Wednesday, July 05, 2017

عــــمـــرات




مساء الخير يا جماعة

مجموعة من فاعلين الخير
 ( 6 افراد ) 
مقيمين في المملكة السعودية 
هيقوموا يوم الجمعة الجاية وكل جمعة لمدة شهر
 ( 4 أيام جمع  ) 
 بعمل عمرات متبرعين بيها لأي حد عنده متوفي
 ويحب يتعمله عمرة 

ابعتوا الأسماء في التعليقات
ومش هانشر التعليقات
ولكن هابقى انشر الاسماء اللي اتعملها العمرات 
في صفحة التعليقات
 علشان اللي بعت  منكم اسم
يبقى يتابع التعليقات
 و يشوف الاسماء اللي بعتها
 اتعملها عمرة ولا لسة
ولو حد مش عايزني انشر الاسماء 
يبعتلي ايميله 
ولما يتم عمل العمرة للاسماء اللي بعتها 
هابقى ابلغه في إيميل خاص

____________

إنـــتــــهـــى


Tuesday, July 04, 2017

إقـــتـــراح وشـــكـــر وإعـــتـــذار






مستعمرة الجُذام

مستشفى مستعمرة الجذام
اول مرة اقرا عنها كان من اسابيع قليلة
وكان في نيتي إني اعملّها زيارة أنا والمجموعة اللي معايا 
ونشوف إيه احتياجات المستشفى ونجيبها ونوصلها
لكن يشاء الله ان تحصل ظروف صحية 
تمنعني انا وابني من الخروج من البيت
ولسة لحد دلوقتي مش عارفة انا ممكن استعيد نشاطي  واقدر انزل امتى
كله بأمر الله والحمد لله على كل شيء
لكن جاتلي فكرة اقتراح 
 إن ممكن الفترة الجاية نعمل زيارة جماعية للمستشفى دي
إيه رأيكم ؟
هي المستشفى في منطقة الخانكة _ ابو زعبل
عايزة رأيكم على الفكرة دي
علشان لو لقيت مرحبين كتير منكم بالفكرة 
يبقى ممكن ساعتها اكتب بوست فيه كل التفاصيل
ولو مالقتش ترحيب
يبقى هاروح انا والمجموعة فقط في هدوء 

____________

شكرا على ثقتكم

كلامي ده موجه للحالات اللي بتجيلي عن طريق المدونة
ولــ فاعلين الخير

بشكر اى حد وثق فيا وفتح لي قلبه وحكالي مشكلته
واللي غالبا بتكون مشكلة مادية سببها مرض او ظروف صعبة بيمر بيها
بشكركم حقيقي على ثقتكم فيا
وربنا وحده يعلم ان تصرفكم ده 
بيخليني احس اني قريبة منكم واني اخت ليكم

وبشكر فاعلين الخير على ثقتهم فيا برضه
وانهم بيبعتولى تبرعاتهم المادية 
و يبقى غالبا انا ليا مطلق الحرية
 فى اختيار الحالة المناسبة اللي تروح ليها تبرعاتهم
بشكركم وجزاكم الله خيرا على كل اللي بتعملوه
أنا من غيركم ومن غير مساهمتكم ومشاركتكم معانا  ابقى ولا حاجة
ولا كان اى نشاط خيري بنقوم بيه كان هيستمر طول الفترة دي كلها
انتوا سبب استمرارنا
ربنا يبارك فيكم ويعزكم يارب


بشكر المجموعة اللي معايا
واللي انا بعتمد عليهم وقت غيابي
وبيكونوا عند حسن ظني في ادارة  آمور الحالات
  بشكرهم جدااا على تحملهم لغضبي و عصبيتي أغلب الأوقات
بشكرهم على تعبهم في المشاوير اللي ببعتهم فيها لأخر الدنيا

________

الرعاة الرسميين

 الرعاة الرسميين لمساعدة الحالات
دول شخصين _ بخلاف أفراد المجموعة _ ساندين المجموعة 
لما ميزانية المجموعة بتقع وفلوسنا بتخلص
 هما اللي بيلحقونا اغلب الوقت

صديق مصري سكندري مقيم في أمريكا  
بيشارك معانا بقاله سنين
ودايما مصدر دعم لينا
ربنا يبارك فيه يارب و يوسع رزقه

وفاعل خير من القاهرة بقاله فترة بيشارك معانا 
وبيبعت  تبرعات من غير حتى ما بطلب منه
اخر مرة بعتلنا تبرع بقيمة 20 الف جنيه وده كان فى اواخر رمضان
وفاعل الخير ده ميزته انه غالبا بيبعت مبالغ اكبر من توقعاتي
افتكر انه اول مشاركة له معانا 
بعتلى وقال انه هيبعت مبلغ وقيمته كذا 
ولما رحت استلم المبلغ لقيته ازيد من اللي قال عليه
فربنا يجبر بخاطره ويوسع رزقه دايما

_______

اعتذار

بعتذر لأي حد بعتلي مشكلته وكان منتظر مننا نساعده
واحنا للاسف خذلناه
اى حالة جاتلنا ومقدرناش نكون عند حسن ظنها بينا 
ومقدرناش نعملها حاجة
اعرفوا علطول ان ده بيبقى فوق طاقتنا المادية 
وفوق امكانياتنا
وفوق كل محاولتنا باننا  نساعدكم
بيبقى غصب عننا والله
انا بعتذر حقيقي
ومش قادرة اعملكم أي حاجة
غير أني ادعيلكم ان ربنا يفرجها عليكم وعلينا يارب

__________

البوست القادم

هيكون رد على كل تعليقاتكم 
اللي بعتوهالي الفترة اللي فاتت
 وكانت تعليقات مش للنشر
___________


إنـــــتـــــهـــــى



Saturday, July 01, 2017

و إنـــي ســـمـــيـــتـــه نـــاجـــي



أخبروني بأنك مــت
  أ دمائي لم تكن تكفيك لتحيا ؟

**

أيا ناجي
يا من كنت دافئا كــ الدم
كــ الدمع
كــ حليب نهود الأمهات
كــ تراب أرض الميدان

أتذكر الميدان ؟
**

في البدء كان الميدان
ثم ثورة
ثم شرطة
ثم اعتقال امن دولة
ثم ضابط .. عرص .. قذر
**

عصبوا عيني ..
قيدوني بسلاسل  كــ خيوط العنكبوت ..
 وانا كم اخاف العنكبوت ..
ساقني عرص لــ عرص ..
ثم .. انتهاك
ثم أنت 
**

قل لي يا ناجي شيئا يرد الروح بعد تيه دام سِت سنوات عجاف
قل لي شيئا يوقف نزيف الجراح
 فــ أنا أحتضر هنا
**

أيا ناجي
فتشت عنك في مساري الدم
فقد كان دمك يسري في وريدي كــ  سُــم
ونبشت في مسارب دموعي بحثا عن ضلوعك
فــ أنت إختبئت من زمن  في مأقي عيني والمُقل
ومن اجلك ناجي  _رغم إلحادي _ أقمت الصلاة
**

أيا ناجي
يا خِلًا فى أحضاني استوطن .. ثم رحل
**

أيا ناجي
إن الذكريات لك ..
والأرض لك ..
 والميدان لك ..
 والفراش لك ..
 والطفل لك ..
وليرحم الله الثوار الأبرار

وإني سميتهم أبرار
وهم سموهم أنجاس وشراميط
**

مت يا ناجي
من حق قلبك الطيب_ يا رفيق الميدان _ أن يموت
فكم من خنجر غرسوه في قلبك  وأوجعوه
**

مت يا ناجي
نم بــ قبرك يا صديق واسترح
لن أبكيك حزنًا
فـــ الحزن بعدك صار ابتسامة باهتة هازئة
ولم يعد للنواح مكان
 **

مت يا ناجي
مت يا رفيق الميدان
______________

إنـــــتـــــهـــــى
___________

اكتب كي أرثيه
اكتب كي لا أنسى
اكتب كي لا تنسوا
اكتب كي اشفى
اكتب كي اتحرر




التدوينة إهداء إلى روح السيد  " ن "


users online