Thursday, February 06, 2014

مـحاولة لـلإحـتـفـاظ بـالأمان




نام بعد مضاجعته لها

تمسك كف يده الأيمن  وتضعه على نهدها  الأيسر العاري

تفرح أن كف يده قادر على أن يستر كامل النهد

 تتأمل يده

تتحسس خشونتها

 تقبل جروحه الصغيرة المنمنمة  المنتشرة في ظهر كف يده

تقبل أنامله و الفراغات الكامنة بينهم

تتعجب أن لـــيده مذاق الأمان

تغافله و تقصف  ظفره الخاص بإصبعه  الخنصر الأيمن

ذاك الإصبع الدال عليه

فهي تؤمن أن كل إنسان يشبه واحدا من أصابع يديه



تحتفظ بالظفر لحين ميقات الرحيل



يرحل .. فلا تبكي

فقط تخرج الظفر من مخبئه

تقتلع الوريقات من تربتها

تدفن الظفر فى التربة الصغيرة

تسقيه  بماء الورد

و إن لم يتوفر ماء الورد

فدمائها تفي بالغرض



تمر أيام و أسابيع

ينمو الظفر و يكبر

يصبح يد تشبه يده

تبتسم و تقترب من شجيرة أنامله

فتربت اليد على وجنتيها

و تمنحها الأمان



_____________



إنــتــهــى

16 comments:

ابو ملك و مريم said...

جميلة كالعادة... و جملها التصورية
رائعة شكراً لك
لكن محتاج شرح لهذه العبارة
(ذاك الإصبع الدال عليه
فهي تؤمن أن كل إنسان يشبه واحدا من أصابع يديه)

sherif hussien said...

انتي بتجيبي الصور دي منين؟

Anonymous said...

عجبتنى فكرتها اوى ربنا يحميك يا نوران يمكن بعد ما قرأتها قعدت ابص لصوابع ايدى و اشوف انا شبه اى صابع
و فعلا لقتنى شبهه صابع الدبله ههههه
عجبنى وصفك لمدى ارتباطها ب ايده اللي بتمثلها الامان .. عجبنى فكره انك تحبي حاجات المفروض الناس متتعلقش بحد عشانها حتى لو كانت مجرد خشونه ايد ..يارب يا نورا تلمسي الامان ده

P A S H A said...


- "فهي تؤمن أن كل إنسان يشبه واحداً من أصابع يديه"
:)
يخرب بيت عبقرية ده وصف يا شيخة .. موحي ومحفز جداً للتأمل

- "تـُقبل جروحه الصغيرة المنمنمة المنتشرة في ظهر كف يده"
:)
حتة جروحة الصغيرة المنمنمة دي ، أنا تخيلتها البقع الداكنة الصغيرة أوي اللي بتبقى عند منبت الشعر الصغير في ضهر كف الإيد ؛ زي شوية الطين اللي بيبقوا حوالين شتلات الزرع كده ! مش عارف انتي تقصدي المعنى ده ولا لأ ؟ أصل كلمة جروحة دي

"تقبل أنامله و الفراغات الكامنة بينهم"
:)
الله على الرقة والجمال
حسية قوي قوي الجملة دي لدرجة رهيبة

بداية من الجزء الحزين بتاع "تحتفظ بالظفر لحين ميقات الرحيل" – رغم أنه حلو الصراحة - ما ركزتش علشان ما ضيعش الدماغ اللي عملتها من الكام جملة اللي فوق :D

الصورة روعة جداً طبعاً زي ما تكون مخلوقة للبوست ده ! "ولا البوست هو اللي اتخلق منها ؟" :D
برافو يا خيخة أستاذة كبيرة والله
ربنا يسعدك يا خيخة ويحلي أيامك
:)

Hisham said...

حسين
اقرأ مدونتك منذ اربع سنوات ولا اقرأ من مدونات مصر غيرها.
كتابتك جيدة جدا وحقا، لانك صادقة. شيء ما يخبرني انك لن تزعلي لو أبديت ملاحظات تبدأ بهذا البوست.
لا تتركي مسافة بين واو العطف والمعطوف، يعني كما كتبت والمعطوف في هذه الجملة.
الكف مؤنثة. الظفر يصبح يدا وليس يد.
اشكرك على هذه المدونة وقد استعرت منها عبارة في تحليل الوضع في مصر، كتابتك تنبئ وتستحق النشر في نطاق اوسع. تحياتي وشكرا لساعات قضيتها قارئا مستمتعا.

بـت خـيـخـة وأي كـلام said...

أبو ملك و مريم

شكرا ليك يا أبو حميد

و غتاتة مني مش هاشرحلك العبارة
;)
:)))

________________________

شريف حسين

من الإنترنت يا شريف
بعمل سيرش على جوجل على المعنى اللي انا عايزاه و بادور فى الصور لحد ما لاقي صورة تمشي مع المضمون بتاع البوست

و فيه بيدجات كمان على الفيس بوك أنا عملالها لايك
بتكون بيدجات متخصصة فى الصور
فلما البيدج من دول بتنشر صورة بتعجبنى
بحتفظ بيها على الجهاز عندى

وساعات كمان ولادي من وقت للتاني بيبعتولي لينكات لصور شايفين انها ممكن تعجبني علشان عارفين عشقي للصور اللي فيها فكرة

بس كدة

:))))

_________________

الغير معرفة

أي صوباع دبلة فيهم ؟
اليمين ولا الشمال ؟
اصلها تفرق برضه
:)

شكرا ليكي

_____________________________

P A S H A


أصل كلمة جروحه مالها ؟
!!!!!

حاسة ان فيه جزء من تعليقك ناقص يا شريف



الصورة و البوست مخلوقين لبعض
:))

شكرا ليك

______________________________

Hisham

هو حضرتك إسمك هشام ولا حسين ؟
!!!!!

عموما انا يشرفني انك تقرالى باستمرار
و يا رب كتاباتي دايما تكون عند حسن ظنك

طبعا مش زعلانة
بالعكس .. ده أنا بشكرك على ملاحظاتك اللي أكيد هحاول أعمل بيها في البوستات اللي بعد كدة

و بعتذر عن أخطائي النحوية

شكرا ليك

:)

بـت خـيـخـة وأي كـلام said...

الغير معرفة اللي منشرتش تعليقها


حضرتك اتصلي بيا بكرة على الرقم ده
01019790270

من الساعة 10 الصبح لحد 10 بليل

و ان شاء الله حاجتك مقضية

انا بس محتاجة اعرف ميعاد العملية

و ربنا يتمم شفاكى على خير و تقومى بالسلامة ان شاء الله

:)


_______________________________

الزميل اللي منشرتش تعليقه

أهالي المسجونين ؟
!!!!!!!!!!!

مش عارفة بصراحة
مفكرتش فيها قبل كدة
لأن الموضوع هيكون له شق سياسي بحكم القبض عليهم في فض رابعة
و هندخل في موال تانى خالص انا ماليش فيه
و عندى ظروفي اللى تمنعنى من انى ادخل فيه


و لو كلامك ده بتلمح بيه على ضياء
فضياء بالنسبالي مش مسجون عادي يا فندم
ده صديقنا و جاري
و مامته بتعتبرني بنتها
فالموقف هنا مختلف تماما
و مينفعش اعممه مع كل المسجونين

ربنا يفك أسره و يخرج بالسلامة لأهله

و يفك أسر كل المعتقلين في قضايا سياسية أيا كان توجههم إيه

شكرا ليك

بـت خـيـخـة وأي كـلام said...

الزميل اللي منشرتش تعليقه


برضه مينفعش
أو بمعنى أدق أنا مقدرش
الموضوع هيكون محتاج بحث كتير و اتصال مع كل اهالى المسجونين في فض رابعة
و ده هيبقى موال كبير
انا مش أده بصراحة

رحم الله إمرء عرف قدر نفسه

القصة دي انا ماليش فيها



و مينفعش تشبهها بما افعله انا و اصدقائي

الموضوع مختلف

الحاجات دى لا تستهوينى بصراحة
و أنا لا اتحرك قيد انملة من بيتى الا لشيء انا مقتنعة بيه و بحبه
و قضية انا متحمسة لها
و ناس انا مصدقاهم و حاسة بيهم

انا بعمل اللي بحبه
مش بعمل الصح

لو اللي بحبه ده صح .. يبقى خير و بركة
لو اللي بحبه ده غلط .. يبقى ربنا يسامحني بقى


و بشكرك طبعا على ثقتك الغالية فيا انى اقدر اعمل شيء صعب

و اسفة ان كنت خذلتك

بس هى دى مقدرتي و هى دى دماغي

شكرا ليك
:)

مجنون نوران said...

http://www.youtube.com/watch?v=tpzAc97Ln4Q


هو انتي ليه بعيده كده
ومستحيلة بالشكل ده
فرحة حياتي ومرها
أيامي ليكي عشتها
انتي الحقيقة في دنيا زيف
وانتي اللي دبت في حبها
بقدر علي الناس كلها
وببقي ادامك ضعيف
وبتعندي
وأنا ادوب ندا
قلبي علي كفي افتحيه
هتلاقي صورتك ساكنة فيه
حتي وانا ف قلبي المرار
مبشوفش غيرك ليل نهار
ياوردة مغسولة بندى
صافية ورقيقه وطيبة
وبعيده وانتي قريبة
يامحيره كل القلوب
بكتب غرامك ع الدروب
وارسم ملامحك ع المدي
هو انتي ليه بعيده كده
بصحي علي صورتك وأنام
والقاكي ينساني الكلام
ارسم امل يبقي سراب
واحلم بفرحه القاه عذاب
وانده يجاوبني الصدي
عاشق انا
قلبي عنيف
ومسيري هوصلك أكيد
والقاكي يا قمري البريء
لو حتي راح يخلص طريق
والقي طريق غيره ابتدي

P A S H A said...

عذراً والله يا خيخة إن التعليق ناقص ، أنا بس سرحت وقتها شوية في التشبيهات وقعدت أتخيلها ، ونسيت خالص أراجع التعليق قبل ما أنشره !!
بالنسبة لكلمة "مجروحة" جايز مش واصلة لي .. بس لا زال البوست جميل ومتميز جداً
:)
تحياتي

بـت خـيـخـة وأي كـلام said...

مجنون نوران


متحبنيش بالشكل ده

__________________________


P A S H A

ولا يهمك يا شريف
:)

مجنون نوران said...

أومال أحبك ازاى ؟

بـت خـيـخـة وأي كـلام said...

مجنون نوران


متحبنيش خالص

بـت خـيـخـة وأي كـلام said...

اللي منشرتش تعليقها


ههههههههههههههه
ههههههههههههههههههههههههه

لا يا حبيبتي مش جوزي ولا حاجة
أنا مش متجوزة
:)

اصل الرقم ده انا مش مخلياه خاص بيا

ده رقم عام للحالات اللي بتجيلنا
فعلشان كدة ممكن تلاقي اللي بيرد عليكي واحد من اصحابي اللي معايا اكون انا مدياله الشريحة لو حد فيهم هو اللى هايتابع الحالات بدالى

و انا النهاردة منزلتش
فاديت الشريحة لمحمد اللي رد عليكي


و انا بعتذرلك انى مجتش بنفسي
بس و الله كنت مشغولة بحاجات تانية لازم اعملها من البيت


المهم
ربنا يتمم شفاكى على خير
و تقومي بالسلامة
و يا ريت تطمنينى بعد العملية

و لو عايزانى اكون معاكى انا تحت امرك
بس بلغينى بميعادها قبلها بيومين

شكرا ليكي
و على كلامك الطيب
و حاضر هابلغ محمد
:)

Amany Gomaa said...

دايما افكارك جديدة ومختلفة بجد البوست جميل جدا ياريت نقدر نحصل ع الامان بالطريقة دي
بشعر بالسعادة لما بلاقي ليكي بوست جديد بكون متأكدة قبل ما اقرأه انه مختلف وجميل زيك يانوران
احبك ف الله

بـت خـيـخـة وأي كـلام said...

أماني جمعة


شكرا ليكي يا أماني
و مبسوطة إن البوست عاجبك
:)

users online