Wednesday, January 23, 2013

مـعـقـوفـة مـسـتـقـيـمـة



تحممت
مشطت شعري المبلل
 عقصته كعكة 
 و وضعت به زهرة رمادية
اشبه تحية

تأملت جسدي العارى فى المرآه
رقصت قليلا  نظرا لوجع جسدي

زوجي يهاتفنى و يعلمنى بقرب وصوله للمنزل
اطلب منه ان ياتى فى وقت اخر
ربما بعد بضعة اسابيع اخرى
يستعجب و يسالني
 يعنى ايه اجى بعدين ؟
ارد عليه بهدوء
يعنى متجيش دلوقتي .. متجيش النهاردة خالص
تعالى بعدين  .. تعالى بعد كتير
نبرته تتحول الى غضب وصوته يعلو وهو يقول لي
هو انا مرافقك ؟؟ انتى مراتي يا بنت المجانين
انا بقولك نص ساعة واكون عندك
علشان لو عايزة حاجة اجيبهالك معايا
تقومى تقوليلى متجيش دلوقتي!!!
ارد عليه بصراخ عالى
واغلق فى وجه الخط

ادور حول نفسي دورة كاملة  وارقص مرة اخرى
 افتح خزانة ملابسي واخرج منها منامة بلون حشيش الارض
ارتديها  واخلعها  وارتديها واخلعها ثم ارتدىها

زوجى يهاتفني مرة اخرى
ارد عليه بنفاد صبر : نعم
هو : انا عند السوبر ماركت
عايزة حاجة غير البيبسي والشكولاتة ؟
انا اصرخ واقول له
 انت مبتفهمش
بقولك متجيش النهاردة
متجيييييييييييش
مش عايزة اشوفك ولا اشوف اى حد
يغلق فى وجهى الخط
و القى انا بهاتفي فى سلة القمامة
ادور مرة اخرى حول نفسي وانا فاتحة ذراعى على اخرهما
ادور دورات متتالية
اسقط على الارض

اسمع صوت المفتاح يدار فى الباب
يدخل زوجى و يجدنى ملقاة على الارض
يجري نحوى
يسألني : انتى كويسة؟
ارد عليه بقولي : انا مصليتش النهاردة اى حاجة
يرفعنى ويمسكنى
ويقول لى مش مهم .. دلوقتى نصلي سوا كل الفروض
يجلسنى على حافة الفراش
و  اقول له : بس انت صليت كل الفروض!
يمسح بيده على وجنتي وهو يقول
 مش مهم .. هاصلى معاكى تانى جماعة
يسالنى انتى ليه لابسة البيجاما دى ؟ انتى مبتحبهاش!!
ارد عليه بيأس : مش عارفة فين باقي البيجامات
يقول لي وهو يقوم نحو  وحدة الادراج ويشاور على احدهم
فى الدرج يا ماما.. فى الدرج
انتى بتحطى هدومك اللي بتحبيها فى الدرج
يفتح  أحد الادراج و يخرج منه منامة زرقاء بلون السماء
يساعدنى فى خلع  منامتى الحشائيشية
وعلى ارتداء منامتى السماوية
يسالنى انتى عاملة شعرك كدة ليه ؟
و ايه الوردة دى
اساله : مش بذمتك انا شبه تحية ؟
يبتسم و يقول لى انت احلى منها
انظر فى المرآه و اقول له : ده  انا شبهها جداااا
يقف خلفي و يربت على كتفي
يسألني  تحبي نصلي الاول ولا تاكلى شيكولاتة ؟
لا ده ولا ده
انا عايزاك تجيبلى الموبايل بتاعى من الزبالة وتغسله
يسالنى : وهو ايه اللى وقعه فى الزبالة
انا اجاوبه : انا رميته
هو بصبر : حاضر يا ماما هاجيبه
انا باصرار : انا مش هاصلي النهاردة
هو : لا حول ولاقوة الا بالله ..
 هو فيه حاجة اسمها كدة برضه يا نورا ؟
انا : اه فيه
هو : لا يا نورا مفيش
 يقترب  مني و يقبل جبينى
يغرينى بالصلاة بقوله :
هاقرالك سورة طه بعد ما نخلص صلاة
ابتسم واقول له  وبعد كدة هتمشي .. مش كدة ؟
يسالنى : انتى عايزانى امشي ؟
انا : اه .. عايزاك تمشي
هو : اروح فين طيب ؟ .. ده بيتنا  سوا
انا : روح فى اى حتة .. انا مش عايزاك موجود
هو : يا ماما انا جوزك
انا : ايه يعنى جوزى ... جوزى تقرفني و تقعد كابس على نفسي ؟
انا مش عايزة اكون زوجة الايام دى
هو بيأس : طيب نصلي سوا و همشي
انا : مش هاصلي النهاردة
زوجي يصفعني صفعة ترديني الأرض  .. و يرحل

**
سبحة
ام قِصة
ام قبلة
ماذا يا إمرأة .. ماذا ؟؟؟
أاااه يا رجل  .. أااااااااااااااااه
يا رجل  ساكت  .. طاهر .. هادئ  .. مؤمن
ارحل  أو ضاجع
ارحل أو ضاجع
ارحل أو ضاجع
ضاجع فيّ طهرك
او دعنى اضاجع فيك مجوني
يا امراة مجنونة ... احبك
يا رجل  افهم  .. افهمني
إإسرني بصورة
ما اطلب اكثر من صورة
ما عندى صورة يا امراة
تخسرني يا رجل ان لم تملك صورة
انا أحيا بصورة
 وأموت بصورة
و أبكى بصورة
يا امراة مجنونة .. احبك
يا رجل  افهم ..  افهمني
افرط حبات السبحة وازرعها في السرة
وسبح بحمد الله على بطني
قص عليّ حكاية
عن فيل اسود يقتل نملات صغيرات
قبلني اعلى النهد تحت الرقبة
اكتب اسمك على ظهري بالخمش
اخمشني واخدش هذا الجلد
يا امرأة مجنونة ... أحبك
يا رجل عاقل  ... ضاجع
ضاجع فيّ الكلمة
ضاجع فيّ اللحن
ازرع فى قلبي اوتار كمان
و اعزف  بنشاز
اعقص لي شعري كعكة و اقضمها
و اوصف لي طعم النعنع فيها
افصح لى عن سرك
عن يوم قتلت  فيه العمة
اهديني قنفد و تمساح
و استمتع معي بفن القتل
علمني كيف يكون الإدغام
و دعنى اعلمك كيف يكون الطعن
أاااااه يا إمرأة مجنونة .. احبك
أاااااااااااااااه يا رجل  عاقل .. ارحل
**
زوجي كان غادر
كان يشحذ السكين و منيتى في يده
كان قاتل .. مثل قاطع الطريق
اغمد نصله في القلب على غرة
كانت معركة غير متكافئة
لا صديق ينجدنى
و لا أخ يساعدني
ولا اب يدافع عني
لا شيء سوى الخوف
و زوج سفاح
و خنجر في القلب
**
قصصت شعري
و قتلت نفسا بغير حق
________

إنــتــهــى

15 comments:

عاشقه الرومانسيه said...

روووووووووووعه حلوه قوى ياخوخه
عاجبنى جنانها وعاجبنى صبره عليها

weka said...

البوست ده لازم ينزل معاه مناديل علشان نمسح فيهاعرقنا

هاااااااااااااايل

العنوان و الصورة و الاسلوب و الخطف اللي بتعملهولنا من فقرة لفقرة
كله هااااااااااااايل

بس انا عندي اقتراح
الفقرة التانية تستحق انها تكون بوست لوحدها
رائعة حقيقي يا نورا


تحياتي

Asmaa Fathy said...

جميل تعبيرك ... وتفاعلم نع الاحداث ولعبك بالجمل توظيفك للحظات الجنون من جانبها والعقل من جانبه جميلة جداا

تحيـــاتى

Asmaa Fathy


و تستمـ ـر الحيـ ـاه said...

مبدعه حقيقي مبدعه

نيللى عادل said...

إيــــــــــــــه الفُجر دة !!!!
يجربيت كدة ياشيخة !!!

ali said...

فين موقف النملة؟؟؟

سامح شاهين said...

الجرأة الجنون الألم التضاد
يا لها من صراعات تدور بداخلنا هناك من يجعله تحرقه فى صمت وهناك من يجعل دخان حريقها لوحة فنية

هذا التعليق عن مجمل ما قرأت

Shaimaa Goda said...

بموت فى جنانك :)
Meshmesha

أبو ملك و مريم said...

بصى بأة انا مش لاقى كلام يتقال بس اسمحيلى اشرحلك على طريقة احمد حلمى فى فيلم اكس لارج
1- اول ما بشوف عنوان بوست جديد
http://youtu.be/usvjoL-ShWs

2- بعد قراءة البوست اكثر من مرة احيانا
https://www.youtube.com/watch?v=UsY3rm1W6ZQ

3- بعد انتهاء حالة الازبهلال افكر ازاى و منين بتجيبى الكلام دة و تراكيب الجُمل و الافكار مابيجيش فى بالى غير
http://youtu.be/1Pn4FvvPB5U

و سامحينى لو التشبيه مش مناسب

شكراً

بـت خـيـخـة وأي كـلام said...

شكرا ليكم كلكم على تواصلكم معايا

تعليقاتكم اسعدتني و الله يا جماعة
متحرمش منكم



شكرا يا ابو ملك ومريم على الفيديوهات
:))






الناس اللي منشرتش تعليقاتها

حااااااااااااااضر
من عنيا الاتنين

:))

أبو ملك و مريم said...

انت متشكرينيش انا اللى اشكرك على متعة القراءة .....مش عارف اوصف القراءة بإيه ... اقولك ممكن اسميها القراءة المغامِرة - بمعنى انى اقرأ ولا استطيع انا استنتج المكتوب فى السطر التالى-- او المقطع القادم -
عارفة بتفكرنى بأيام ما كنا بنقرا ملف المستقبل و المكتب رقم 19
فاكرة الحاجات دى
كنت بحبها لانها خيالية و صعب استنتاج النهاية او حل اللغز
عموما شكرا مرة اخرى
سلام

بـت خـيـخـة وأي كـلام said...

ابو ملك ومريم


وش واحدة منشكحة انشكاح لم تنشكحه منذ زمن بعيد

:))

الف شكر

Anonymous said...

انتي حد راقي جدا ومحترم جدا جدا بجد والله وإنسانه في قمة الذوق والتهذيب والخجل ، الكلام ده مش مجاملة ولا نفاق ده من خلال لقائين تلاتة اتشرفت فيهم بمقابلة حضرتك :))
(يمكن انتي تلاقية وعفوية أكتر من اللازم وده أحياناً ممكن يتفهم غلط عند الناس الغلط)
على فكرة انتي حد مهم جداً في حياة ناس كتيرة بتقرالك وبتتابعك (حتى لو كانوا مختلفين معاكي وبينتقدوكي أحيانا) حد مدعِم لغيره بدرجة كبيرة وجواه طاقة حب وخير مهولة بيقدرها يوهبها للي حواليه :))
انتي فعلاً كاتبة متميزة ومبدعة وخلاقة وذكية ما شاء الله ولا قوة إلا بالله وعندك حس ساخر في منتهى القوة :))
ربنا يروق لك أحوالك ويسعدك لإن فيه كتير مننا بيستمدوا طاقتهم منك :))
الله
الوطن
خيخة
إمبابة إمبابة فاضية كراسي إمبابة إمبابة
:D

Romancia said...

عارفه حاجه يا نورا كتير اوى لما بشوف الكومنتات على بوست كتبتيه خاصه لو كان قصه فيها شىء من الحزن والخارج عن نطاق السيطرة احيانا والاقى حد معلقلك ان البوست واو تحفه او حتى ممكن يكون انا
ساعات كتير بحس انك بتبصلى للكومنتات بضحكه ساخرة ونفس عميق بيقول
لا أحد يدرى حقا ما بى ....


كتباتك حلوه اوى بتعرفى تعبرى اوى لدرجه فعلا بتوصلى للى قدامك مدى الالم اللى اكيد لو مكنش كله جواكى فانتى فى جزء منه حاسه بيه

حقيقه ..." ان الانسان بلا حزن ذكرى انسان "

بس ده مش حزن ده كتييير يا نورا
ربنا يكتبلك السعادة والتذبذبات بين السعاده وما دونها تكون مش كبيره اوى :D

اه حاجة كمان بحب صراحتك اللاذعه اوى :D

7dmo3yen said...

انا اتصدمت حقيقي ومافيش كلام تاني يتقال حلوة بجد اوي

users online