Wednesday, April 04, 2012

إلــى زوجــي الــحــبــيــب




يسعد صباحك ياحبيبي


رزقك الله خير هذا اليوم


ومنع عنك شر ما فيه





لك مني الف قبلة على جبينك الوضاء


وقبلة واحدة فقط _خاصة جدا_ فوق شفاهك





يراودني شعور بأنك تبتسم الأن


لحظة قرائتك لسطوري


وإنك تحبني بقدر حبي لك في هذه اللحظة





لا أعرف في أي مكان أنت على الخريطة


ولا أعرف ملامحك


أو لون بشرتك


ولا أعرف ما طبيعة عملك





لا أعرف هل ستكون مجهولٌ بالنسبة لي


أم أنك ستكون أحداً أعرفه


حقيقةً لا أعرف من ستكون


ولكني أشعر بأن الله سيرزقني بك في القريب





فأنا اليوم ممتلئة بمشاعر حب لا يستحقها سوى زوج


لذلك دعني أحبك قليلا حتى ألتقيك


دعني أبث لك مشاعري قبل أن تضيع في زحام المشاكل اليومية


فأنا اليوم أحبك جداااااا





وبما إني لا أعرف من ستكون


فأنا لا أستطيع أن أتخيل لك رسماً


ولكني أراك مرسوماً في خيالي على هيئة


صفات متضافرة


تشكل كياناً آدمياً





أراك حنانا سيطل من نظرة عيناك


أراك تسامحاً سيظهر من تربيتة يدك على ظهري


أراك أماناً وطمأنينة سيشكلان حضنك الذي سأختبأ فيه


أراك كرماً وعطاءاً ستعبران عنهما هداياك الجميلة الرقيقة


أراك حزماً وخوفاً عليّ سينطقان بهما نبرة صوتك


أراك عطراً سيظهر من رائحتك الطيبة


أراك نظافة ستظهر فى تقليمك لأظافرك وتلميعك لحذائك


أراك هنداماً وذوقاً عالياً سيظهران في تصفيفة شعرك وإختيارك لملابسك


أراك ثقافة ستنم عنها وجهات نظرك


أراك تديناً سيطل من خشوعك في الصلاة وإتقائك لله فى كل تصرفاتك


أراك إحتراماً وحق سيظهران فى حب الناس لك


أراك إخلاصاً سيظهر في إكتفائك بي





أراك علياّ يا زوجي الحبيب


أراك علياً يستحق أن أكون له فاطمة




**


يا رب إن كان مقدراً لي أن أتزوج مرة ثالثة


فلتجعل زوجي هذا الذى لا أعلم من سيكون وأنت أعلم به


أن يكون لي رفيقاً صالحاً


كي نسبحك كثيراً ونذكرك كثيراً


و اجعل بيينا مودة ورحمة وسكن يا أرحم الراحمين




وإن كان مقدراً لي أن لا اتزوج أبداً


فارضني بقدري يا الله واقدر لي الخير حيث كان




اللهم أمين


_____


إنــتــهــى

28 comments:

ابراهيم رزق said...

انا اللى بالامر المحال اغتوى
شفت القمر نطيت لفوق فى الهوا
طلته ما طلتوش انا ايه يهمنى و ليه
مادام بالنشوة قلبى ارتوى
عجبى ؟؟؟

رغم مواصفاتك التى اقرب الى الملائكة الا انى اتمنى من كل قلبى ان يوفقك فى ما تتمنيه
لكن احيانا تكمن المشكلة فى سقف المتوقع و امكنيات المتوقع منه
بمعنى كلما رفعنا سقف الطموح اصبحنا اكثر فرصا فى التعرض للاحباط و كلما نزلنا بالسقف اصبحنا اكثر رضى و تقبل

اتمنى و ادعو ان يحقق الله امنياتك

تحياتى

Anonymous said...

ان كان ما تتمنيه حلم فالحلم متاح للجميع ومن حقنا
اما اذا كان ولعياذ بالله واقعا فالواقع مرير واسود ومهبب بستين هباب
بس اوعى تتشائمى احلمى
:D

شجن المشاعر said...

يا رب يرزقك بالزوج الصالح
اللي يسعدك و يعوضك عن اللي فات
انا بحبك في الله
يا خيخة
و بحب شريف

Baskouta said...

الله

اول كلمة جت على لساني لما قريت البوست
هي كلمة الله
البوست عجبني اوي

:)

وكل اللي حساه دلوقت ان عاوزة ادعيلك ان ربنا يستجيب لدعوتك ويحققلك كل ما تتمني

واقولك البوست ده
في رومانسية طيبة وحنينة
اكتر من اروع قصص الحب

ربنا يراضي قلبك يا حبيبتي

مدونة رحلة حياه said...

السلام عليكم
سردت كم من المشاعر ما يعجز التعبير عن وصف جماله
تقبل الله دعائك وقدر لك الخير اختى

Anonymous said...

اللهم آمين
ربنا يوعدك باللي تتمنيه ويرضيكي بيه يا رب
صباحك سكر
:)

واحدة كدة said...

نورا :)
رزقك الله _ و جميع بنات المسلمين _ أزواجاً صالحين عاجلاً غير أجل

آمين آمين أمين

weka said...

للوهلة الاولى اعتقدت انك تزوجتى
وكدت احسد زوجك هذا على تلك المشاعر الجميلة
:)))

تقبل الله دعائك ورزقك بالزوج الصالح


بوست رائع ومشاعر اكثر من رائعة

دمتى بخير

Anonymous said...

والله اتخضيت وافتكرتك عملتيها واتجوزتى
وحسيت بغيرة معرفش ليه
مع انى يعنى مبحبكيش ولا حاجة
ولا حتى عايز اتجوزك
بس حسيت بغيرة من الراجل ده اللى هتتجوزيه و هتحبيه اوى كدة
وقلت اشمعنى انا
انا كمان عايز مراتى تحبنى كدة زي ما خيخة هتحب جوزها

مع انى مش متجوز

ههههههههههههههههههههههههههههههههههههههههههههههههههههههههههه

احمد said...

كنت مبسووووووط وانا بقرا
بوست جميل جميل جميل
ربنا يرزقك بزوج يستاهل الحب ده كله

تحياتي

weka said...

نسيت اقول ان الصورة روعة

:)

الطائر الحزين said...

أمين

nor said...

ربنا يرزقك بيه يا نورا يا رب عما قريب انتي تستاهلي الخير كله

فاتيما said...

يا مسهل
:))

رؤى عليوة said...

اللهم آمين يرزقك بما تمنيتى

يارب من قلبى بجد

بوست جميل
محسوس


دمت بخير

ehab bomman said...

رنا يرزقك زوج حنونا صبورا حازما طيبا قنوعا ويعرف الله حق قدره
ويتقى الله فيكي

ويطمئن قلبك دايما

تحياتي يا نوران
اخوكي ايهاب
سلاااااااااااااااااااام

حفيدة عرابى said...

:)

فافى said...

يارب وانا كمان اصل انا قليلة الادب ومش بتقبل عيوب الرجاله المهببه
وعشان كده عايزه واحد يستحملنى ويحتوينى

Mohammad Mamdouh said...

وبعدين معاكي بقى ياست نورا !!

مش معقول كده يعني

انتي بتكتبي افكاري بس بشكل اجمل

واحساس رقيق اوووووووي

واسلوب ادبي رائع كالعاده يعني

كنتي كاتبه حاجه عن باباكي الله يرحمه
وانا كنت كاتب قبلها حاجه لــ ماما
الله يرحمها


ودلوقتي كاتبه الى زوجي الحبيب

شوفي بقى انا كنت كاتب ايه
من كم شهر كده

http://hereiam-thisme.blogspot.com/2011/11/blog-post.html

و تستمـ ـر الحيـ ـاه said...

بوســت أكثر من رآآئــع
رزقكِ اللــه زوجــاً أشبــه بعــلي كما تتمنين
أسعد اللــه أيامك حبيبــي أينما تكونين
:)

Anonymous said...

هوا انا كل مسأل عليكي حد
يقولي خيخة دي تحس كدة انها صاحبك الجدع ابن البلد
مفيش حد خالص قاللي انك موزة ولا اى حاجة من الحاجات الي تبين انك واحدة ست
كلهم بيشبهوكى انك راجل
انتي باين عليكي شكلك يقطع الخميرة من البيت
تلاقيكي بشنبات وصوتك زي صوت الحشاشين

زهرة الجنة said...

الله
كلامك حلو قوي ياخوخه فيه أمل كبير جدا
ربنا ينولك اللي في بالك يارب
ويررزقك بالزوج الصالح انتي وكل البنات يارب

بـت خـيـخـة وأي كـلام said...

شكرا ليكم كلكم على تواصلكم معايا

بـت خـيـخـة وأي كـلام said...

ريهام



ههههههههههههههههههههههه

اهو مش جايبنا ورا
غير قركم ده
وعنيكم اللي يندب فيها رصاصة


لو قلتلك اللى حصل امبارح مش هتصدقي

كان يوم ما يعلم بيه الا ربنا

بس الحمد لله شريف سليم


تعاليلي على السكايب انا مرزوعة هناك

VOltaa said...

بوست مثير للإبتسام و الحب :)

ربنا يرزقك باللى تتمنيه

NAGWA said...

طب أيه وانا مفيش تعالى سكايب؟
مش صابحتك انا والا مش صابحتك؟
زعلانة
نوووج

بـت خـيـخـة وأي كـلام said...

نجوى

ههههههههههههههههههه

طيب متزعليش يا نووج
تعاليلى على السكايب انتى كمان

بس خدى بالك انا اللي بيجولى على السكايب بعلقهم من رجليهم

نيهاهاهاهاهاهاهاهاهاهاهاهاع

بـت خـيـخـة وأي كـلام said...

هيثم


ايوة
ماهو انا عايزة اعرف ليه بقى

احمد سابلي تعليق فيه نفس الكلام
بس كان مستعجل ومقاليش تفاصيل ولا قال اسباب


هو ايه اللى حصل يوميها علشان تقولوا كدة ؟

users online