Tuesday, March 20, 2012

فـي إنـتـظـار جـودو


لا أعرف حقاً من هو هذا الجودو

الذي العالم كله في إنتظاره


ولا أعرف حقا منذ متى تحديداً

بدأ هذا المصطلح يتردد أمامي


كنت أريد قبل أن أكتب تلك التدوينة

أن أمارس دعبساتي الجوجلية

عن جودو هذا

كي أعرف عنه المزيد


ولكن تراءى لي أن الأفضل

أن أكتب تلك التدوينة

بدون أي سابق معرفة بهذا الجودو

كي تخرج تدوينة عفوية

تحمل إحساسي البدائي وإعتقادى الأولي بهذا الجودو


لا أعرف حقاً مامعنى جودو

وهل هو إسم شخص

أم أن جودو هذا مجرد رمز لأي شيء ينتظره البشر


فأنا في إنتظار جودو


كل يوم أجد نفسي فى الصباح فى انتظار جودو ما


فاليوم أنا فى إنتظار الجودو المتعلق

بأداء طفلي في امتحان مادة اللغة العربية


وبالأمس كنت فى إنتظار الجودو المتعلق

بنتيجة تحاليل طبية قمت بها مؤخرا


وأول أمس كنت فى إنتظار الجودو المخصص

بسماع خبر هام من والد ابني


وهكذا أنا فى حالة انتظار دائم لجودو ما


وعلى الرغم من انتظاراتى اليومية للجودو

فإن كل ما يحدث حولى لا يشبع حالة الترقب المسكونة بداخلى


فانا مؤمنة بأن الجودو هذا ... "حدث جلل"

جلل جلل يعنى مش أي كلام


ورغم مروري بأحداث جلل مؤخرا

فانا مازلت مترقبة لحدث اكثر جللاً من كل ما مررت به من أحداث


ففي الفترة الأخيرة توالت عليّ الأحداث الجلل فوق أم رأسي

فوالدى توفى

وانا طلقت من والد ابني

و كدة .... كدة هذه تعنى حدث جلل لا أريد الإفصاح عنه

و سافرت لتركيا

وتزوجت بأخر

وطلقت أيضا من هذا الأخر

الطلاق كان له نصيب الاسد من احداثي الجللة

وهذا ان دل على شيء فهو يدل على انى كنت نعم الزوجة

نيهاهاهاهاهاهاهاهاهاهاهاهاهاهاهاع

و ... بلاوى سودا بعيد عنكم كلها تندرج تحت احداث جللة


ورغم كل هذا فأنا مازلت فى انتظار جودو ما

جودو كبير

جودو من النوع النهائي

جودو من اللى مفيش بعده جودو


فانا مازلت أشعر انه يوجد جودو ما سيحضر

وسيغير معالم حياتي للأفضل وليس للأسوء

اصل أسوء من موت وطلاق وكدة هيكون فيه إيه يعني تانى


مازلت مؤمنة بان الجودو هذا

سيحمل فى طياته شرفة اجلس بها

وامارس فيها هواية القراءة

واشرب فيها قدحا من الشاى بنكهة الفانليا


ومازلت مؤمنة بأن الجودو هذا

سيحمل لى بانيو من الحجم الكبير

كى اغسل فيه السجاجيد

بدلا من إرسالها للدراى كلين اللعين

الذي لا ينظف السجاجيد بذمة



انا حقا فى انتظار جودو


فى انتظار جودو

يخلصني من حزن كامن فيّ


فى انتظار جودو

يجعلني اتقبل اقداري بصدر رحب


فى انتظار جودو

يعالج روحى من فساد

سببه الزمان والناس والتجارب المقيتة


فى انتظار جودو تاثيره عليّ

كتأثير سورة طه لحظة سماعى إياها


فى انتظار جودو

يطهرني من ذنوبي

ومن كفري

ومن حماقاتي

ومن لحظات ضعفي


فى انتظار جودو جميل

يحمل لى الفرحة والبهجة والألوان المشرقة


فى انتظار جودو

يحمل لى الطمأنينة والأمان


يا رب ...

أنا فى انتظار جودو

مـُـتــبــل بالخـيـرات

فهل لك ان ترسله لي؟

فما عدت أحتمل ألم الإنتظار

___________

إنــتــهــى

24 comments:

P A S H A said...

وفي هــذا السيــاق قالــوا :

معلش يا كابتن (جودو) واستحمل يا أبو الجود

والصحة ما دام موجودة فطريقك مش مسدود

:D

تحياتي

ابراهيم رزق said...

جالك اوان و وقفت موقف وجود
يا تجودبده يا قلبى يا بده تجود
ما حد يقدر يبقى على كل شىء
مع ان عجبى كل شىء موجود
عجبى ؟؟؟

طبعا مش عايز اقول معنى الجودو
لكن مش هقولك غير دعوة واحدة
ربنا يديكى على قد نيتك و قلبك الطيب بس و محبة الناس
بس خلاص
سلامى لشريف

أمة الرحمن said...

والله اول مرة اسمع الموضوع ده واعرف الجودو منك
بس حسيت انى بدأت انتظره انا كمان ويالله هى خربانه خربانه مجتش على سى جودو ده كمان نستناه

ههههه

هونى على نفسك كل الاحداث اللى قلتيها صحيح جلل لكن بتعدى وبعدييييين نقول مكنتش مستاهله زعل
ربنا يعدى ايامنا على خير يارب

خلى بالك من ابنك
وقولى يارب يكون احلى جودو هى دى اكيد هتبقى فرحتمك الكبيرة

دعائى لك بالخير
تحياتى

BanOta MeLa3'baTa :) said...

أنا كمان نفسى فى جودو كبييير
ربنا يناولنا كل الـ بنتمناه :)

Z_Diva said...

we meen ya 5o5a msh mstany Godot :s... bas 3la fkra Godot mesh bygy :P.... bas hya masr7ya 7lwa, ana b7bha, law leeky felmadrasa el3abathya -aw kma yosamiha ba3d elzorafa2 "el 3abbasya"- hat3gbk :), salamy leeeky welshikoz :*

Z_Diva said...

5ody ellink law 7abety t2reha :))

http://samuel-beckett.net/Waiting_for_Godot_Part1.html

مصطفى سيف الدين said...

لو قلت لكِ أن جودو بداخلك
هل ستصدقينني؟
ان من ينتظر جودو هو انسان فقير لا يعرف كنه نفسه و حقيقتها فجودو الحقيقي هناك بين تلافيف العقل و طيات القلب و لن يتغير الحال ابدا بجودو من الخارج انما يتغير بجودو من الداخل
لا يغير الله ما بقوم حتى يغيروا ما بأنفسهم
هكذا هي الحقيقية التغيير الحقيقي يكمن داخل النفس
صديقتي ازيلي الغشاوة عن روحك حينها سترين جودو حقيقة امام عينيكِ و حينها سيكون هذا هو الحدث الجلل الأكبر الذي يمنحك حياةحقيقية فيتهاون بعد هذا الجودو كل جودو آخر و يصبح اي حدث جلل بعد ذلك الحدث مجرد حادثة عادية
أسعدك الله يا عزيزتي و رزقك الاطمئنان و السكينة

مصري بالغربة said...

اعتقد ان الجودو ده يا خيخة هوه انك ان شاء الله تحجي بيت الله الحرام
وتزوري الرسول عليه الصلاة والسلام
قولي امين

Haytham Kilany said...

ربنا يكرمك على قدر معرفتك بوجود الله وسؤالك اياه

اندروميدا said...

اولا : كل عام وانتي بخير .. يا أم شريف ... بمناسبة عيد الأم

ثانيا : اسأل الله ان يحقق لك ما تنتظرين واكثر قريبا جدا... وان يرزقكِ القدرة علي الصبر والإحتمال حتي يتكشّف لكي حكمته ومراده... مما حدث ... وما سيحدث ... وان يجزاكي جزاء الصابرين المحسنين في الدنيا وفي الاخرة


تحياتي لكي

Anonymous said...

انا



















جودو










حد بيسال عنى

فاتيما said...

ايه حوار الجودو دا ؟!!!

مش دا بتاع محمد رشوان الله يمسيه بالخير
والميدالية اللى مخدنهاش عشان اخلاقه العالية
ولا حاجة تانية ؟!!!

طب بعيدا عن استعباطى
عجبنى جدااااا
تعليق شريف باشا
:)

وبعيدا عن موضوع البوست
كل سنة وانتى طيبة
يا مامت شيكو شريف شكشوكة

و ف سياق البوست
لو مكناش ف انتظار جودو ما
حياتنا كانت هتبقى عاملة ازاى
كلنا ف انتظار جودو تبعنا
زى ما قالت زى ديفا الجميلة


الحمدلله اننا بنستنى
ومبطلنش
الامل ف حد ذاته نعمة
والحمدلله اننا طايلنها يا بت

خليكى واستنى
وربنا يبعتلك الجودو اللى تتمنيه
وأحسن منه كمااااااااان

التدوينة دى
بطعم الخيخيات القديمة
بتاعت زمااان


بوسات وحضونات بشكل رهيبى
يتعدى أى حدودو وجودو ف المنتصف
:)

بحبك يا خوختى
وكل سنة وانتى طيبة يا حبيبتى

Anonymous said...

ازيك يا خيخة
كل سنة وانتى طيبة وشريف طيب
واحشاني جدا
ياريت تعمليلنا لقاء مدونين
نفسي اشوفك انتى وفاتيما
واستاذ ابراهيم رزق
بس بلاش وحياة ابنك موضوع التبرع بالدم ده
انا عندى انيميا مزمنة
خليه لقاء من غير دم ياريت

مروة

عمرو فكرى said...

كل سنة وانتي طيبة ياست ام شريف

weka said...

كل سنة وحضرتك طيبة

انا مع استاذ مصطفى سيف فى رأيه
ان الجودو ده بداخلنا
ولا ننتظره

حضرتك بس محتاجة ترتاحى وتاخدى اجازة تنسي فيها كل الاحداث السيئة اللى حصلتلك

دمتي بخير

أحمد said...

ازيك يا نورا

ان شاء الله يجيلك جودو يحققلك كل ماتتمنيه

كنت مستنى انك تكتبي حاجة عن عيد الام

انتى عمرك ماكتبتى حاجة عن والدتك ليه ؟

كل سنة وهى وامى وكل امهاتنا بخير


تحياتي

جارة القمر said...

كل سنة وانتى طيبة

ربنا يبارك لك فى شريف يارب و يجعله قرة عين ليكى و ولوالده

بـت خـيـخـة وأي كـلام said...

pasha

يااااااه يا شريف
انا كنت بحب الاغنية دى جدااااا


بس عبد الحليم حافظ بيقول
طريقك مسدود مسدود مسدود

اصدق انا مين فيهم دلوقتي؟

:D

شكرا ليك










ابراهيم رزق


ليه كدة بس يا ابراهيم
ماتشوفلنا دعوة تانية غير دى الله يكرمك

انا لما حد يدعيلي ويقولى ربنا يديكى على اد نيتك بقلق بصراحة

انا مش نيتى صافية دايما
ساعات بتبقى نيتى وحشة

نيهاهاهاهاهاهاهاهاهاع


شكرا ليك

بـت خـيـخـة وأي كـلام said...

امة الرحمن

أنا الحمد لله مش زعلانة

وبرضه عمرى ماحسيت ان الاحداث اللى مريت بيها كانت احداث جلل

اللم الا حادث وفاة والدى
الذى كان ومازال يعتبر الحدث الجلل المؤلم فى حياتى

غير كدة بعتبر باقى الاحداث اللى حصلت عادية

ساعات بحس ان ده من كرم ربنا عليا
انه خلانى امر بتجربة فقدان بابايا الاول
علشان محسش بعد كدة بأي وجع ممكن يحصللي

انا محستش ومخدتش بالى ان اللى مريت بيه احداث جلل
إلا لما عدت فترة وفصلت نفسي عن نفسي
وطلعتني برة الصورة

ورجعت لورا كام خطوة علشان اشوفها كاملة
وساعتها بس استغربت هو انا ازاى مريت بكل ده

مفيش حاجة قدرت توجعنى بصراحة زى موت بابا
هو ده اللى فتفتنى بجد

وفى نفس الوقت
بعد حزنى على بابا
مفيش حاجة تستاهل انى احزن عليها
بقى اى وجع بعديه بيكون عاااادى

الله يرحمه يارب ويرحم امواتنا جميعا

شكرا ليكي

بـت خـيـخـة وأي كـلام said...

طيب يا جماعة معلش مش هاقدر اكمل رد على باقي التعليقات دلوقتي

بكرة ان شاء الله
هابقى اكمل الرد عليكم

شكرا ليكم

msafa said...

ربنا هايبعتلك احلى جودو فى الكون علشان انتظارك باين عليه صعب جدا من النوع الذى لا يحتمل الله يعينك

msafa said...

مش هايطول انتظارك على فكره وهايكون احلى جود فة الكون

ابراهيم رزق said...

مساء الفل

http://anahora.blogspot.com/2012/03/2012.html

بـت خـيـخـة وأي كـلام said...

شكرا ليكم كلكم على تواصلكم معايا

وبعتذر عن عدم مقدرتى استكمال الرد على باقي تعليقاتكم






شكرا ليكى يا طمطومة على تعليقاك اللي منشرتهاش
متحرمش منك يا حبيبتى




شكرا ليك ياإسلام
شكرا ليكي يا مروة
متحرمش منك يا جماعة






شكرا يا ابراهيم على اللينك

بس انا بصراحة ماليش فى موضوع المسابقات والكلام ده


شكرا ليك

users online