأحد منهم.
الزوجه الاولى :
حرّمت ما احل الله ولا تعلم انه يجوز لزوجها الزواج من اخريات مالم تُمس حقوقها بالكامل ، او دون ان ينتقص هذا من مكانتها او وضعها فى قلبه شئ.
والذى لا يعلمه الكثير - وهنا انا لا اتكلم عن رأيى الخاص بل الحكم الشرعى - هو ان من حق الزوج الزواج بدون وجود اى تقصير من الزوجه الاولى (فالايه تقول ... فانكحوا ما "طاب لكم " ... اى الطيبات .... اى ليس بهن مشكلة او تقصير شديد " ولم يوجد اى اشتراط فى الايه او الشرع لتقصير الاولى لاعطاء العزر فى الزواج من الثانيه ، مالم يؤثر ذلك على حقها الشرعى من كل النواحى كما قلت .
لذلك فأنا اجدها اخذت من الشرع ما حلى لها وتركت ما عليها .... كما قلتى .
وهذا فساد كبير .... و ووضعها فى الشرع خطير ....
وهنا يبدأ التقصير الاخر وهو من جانب الزوج :
كيف يطلق من ليس لها اى ذنب ؟؟!
طالما وجدها عند حسن ظنه ولا يعيبها شئ كبير او خطير .... (اى انها زوجه صالحه تحافظ على عرضه ويأتمنها على سره ، ويستطيع اى يترك لها شرفه وماله ووده ولا تفرط فيهم )
كيف فعل هذا ؟!!
وما هذه الحجه الغبيه الواهيه ؟!!
"ام العيال"
فأنا لا اعلم لها فى هذا الموقف موطناً .... ولا اجد لرسمها معلماً ...
انا اعلم ان هذه الحجه او الفكره تتماشى مع رغبته فى عدم تطليق زوجته الاولى حتى لا يتشرد اولاده او يتقاذفهم الشياطين كالعبة فى ايديهم .....
هنا قد استوعب الامر واشد على يديه ايضاً وارفع القبعة تحية له ورضى عن عزمه وزنة عقله.
اما ان يأخذ هذه الحجه لتطليق الاخرى فلا اجد هذا صحيحاً او ممكناً ، بل عجزاً وفشلاً محدقاً
وان قال "ماذا افعل لقد خيرتنى زوجتى الاولى ما بين طلاقها وطلاق الاخرى "
اقول له استحى ..... مالك الان فرخة وكنت من قبل ذيباً ..... الم تعد الاخرى بجم الوعود وتعطها من القدره العهود والعهود ..
واقول له .... لا تطلق الاخرى وكافح وجاهد مع الاولى ولا تدعها تهزمك .....
وصدقنى لن تهزمك .... فقط تحتاج ان تكون حكيماً وذكياً وحازماً .... فليس من السهل على المرأه ترك من تحب وزوجها اوابو ابنائها مادام لها على الحب والود باقياً .....
واعلم ان زواجك الاخرى حقك شرعاً اجازه الله لك لذا فثق انه اعد اسبابه وسهل امره وخلق فى جوف الرجل والمرأه القدره على تقبله .... الا ان الامر يحتاج هذه الايام قليلاً من الصبر والحكمه ...
وهنا ياتى دور الاخرى

ويكا said...

وهنا ياتى دور الاخرى
الزوجه الثانيه:
فكان عليها ان تساعده فى الحفاظ على الاولى مادامت استشعرت رغبته فى الحفاظ عليها .... بل بالعكس كان يجب عليها دعمه فى الحفاظ على زوجته وتربية اولاده فى كنف ابواهم استكمالاً لاستحسان الشرع وحفاظاً على المجتمع المسلم من التفكك والشرزمه.
فاذا وجدت ان من بعض الوسائل فى تقليل حدة الموقف ان لا يعلنا عن زواجها لاهل الاولى او اغلب اهله .... فيجب ان تساعده فى ذلك مالم يخل هذا بشرط " الاشهار "فى الزواج والذى هو شرط اساسى فى صحة الزواج بعد موافقة ولى امرها ....
وكان يجب عليها الاصرار عليه وعدم الاستسلام بهذه السهولهوتركه يطلقها والخنوع لموقفه ماداما قد تزوجا (فعلاً). ويجب ايضاً عليها ادراك الموقف الذى هو فيه والوقوف بجانبه الى ايتخطى هذه الحرب الشعواء .... فالزواج من اخرى هذه الايام اصبح فجوراً وعهراً وفساد زات بين (هكذا يراه الاغلب فى هذا المجتمع الاعوج )......
وقد شد انتباهى كلمة ذكرتيها فى هذا الموضوع الا وهى " لماذا انتى مرعوبه هكذا ؟"
فقد استشعرت فيها خوفها وعدم ثقتها اما فى قُدرَته او فى قدرتها هى نفسها ...... فانا اشعر من الكلمه انها قالتها تحت احساس من الاثنتين السابقتين و لا ثالث لهما .
وفى كل الاحوال اجدها مخطأه ، فقد هزته ولم تعطه القوه فى اتخاذ قراره وجعلته يشعر انه سيكون وحيداً فى مرحلة اثبات حسن نواياه لزوجته الاولى والجديده ايضاً فى نفس الوقت فهى مرعوبه وتحتاج لاعطاءها الثقه .... فأصبح الهم همان
والضغط ضغطان والحرب النفسية حربان ...... يا الله .... ياله من اختبار وقرار .......... قلبى مشفق عليه حقاً ....
ولو كنت اظل ألومه على قراره تطليق الاخرى او حتى الاولى ......
فالحق حق ....
والحق ابلج والباطل لجلج ......
ولا يستوى طلب الخير مع الاعتراض عليه ......
اذا ما اخذ قراره فليكمل ..... ولا يرجع القهقرى .......
الا اذا كان فى القصه شئ لم يذكر ....... هنا فلابد ان يعذر ...
وان لم يكن فقد قلت رأيى ...... ولهم منى صادق ودى ......

فكريه مصطفى محمود said...

انتى مش خيخه انتى عسل وسكر وكل الحاجات الحلوه اللى فى الكون
استمرى ربنا يوفقك

عاشقه الرومانسيه said...

مش قادره اعمل اى شئ الا انى اتعاطف مع الزوجه التانيه بشده
وده موقفى من البدايه

محمد ملوك said...

إييييييييه
ربنا يوفق الجميع لما فيه خير للجميع
ويرزق بين كافة الأزواج السكينة والمودة والمحبة والعدل والرحمة والحلم والتأ؟ني والغفران
تحيتي ومودتي

فاتيما said...

الاول

كل سنة وانتى طيبة يا خوخة
وعقبال ميت سنة يا بت
وانتى مجننانا كدا
بخيخنتك
وجدعنتك
ولماضتك
وشقاوتك
ولخبطتك
وكتابتك
وبكل حاجة حلوة
وبأحلى من كل ما فات
واللى بجد أحلى ما فيكى يا نوران

شريف

شريف انجازك اللى لما ببصله او أخده ف حضنى ... الاقينى بقول
الله
بعد ربنا يحرسه ويخليهولك
وعقبال كل سنة لما نيجى ونقولهالك
عيد ميلاد سعيد يا خوختى



ثانياً
مش هقول كتير على موضوع البوست
أنا متعاطفة من اول واحد ف الثلاثية
وكل وجع قلبى كان على الزوجة التانية عشان اسباب كتير
انتى استعرضتيها هنا

تعرفى الخيال العبيط بتاعى
بيتمنى متكونش دى آخر الحكاية
والزوج يستجدع كدا
وميهموش
وميضيعش الحب الحقيقى من حياته
خصوصا ان التعاسة منتظراه غالبا
مع الاولى ..
وبحاول اتخيل الحياة ماشية ازاى
بعد اللى حاصل دا
مش قادرة بصراحة اتخيل


لكن ارجع واقول

منيش مكان الاولى
عشان اشوف هعمل ايه

ولا انا مكان التانية
عشان اعرف هترضى ترجع

ولا انا مكان الزوج عشان
اعرف اللى جواه


ف كل الاحوال

البوست دا
أكثر الثلاثة ايلاما


وربنا معاها


بوسس لشريف
وحضونااااااااات كتير ليكى


ولو كنتى روحتى لمحمد الغرباوى
لتقديم العزاء
ممكن تطمنينا عليه ؟

بت خيخة وأي كلام said...

السلام عليكم

طيب يا جماعة
هابتدى ارد على تعليقاتكم
بس اعطوني بعض الوقت
علشان ورايا بعض الإلتزامات المنزلية الامومية يجب القيام بها اولا قبل أي شيء

شكرا ليكم

بت خيخة وأي كلام said...

الغير معرفة

انا حاسة ان انتى اول حرف من اسمك
( واو) ده فى حالة لو أخذنا بإسم شهرتك

أما لو هناخد بإسمك الحقيقي فإنتي اول حرف من أسمك ( هاء ) .. ها انا كدة صح ولا انتى مش انتى خالص؟

عموما أيا كان حضرتك مين
فأنت اكيد منورانني النهاردة

نيجى بقى لتعليقك اللى انا متفقة فيه معاكى

مش عارفة ليه كلامك فكرني بكلام ماما
اللي كانت دايما تقوله قدامنا

احنا جوزانا جواز مسلمين مش جواز نصارى
وجواز المسلمين فيه حاجة اسمها طلاق


ليه ماما بقى كانت بتقول الجملة دى؟؟؟؟؟

لان تيتا الله يرحمها كانت بتقولها دايما
احنا جوازنا جواز نصارى معندناش طلاق

وعادة تيتا كانت بتقول لماما الكلام ده لما كانت تشم فى كلام ماما ريحة ان ماما خلاص جابت اخرها من بابا

فماما كرد فعل من القهر اللي بتشوفه
كانت تردد قدامنا هذه الجملة

احنا جوازنا جواز مسلمين
مش نصارى
وجواز المسلمين فيه طلاق

ومع احترامى لبابا الله يرحمه
واللى اشهدله انه كان اب طيب ومحترم وحنون وكان سندي وكبيرى فى الحياة

الا انى ماقدرش اقيمه كزوج

واللى تقدر تقيمه كزوج كويس او وحش هى ماما
وعموما الراجل خلاص مات
فاذكروا محاسن موتاكم

المهم نيجى لموضوعنا

انا كبرت وترعرت ان الطلاق مش بعبع
وانى ممكن جدا اطلب الطلاق واصر عليه لما احس ان حياتى الزوجية اصبحت حياة لا تطاق من وجهة نظرى
وانى معنديش اى استعداد انى اضيع عمري فى حياة لا تقنعني اطلااااقا
فبالتالى انا مستمدة قوتى كمطلقة حاليا من الحالة اللى اتربيت عليها
وهو ان احنا المسلمين عندنا حاجة اسمها طلاق

يمكن ماما من جواها دلوقتى بتندم انها ربت فيا القوة دى من غير ما تاخد بالها
ويمكن لو فيه حد ندمان انى اتطلقت
هالاقيها هى ماما
لان بطبيعة الحال مافيش ام تتمنى انها تشوف بنتها مطلقة
واعتقد ان ماما كانت هاتتمنى لو كنت انا خنوعة شويتين وجبانة تلات شويات وقبلت انى اعيش عيشة والسلام ولا انى اتطلق ابدا

ولكن ماما دلوقتى بتقعد تضحك عليا ملو فمها
لما تلاقينى بعلق على مسألة طلاقي وكأنه نكتة

وتشوفنى وانا بتعامل مع هانى واهله بسلاسة غريبة ومعنديش عقد المطلقات
انى لازم اشتم فيه
واطلع فيه العيوب واظهرها

وتسالنى اتطلقتوا ليه لما انتوا كويسين مع بعض؟

واقولها اتطلقت لاننا ماكوناش كويسين مع بعض


معرفش ليه انا بتتطرق حاليا لمسالة طلاقى

يمكن علشان كلامك جاب الحتة بتاع الأرثوذوكس
فانا افتكرت جملة ماما

وسالت نفسي هل لو بابا كان اتجوز على ماما
هل ماما كانت هاتقول جوزانا جواز مسلمين برضه
وهاتقبل ان بابا يتجوز عليها

باعتبار ان زى ما فى الاسلام فيه حاجة اسمها طلاق
فبرضه فى الاسلام فيه حاجة اسمها تعدد

واكتشفت ان لأ
ماما ماكنتش هاتوافق ابداااااااا ان بابا يتجوز عليها

وان كل الستات كدة
كلنا بناخد من الدين اللى على هوانا ونسيب اللى مش على هوانا

انا خدت ان الطلاق موجود فى الاسلام
ولكنى مش قادرة اقتنع ان الزوج يتجوز على مراته
رغم انه حلال

احنا كلنا كدة
فبالتالى مش قادرة الوم الزوجة الاولى
بالعكس متعاطفة معاها جداااا

ولو انى اخذ عليها انها قلت ادبها واهانت الزوجة التانية

بس كلنا كدة
كلنا اعتقد اننا لو اتحطينا فى الوضع ده
هانطلب الطلاق وهاننسى ان الشرع اباح للرجل التعدد
وكل اللى هانفتكره ان الشرع اباح الطلاق رغم انه ابغض الحلال
ومع ذلك احنا ساعتها هانشوفه احلى الحلال
لانه هو ده اللى فيه الخلاص لينا

المهم نيجى لكلامك
اللي فيه جزئية تانية شدت انتباهي الا وهى
ان الزوجة التانية بتنجح
لانها مش عايزة تكرر فشل الزوجة الاولى

وده صحيح جدا
لان الزوجة التانية قالتلي على حاجات فعلا فى وسط كلامها

قالتلى انها كانت بتضطر انها توافق جوزها على حاجات هى نفسيا مش متقبلاها
ولكنها كانت بتوافق عليها لمجرد انها تثبت انها قادرة تعملها
وانها كانت بتخاف جدااااا لما ترفض حاجة
ويجى جوزها يقولها
يوووووه كلكم زى بعض
كلكم اغبيا

فكانت تضطر انها تقبل اشياء هى فى العادة لن توافق عليها
ولكنها كانت بتعملها علشان تثبتله انها مختلفة عن زوجته الاولى
وانها مش غبية زيها
وانها تقدر تسعده


يعنى الزوجة التانية دى بتعيش حياة مضغوطة بطريقة بنت كلب
هى بتتخلى عن نفسها فى سبيل انها ماتفشلش زى زوجته الاولى
او انها ماتفشلش تانى فى حالة انها يكون سبق ليها الزواج وان جوزها ده تانى زوج فى حياتها
فبالتالى بتبقى عايزة تثبت للمجتمع ولجوزها وليها هى نفسها انها قادرة انها تنجح وانها تستمر فى علاقة زوجية


انا مش عارفة اقول ايه تانى

بس بغض النظر عن مين
فيهم غلطان ومين فيهم ضحية

لان انا شايفاهم ان التلات غلطانين والتلاتة ضحايا

فانا ارجو من الله سبحانه وتعالى
انه يفرج همهم ويزيح الغمة دى عن طريقهم وحياتهم
ويعوضهم خير


شكرا ليكي

انتى مين بقى؟

بت خيخة وأي كلام said...

رنونة حكومة ميخو

ازيك يا رنا

تعرفى ان الزوجة دى كان من اهم مبادئها فى الحياة انها ماتكونش زوجة تانية ابداااااااااا
لاى حد


بس مبدئها ده اتغير لما حبت راجل متجوز

مبدئها ده اتغير لما اصبحت مطلقة للمرة الاولى

هى شافت نفسها خرج بيت زى ما بيقولوا

وانها بحالتها الاجتماعية المستجدة عليها
هى اصبحت ليس من حقها ان تشترط ان تكون زوجة اولى و وحيدة فى حياة رجل احبته

وده يفكرنى بنفسي برضه لما مرة حطيت نفسي مكان واحدة سنها كبييير اوى وماتجوزتش خالص
وقبلت انها تكون زوجة تانية ولا انها تكون عانس
ساعتها قلت انا لو مكانها هاعمل كدة
لو انا من الستات اللى بتفرق معاهم اوى حتة السن الكبير وعدم الزواج

انا اه كنت هاقبل انى اكون زوجة ثانية واتخلص من لقب عانس

بصي يا رنونة

الست اللى بتقبل انها تكون زوجة تانية دى بتكون عندها دوافعها انها تقبل بالوضع ده


واحدة تكون كبرت اوى وعايزة تتخلص من لقب عانس
واحدة تكون مطلقة وعايزة تتخلص من لقب مطلقة
واحدة تكون حبت بجد وعايزة تبوس وتتباس وتحض وتتحضن وتعمل سيكو سيكو فى الحلال فابتقبل بانها تكون زوجة تانية خوفا من الوقوع فى فاحشة الزنا
واحدة تكون وحيدة بشكل ما وعايز سند ليها
واحدة تكون محتاجة حد يصرف عليها ومالهاش عائل فابتوافق على كدة

يعنى اللى بتوافق انها تكون زوجة تانية دى
بيكون ليها دوافعها المبررة من وجهة نظرها
وممكن جدا ماتقنعناش احنا اللى على البر

فبالتالى لو حطينا نفسنا مكانها
ممكن اه هنلاقى ان الراجل ده مش مناسب اطلااااقا ليها
لكنه وجوده فى حياتها بصفة زوج
هايخليها تتخلص من مشكلة كبيرة بتواجهها
فبالتالى بتخليها تتجاوز عن عيوبه
او بلاش نقول عيوبه
وخلينا نقول عن عدم مناسبته ليها وبتركز بس انه هايحللها المشكلة دى

اذا كانت مشكلة مادية او اجتماعية او جسدية او نفسية



انا اتمنى انى اكتب بوست حلو فعلا قريب
عن اى حد
لان انا خلاص جالي اكتئاب


شكرا ليكي يا رنونة

بت خيخة وأي كلام said...

واحد من الناس

ازيك يا إسلام؟

اتطمن
صاحبة الرسالة بتحمد ربنا فعلا على اللى هي فيه
وكل اللى بيتررد فوق لسانها دلوقتي
انها بتقول
الحمد لله لعله خير


ربنا يعوضها خير ان شاء الله

تحياتى ليك









مانوووو

هههههههههههههههه
هو انت كمان كرهت الزواج

اذن لتنضم الى عالمي
و
join the club


بس انت تكره الجواز ليه؟
هو انت جربته اساسا علشان تكرهه؟

قبل ما تقول حبيت او كرهت
يجب ان تخوض التجربة
وبعد كدة ابقى قول رأيك
لذا وجب عليك الزواج اولا
فلتتزوج يا اخ مانو
لتتزوج فان الجواز جمييييل ورائع



ملحوظة من نورا الى الاخ مانو

الكلام اللى فوق ده نابع من البت خيخة الشريرة
اللى عايزاك تلبس فى الجواز علشان ما يبقاش فيه حد احسن من حد

لكن انا نورا اختك حبيبتك
بقولهالك بعلو صوتى
تريثثثثثثثثثثثثثثثثثثث ولا تتسرع

الزواج فيه سم قاتل
ارجع يا مجنووووووووون

نيهاهاهاهاهاهاهاهاهاهاهاهاهاع



تحياتي ليك يا مانو
وشكرا على متابعتك المستمرة ليا ومشاركتك فى النقاش

بت خيخة وأي كلام said...

قلب القطة

احنا معشر الستات يا مارو

دائما معتقدين ان الرجالة على قلبهم مراوح
وانهم ولاد كلب

ولكن ثبت من التجربة
ان زي ما فيه رجالة ولاد كلب
فيه برضه ستات ولاد كلب

يمكن اكون انا غصب عنى فى البوستين بتوع الزوجات كتبتهم بطريقة اكثر تعاطفا
بحكم انى ست زيهم

يمكن لو كنت انا راجل
كنت هتلاقى البوست بتاع الزوج مكتوب بطريقة اكثر تعاطفا معه
بحكم انى هاكون راجل زيه
وفاهم مشاعره ايه

انا مهمها قربت من الرجل واعماقه عمرى ما هاقدر اشرح او اجسد وجهة نظره واحاسيسه زى ماهو حاسس بيها

لانى ست زيكم وزي الزوجتين

فبالتالى ممكن اعرف اجسد مشاعر ست

لكن مهمها حاولت عمرى ما هانجح فى تجسيد مشاعر الرجل


فلا يجب ان نعتقد ان الراجل مرتاح

وان الست هى اللى تعبانة

صاحب المشكلة مش مرتاح خاااااالص
حتى ولو كان غلطان او كان انانى فى تصرفاته
فهو دلوقتى مش مرتاااااح
ده انسان محطم
انتوا لو شوفتوه
يصعب على الكافر

بجد ربنا يكون فى عونه
وفى عونهم جميعا


شكرا ليكى يا حبيبتى

بت خيخة وأي كلام said...

ويكا

ايه يا بنى ده؟
انت مستمد ثقافتك منين؟

ايه الكلام الكبير اوى ده

الحق ابلج والباطل لجلج

انت بتجيب الكلام ده من انهى كتاب؟

ولا انت قريت ايه فى حياتك علشان تكتب بالاسلوب ده

بجد احييك على اسلوبك

نيجى للموضوع

تصدق انا مخدتش بالى ابدا او بمعنى ادق عمرى ما توقفت عند الاية دى

وانكحوا ما طاب لكم من النساء

انت شرحتها صح

يعنى اه ممكن الراجل يتجوز واحدة لمجرد انها طابت له

ولكن ما معنى طابت له؟

انا حاساها ان الكلمة دى متعلقة باشتهاء جسدي

صح ولا اناغلطانة


لو انا صح وان كلمة طابت لكم دى المقصود بيها انه نفسه فيها وعايز يعمل معاها سيكو سيكو فى الحلال

يبقى الفكرة هنا يا سيدى الفاضل
ان مافيش ست
تحب انها تحس ان جوزها تزوجها فقط لمجرد انه اشتاها جسديا

ليييييييه؟
لان الشهوة وقتها صغير مهما كانت طويلة

يعنى بمرور الوقت زوجته التانية دى اللى نكحها لانها طابت له

دى بمرو الوقت هاتكبر وتعجز وجلدها يكرمش ويقشف واثدائها تترهل
وشعرها يطقطق ابيض
فبالتالى ساعتها هايعمل ايه
هايطلقها لانها خلاص ما بقتش تطيب له؟

فبالتالى لازم جوازه التانى ده
مايكونش لمجرد انها طابت له

انا لو واحد جالى وقالى انا عايز اتجوزك علشان انتى طيبتى لى

طب وبعد ما اطيب له
وبعد ما اكبر واعجز
هايعمل ايه؟
هايطلقنى؟

يبقى خلاص بلاها الجوازة دى اذا كانت محكوم عليها الطلاق فى النهاية

لان الجواز برضه اهم شروطه هو نية الاستمرار

ولازم الست تحس ان جوزها اتجوزها علشان حاجة تانية غير انها طابت له جسديا
علشان تتطمن ان لما جسدها يعجز
هى هاتفضل حبيبته وزوجته


طبعا كلامى اللى فوق ده ولا هايبقى ليه اى لزمة
لو طلع ان كلمة طابت لكم دى مقصود بيها حاجة تانية غير اللى انا فهمته



نيجى لنقطة تانية
الا وهى
ان الاخرى كان لازم تقويه وتديله الثقة
لكن لانه راى منها رعبا
فهو اهتزت ثقته فى نفسه وفيها انها مش هاتقدر تعينه على المرحلة اللى هو فيها

هو مسألش نفسه هى مرعوبة اوى كدة ليه؟

مش يمكن شافت فى جوازتها الاولى مواقف تخليها تترعب من تكرار تجربة الجواز تانى



وبعدين مين قالك يا اخ ويكا
ان القصة كدة انتهت ؟

انت قريته من وجهة نظر الزوج
والزوجة
والزوجة الثانية

لكن لسة ماقرتهوش من اهم وجهة نظر
الا وهى .... وجهة نظر عم عبده البواب

نيهاهاهاهاهاهاهاهاهاع


تحياتى ليك

بت خيخة وأي كلام said...

فكرية مصطفى محمود

لأ .... انا خيخة

بس ده ما يمنعش برضه انى عسل وسكر وكل الحاجات الحلوة اللى فى الكون

نيهاهاهاهاهاهاهاهااع

شكرا ليك
ويشرفنى زيارتك

تحياتى








عاشقة الرومانسية

وانا مش قادرة اعمل اى حاجة غير انى ادعيلهم هما التلاتة

شكرا ليكى يا دودو








محمد ملوك
اللهم امين

شكرا ليك

بت خيخة وأي كلام said...

فاتيما

اولا
وانتى طيبة يا طمطومة وماتحرمش منك ابدا

ثانيا
عسقول بيسلم عليكى
ومروة زهرة الجنة بتسلم عليكى
ومروة ماى دريم بتسلم عليكى


ثالثا
لا انا ماسافرتش المنصورة للغرباوي
هو ماكنش عايز يتعبنى واجى وقالى انه كفاية التليفونات اللى بينا
فانا مارضيتش الح عليه انى اروحله
قلت اكيد هو محتاج يقعد مع اخواته واهله ويشوفوا هايعملوا ايه الفترة الجاية
فاماحبتش اكون ثقيلة
فى اصراري على الذهاب لتعزيته

وهو عموما حزين لكن متماسك
ربنا يصبره ويصبر اهله يارب


ربنا يخليكى على احساسك بشريف

انا بعتبرك خالته
وهو بيحبك جدا
وهو عادة ما بيسالنيش اوى عن اصحابي
بس لو سال على حد
الاقيه يقولى مامى
فاكرة طنط فاتيما اللى بنشوفها لما بتاخدوا حقن فى ايدكم وياخدوا منكم دم
طنط اللى بتجبلى لعب وحاجات حلوة... دى واحشتنى اوى؟

يعنى انتى دايما على باله يا طمطومة


نيجى بقى لموضوع البوست

تعرفي بقى انا نفسي فى ايه؟
انا نفسي جدا اتجوز صاحب المشكلة
علشان اربيه واوريه العين الحمرا
واخد بتار الزوجيتين الاولى والتانية

اصل انا الجواز منى عقاب

فالراجل ده عايز يتعاقب بشكل او باخر

ومافيش حد هايخليه يقول جاااااي غيرى
اصل انا قوية ومفترية

تعرفى يا طمطومة
مرة واحدة صاحبتى كانت متغاظة من جوزها اوى
عارفة قالتله إيه؟

قالتله
انت هاتبطل رخامتك دى ولا اجوزك نورا؟
نيهاهاهاهاهاهاهاهاهاهاع

ومرة ماما قالتلى
عقب خلاف بينى وبينها
قالتلى ده اكيد هانى ليه الجنة علشان استحملك سبع سنين جواز
انا مش عارفة هو جاب الصبر ده منين

نيهاهاهاهاهاهاهاهاهاهاهاع

عموما
وادينا مع بعض اهو لحد مانشوف هل القصة كدة فعلا انتهت ولا فيه حاجات تانية ممكن تحصل

الله اعلم

تحياتى ليكى يا طمطومة

بت خيخة وأي كلام said...

محمد
اللى كاتبلى تعليق بالعنجليزى

وطلب انه مايتنشرش

ورغم انه عنجليزي
الا انى سبحان الله فهمته
وتاثرت بيه

مش عارفة اقولك ايه غير
اتطمن
واسفة
وشكرا
وحاضر


تحياتي ليك









الاخ اللى كان بيسال
هو انا غيرت لون مدونتى
احب اقوله لأ
ماغيرتش لون مدونتى








الغير معرف
اللى سابلي تعليق
وفى نهايته قال سلام يا قمر

تعليقك له وجهة نظر
بس لو كنت تكتبه باسلوب تانى
كنت قدرت انشره ونتناقش فيه

لكن للاسف مش هاقدر انشره
لما فيه الفاظ قد تخدش حياء القراء

شكرا ليك

bombona said...

جالك كلامى يا نورا شفتى الناس قد ايه متعاطفه مع مراته التانيه بجد كلام بقطع الفلب وانا مش هاقول ان الله وانا اليه راجعون لا انا بقول تانى بدالها حسيى الله ونعم الوكيل فيه والله كلامها كله منطقى حتى عن تدين المزيف لزوجته الاولى وهابعتلك انا كمان قصه تقطع القلب اكتر عشان تنشريها والناس تحكم ياترى ابعتها على اميلك ؟ولا ايه

bombona said...

صحيح فين بوست ام تلاته وتلاتين ليه بيقولى عذرا لعدم استكمال طلبك

بت خيخة وأي كلام said...

بمبونة

انا جالى منك التعليقين دول بس

يمكن انتى كنتى كتبت تعليق طويل وعلشان كدة ماتبعتش
حاول لو هاتكتبى تعليق طويل قسميه على كذا جزء
واكتبيه مثلا فى صفحة وورد الاول علشان تقدري_ لو ماتنشرش _
بدل ماتعيدى كتابته تانى
تعمليه كوبي وبيست
وتجزائيه

وزى ما تحبي
لو القصة اللى هاتعبتهيها دى ممكن تفيد فى النقاش مافيش مشاكل انك تبعتيها هنا وتشاركي بيها

اما لو حاجة انتى مش عايزاها تتنشر
براحتك برضه
ابعتيها تعليق مش للنشر
او ابعتيها ميل

اللى يريحك اعمليه يا حبيبتى

وبالنسبة لبوست ام تلاتتة وتلاتين انا رفعته علشان مايبقاش فاصل بين التلات بوستات الاخرنيين
لانى حابة يكونوا كلهم ورا بعض ومايبقاش فيه بينهم اى بوستات خارجية

شكرا ليكى

بت خيخة وأي كلام said...

المجهول اللى انا مانشرتش تعليقه علشان فيه الفاظ تخدش حياء القراء

انا بس عايزة ارد عليك فى نقطة
وهى انك اتهمت الزوجة التانية انها طماعة واتجوزت التانى علشان فلوسه

والكلام ده مش صحيح
لان الزوجة التانية مستواها المادى كان مرتفع من غير ما تتجوز

وجوزها لم يضف اليها من الناحية المادية

يعنى هى مش كسبانة من وراه حاجة

شكراليك

Anonymous said...

على غير العاده فاتك ميلاد عبد الناصر :D

bombona said...

على كل حال انا بس كنت عايزه اتاكد ان تهنئتى ليكى بعيد ميلادك وصلتك وكل سنه وانتى طيبه تانى وحاضر هاعمل اللى بتقولى عليه لما الاقى تعليقى طويل

bombona said...

لا انا قصدت التعليق اللى علقته على زوجىتى العزيزه كنت بتكلم فيه عن مراته التانيه وقد ايه انا متعاطفه معاها

ReEm said...

انا متابعة م الاول و من البادية شايفة انه الزوجة التانية هي ضحية الموضوع كله و ده بيحصل دايما على فكرة ام العيال اللي بتكسب

بس هي غلطت برضو انها قدمت تضخيات و تنازلات زيادة عن ما اخدت و لحد ما عرفش يحميها ولا كان قد فعله من البداية فكان سهل الاختيار بينها و بين ام الاولاد

عموما ربنا يجبر بخاطرها و يعوضها خير و يصلح حال الزوجين دول بعيد عن ضحايا جددد لحياتهم المتلخبطة

nigro said...

شوف يا أخ خيخة
أنا تعمدت إني اقرا رسالة اللي كانت الزوجة التانية قبل رسالة الزوجة الأولانية
عشان أدفع عن نفسي أي شبهة في إني ماشي مع الموجه
و ان ده يعيط أطبطب عليه
فده يعيط بعده قوم أطبطب عليه برضه
و نظرا لأن الواحد وصل لدرجة من الأباحة تخليه لو فتح بؤه هيبقى كأنه فتح غطا الباكبورت بالظبط
و دي أرزاق يعني ^^
و نظراً - لامؤاخذة - برضه أن دي مدونة نظيفة
هه .. واخد بالك معايا انت ^_*
و أنا عارفك نمكي قوي في حتة النظافة دي
فأنا مش هابوظلك المطرح
و ان كنت اتمنى ان الموضوع كان يبعد عن حتة الشخصنة و تبقى مجرد طلعة من طلعاتك الأدبية و فكرة من أفكارك اللولبية اللي بتنشع في نافوخك تحت تأثير بخار كوباية الشاي بالفانيليا
فاللي عايز اقوله بمنتهى الاختصار المتناهي
و بأقصى درجة وصلتها من أدب أو نقدر نقول بأقصى درجة وصلتها من التحكم في لساني
موجه للي كانت الزوجة التانية
معلش يا هانم
حظك كده
أيوه حظك
تبقى ماشية في الشارع و مش واخدة بالك و مش مدية خوانة
هوب تلاقي رجلك غرست في كيس زبالة مفتوح
مش هاقولك أبدا انك غلطانة
لأني مش شايفك غلطانة نهائي
إلا إذا كان الغلط نزلوله موديلات جديدة في السوق و أنا ماعرفهاش
هاقولك اصبري و احتسبي
و معلش
ولاد الأ... ماخلوش لولاد الحلال حاجة
و كفاية قوي دعوة : " اللهم اجرني في مصيبتي و اخلفلي خيرا منها " عشان تطمن قلبك

لامؤاخذة يا أخ خيخة طوّلت عليك ^^
فُتّك بعافية

بت خيخة وأي كلام said...

الغير معرف

هههههههههههههههههههه
لا طبعا مافتنيش ميلاد عبد الناصر
لان انا من نفس مواليد يوم ميلاده وماينفعش انساه ابدا او يفوتني


بس انا كنت حابة انى اتمسك بانانيتى
وماجيبش سيرة اى حد تانى فى يوم ميلادى

ده كان تاريخ ميلادى التلاتة والتلاتين يعنى حاجة مش هاتتكرر تانى ابدااا

نيهاهاهاهاهاهاهاهاههاهاع

تحياتي ليك











بمبونة
اه يا حبيتى تهنئتك وصلت وانا رديت على كل واحد بعتلى تعليق على بوست عيد ميلادى
يمكن انتى بس ما شوفتيش ردى قبل ما شيل البوست

شكرا ليكي







ريم

اللهم امين
يارب فعلا يعوضها خير
ويهدى حال الزوج والزوجة الاولى

تحياتى ليكي

ويكا said...

هههههههههه

"طبعا كلامى اللى فوق ده ولا هايبقى ليه اى لزمة
لو طلع ان كلمة طابت لكم دى مقصود بيها حاجة تانية غير اللى انا فهمته"

كلامك اللى فوق ده مالوش اى لازمه :))



ههههههههههههههههه

دايماص مستعجله

nigro said...

خيخة
لو ما برزتيش التعليق اللي أنا لسه مشيّعه دي
و ديني لأخليكي تطلعيه قدام البيه الظابط

بت خيخة وأي كلام said...

نيجرو

اخويا الصغنن
انا لا يسعني غير انى اضحك اوى على تعليقك
وعايزة اقولك سر خطييييير
محدش يعرفه خاااالص
بس هاقولهولك بعدين لما ترجع من السفر

وش واحدة بتغمز ومطلعة لسانها

وانا اهوه برزت بالتعليق
فبالتالى مالهوش لزوم البيه الضابط

واحشتني جدااااااااااااا

انا مستنية تيجى بفارغ الصبر









ويكا

طب يا اخ ويكا
لما كلامي مالوش لزمة
ياريت حضرتك ماتكتفيش بالضحك على امثالي
وياريت تفهمنى ما معنى
وماطاب لكم من النساء
"ماطاب" دى المقصود بيها ايه بالظبط


شكرا ليك

بت خيخة وأي كلام said...

ويكا

بص انا تقريبا فهمت ما معنى طابت لكم

يعنى فراغة عين

مش كدة؟

اصل لما واحد يكون متجوز واحد مش مقصرة معاه فى حاجة
ومراته كويسة فى كل شئ وبتخلف
يعنى مش عقيمة
وجميلة وبنت ناس ومحترمة و و و و و الخ من كل الحاجات الكويسة

ويجى يتجوز واحدة تانية
علشان ربنا قال
يحل لكم ان تنكحوا ما طاب لكم من النساء

يبقى ده معناه ان عينه فارغة


بدل مش معناه انه اشتاها جسديا
وان انا كلامى مالهوش لزمة

يبقى ده معناه فراغة عين من الراجل

احنا الستات بنسميها كدة
بنسميها فراغة عين
وبنقول على الراجل اللى بيبص لواحدة تانية غير مراته
ومراته دى قايداله صوابعها العشرة شمع وفيها كل ما يتمناه الرجل

احنا بنسميها فراغة عين


فلو سمحت
لو طاب لكم دى
مش المقصود بيها
اشتهاء جسدي ولا حتى فراغة عين من الرجل

ياريت حضرتك تقولى معناه ايه من وجهة نظرك
باعتبار ان حضرتك اللى اشرت الى الاية دى فى تعليقك

يبقى حضرتك مطالب انك تفهمنى تقصد بيها ايه


شكرا ليك

Anonymous said...

بصراحه مهما كانت مبرراتها مش قادر افهم موقفها كون انها تقبل بنصف رجل ده انتهازيه وانانيه وفيها نوع من المازوخيه .. ومسألة الشرع وكونه حلال شرعا مش ها نضحك علي بعض ده في حالة توافر شروط تكاد مستحيله
سلام يا قمر ...دافيدوف

ابراهيم رزق said...

اولا كل سنة و انتى طيبة انا كنت ارسلت تعليق مش عارف وصل و لا لا لانك لاغيتى البوست بس ملحوقة

ورا كل شباك الف عين مفتوحين
وانا و انتى ماشين يا غرامى الحزين
لو التصقنا نموت بضربة حجر
و لو افترقنا نموت متحسرين
عجبى ؟؟؟؟

من وجهة نظرى يا نوران الثلاثة مظلمون و الثلاثة مخطئون لكن اكثرهم ظلما و اقلهم خطا هى الزوجة الثانية اما الظلم فهو من المجتمع و نظرته الى المطلقة و العانس و الزوجة الثانية فعندما يبحث رجل متزوج او ارمل و لديه اولاد او طاعن فى السن فانه يقول انا عاوز واحدة مطلقة او فاتها قطار الزواج كأن المطلقة او التى تاخرت فى الزواج درجة ثانية و ستوافق على اى عريس نص كم او معيوب اما السينما و الدراما فصورة المطلقة او الزوجة الثانية حاجة تكسف كما ان عيون المجتمع باستمرار مفتوحة دائما على المطلقة او الزواج الثانى كأن الرجل اخطا بعكس لو كان له نزواته نجد المجتمع يغفر او يجد من ينظر اليه باعجاب و لذلك يبدء الزواج الثانى بقيود و امراض محمل بها و النتيجة الدخول للعناية المركزة سريعا

نقطة ثانية معلش انا هاخش فى موضوع موضوع دينى وانا الموضوعات الدينية مبحبش اتكلم فيها
تفسير الاية الكريمة وان خفتم الا تقسطوا فى اليتامى فانكحوا ما طاب لكم من النساء
فالمعنى انكحوا الطيب من النساء اى الحلال و ما حرمه الله ليس بطيب قال الجوهرى طاب الشىء يطيب طيبة و طبيانا اى انكحوا نكاحا طيبا
انا مش عايز اطول عشان ملخبطش الدنيا على الله اكون وضحت اما التعدد فشرحه يطول و ده مش موضوعنا
تحياتى و سلامى لشريف
ابراهيم رزق

بت خيخة وأي كلام said...

دافيدوف


مازوخية يا دافيدوف؟
!!!!!!!!!!!!!!!!!!!!!!!

ماشي انا مش معترضة انها ممكن تكون بتعاني من مازوخية

بس احنا كدة دخلنا فى حتة بعيدة اوى

وبعدين انت بتتهم الزوجة التانية بالانانية والانتهازية؟

طيب ليه؟

اذا كانت ماتجوزتهوش الا علشان بتحبه وعلشان خافت تقع فى فاحشة الزنا

يبقى ليه نقول عنها انانية وانتهازية؟


بالنسبة لحكاية الشروط دى انا متفقة معاك فيها

شكرا ليك

بت خيخة وأي كلام said...

ابراهيم رزق

اه يا ابراهيم وصل

واضح انى رفعت بوست ام تلاتة وتلاتين بدري اوى
لدرجة ان اللى بعتلى منكم تعليق ما اقراش ردى عليه ولا شاف اذا كنت نشرت تعليقه ولا لأ

عموما هابقى اعيد نشر بوست ام تلاتة وتلاتين تانى


بالنسبة للبوست او للحكاية المجزأة على ثلاث أجزاء

انا معاك ان التلاتة غلطانين والتلاتة ضحايا


انا قريت وجهة نظرك فى تفسير الاية

بس برضه مش فاهمة

وكلام ويكا اللى اشار للاية فى تعليقه

محسسنى ان ماطاب لكم دى ليها تفسير تانى غائب عن الذهن


انا هادعبس عليها فى التفاسير المختلفة للقرأن ولو فهمت حاجة هاجى اقولكم

شكرا ليك يا ابراهيم

MaNoO said...

انا قلت اكيد الكلام الاول دا مش من قلبك لانك اكيد تتمنيلى الخير وعمرك ما هتقوليلى روح اتجوز قال ايه لتتزوج فانه الزواج جميل ورائع ههههههههههه

يابنتى انا اصلا بجد بعتبره اللى بيكتب عقد جوازه دا بيمضى على عقد خنقته طول حياته وعشان كدا متريث جدااا
وعما اشمت فى اصحابى اللى بدأو يخطبوا

شكرا على النصيحه خيخه هانم النصيحه التانيه طبعا

nor said...

معنديش الا تعليق واحد
الرجاله كلهم واااااااااااطيين شكرا

ابراهيم رزق said...

باختصار يا نوران و ببساطة بعيدا عن فذلكة اللغة العربية عندما نقول اكل طيب اى اكل حلال فمعنى ما طاب اى الحلال من النساء و ليس الحرام اى تكون العلاقة حلالا
المعنى اللى وصلك ما يعجبكم من النساء وده اللى وصلك معنى الشهوة و لكن المقصود وصف العلاقة اى تكون حلال و ليست حرام

Anonymous said...

زي مل قلتلك يعني ايه تفسير انه تقبل تكون في حضن نص راجل بنص قلب ونص لامؤاخذه من قلة الرجاله مثلا ... ليه تسمح لنفسها انها تسرق ببساطه مجهود واحده طلع عينهاو تعبت سنين عشان تبني بيتها بصراحه مش قادر اتعاطف معاها اقصد الزوجه التانيه او اتفهم موقفها مهما كانت تبريراتها ما فيش غير تصنيف واحد لحالتها دناوه وانانيه مفرطه
وبخصوص الزوج شرحه ...
علي المستوي الشخصي دي شيئ ما يشرفنيش بالمره اني اكون متجوز اتنين

اكيد ها اكون ظالم

بت خيخة وأي كلام said...

مانوو


انت تحمد ربنا يا مانو
ان فيه فى حياتك صديقة خيخية
بتنصحك انك ماتتجوزش

الدور والباقي على اتجوزوا وماكنش فيه حد فى حياتهم مخلص كفاية
انه ينصحهم ويقولهم تريثوووووووووا ولا تتتسرعوا

انا لو كنت لاقيت الصديقة المخلصة او الصديق المخلص اللى يقولى اياكى والزواج
انا كنت خدت بنصيحته
لكن المشكلة ان ماكنش في حد فى حياتى مخلص لهذه الدرجة

المشكلة واحقاقا للحق برضه
ان حتى لو كنت لاقيت هذا الصديق المخلص فى حياتي
انا برضه ماكونتش هاخد بنصيحته
وكنت هاقول
انا عايزة اتجوز برضه

ههههههههههههههههههههههههههه

ربنا يسعدك يا مانو
وتلاقى الانسانة اللى تخيب ظننا السيء فى الجواز




نور

كلهم؟
!!!!!!!!!!!!!!!!!!!

ليه بس كدة؟

ما انا قلت بلاش نعمم

انا عن نفسي اعرف رجالة مش واطيين

مع احترامي لوجهة نظرك
إلا انى مش متفقة معاكي فيها

شكرا ليكي






ابراهيم رزق

معنى كدة
ان الاية انكحوا ما طاب لكم من النساء
يعنى تزوجوا من كانت حلال لكم؟

طب ماهو طبيعى اللى هايتجوز ماهاتكون مراته حلاله

الاخ ويكا
قال ان ربنا قال انكحوا لكم ماطاب
وراح اعقب كلامه بان الراجل يحل له ان يتزوج مرة اخرى من غير ما يكون في مراته الأولى اى تقصير

ولكن لمجرد ان إمرأة اخرى طابت له فهذا كفيل بان يتزوحها

طابت له دى معناها اللى انا فهمته انها عجبته فايتجوزها
وعاجبته دى اللى انا فهمته انه اشتهاها جسديا

فراح قاللى إن انا فهمت غلط

طب الصح ايه يا جماعة
الصح ايه يا اخ ويكا
ولا انت كتبت الكلمتين وهربت وسايبنى محتاسة هنا؟


عموما شكرا ليك يا ابراهيم على توضيحك التانى







دافيدوف

انت مالك متحامل على الزوجة التانية كدة ليه؟


ماشي ... انا معاك انها غلطانة
بس انا مش مغلطاها هى لوحدها
انا مغلطاهم ثلاثتهم


وبعدين كلمة مايشرفنيش دى

دى تسيبها للست انها تقولها
هى اللى تقول انا مايشرفنيش انى اتجوز راجل متجوز

لكن راجل يقول انا ما يشرفنيش انى اتجوز اتنين

دى جملة غريبة على مسامعى وحاسة ان فيها حاجة غلط

تحياتي ليك

Anonymous said...

بصي ياخية يااوختي انا متابعه جيدو لمدونتك بس مش معلقه جيدة متابعه الثلاث مواضيع اللي ورا بعض دول ونفسي انفجر يااختي ومستنيه ساعه الصفر وقلت لامبدهاش بقي لازم اعلق
استهلال لابد منه
انا لامعقدة من الرجاله ولا حاجه ابسلوتلي ولاعمري كنت زوجه تانيه ولا اولانية حتي ولكني انثي اتربيت في بيت ابويا عادي بينزل يجيب طلبات البيت لما تكوني امي مش قادرة ممكن يغسل المواعين مثلا في يوم هي راجعه تعبانه من الشغل وكومتهم ومش قادرة تغسلهم تقوم من النوم تلاقي غسلهم عادي جدا بيساعدها واستحملها ف ي مرضها مع انه عنده الامكانيات والرخصه ان يتجوز اي حاجه بيعملهلها بيعملهله بحب مش بيسم بدنها بيها عمره مااخد منها قرش لامن ميراثها ولا من شغلها ولاعمري امي صرفت علينا مليم حتي ولاصرفت علي نفسها وعلي علاجها ابويا لما الظروف اطرته يسافر ويبعد عننا سنتين كان بينزلنا اجازة كل شهر ونص علي نفقته الخاصةمش علشان العيال علشان في واحدة متجوزها لها حقوق مش بقرة لامؤاخذه تاكل وتشرب وتنام وتربي العيال

طبعا بعد ماشفت الحكايات بتاعته الزوج والزوجه والطليقة ققررت اقوم كل يوم الصبح ابوس رجل ابويا هاااااااا ده الواحد في نعمه ياولاد ومش حاسس


رسال للزوجه الاولي
اطلقي ياحبيبتي عيال ايه اللي انتوا هتعيشوا مع بعض علشانهم نفسي اعرف ليه اتنين استحاله بينهم العشرة يعيشوا مع بعض عشان عيال يابنتي العيال دول اصعف الايمان لما يكبروا مش هيقدروا تضحيتك اول حاجه هيقلوها لك (مطلفقتيش منه ليه )اوعي تقوليلي بحبة بتحبية ليه سوري في اللفظ يعني بقولك انت مش بقولي انه في الاوقات الحميمية بينكم بيعاملك زي البهيمة (حبيبتي انت مبتحبهوش وهو صراحه ميتحبش يعني مش امله انت خايفة تكوني زي الزوجه التانية قبل متجوزة مطلقة بل ومعاكي عيلين انت عايشه معاه عشان حاجتين يااما المجتمع ياما المجتمع متقوليش بحبه حب ايه اللي انت جاي تقول عليه علي رائ اللمبي لان جوزك ده مينفعش اقوله علي راي ام كلثوم اخرة معايا اللمبي

*ملحوظة اقسم اقسم بالله في حكايه لما طلبتي منه حاجه وانت في اول الجواز وبصلك بشك انا عيط عليها عياط اتقهرت ياحبيبتي عليكي اتخيلتني انا في عز عز عز فرحتك وفي احلي لحظه بين راجل ومراته يقتل فرحتك واحساسك يالله والله والله انا لو منك كنت اتطلقت من يومها ايه الراجل البشع ده اللهم عافني مما ابتليت به غيري.

الزوجه التانية
حبيبتي طبعا ا نا متفهمه انك صنتي نفسك في الحلال وكل حاجه علي عيني وراسي بس ارجع واقولك (متضحكيش عليه وتقوليلي اقنعك ومااقنعكيش ومراته متدينه وبتاع ده انت مجروحه من صنف الرجاله ومطلقه قبل كده ده مراته لو السيدة عائشة زوجه نبي الله مش هترضي انه يتجوز عليها وفي السر (زوجات الرسول كانوا بيغيروا من بعض امهات المسلمين ياشيخة مبالك البشر العادين انت ست وهي ست متحاسبهاش علي شعور اسال الله ان يرحمك منه والله يكون في عونها هي واحده زي طلاقك اول مره كان نفسها تتخدر قبل ماتلاقي جوزها بيتجوز من وراها وخافت لتطلق لا وايه بعيال كمان مش خلصة مخلصة
)عاوزه اقولك انت اتجوزتية من مبادء ضل راجل ولاضل حيطة خايفة من المجتمع ابن ميتين الكلب برضه وصدقتي حكايه مراته متدينة والحوار ده ومهد لها مش عشان هو مقنع وشاطر وفهلوي لا علشان انت عاوزه تصدقي
*رساله الي الزوجه التانية الطليقة حاليا ربنا بيحبك وطلعي لسانك لمراته الاولي ان ربنا رحمك منه وهي لا ارقعي زغروطين يابنتي انك اطلقتي
عارفه ياامي كان بيحبك ليه عشان عقل ة المقفول وشرقيته ورجولته الكدابه كانت بتبرر له اي فجور في علاقتك معاه (عاهرة علي حد قولة في لحظاتك الحميمية) انك كنت متجوزة قبل كده فطبعا عر فتية من جوزك الاولاني لكن مراته الاولي ميصحش تعمل كده لانها متجوزتش قبل كده الراجل كان بيستهلكك جنسيا ياشيخة علي راي رسايل البحر الفيلم (مومس في راجل محترم ي عامل مراته علي انها مومس)
حتي لو تفكري فيها مقدرش اي لفته من لفتاتك الانساننية اللي بتدل ا نك بني ادمه كويسه ولا فرق معاه اي حاجه منها هو شبع منك حب ونعنشه وسوف يقضي وتر بعد كده مع ام العيال
ربنا رحمك صلي كل يوم ركعتين شكر انه رحمك منه

لسه في باقي راجعه

Anonymous said...

الزعلول الكبير بقي ؟ شهريار عصرة وزمانه مبسوطه نافخ بطنك وريشك دولوقتي
والله ماكنت عاوزة اكتبلك تعليق ولا اقرب نحيتك اصل اقولك ايه ربك لما يغضب علي حد بيسلط عليه نفسه ربنا يسلط عليك نفسك كمان وكمان
بجد انت مثال صارخ فاج لمجتمع غريب بشع يديك الحق انك تكون عارف ومقطع السمك وديلها ولما تيجي مراتك تطلب منك حاجه ترضي رغبتها وانوثتها تقولها تعرفيها منين ياابني لا اله الله متجوز جاموسه عرفتها من حد من اصحابها سمعت حد من قرايبها حكي عليها حست ان هي عاوزه (مالحاجات دي بتتحس برضه يااخويا )وعاوزه تجربها مع جوزها حلالها امال هي متجزاك ليه لامؤاخزة
ومع ذلك تحلل ذلك لزوجتك التانيه لانها كانت متجوزه قبل كده ومبسوط وفاتح بقك قوي وانت بتحكي عن صولاتك وجولاتك معاها في السرير لا راجل يااخويا

والنبي لتبص لنفسك المرايه كده
خيخة امانه عليكي
امانه ياتنشري التعليقات
او لو انت حاسه انها بتجرح في حد تخديها في رساله وتبعتيها للتلات اطراف

ابراهيم رزق said...

ايوه يا نوران ما طبيعى طالما تزوجها تبقى حلال بس احنا نرجع لسبب نزول الاية
ونقول الاية كاملة عشان نفهمها مش لا تقربوا الصلاة و نقف قال تعالى
"وان خفتم الا تقسطوا فى اليتامى فانكحوا لكم ما طاب لكم من النساء مثنى و ثلاث و رباع"
عن عائشة رضى الله عنها ان رجلا كانت له يتيمة فتزوجها وكان له عذق وكان يمسكها عليه و لم يكن له من نقسه شىء فنزلت فيه و العذق هو النخل
فقد كان بعض الصحابة يحسنون الى الايتام و يتكفلون برعايتهم و الولاية على اموالهم فوقع من احدهم ان تزوج من احدى اليتيمات التى كانت تحت ولايته و لم يدفع لها المهر مثل مثيلاتها من النساء فنهاهن عز وجل ان يتزوجوا منهن اذا لم يقسطوا اى يعدلوا وان يتزوجوا غيرهن لان غيرهن لها ولى و هو المسئول عن مهرها و حتة فذلكة كده جواب الشرط لااداة الشرط ان دليل واضح على الربط بين الاثنين لان الربط بين الشرظ و الجزاء يقتضيه و الله اعلم
و لكن الموضوع ده ياخذنا الى ذهاب البعض الى المعنى الظاهرى لبعض الايات و عدم الذهاب الى سبب نزول الاية فى بعض الاحوال لان الظروف الاجتماعية اثناء نزول القران الكريم كانت مختلفة فمثلا كان مسموح بنكاح ما ملكت ايمانكم و غيرها اما الان فالوضع اختلف و يمكنك متابعة تفسير الاية فى تفسير الطبرى
تحياتى ابراهيم رزق

Anonymous said...

مش تحامل والله بس مش بحب الانانيه
انا قصدت اني ما يشرفنيش اني اكيد مش اكون عادل

بت خيخة وأي كلام said...

الغير معرفة

لا تعليق على كلامك
وجهة نظر تستحق الاحترام وتستحق ان الواحد يفكر ويتمعن فيها

انا بس عايزة اقول حاجة
انا كمان بابايا الله يرحمه كان اوقات كتيرة بيساعد مامتي فى شغل البيت
وعمري ماحسيت ان ده انتقاص من رجولته
بالعكس كنت فاكرة ان كل الرجالة كدة
بس لما اتجوزت
اكتشفت ان كل الرجالة مش كدة

الله يرحمك يا بابا ويغفر لك

انا مضايقة
انا اتخنقت








ابراهيم رزق

بص يا ابراهيم
انا فهمت ماطاب لكم دى
بحاجة تانية
انت قلت ماطاب لكم يعنى المقصود بيها الحلال

بعد تفكير فيها انا قلت يمكن المقصود بيها ما حل الله من النساء للرجال

يعنى مثلا الراجل يحل له ان يتزوج ابنه خالته
لكن لا يحل له ان يتزوج خالته
يحل له ان يتزوج ابنة زوجة ابيه ولكن لا يحل له ان يتزوج زوجة ابيه
ولا يحل له ان يتزوج امه او اخته او ابنته
لكن ممكن يتجوز صديقة امه او اخت مراته بعد ما مراته تموت او يطلقها
ممكن يتجوز صديقة ابنته
بغض النظر عن فارق السن
يعنى كل دول يحله له ان يتزوجهم دون المساس بالمحارم

هذا ما وصل اليه تفكيري

ولكن برضه ارجع واقول
هو الاخ ويكا ليه قال:
(فالايه تقول ... فانكحوا ما "طاب لكم " ... اى الطيبات .... اى ليس بهن مشكلة او تقصير شديد " ولم يوجد اى اشتراط فى الايه او الشرع لتقصير الاولى لاعطاء العزر فى الزواج من الثانيه ،

مش قادرة افهم الربط بين فانكحوا ما طاب لكم من النساء وبكلام الاخ ويكا
بان مش لازم يكون فيه تقصير من الزوجة الاولى
الا انه يقصد
بان ما طاب لكم دى المقصود بيها انها عجبته فاشتهاها فاتزوجها

اصل بدل ما فيش تقصير من مراته يبقى يتجوز تانى ليه الا لو التانية دى عجبته
وعجبته دى مالهاش معنى تانى غير انه اشتهاها

اصل يعنى ايه مافيش تقصير؟
!!!!!!

يعنى الواحد يكون متجوز واحدة مافيش منها اى تقصير
و يروح يتجوز تانى علشان طابت له؟

ما معنى طابت له هنا غير انها عجبته
!!!!!!!

واساسا انا مش فاهمة هو انا ليه مركزة اوى فى النقطة دى
بس بصراحة استفزتنى اوى

يعنى اكون انا زوجة كاملة من وجهة نظر جوزى ومش مقصرة معاه
فالاقيه داخل عليا بزوجة تانية
ويقولى انتى مش مقصرة معايا
بس انا طلبت معايا اتجوز تانى
وانا اسكت وعادى جدا واقتنع واقول ااااه
اصل ربنا بيقول
فانكحوا ما طاب لكم من النساء
فانا عادى بقى اقبل بالامر الواقع ان جوزى نكح ما طاب له من النساء


انا عايزة اقول هنا كلمة اعتراضية ابيحة

بس ماليش مزاج اطول لساني على الصبح


والاخ ويكا شكله اتزنق تقريبا ومعندهوش من الحجة انه يقنعنى بوجهة نظره
فاكتفى انه يضحك
وهرب من ارض النقاش

لا بجد انا اتخنقت









دافيدوف
اوك
وصلت وجهة نظرك
شكرا ليك

بت خيخة وأي كلام said...

دريم

مانشرتش تعليقك بناءاً على طلبك
ولو انى كنت عايزة انشره لان فيه الخلاصة

بس انا كمان مخنوقة
و خلاص هانفجر من تييييت امهم كلهم











قلب القطة

الف شكر ليكي يا قطة على تعبك

بس الرقم اللى بعتهولى ده موثوق منه
ولا هايطلع فى الاخر رقم حساب احمد نظيف واعوانه؟

Shaimaa said...

انتى مش بت خيخة اطلاقا
انتى بت جدعة جداااا

عايزة أقولك تانى ان مفيش حد صعبان عليا فى الموضوع ده كله غير الزوجة التانية ... كل الأطراف غلطانة.. الزوجة الأولى ... الزوج وكمان الزوجة التانية ... بس اللى خسرت هيه الزوجة التانية ... أخدت لقب مطلقة مرتين فى مجتمع هوايته نهش لحم الست سواء أرملة مطلقة أو حتى لم تتزوج...

ودايما فى نظرهم اللى اتجوزت راجل متجوز دى خطافة رجالة وصايعة ... بالرغم ان محدش يعرف ظروفها ايه ... ولا اتجوزته ازاى ولا بتعانى من ايه .. وأظن يعنى أى راجل بيتجوز للمرة التانية بيكون راجل فو الثلاثين يعنى مش نونو شربته حاجة أصفره وضحكت عليه
ربنا معاها

ابو شهاب said...

الحمد لله على نعمة الفهم
الزوج طفل ليس اكثر
الزوجه الثانيه كان لازم تعرف ده من الاول
الزوجه الاولى لها الله
وهبقى اشرح في تعليق تاني نظرا لضيق الوقت
تحياتي
ابوشهاب
:)

ابراهيم رزق said...

هو ده بالظبط اللى مقصود يعنى اللى مححل يتزوجها فمذلا الطعام لو من لحوم الخنزير مثلا فده يبقى غير طيب للمسلمين او من ميته او جوارح و بالنسبة للشراب يكون خالى من الخمور و هكذا بالنسبة للنساء اى ابحثوا عن النساء التى تحل لكم و اختاروا منهم من تتزوجوهم اما النظرة بمفهوم الشهوة فاربأ بالاسلام هذه النظرة للمراة لان الاسلام يساوى بين الرجل و المراة و يقدر مكانتها

بت خيخة وأي كلام said...

شيماء


لاااااااااااااا
مين قال؟

ده انا خيخة اوي
ده انا الخيخنة بذات نفسها

اوعى يغرك كلامي وتعتقدي فيا ما ليس فيا

انا خيخة جداااااا
وارجوكم صدقوا ده علشان ماتجوش تندموا فى الاخر على معرفتكم بيا

اللهم انى بلغت اللهم فاشهد

بعد كدة لو حد اتوجع مني باى شكل
ولا اعرفه
انا قلت من الاول انى خيخة
يبقى تستحملوا بقى اللى هايجرالكم مني

**************

بس ليه لو كان فوق التلاتين مايضحكش عليه ويبقى عمل كل حاجة بمزاجه

وتحت التلاتين يبقى ده معناه انها ضحكت عليه وشربته حاجة اصفرة؟


تحياتي ليكى يا شيمو









ابو شهاب
وانا فى انتظار التعليق التاني

شكرا ليك

بت خيخة وأي كلام said...

ابراهيم رزق

اوك

يبقى بقى الاخ ويكا كان المفروض ما يربطش الاية دى
بحكاية التقصير من عدمه من الزوجة الاولى


لانه بربطه الاية الكريمة بحكاية عدم التقصير
ماكنش ليها اى معنى عندى غير انه يقصد ان الراجل يتجوز اللى يعجبه من النساء
حتى ولو ماكنش فيه تقصير من مراته لمجرد ان زوجته التانية عجبته كدة وخلاص


شكرا ليك يا ابراهيم

Anonymous said...

بتابعك من سنة وزيادة وبجد معجبة جدا بقلمك

عمرى ما كتبت تعليق عندك بس البوست ده لاقيت نفسى محتاجة أعلق عليه
وعاوزة أتكلم بمتهى الصراحة
يمكن تعاطفت شوية مع الزوجة التانية وأنا زوجة اولى فى حياة زوجى وبعد سنين ربنا رزقنا بولاد الكل يتمنهم أخد من هى أقل منى فى كل شىء
نقيض ليا تماما
لما قرات وجهة نظر الزوج
لاقتنى يمكن فى نقطة كنت مقصرة فيها وده خليه يحس بالتعالى منى
مكنتش بعملها بقصد
كان كل شغله لازم يستشرنى وأنا المسؤلة لو خسر او تعثر
لدرجة لو بيشترى قميص او بنطلون لازم اكون معه والا مش هيقدر يختار
كنت زوجة وأم وحبيبة
وتقريبا دورى زاد عن حده
فدور على نقيض ليا يمارس مع رجولته
أنا متدينة أه لكن ست بغير وخصوصا لما أحس انه بيطعنى يمكن الجرح كان أخف
لو كان فيها ميزة تميزها عليا
المهم بعد ثورة أستمرت فترة كبيرة
كان لازم البيت يفضل مفتوح عشان ولادى ورجع تانى يطلب مشورتى
ورجعت الحياة بينا تستقر
طلبت منه وده حقى متتصلش لو هو فى البيت مع استعمال كل حقوقى اتصل بيه واضحك واهزر وهو عندها
يمكن عند أو غيرة
أو فرض سيطرتى ورسالة بقولها فيها هى دى حدودك وأنا بحطها بنفسى
حكمت عليه مرات ينزل ويجى البيت من غير سبب الا حرق دمها
كتير كانت بتصعب عليا ونفسى أعتذر عن اللى بعمله
لكن لما فكرت تاخده مفكرتش ليه أن فى زوجة بنت وتعبت وهى هتيجى على الجاهز
يبقى تتحمل
ومن غير ما تقول حقوقها
العقد شريعه المتعاقدين وهى وافقت ترضى للنهاية
تعالى بقه
بعد سنتين من جواز
بدأ يرجعلنا بكل كيانه
وهى بتاخد منه يوم كل اسبوعين
مش ظلم ليها
أنا بشيله فى تعبه
لو فى مشكلة فى شغله بيجى ليا يحلها
لو فى مجاملات فى عيلته بقوم بيها
لو محتاج عزوة وناس تأيده فى موقف بيكونو اهلى
لو نام وزاد عليه مرض لقدر الله بكون ممرضة ليه
يوم ما بينجح ولادنا بنفرح سوا
يبقى كفاية عليها اللى بسمح انا بيه
مش جبروت منى
مطلبتش منه يطلقها
لكن حددت دورها
صحيح بتصعب عليا
بس هى الل رضيت تكون فى السر
هى رضيت تعيش ساعه وتنتهى حياتها
هى طمعت فى حاجة مكنتش ليها ولا كانت تحلم بيها
وأنا اللى تعبت وعملت الكيان المدعو الزوج

بت خيخة وأي كلام said...

الغير معرفة


يبقى برضه كدة مع احترامى لزوجك
هو انسان ضعيف الشخصية

لانه كان لازم يعدل ما بينكم

ومش معنى ان هى ارتضت انها تكون زوجة فى السر فى اول علاقتهم علشان بيتكم ما يتخربش
ده معناه انه هو يستمرأ فيها

المفروض بدل الطرف المهم عرف بحكاية جوازه التانى اللى هو انتي

كان هو المفروض خلاص اعلن لاهله انه اتجوز تانى

وخلاها زوجة علنية زيها زيك
وكان خلى اهلها اهله

وكان يظهرها للمجتمع على اساس انها مراته زيك زيها

ولكن كون ان هو يسيبك انتى اللى ترسمى حدودها فى العلاقة
ده كدة حرام عليه

كون انه يسمحلك انك تحرقى دمها
وانك تجبريه اوقات انه ينزل من عندها ويجيلك
ده كدة حرام عليه قبل ما يكون حرام عليكى


انا مش بلوم عليكى على فكرة
بالعكس انا معجبة بذكائك جدااااا
انك قدرتتى تتفهمى الوضع وانك قدرتى تستقطبيه تانى بشكل او بأخر لحياتكم سوا


لكن اسمحيلي اقولك ان جوزك ده مش راجل
مش عادل
مش قوام
مش اى حاجة


انا اسفة
ماتزعليش منى
لكن مش قادرة غير انى اشمئز من جوزك وضعف شخصيته
وانى اتعاطف مع الزوجة التانية
وانى اتحامل عليكي بقدر ما رغم اعجابي بذكائك

شكرا ليكي

Anonymous said...

اسمحيلى أنبهك فى أحد ردودك على ابراهيم رزق ذكرتى بعد الأية القرأنية وتعليقا على الاستشهاد بها انك مش عايزة تقولى كلمة اعتراضي أبيحة

أعتقد ان ده حرام مهما كان قصدك أو تفسيركم لمعنى كلام الله

فياريت تصححى التعليق

بت خيخة وأي كلام said...

الغير معرف

اكيد يعني يا سيدي الفاضل

كلمة الاعتراض اللى كنت عايزة اقولها
مش هاتكون اعتراض على الاية الكريمة

ولكن اعتراضا على جزئية من تعليق الاخ ويكا

شكرا ليك

Anonymous said...

حسام
انا قريت كل التعليقات قبل ما ارد حسيت قد اية الموضوع معقدوانى مليش الحق انى احاكم اى طرف من التلاتة بس انا قرفان من الزوج اوى وف نفس الوقت مشفق علية معرفش ازاى الزوجة الاولى معرفش هتكمل حياتها معاة ازاى والحياة بينهم هتبقى عاملة ازاى لمجرد ان بينهم اولاد الزوجة التانية وجعتلى قلبى ف الرسالة
وكل سنة وانتى طيبة يا خيخة

بت خيخة وأي كلام said...

حسام

انا مغلطاهم هما التلاتة ومشفقة عليهم هما التلاتة


وانت طيب يا حسام

شكرا ليك

gogo!sf said...

بصراحه رغم تعاطفى الشديد مع الزوجه التانيه الا انى مغلطاها جدا لانها قبلت من البدايه انها تكون زوجه تانيه ومش معنى انها مطلقه يبقى ترضى انها تتزوج من رجل متزوجه من اخرى

ومن الواضح كمان انه راجل انانى جدا ومش بيحب غير نفسه لانه اوهم نفسه بحبها واوقعها فى حبه عشان ترضى تكون زوجته وربما كان حاسس بنقص فى رجولته واحب ان يثبت لنفسه انه راجل بس مع واحده تانيه ولما قدر يثبت رجولته طلقها وظلهما

اما موقف الزوجه التانيه منتهى الغباء لانها من المفروض كانت تعرف فى البدايه ليه زوجها اتزوج من اخرى ربما يكون فيها عيب

بصى يا خيخه انا شايفه ان التلاته غلطانين بكل حاجه ومحدش فيهم قدر يفكر صح
ولا الزوجه الاولى عرفت ايه عيبها عشان جوزها يتجوز عليها وتحاول تصلح من نفسها
ولا الزوجه التانيه عرفت السبب الاساسى ان جوزها طلقها
ولا الزوج نفسه عرف هو ليه اصلا اتجوز

القصه دى صعبه جدا جدا
وانا بجد بكره اى بنت او ست ترضى تتجوز راجل متجوز
لانها من وجه نظرى بتخطف راجل من مراته وعيال وبتهد بيت واسرة ربما تكون سعيده

الرجل المتزوج من وجه نظرى ممنوع التصوير او الاقتراب منه

واخيرا تسلم ايدك على القصه المثيرة دى
وربنا يكون فى عون الزوجه التانيه
وعايزة اقولها احساس الزوجه المطلقه احساس مؤلمه جدا جدا
ربنا يوفقها ويصلح لها الحال
وحالنا جميعا

تقبلى مرورى

بت خيخة وأي كلام said...

gogo


التلاتة بصراحة صعبانين عليا وفى نفس الوقت التلاتة غلطانين


اما احساس الست المطلقة

انا شايفه انه بيختلف من واحدة للتانية
حسب المطلقة دى شايفة نفسها ازاى


شكرا ليكى يا جوجو

شمس العصارى said...

ليه كل ده
" وكأن المعاناة هى الوعد الذى تفى دائما به الحياة "
لا اراكى الله مكروه بعد الان

انيس شريم said...

مبدعة في السرد,مبدعة أكثر في انتقاء القضايا التي تناقشين وتثيرين.أتمنى ان لا تكوني متحاملة على اهل التدين فليسوا كلهم سواء(يعني ليسوا كلهم كما ظهر لك في تجربتك مع بعضهم ووجدت انهم يتقنعون بشكليات الدين لا يحملون جوهره)

users online