Sunday, February 26, 2017

تـــلاتـــة تـــلاتـــة الـــســـاعـــة تـــلاتـــة




مساء الخير يا جدعان
وحشتوني والله
اخباركم ايه ؟
يارب تكونوا كلكم بخير
:)

بفكركم بميعاد التبرع بالدم
هيكون إن شاء الله تعالى هيكون يوم الجمعة الجاية
الموافق 3 مارس
وهيكون الساعة 3 العصر
علشان الناس تصحي براحتها وتفطر كويس 
ويصلوا الجمعة و يجوا بعد الصلاة

رقم تليفون للي هيجي يوم الجمعة الجاية
  وتايه ومش عارف يوصل
 01119454111

التبرع بيكون في هيئة المصل واللقاح في الدقي

وده بوست قديم كنت كاتباه 
بشرح فيه فكرة التبرع بالدم جت ازاي 
علشان اللي مش عارف  الموضوع ايه 
ممكن تقروه وانتوا هتعرفوا كل حاجة

مستنياكم الجمعة الجاية
اشوفكم على خير إن شاء الله
ومتجمعين دايما في كل خير

_____________________

إنـــــــتـــــــهـــــــى


5 comments:

Anonymous said...

مش عاوز احرقلك النهاية يا نورا
بس انتي هاتروحي يوم الجمعة وهايطلع عندك انيميا ومش هتتبرعي وهتكتئبي زي عوايدك

Anonymous said...

https://www.youtube.com/watch?v=3OAn9cAdKhE

بـت خـيـخـة وأي كـلام said...

التعليق الاول

لا انيميا ده ايه
!!!!!!!
ده انا كلت سبانخ مرة في الاسبوع اللي فات علشان ارفع نسبة الهيمجلوبين
انا لو طلع عندي انيميا بعد السبانخ اللي كلتها دي هازعلكوا وهاجيب ناس تزعلكوا معايا
:)))))))))))

ربنا يخيب ظنك وتكون نهاية سعيدة ان شاء الله تنتهى على خير واتبرع بجالون دم
:)))))

_________


التعليق التاني


حلوة الاغنية دي
شكرا ليك


Anonymous said...

ربنا يسهل واعرف اجي
اعملي ايفنت علي الفيس وجمعي الناس حاولي ترجعي اعداد زمان اعملي دعايه كتير وفكري لو تعملي تجديد في
فكره التبرع بدل ما كل مره نتبرع في المصل واللقاح مره ننزل في المستشفيات نبحث عن الناس اللي محتاجه تبرع بالدم نحاول نوصل للمريض المحتاج علي طول

بـت خـيـخـة وأي كـلام said...


للاسف انا ماليش في قصة الايفنتات دي


مقدرش اتبرع فى مكان تاني
المصل واللقاح انضف مكان ممكن الواحد يتبرع فيه
انا رحت مستشفيات كتيرة فى القاهرة ومحافظات تانية
الحقيقة ده انضف مكان الواحد ممكن يتبرع فيه

اللي بيتبرع بالدم بناءا على دعوة مني يبقى مسؤليتي
ومن ضمن مسؤلياتى انى احافظ عليكم وموديكومش اى مكان تتبرعوا فيه
وممكن تتعبوا فيه بعد التبرع ومتلاقوش رعاية كويسة

لكن في المصل واللقاح رعايتهم للمتبرع ممتازة


يعنى اقدر اطمن فيه عليكم واطمن على نفسي

بس طبعا انا لا اجبر حد على المكان
يعنى كل واحد حر يتبرع فى المكان اللى هو يختاره

الهدف هو نشر ثقافة التبرع بالدم
وان الناس متخافش منه


هتشرفنا بحضورك
:))


شكرا ليك

users online