Thursday, August 29, 2013

أنــا و أنــت



  
كـسـفـيـنـة مـثـقـوبـة
لا تـغـرق و لا تـطـفـو
__________________

إنــتــهــى

26 comments:

Anonymous said...

فعلا خير الكلام ما قل ودل

#الانسان المغلس الاول

Anonymous said...

التدوينة دي
و القصيدة بتاعة نزار
مخلياني اتوقع ان دي رسالة بإنك إنتي و هاني هترجعوا لبعض قريب
يا رب تخميني يكون صح
علشان خاطر شريف يتربى بينكم

Anonymous said...

التعليق التاني
اشمعنة يعني هاني ؟
ما يمكن تقصد طليقها التاني
الكلام يمشي على ده وعلى ده

ماهي لو كانت عايزة ترجع لهاني
ما كانت رجعتله من زمان
و مستنتش كل ده

انا برجح ان خيخة تقصد طليقها التاني

مش كدة يا خيخة ؟

ابراهيم رزق said...

طيب

يارب تكونى بخير يا نوووووووور

تحياتى

Anonymous said...

بالعكس
رجوع خيخة لطليقها الثاني مستبعد جدا
لان لا يوجد رابط بينهم

و لكن هاني هو اول زوج لنوران
و الشاعر يقول
نقل فؤادك حيث شئت من الهوى ما الحب الا للحبيب الأول

و بعدين هاني هو والد ابنها
يعني فيه بينهم رابط قوي يجعل رجوعهم لبعض منطقي

و إن كنت متابع جيد لكتاباتها
ستجد انها تذكر هاني بكل خير و ستجد ما بين بين السطور حب عظيم تكنه له

Anonymous said...

أه يا عم متابع
و متابع كويس كمان
و انت اللي شكلك مش متابع

خيخة بتذكر الاتنين بالخير
مش هاني بس
هاتلي بوست واحد ولا حتى تعليق
خيخة ذكرت فيه طليقها التاني بالشر

و انت لو كنت متابع
كنت عرفت ان خيخة بتعتبر هاني صديق و بتحترمه علشان خاطر هو ابو ابنها

لكن طليقها التاني علشان مفيش بينهم عيال ده سبب قوي انهم يرجعوا لبعض
ان الحب اللي بينهم اقوى من اى ارتباط سببه العيال
يعنى مهوماش مضطرين يرجعوا لبعض علشان خاطر عيل بينهم
الحب بس هو اللي رابطهم ببعض

Anonymous said...

الإتنين اللي بيتخانقم على مين اللي هترجعله خيخة
زوجها الأول أم الثاني؟
انتم ناسيين ان خيخة كتبت تدوينة و قالت فيها انها زوجة لرجل يدعى احمد و كتبت تدوينة تانية قالت انها حامل فى مولودها منه
انتم بتتخانقم على إيه بقى ؟


أبو أسامة

Anonymous said...

أما أمرك عجيب يا أخي
و لماذا تكره رجوعها لهاني بهذا الشكل
رجوعها لوالد ابنها فيه صلاح للاسرة و لم شمل بعد تفريق
فلماذا تكره الخير لها
و لو كانت تحب زوجها الثاني كما تقول لكانت استمرت معه
ولكن طلاقها منه بعد فترة قصيرة دليل على انها اكتشفت مدى فداحة الخطأ الذي ارتكبته في حق نفسها و حق ابنها حين تسرعت و تزوجت بشخص لا يناسبها

ابراهيم رزق said...

هههههههههههههههههههههههه

هم يبكى و هم يضحك

اعتقد نعمل برنامج نوك شو
و يفضل على فناة الجزيرة

Anonymous said...

انت اللي امرك عجيب و مريب

انت عايز ترجعها لهاني ليه؟

انت لو بتفهم دماغ خيخة و متابعها بقى زى ما بتقول
هتعرف انها تفكيرها اوربي
و طلاقها زى طلاق الاجانب
هى انسانة راقية
و اتطلقت بطريقة محترمة علشان خاطر ابنها
و بعدين فداحة خطأ غيه ؟
انت تعرف اساسا هى اتطلقت ليه من جوزها
و لا حتى تعرف مين هو جوزها علشان تقول مش مناسب ليها ؟
محدش عارف مين كان جوز خيخة التانى ولا نعرفسباب الطلاق
اذا كان هانى نفسه محدش يعرفه ولا ايه هى اسباب الطلاق

انت اللي هتعرف ؟
!!!!!!!!
فانت بتتكلم و كانك عارف ليه؟



و استاذ ابو اسامة ده كمان

احمد مين يا عم و حامل مين

طالما مبتفهموش اللي بتقروه يبقى متقروش احسن


ما تحضرينا يا خيخة
كلمتك هي الفاصلة

بـت خـيـخـة وأي كـلام said...

إيه ؟

خلاص كدة ولا إيه يا جدعان؟
!!!!!!!!!

الأخ اللي عايزني أرجع لأبو إبني .. إيه؟
معندكش أقوال تانية تحب تضيفها و ترد بيها على الأخ اللي عايزني أرجع لطليقي التاني ؟

إنتوا خلصتوا على كدة ولا إيه ؟

:(

ده انا كنت مستمتعة جدا بالحوار اللي داير ما بينكم
و جبت لب و فول سوداني و عمالة أقزقز و انا بتفرج على تعليقاتكم

ده أنا كنت بدأت أحب الحظر بسببكم


طيب يلا أخر فرصة هاديهالكم

لو عندكم حاجة تحبوا تضيفوها .. يا ريت بسرعة بقى
قبل ما اقول " كلمتي الفاصلة " لكل هذا العبث

:))


Anonymous said...

ههههههههههههههه

لأ يا نوران معنديش اقوال تانية

انا في انتظار كلمتك النهائية

Anonymous said...

الكلمة الفاصلة سيبيهم كلهم وإتجوزيني أنا

بـت خـيـخـة وأي كـلام said...

تمام .. و انا كلمتي النهائية الأتي


شكرا ليكم كلكم على تواصلكم معايا

:)

الكاتبة والإعلامية فاطمة العبيدي said...

هههههههههه
والله يا خيخة أنا مش قادرة أقولك أنا بستمتع قد ايه لما بدخب هنا
وخصوصا النهارده وانا بقرا كل التعليقات دي وردك عليهم

بس عايزة أسأل هو أنتي للدرجة دي مشهورة بسيرة حياتك الشخصية عشان الناس تتخانق عليكي كده ؟
بتحبي مين وهترجعي لمين ؟

ربنا يسعدك ويرزقك الخير في الدنيا والآخرة إن شاء الله

تحياتي

بـت خـيـخـة وأي كـلام said...

فاطمة العبيدي

لا مش مشهورة ولا حاجة
دول بس تلاقيهم ولادى اللي متابعني من زمان و عارفين شوية تفاصيل عني

:)

بـت خـيـخـة وأي كـلام said...

الغير معرف اللي منشرتش تعليقه


انا مش زعلانة من حد

بس معنديش حاجة اقولها





sherif hussien said...

ألا تجلسين لخمس دقائق أخرى؟
ففي القلب شيءٌ كثير..
وحزنٌ كثيرٌ..
وليس من السهل قتل العواطف في لحظات
وإلقاء حبك في سلة المهملات..
فإن تراثاً من الحب.. والشعر.. والحزن..
والخبز.. والملح.. والتبغ.. والذكريات
يحاصرنا من جميع الجهات
فليتك تفكرين قليلاً بما تفعلين
فإن القضية..
أكبر منك.. وأكبر مني..
كما تعلمين..

بـت خـيـخـة وأي كـلام said...

شريف حسين



لا ... لن أجلس

فاليوم أوقن أنني لن احتمل

اليوم أوقن أن هذا القلب مثقوب ومجروح ومهزوم

وان الصبر كل

وتحول لجة حزني المقهور
تكشف سوقها كل الجراح وتستهل

هذا أوان البوح
يا كل الجراح تبرجي

ودعي البكاء يجيب كيف وما وهل

زمنا تجنبت التقاءك خيفة
فأتيت في زمن الوجل

خبأت نبض القلب

كم قاومت

كم كابرت

كم قررت

ثم نكصت عن عهدي .. أجل

ومنعت وجهك في ربوع مدينتي .. علقته

وكتبت محظورا على كل المشارف
والموانئ
والمطارات البعيدة كلها

لكنه رغمى اطل

في الدور لاح
و فى الوجوه
و فى الحضور
و فى الغياب
و بين إيماض المقل

حاصرتني بملامح الوجه الطفولى .. الرجل

أجبرتني حتى تخذتك معجما فتحولت كل القصائد غير قولك فجة .. لا تحتمل

صادرتنى حتى جعلتك معلما فبغيره لا استدل

والآن يا كل الذين احبهم عمدا أراك تقودني في القفر والطرق الخواء

وترصدا تغتالني
انظر لكفك ما جنت
وامسح على ثوبي الدماء
أنا كم أخاف عليك من لون الدماء


لو كنت تعرف كيف ترهقني الجراحات القديمة والجديدة

ربما أشفقت من هذا العناء

لو كنت تعرف أنني من اوجه الغادين والآتين استرق التبسم

استعيد توازني قسرا

أضمك حينما ألقاك في زمن البكاء

لو كنت تعرف أنني احتال للأحزان … أرجئها لديك

واسكت الأشجان حيث تجئ .. اخنق عبرتي بيدي

ما كلفتني هذا الشقاء

ولربما استحييت لو أدركت كم أكبو على طول الطريق إليك

كم ألقى من الرهق المذل من العياء

ولربما .. ولربما .. ولربما


خطئ أنا

أنى نسيت معالم الطرق التي لا انتهى فيها إليك

خطئ أنا

أنى لك استنفرت ما في القلب
ما في الروح منذ طفولتي
وجعلتها وقفا عليك

خطئ أنا

أنى على لا شئ قد وقعت لك .. فكتبت

أنت طفولتي .. ومعارفي .. وقصائدي

وجميع أيامي لديك



واليوم دعنا نتفق

أنا قد تعبت

ولم يعد في القلب ما يكفى الجراح

أنفقت كل الصبر عندك
والتجلد والتجمل والسماح

أنا ما تركت لمقبل الأيام شيئا
إذ ظننتك آخر التطواف في الدنيا

فسرحت المراكب كلها
وقصصت عن قلبي الجناح

أنا لم اعد أقوى وموعدنا الذي قد كان راح

فاردد إليّ بضاعتي

بغي انصرافك لم يزل يدمى جبين تكبري زيفا

يجرعني المرارة والنواح

اليوم دعنا نتفق

لا فرق عندك أن بقيت وان مضيت

لا فرق عندك أن ضحكنا هكذا - كذبا_ وإن وحدي بكيت

فأنا تركت أحبتي ولديك أحباب وبيت

وأنا هجرت مدينتي واليك - يا بعضي - أتيت

وأنا اعتزلت الناس والدنيا

فما أنفقت لي من اجل أن نبقى؟

وماذا قد جنيت ؟؟

وأنا وهبتك مهجتي جهرا

فهل سرا نويت؟؟

اليوم دعنا نتفق

دعني أوقع عنك ميثاق الرحيل

مرني بشيء مستحيل

قل لي شروطك كلها
إلا التي فيها قضيت


وإن قلت أو إن لم تقل

أنا قد مضيت

Anonymous said...

انا كنت داخل اقولك ان الصورة حلوة اوى
انتي ازاي بتعرفي تختاري صور مناسبة لكل بوست بتكتبيه ؟!!


قريت التعليقات وضحكت على ردك علي الانونيموس
رغم ان تعليقاتهم حرقت دمي
بس ردك عليهم بالشكل ده غير متوقع
هههههههههههههههههههههههههههه


و كمان ردك على شريف حسين
جميل

انا عرفت اوصل ان تعليق شريف حسين قصيدة لنزار

بس عايز اعرف ردك عليه دى قصيدة لمين
ولا إنتي اللي كاتباها ؟


و الاهم من كل ده
ردك على فاطمة العبيدي
و انتي بتقولى دول ولادى
استغربت الكلمة اوي وحسيت انك حضنتينا كلنا بالكلمة دى

كان ممكن تقولي جمهوري او قراء او معجبين او متابعين

لكن كلمة ولادى دي اثرت فيا
حسيت انك وطن

ربنا يسعدك يا خيخة ويكتبلك الخير

تحياتي

بـت خـيـخـة وأي كـلام said...

الغير معرف


القصيدة المكتوبة في ردي على شريف حسين
قصيدة للشاعرة روضة الحاج




من يومين عادل
( واحد من ولادي على الفيسبوك )
يقوللي احنا من غيرك متبعترين

و انت النهاردة بتقول حسيت انك وطن

انتوا متعرفوش كلامكم ده بيعمل فيا إيه


انا الكلام ده بيخلينى رقيقة و طيبة و انا مبحبش ابقى كدة

نيهاهاهاهاهاهاهاهاهاهاع

:))



ربنا ميحرمنيش منكم

شكرا ليك

:)

sherif hussien said...

يالهوي
انا عملت فيكي كل ده
وكنتي بتحبيني كل الحب ده
وانا كنت عبيط كل العبط ده
ههههههههههههههههههههههه
دانا لو واحده قالتلي الكلام اللي انتي كتبتيه هاولع في نفسي بجاز وسخ من القهره

بـت خـيـخـة وأي كـلام said...

شريف حسين

:))

Anonymous said...

مش عارفة ليه انا بتعاطف معاكى كثيرا ولكن انا اراى جواكى حزن كبير وهم ثقيل صدقينى كل ده عمره ماهيزول الا بالقرب من ربنا طبعا انتى هتقولى وهو انا بعيدة هو انا بعمل ايه يعنى! هرد عليكى ببساطة ان كلنا بنعمل ذنوب كتير والحل الوحيد للراحة النفسية التقرب من الله جربى تقرى ورد من القران وانتى بتتمعنى فى معنى اية اية هتبتدى تشعرى باحساس غريب جربى تذكرى ربنا وحسى بمعنى كل ذكر بتقوليه هتبتدى تحسى انك مش عايزة اكتر من ان ربنا يحبك وتعيشى فى الحب ده مش حب البشر الكله منافع ووجع ده حب تانى حب المش عايز منك حاجة غير انه يريد ان يعطيقى كل شىء فى الدنيا وفى الاخرة مما تتلذذين به والله ثم والله ماقولت لكى ذلك الا انى وجدت فيكى طيبة فى القلب وان كنتى تريدى ان تخفيها وسوف تتذكرين كلماتى هذه فى الاخرة وما بها من نصح من باب المحبة ولا يوجد فيها اى مصلحة استشعرى مااقول لكى وسوف تسعدين فى الدنيا قبل الاخرة فالجىءالى الله فى وقت الضيق بالاستغفار وهكذا سوف تتغير حياتك للافضل واسال الله العظيم لى ولكى الهداية وكل الخير فى الدنيا ةالاخرة

بـت خـيـخـة وأي كـلام said...

الغير معرفة


:)

Amany Gomaa said...

حلوة أوي المناقشة الحامية اللي ف التعليقات دي
وانت ياخيخة كالعادة محيرانا
أنا عن نفسي متبعاكي من اكتر من 5 سنين اغيب اغييييب وارجع اقرا كل البوستات اللي فاتتني كأني بطمن ع واحدة صاحبتي عزيزة عليا وبطمن ع أخبارها

users online