Friday, August 17, 2012

ســعــد نــبــيــهــة




سعد نبيهة بيخليها ذكرى جميلة لبعد العيد

كنت بسمعها كدة وكنت هاموت واعرف مين سعد نبيهة ده ؟
وكانت اعتقاداتى عن سعد نبيهة هذا
لا تخرج عن ثلاث احتمالات لا رابع لهم
ان سعد نبيهة هو مؤلف اغنية العيد فرحة
او انه زوج الفنانة صفاء ابو السعود
او انه الرجل المسؤل عن احضار العيد معاه وهو جاى
يعني عامل زي بابا نويل كدة

وكان نفسي أقابل الاستاذ سعد نبيهة علشان اسأله

هو ليه مكتوب بإسم والدته الحاجة نبيهة

ومش مكتوب بإسم والده زي باقي البشر ؟

وكان رعبي بيتمثل انى اقابله فعلا ويقولي الحقيقة المخجلة

ان والده إسمه نبيهة



:))
______

كل سنة وانتوا طيبين

22 comments:

شيرين سامي said...

هههههههههههههههه
تعرفي أنا أول ما بدأت أطبخ و جبت كتاب كنت مع كل وصفة ألاقي مكتوب "ذرة ملح" و قلت إيه الكتاب الفاشل ده بيحط في كل المقادري ذُره :))
كل سنة و إنتِ مميزه :)

عيد سعيد عليكِ و على كل حبايبك

ابراهيم رزق said...


اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتى

منقراتى

أملك قيراطى

من الكليم

رمضان كريم

الله أكرم

دا غير قيراطى

من الحصير

إن زاد إيرادى

في الدائرة دى

يصبح اراضى

بساط حرير

زي الهليل

تلاقيه قليل

تفضل تليل

يصبح كبير

يفضل يناور

بين المناور

في جوز أساور

يقع أسير

يرجع يغازل

بين المنازل

مالوش عواذل

هلال أمير

هلال يقول لى

أنا حلو كلى

شوف عقد فلى

صنع القدير

هلال حمامه

تحت الغمامه

لبست عمامه

ما فيهاش تطير

هلال بيجرى

في بحر هجرى

قال ضى فكرى

للمستنير

هلال بلدنا

علي الف مادنه

لله حمدنا

حسن المصير

*

المشى طاب لي والدق على طبلى

ناس كانوا قبلى قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالى طوال

وكل شبر وحته من بلدي حته من كبدي حته من موال

*

لو تسأل الليل يقول لك راضى بالمقسوم

والقله في الفجر حتقول لك عن الماء صوم

واحنا عرب كلنا أصحاب طرب مقسوم

حلوين على كل حال لكن سوا أحلى

يا سواحليه

ومن الصعيد للبحيرة للدقهلية

إحنا أهليه

تجمعنا ساعة السحور تجمعنا طبليه

قضينا ع الجاهلية نحمد الواحد

القلب واحد ولو كان الرغيف مقسوم

*

اصحى يانايم وحد الدايم

السعى للصوم خير من النوم

دي ليالى سمحه نجومها سبحه

اصحى يانايم يانايم اصحى

وحد الرزاق

فواد حداد

ههههههههههههههههه
تصدقى انا كمان كنت بسمعها كده
كل سنة و انتى طيبة
كل سنة و شريف طيب

عيد سعيد عليكم
كل سنة وانتم طيبين مرة اخرى
تحياتى


Bent Ali said...

هههههههههههههههههه
يا عنى مش انا بس اللى كان عندى نفس التساؤل، اصلى كنت بسأل نفس السؤال :)

كل سنة وانت طيبة

P A S H A said...

ههههههههههههههههههههههه
كل سنة وانتي طيبة وبألف خير وصحة وسعادة إن شاء الله
:))
- فكرتيني برضة بأغنية قديمة لإيهاب توفيق كانت في شريط مراسيل اسمها "أغلى العيون" كنت باسمعه بيقول : أغلى العيون يا قمر عيني ياللي (السماتوء) بيزينك .. وبصراحة كنت باتكسف اسأل عن السماتوء دول عشان ما أطلعش جاهل .. لأن هما أكيد حاجة كده زي قوس قزح D:
* هو أصلاً كان بيقول " السما توب بيزينك"

شيرين سامي said...

http://www.facebook.com/photo.php?fbid=403764313018524&set=a.225929307468693.55726.133218376739787&type=1&theater

:)

Romancia said...

هههههههههههههههه غالبا كلنا كنا بنسمعها بنفس الطريقه كل سنه وانتى طيبه يا نور وعيد سعيد عليكى وعلى شريف وعلى كل عيلتك يارب

اندروميدا said...

كل سنة وحضرتك طيبة ..... وعيد سعيد

والاستاذ سعد نبيه برضه .. كل سنة وهو طيب : ))

بـت خـيـخـة وأي كـلام said...

شيرين سامي
ابراهيم رزق
بنت علي
شريف باشا
مروة رومانسية
اندروميدا

كل سنة وانتوا طيبين ليكم كلكم

واضح ان موضوع سعد نبيهة ده كان مشكلة عامة
:))


ربنا يسعدكم يا رب
ويحققلكم كل امانيكم ويراضيكم


شكرا ليكم كلكم











ريري

كل سنة وانتى وعمرو طيبين يا حبيبتي
و الف الف الف مبروك يا ريهام
وهحاول اجي ان شاء الله
بس مش أكيد
فلو مجتش متزعليش مني
بس ان شاء الله اشوفك برضه واباركلك بنفسي
سلميلي على عمرو كتير
والف مبروك ليكم انتوا الاتنين
ربنا يسعدكم يا رب
ويرزقكم بالذرية الصالحة
ويزيدكم قربا من بعض
وتزدادوا قربا لله
ويبعد عنكم الشيطان وعين كل حاسد
ويرزقكم كل الخير يا رب
اللهم امين

شكرا ليكي

Anonymous said...

انا مشكلتى مع " سعد نبيهه " انى زي كل الناس كنت بسمعها كدا ولما كبرت شويه وفهمت وقعدت اتناقش مع واحد كبير فى السن اكد لى ان فيه واحد صاحبه اسم عيلته " نبيهه " فعلا وان صفاء ابواسعود احتمال كبير تكون بتتكلم عن حد من العيله دى
كل سنه وانتى طيبه يا خيخه
HOSSAM

بـت خـيـخـة وأي كـلام said...

حسام

ههههههههههههههههههههههه
هههههههههههههههههههه

حسام انت فيك شيء لله
انت عارف
انا بعد ما كتبت البوست ده
وقعدت افتكر تحليلاتي لاعتقاداتي وانا طفلة
وليه كنت معتقدة هذا الإعتقادات
جالى هاتف طفولي ان ممكن يكون فيه حد اسم عيلته نبيهة
وان صفاء ابو السود بتغنيله

لقيتك كاتبلى التعليق ده
ففطست على روحي من الضحك



المهم
كل سنة وانت طيب يا حسام
وشكرا ليك

Sarah .. said...

:)))))
كلنا كنا بنسأل مين سعد نبيهة دا ومعنى كلمة وحوى فى غنوة رمضان ! :))

عيد سعيد عليكى يا خوخة وعلى شريف يارب :)

....
فيه رواية اسمها " هكذا كانت الوحدة "
دى ترجمة أختك يا خوخة ولا تشابه أسماء بس ؟ :)

بـت خـيـخـة وأي كـلام said...

سارة

اه صحيح يعني إيه وحوي دي كمان؟ !!!!!!


كل سنة وانتى طيبة يا سارة

اه الرواية دى ترجمة اختى
ناريمان الشاملي

:))


شكرا ليكي

Anonymous said...

اللهم صلى على النبى
ايه الجمال ده؟
دا انا كنت فاكر ان موضوع سعد نبيهه مرض عندنا فى الأسره بس انما واضح ان كل الأسر المصريه بتعانى نفس المرض
عموما الف سلامه عليكم أقصد كل عيد وانتم بخير وبعوده الأيام
وسلميلى على شيكو لغاية ماشوفه
سلام يا بنوره
آسر

Ramy said...

كل سنة و انت طيبة يا مامت شريف

(:

عارفة كان عندى نفس السؤال انا و صغير


(:(:

7ekaya said...

كل سنة وانتي بألف خير يا خيخة حلوة

بـت خـيـخـة وأي كـلام said...

آسر

كل سنة وإنت طيب يا أسوووور

ههههههههههههههههههههه
لا الحمد لله ده طلع مرض عام

أشوفك على خير إن شاء الله








رامي


أهلا أهلا أهلا
إزيك يا رامي
المدونة منورة النهاردة بوجودك
كل سنة وانت دايما زي ما انت قلبك طيب يا رب

شكرا يا رامي










حكاية

وانتي طيبية وبألف خير
شكرا ليكي

Z_Diva said...

كل سنة و انتي و شيكو طيبين با خوخز و يا رب دايما ايامك تكون من مجايب سعد نبيهه
:*****************

بـت خـيـخـة وأي كـلام said...

ديفا

وانتي طيبة يا ديفا
وحشتيني على فكرة

شكرا ليكي

موناليزا said...

تعرفى يا خوخة إن فعلا الغالبية العظمى معتقدة إن فعلاً الأغنية بتتقال كده والمقصود بيها "سعد نبيهة"
^_^
أتاريه مشهور أوى
أنا كمان فين وفين على ما عرفت المقصد الحقيقى :)

كل سنة وأنتِ طيبة
ويارب يكون عيد سعيد علينا جميعاً

بـت خـيـخـة وأي كـلام said...

موناليزا

و انتى طيبة يا منى ربنا يجعله عيد سعيد عليكي إن شاء الله

شكرا ليكي

جارة القمر said...

كل سنة وانتى طيبة يا جميل
تصدقى انا كمان كنت بسمعها كدا و لسه مكتشفة ان اصل الاغنية "سعدنا بيها
مش سعد نبيهة


بالنوسبة للكلمة وحوى يا وحوى ايوحا

فى تفسيرين ليها
الاتنين يتفقوا ع ان اصولها اللغة الهيروغليفية
و يختلفوا فى المعنى


الاول
وحوى معناها : اهلا
ايوحا او اياح : القمر

فيبقى المعنى اهلا اهلا بالقمر

يرجع التفسير دا الاغنية انها كانت تغنى لوالدة احمس طارد الهكسوس و اللى كان اسمها اياح حتب و لانها كانت تقف وراء زوجها و اولادها فى الحرب ضد الهكسوس
كان الناس بتستقبلها بالاغنية دى


التفسير التانى
وحوى : افرحى
ايوحا : مقصود بها ايضا اياح حتب

و يستند التفسير دا ان احمس بعد ما طرد الهكسوس عاد الى امه و هو يغنى تلك الاغنية


التفسيرين اتفقوا ع ان معنى اسم اياح حتب
اياح : قمر
حتب : الزمان
يعنى معنى اسمها قمر الزمان

و ذهب الاثنين ايضا ان بعد كدا اعتاد المصريون غناؤها عند اكتمال القمر بدرا

ممممممممممم انا طولت معلش بقى

بـت خـيـخـة وأي كـلام said...

جارة القمر


كل سنة وانتي طيبة يا حبيبتي
والف الف شكر على المعلومة المفيدة

ومطولتيش ولا حاجة
المدونة مدونتك

شكرا ليكي

users online