Sunday, December 24, 2017

بـــ رفـــقـــة تـــونـــايـــة .. وبــ حـــمـــايـــة كـــلـــب أســـود



أبطئت من سرعتي
 وأخرجت يدي من النافذة  
وقلت بعلو صوتي وأنا أرفع يدي بالتحية
أبو يااااسر
فــ رفع رأسه الصغير ونظر تجاه صوتي
ورفع يده يرد تحيتي وهو يقول
مرحب أبو الأنواااااار
فقلت له بعد ان اوقفت التوناية تماما
عايزة ارفع الدبرياج
فـاستفسر : هو واطي اوي ؟
قلت : بيعض مع الغيارات
فقال : طب عدي عليا بعد العشا
!!قلت : بعد العشا ايه بس يا ابو ياسر
 ده انا كنا ناوية اعدي عليك وانا راجعة ومعايا الزباين 
تعملهولي في السريع
ده بس صامولة 17 و يخلص
فقال : والله مشغول يا ست نور
فتحركت بالتوناية وانا اودعه بقولي :  طيب سلام
وانطلقت بالركاب فى اتجاه الموقف
رأيت خالد صديقي وزميل المهنة
اشار لي
فتوقفت مرة أخرى
سمعت صوت تأفف من الركاب
تجاهلت صوت تأففهم
اقترب خالد من نافذتي
بعد تبادل التحية سألني
معاكي حاجة ؟
انا : لأ
فقال : فيه كمين عند الموقف
انا : لأ انا نضيفة
فقال : طول عمرك يا نور .. اطلعي طيب علشان الزباين اللي بتلعن وتسب دي
وابتسم
وابتسمت
وانطلقت
وصلت الى الموقف
استقبلني ايمن باشا _الوسخ _ رئيس الكمين
اقترب مني وسالني رخصك
ناولته رخصتي ورخصة التوناية
لم ينظر في أي منهما
كان  يقف بــ ميل و ينظر تجاه صدري
 فنظرت  _في المقابل _ تجاه مابين فخذيه باستنكار
كنت حريصة أن يرى نظراتي المشمئزة منه
ارتبك 
فــ اعتدل فى وقفته
 وغض بصره
فأشحت بوجهي عنه ونظرت أمامي  
ناولني الرخص
وقبل ان اتحرك
اخذ الكلب الأسود من يد مساعده
ودار به دورة كاملة حول تونايتي الصغيرة
لم ينبح الكلب
فــ قال لي : عدي
فــ عديت

____________

إنـــتـــهـــى





22 comments:

محمد سلامة said...

حلو رد الفعل:)

P A S H A said...

وحشتني كتاباتك جدا والله
:)
عام سعيد عليكي بإذن الله

Anonymous said...

كل سنه وانتى طيبه وبخير وصحه يا نوران🎈🎊🎉 و2018 تحققى كل اللى نفسك فيه
Hossam

بـت خـيـخـة وأي كـلام said...

محمد سلامة

شكرا يا محمد
:)


______________


P A S H A

و أنا بتوحشني تعليقاتك والله

شكرا يا شريف
:)


___________________


Hossam

وإنت طيب يا حسام .. تكون سنة سعيدة على الكل بإذن الله
:)

__________________________


الناس اللي منشرتش تعليقاتها بناءا على طلبها
ومستننين مني رد و مش عايزيني ارد عليهم في التعليقات

طب ارد عليكم فين يا جماعة ؟!!

عموما ممكن تبعتولي على الايميل
او على انبوكس الفيسبوك
او تكلموني فى التليفون
علشان اعرف ارد عليكم

شكرا ليكم

Anonymous said...

إنتي فين

https://www.youtube.com/watch?v=WTrVhUvZw6k

Anonymous said...

صدقيني اني فعلاً ما عرفتك
ما قدرت اوصل مع قلبي لحل وما فهمتك
تجمعين الضد في كل الامور
غامضة مرة .. ومرة مثل نور
تشبهين ايام .. اوقات الخريف
وتمطرين احيان.. احساسك زهور
صدقيني صرت من بعدك اخاف
واعترف ان الخلاف واسع طريقه
واننا ما نلتقي .. في أي شي
فينا اختلاف .. فينا اختلاف
وللأسف هذي الحقيقة

https://www.youtube.com/watch?v=Z9ey60eUwAo

بحبك
مبطلتش يوم احبك فيه

Anonymous said...

يا امرأة دوخت الدنيا
يا وجعي يا وجع النايات

Anonymous said...

أنا آسف

P A S H A said...

إيه الغيبة الطويلة دي يا خيخة؟؟
يا رب تكوني بألف خير وسلام

بـت خـيـخـة وأي كـلام said...

P A S H A

إزيك يا شريف ؟
كل سنة وإنت طيب

والله المدونة وانتوا كلكم وحشتوني

مش عارفة ليه نفسي مسدودة عن النشر

بكتب .. لكن حصلالي قافلة كدة ومش عايزة أنشر اللي بكتبه

ربنا يسهل ويفرجها والواحد يستعيد نشاطه التدويني مرة تانية إن شاء الله


شكرا على سؤالك يا شريف
:)

Anonymous said...

مساء الفل 💐
كويس انك طمنتينا عليكى
http://youtu.be/_2xa46ytiSs
http://youtu.be/pe8BBdvzJ5c
http://youtu.be/lVXziMFEqX0
http://youtu.be/P27Wh24qJuA
http://youtu.be/nV5ZoiGUkFU
اتسلى بقى بشويه المزيكا
Hossam

Anonymous said...

الناس وحشة يا نوران والدنيا غابة والطيب والضعيف مبيعرفش يعيش فيها ومنهم لله ربنا ينتقم منهم اللى اذونى ودمرونى ولسه بيدمروا فيا انا اتاذيت كتير واتدمرت كتير واتظلمت ولسه بتظلم انا عائشة وسط وحوش واسرار وربنا ياخد الناس كلها ماعدا الطيبين واللى قلوبهم طيبة ونقية وبتحب الخير لغيرها بس مفيش دلوقتى كل واحد بيعمل نفسة عامل على مصلحتك وهو ذى التعبان بيتلوى ويبدأ من تحت لتحت نفسى فى صدر حنين يعوضنى عن اللى انا عايشتها نفسى فى حد يطبطب عليا أو يقول كلمة حلوة ويبقى فى قلبى الخير ليا وربنا ياخد كل الناس الظلمة واللى ظلمونى فى حياتى ولية بيظلمونى ربنا ياخدهم وينتقم منهم

Anonymous said...

الناس وحشة يا نوران والدنيا غابة والطيب والضعيف مبيعرفش يعيش فيها ومنهم لله ربنا ينتقم منهم اللى اذونى ودمرونى ولسه بيدمروا فيا انا اتاذيت كتير واتدمرت كتير واتظلمت ولسه بتظلم انا عائشة وسط وحوش واسرار وربنا ياخد الناس كلها ماعدا الطيبين واللى قلوبهم طيبة ونقية وبتحب الخير لغيرها بس مفيش دلوقتى كل واحد بيعمل نفسة عامل على مصلحتك وهو ذى التعبان بيتلوى ويبدأ من تحت لتحت نفسى فى صدر حنين يعوضنى عن اللى انا عايشتها نفسى فى حد يطبطب عليا أو يقول كلمة حلوة ويبقى فى قلبى الخير ليا وربنا ياخد كل الناس الظلمة واللى ظلمونى فى حياتى ولية بيظلمونى ربنا ياخدهم وينتقم منهم الحياة وحشة جدا ومش عارفة اعيش فيها ولا ليا حد يقف جملة ولا حد يشوفنى فرحانة منهم لله ربنا ينتقم منهم بحق ليلة الجمعة نفسى الناس المؤذية تموت وتفضل الناس الطيبة واللى فى فى قلوبهم رحمة وحب وقلوبهم مضيفة بجد
بكرة الناس وبكرة نفسى وبكرة كل حاجة نفسى فى حد يقبلنى ويحبنى نفسى التقى صدر حنين سواء من اخ من اخت من اب
ز زمن ا
من زوج لكن معنديش صدر حنين ولا حد بيحبنى ولا حد يقبلنى انا مكسورة وحزينة وذليلة ونفسى فى الموت لان الحياة مرة وصعبة

بـت خـيـخـة وأي كـلام said...

حسام

مساء الخيرات

حلو الكوكتيل ده اوي يا حسام ... انا استمتعت
تسلم اختياراتك

:))


___________________


البنوتة المكتئبة

مفكرتيش تشربي حجر معسل متغمس بــ حشيش ؟

جربي .. والله مودك هيبقى حلو

:))



Anonymous said...

بتضحك عليا يا نوران وبتقوليلى اشرب حشيش الله يسامحك يا شيخه دا انا السجائر مش عارفة اشربهاح

Anonymous said...

بمناسبة الزفاف الملكي وان الامير هاري اتجوز واحدة مطلقة
مش انتي برضه جوزك الأخير ده مكنش متجوز قبلك واتجوزك وانتي مطلقة وعندك عيل؟

بتعملوها ازاي يامطلقات
بتوقعو رجالة متجوزتش قبل كدة إزاي ؟

Anonymous said...

كل سنة وانتى طيبة يا نوران

بـت خـيـخـة وأي كـلام said...

الغير معرفة

العفو .. أنا مبضحكش عليكي

مش ضروري تكوني مدخنة علشان تجربي الحشيش

_______________


المجهول

أنا شايفة إن بمناسبة الزفاف الملكي هيبقى شيء لطيف جدا لو تخليك في حالك ومالكش دعوة بالمطلقات وحياتهم الخاصة

_____________


الغير معروف/ة

وحضرتك طيب / طيبة
:)

____________________

اللي منشرتش تعليقها بناءا على طلبها

إن شاء الله هكون متواجدة في المنيا على أول الشهر .. يعني كمان إسبوع تقريبا

سيبيلي رقم تليفون في تعليق مش للنشر .. وبإذن الله هاتواصل معاكي قبل سفري بيومين علشان ارتب معاكي اقابلك فين هناك

وإن شاء الله حاجتك مقضية
:)


اسماء مهابه said...

وحشتينى يا خيخه

بـت خـيـخـة وأي كـلام said...

اسماء مهابة

وانتوا كلكم وحشتوني والله
:)

بـت خـيـخـة وأي كـلام said...

ردا على تعليقات لم تنشر
_________________



أم عاصم

الحمد لله .. اتطمني .. القضية لم تدرج على قوائم الإرهاب

_______


فاطمة

التهمة الانضمام لحركة حسم والحرز كان شوية ورق .. ومش هيتم توزيع تهم جديدة في العسكري فبالتالي إن شاء الله الحكم مخفف

هو القاضي جاهز بالأحكام بس مصلحة السجون هي سبب تأخير ترحيل المعتقلين للنطق بالحكم

متقلقيش .. إن شاء الله خير
______


عايدة

اعملي تلغرافات للنائب العام باختفائه واحتفظي بأصول التلغرافات

إن شاء الله يظهر
___________


سالم سالم

لو مكنش في قائمة العفو بتاعة عيد الفطر
فإن شاء الله ممكن يكون على قائمة العفو في 30 يونيو او على العيد الأضحى المبارك

يخرج بالسلامة إن شاء الله

____________


أميرة


متبوظيش حياتك علشان جوزك خد قرار من غير ما يرجعلك

معاكي ان القرار غلط
بس خليكي مرنة شوية
وارد جدا ان أي حد من الطرفين ياخد قرارات غلط
احنا بشر يا حبيبتي .. مش روبوتات .. والامور بين الزوجين لا تقاس بالورقة والقلم

اللي فهمته منك ان ده ظرف طارئ وعلى اساسه جوزك خد قرار متسرع بحجة انه يكرم أهله

حطي نفسك مكانه .. كنتي هتتصرفي زيه علشان تكرمي اهلك

وكنتي هتعوزي ان جوزك يعدي الموقف وميعملش معاكي مشكلة

الجواز مش كله عسل .. وارد يوم يتقال فيه كلمة وحشة .. او مزاج سيء يؤدي لخناقة
او حد فيكم ينسى واجب ناحية الطرف التاني
أو حد ياخد قرار متسرع أو خاطيء
فلازم المرونة هنا علشان الدنيا تمشي

لكن توصلي الامر لطلب الطلاق
!!!!

انا لو شايفة ان الامر يستحق كنت اول واحدة هاقولك اه صري على الطلاق

لكن انا شايفة ان الامر مش جلل وممكن يتحل بانك تكوني مرنة وتتقبلي الوضع المؤقت ده

و ربنا يصلح حالك انتي وجوزك ويهدي سركم
:)

_____________


الغير معرفة

احنا مش جمعية خيرية
احنا مجرد مجموعة اصحاب اجتمعوا على حب فعل الخير والحمد لله
ومتفقين يبقى نسبة من دخلنا الشهري موجه للحالات اللي محتاجة مساعدة
ولو الميزانية بتاعتنا مكفتش حالة محتاجة مساعدة .. ساعتها بنطلب من اهالينا واصحابنا المقربين وزمايلنا يساهموا علشان نجمع المبلغ المطلوب للحالة
وانا بالنسبالي ساعات بلجأ للقراء و للزملاء المدونين هنا على المدونة .. لاني بعتبركم اهلي .. وطبيعي اني الجأ لاهلي في حالة محتاجة مساعدة


الحالات بتجيلنا من طرق كتير

يعني انا ممكن تجيلي حالات عن طريق المدونة
حد قرا موضوع عندى يخص الحالات
فبيبعتلي مشكلته او يشرحلي حالته


ثانيا مفيش حد فينا في المحيط بتاعه ميعرفش حد محتاج مساعدة

لو دعبستي شوية كدة في المحيط بتاعك اكيد بتقابلي حد محتاج مساعدة .. بواب العمارة بتاعك .. الفراش في المكتب .. عاملة نظافة في شركتك .. الست اللي بتساعدك في تنضيف الشقة .... اكيد يعني بتتعاملي مع حد عنده مشكلة ما محتاجة مبلغ من المال علشان تتحل
.. اما مشكلة صحية او اجتماعية


والحالات بتجيب حالات
يعني لو مثلا حارس العمارة عندي عنده بنت عايزة تتجوز وانا وصحابي ساعدناه في انه يجهز بنته
لو حد من اهله ساله انت جهزت بنتك ازاى وانت مش معاك فلوس .. ساعتها هو بيقول له فلان او فلانة ساعدوني .. فيقوم يقوله طب هو ممكن فلان او فلانة دول يساعدوني انا كمان في العلاج بتاعي .. يقوله اه ممكن .. فيقوم معرفنا على الحالة الجديدة .. وهكذا

انتي ممكن تروحي مستشفى تتبرعي بمبلغ مثلا هناك لحالة معينة .. تقومي وانتي على باب المستشفى تقابلى حالة محتاجة مساعدة وتقومي تساعديها هي كمان .. ربنا ساعتها بيجعلك سبب .. انتي بتروحي علشان خاطر تساعدي حالة .. تقومي تساعدي حالتين

احنا نفس الشيء .. سعينا في مساعدة الحالات بيخلينا نقابل دايما وباستمرار حالات جديدة محتاجين لمساعدات وبنكون احنا مجرد اسباب ليهم

والحمد لله ربنا بيكرمنا .. والحقيقة معانا مجموعة من المتطوعين والمتبرعين .. ربنا يبارك فيهم يارب و يوسع رزقهم ..
لولاهم مكوناش قدرنا نستمر في سعينا في مساعدة الحالات
ربنا يجازيهم خير و يكتبه في ميزان حسناتهم يارب

:)

____________________

يتبع باقي الردود على باقي التعليقات

بـت خـيـخـة وأي كـلام said...


باقي الردود
_____________________


الغير معرف

انا ضد الاحتفاظ بجنين حد من الطرفين مش عايزه
يعني لو الاب او الام مش عايزين الجنين .. فأنا ساعتها مع الإجهاض

مينفعش ام تجبر جوزها انه يكون أب وهو مش مستعد للمسؤلية دي
ومينفعش راجل يجبر مراته انها تكون أم وهى مش مستعدة للمسؤلية دي

قرار الانجاب لازم بموافقة الطرفين

لو طرف منهم مش قد المسؤلية دى ورافضها يبقى انا هنا مع قرار اجهاض الجنين


والطرفين لو مش اد مسؤلية تربية طفل تربية كويسة .. ومش اد مصاريف ورعاية الطفل ده
يبقى بلاش منه خالص

لكن يجيبوا طفل يتعذب معاهم .. يبقى حرام عليهم
خصوصا ان احنا في بلد مفيهاش لا صحة ولا تعليم ولا اى مستقبل مشرق

فهتجيبوا عيال ليه ؟
!!!

علشان مشاعر ابوة وامومة ؟
!!

فاكس .. ده كلام عاطفي مبيجيش من وراه غير الأذى

سيبها تنزل الجنين

متضغطش عليها في الاحتفاظ بيه

والمفروض انكم قبل الجواز كنتوا حسمتوا موضوع انجاب الاطفال ده من قبل ما تتجوزوا

موضوع مهم زي ده ازاى متكلمتوش فيه قبل الجواز ؟
!!

اومال وانتوا مخطوبين كنتم بتتكلموا في إيه ؟
!!!!


نقطة تحسب لصالحها انها صارحتك في انها عايزة تنزل الجنين
كان ممكن تعمل الاجهاض من وراك وتقولك نزل لواحده

خليك داعم نفسي ليها
الموضوع مش سهل عليها
هي بتحب الطفل ده اكتر منك .. بس هي بتحكم عقلها مش قلبها
هي علشان بتحبه مشفقة عليه من الحياة الزفت اللي هيعشها لو جه للدنيا
مشفقة عليه من بلاوي كتير
فعلشان كدة هى مش عايزاه يجي دلوقتي

هي مش مستعدة تكون ام
هى خايفة عليه
هى شايفة ان ظروفكم لا تسمح بانه يعيش ويتربى زي ماهي بتتمناله
هي مش عايزة تجيب عيل والسلام
هى عايزة تجيب عيل تقدر تربيه كويس
المجتمع والبلد والظروف مش مساعدينها انها تجيب طفل دلوقتي
فمتضغطش عليها بالاحتفاظ بيه

واحتمال انت نفسك تكون سيء معاها وهي مش عايزة تربط نفسها بطفل منك

لازم تعرف دوافعها كويس في عدم الاحتفاظ بالجنين
وايا كان دوافعها لازم تحترم
حتى لو دوافع تافهة .. زى انها مثلا خايفة تتخن او جسمها شكله يبوظ

هى لو ده تفكيرها .. يبقى برضه هى لا تصلح تكون ام .. لان الام اللي بتخاف على جسمها وصدرها وبطنها من الحمل و الخلفة
دى هتكون ام كارهة لعيالها لانها هتشوف فيهم انهم سبب ذهاب جمال جسمها وهتعاملهم بكراهية

يمكن تكون مريضة مرض يورث للجنين ومش عايزة تقولك

يمكن الف سبب وسبب

اتكلم معاها وافهم دوافعها و احترم قرارها وساندها فيه

كان لازم من الاول تعرفها انك متجوزها علشان عايز تكون اب
وهى كان لازم من الاول تقولك هى متجوزاك ليه طالما هى مش عايزة تكون اسرة وتجيب اطفال
يمكن هى عايزة تكون زوجة وفقط .. مش عايزة تكون أم
أو يمكن هى عايزة تكون أم بس مش دلوقتي

____________________

الغير معرف


لأ أنا مطلقتش

لو اتطلقت هاخبي ليه ؟
!!

انا مبخافش من الطلاق علشان اخبيه

________________

الغير معرف

أمك .. ثم أمك .. ثم أمك

مقالش مراتك

____________

ريحانة الجنة

يا شيخة ملعون ابوكي على ابو جوزك .. ماتتلموا بقى واحترموا نفسكم

ايه وساختكم دي ؟
!!!!

__________________

مجدي

انا منستش حضرتك .. الفكرة ان حالة حضرتك مش طارئة ولا هي مسألة حياة او موت
( بإجماع من كل الاطراف ) ..
يعني ينفع تتأجل شوية لما يكون معانا فلوس اكتر

الفلوس اللي معانا حاليا فيه حالات اولى بيها من حالة حضرتك

فــ أنا اسفة جدااا

إن شاء الله ربنا يفرجها عليك وعلينا

______________

محمد رجب

القضية خدت تأجيل لــ 1 سبتمبر

_______________________________


شكرا ليكم كلم على تواصلكم معايا
وبعتذر على التأخير في الردود عليكم


كل سنة وانتوا طيبي

users online