Monday, October 08, 2018

الـــتـــدخـــيـــن مـــســـمـــوح





" التدخين بيضايق حضرِتك  ؟ ..عندك مانع أدخن سيجارة ؟ " 
   
قالها لي السائق  وهو ينظر لي في مرآة سيارته الأجرة
ويرفع يده بسيجارة في إشارة منه لــ إستإذاني في تدخينها

" لو إنت اللي معندكش مانع .. فأنا كمان عايزة سيجارة أدخنها "
هكذا رددت عليه

ناولني علبة سجائره وقداحته وهو يقول ببساطة  : اتفضلي
تناولتها منه والتقطت منها سيجارة  واشعلتها 
ثم ناولته العلبة والقداحة وانا اقول له : شكرا

 توقعت انه سيبدأ في  حديث عقيم
عن كيف لــ بنت .. إمرأة .. أنثى 
في تدخين السجائر  هكذا جهارا
 دون مراعاة لــ شعور
  المجتمع
 العادات
التقاليد
 الذكور
 الكلاب 
 الأشجار
 النباتات
 وما ذنب النباتات؟
!!! 

توقعت .. فتربصت .. فرصصت الكلمات رصًا في عقلي
حتى إن بدأ في حديثه هذا 
سأطلق عليه كلماتي لــ يمت بها

لكن .. مضت ثواني ولم ينبس ببنت شفة
توترت من الإنتظار
هو حتما لا يختلف عن بقية
 أولاد الوسخة الذين أقابلهم في أيامي السوداء 
 فــ  ماذا ؟ .. متى سيبدأ في الكلام ؟
!!!!

ولكن خاب ظني
هو لم ينطق
كان يقود سيارته بأريحية
وكأنه معتاد على هذا المشهد
فــ بدأت أنفاسي تهدأ
لم أعد متربصة
إتخذت وضعية مريحة في جلستي
بدأت أستمتع بسيجارتي التي أدخنها 
بعد توقف عن التدخين  دام لشهور طويلة

لم أعد ألقي بالا لكلماتي المتراصة في عقلي 
بدأت أنشغل بالتفكير فيما هو أهم من سيجارة أدخنها

فجأة .. رأيتها
إمرأة تجلس على قارعة الطريق
 يلتف حولها ثلة من الرجال
تعد لهم شايا

طلبت من السائق أن يتوقف قائلة  
 " معلهش يا ريس  ممكن توقف عند الست دي ثواني " 
 استجاب لطلبي دون تأفف
فسألته وأنا أفتح الباب المجاور لي 
 شايك إيه يا أسطى ؟
قال لي بنبرة متعجبة 
" مظبوط لو سمحتي "
ارتجلت من السيارة  ناحية المرأة 
كانت سيجارتي مازالت في يدي
قلت لها  : إتنين شاي مظبوط من فضلك
ناولتني كوبين بلاستيكين يخرج منهما دخان كثيف
ناولت السائق الكوببين
وقلت له  
 " معلهش امسك لي كوبايتي  انا كمان لحد ما احاسبها"
تناولهم مني
فــ أخرجت من حقيبتي بضعة جنيهات
ناولتها للسيدة وأنا أشكرها
كانت قد لمحت في يدي السيجارة
فقالت لي : ألاقيش معاكي سيجارة زيادة يا ست الكل ؟
فإبتسمت لها آسفة  وأنا أهز رأسي بالنفي 
ده أنا شاحتاها من السواق والله 
فرفعت يدها  بتحية وقالت لي 
 طب خلاص .. نهارك عسل يا أبلة

سمع حديثها رجل ينتظر دوره في كوب الشاي
فاخرج من جيبه علبته وناولها إياها قائلا
  طب ما تقولي من بدرى يا أم حسن إن شوقك في سيجارة 
العلبة كلها تحت امرك

اخذتها منه وهي تقول له 
 كلك واجب يا أبو سمير

كنت قد دلفت الى السيارة
و ما أن اغلقت باباها حتى ناولني السائق كوب الشاي  
 تناولته منه
فمد يده لي مرة اخرى
ولكن تلك المرة كان يناولني سيجارة وقداحة
وقال لي 
 سيجارة لزوم الشاي بقى ..تلاقي اللي معاكي خلصت

كانت سيجارتي الأولى قد اوشكت على الانتهاء بالفعل
فاخذت منه السيجارة الثانية وانا اقول له 
  الف شكر يا ريس

اشعلتها .. واخذت منها نفس عميق
 مستمتعة بدخانها وطعمها الأثير
 دخنتها بتلذذ  طول الطريق
 وانا ارتشف معها الشاي المضبوط

أخيرا .. وصلت الى واجهتي
 أخرجت  من حقيبتي حساب السائق
وناولته إياه
وقبل أن أرتجل من سيارته
حتى قال لي 
بس بصراحة يعني .. حضرتك زبونة مختلفة 
 مشوفتش حد زيك

فقلت له : وانت كمان  سواق مختلف  
وابتسمت

فابتسم بدوره
وقال لي وهو يرفع يده بالتحية

تـشكري يا أُستاذة

____________

إنـــتـــهـــى

  

22 comments:

Anonymous said...

http://youtu.be/UcT7bibdwvM
Hossam

بـت خـيـخـة وأي كـلام said...

حسام


الأغنية دي ليها ذكرى بعيدة وخاصة عندي

انا مستغربة إنك اتكعبلت فيها
!!!


والكوبليه ده

ندراً عليّ إن عادوا حبابي عــ بيتي
لأضوي المشاعل وحني العتاب

بيلخص حزن كبير
-_-



شكرا يا حسام على حُسن اختياراتك
:)

Anonymous said...

انا اتكعبلت فيها بالصدفه . كنت سمعت صوت الكوبليه اللى بيغنى فيه الكورال دا من مكان بعيد وفضل اللحن معلق معايا واتسحلت شويه لحد ما لقيتها عشان مكونتش فاهم ولا كلمه منها 😂 . حسيت ان الاغنيه ممكن تكون شغاله فى الخلفيه عند " ام حسن " اللى بطله البوست اشترت منها الشاى
Hossam

بـت خـيـخـة وأي كـلام said...

حسام

الاغنية اول مرة سمعتها كان من سنين طويلة .. قبل ثورة يناير

كنت في رفح .. ايام ما كان روح وشخصية نوران الصحفية لسة متقمصاني وبتنطط من مكان لمكان

سمعتها لايف .. من جماعة من النساء
كانت خلفية برضه
كنت قاعدة مع ست فلسطينية اسمها ام جهاد كانت جاية من مخيم دير البلح
وساعتها سمعت ستات بيغنوا الاغنية دي
الصوت كان جاي من خيمة بعيدة عننا بشوية

مكونتش فاهمة اوي الكلمات .. بس طريقة الاداء شدتني
لحد ما ام جهاد قالتلي كلمات الاغنية بصوتها وقالتها براحة من غير تلحين
ففهمت معنى الكلمات


الاغنية مرتبطة عندي بحاجات كتير اوي وقصص كتيرة
وفترة مهمة من عمري باحداثها
انا في الفترة دي كنت حد تاني خالص غير اللي انا عليه دلوقتي


الاغنية تعتبر تراث فلسطيني
ومرة قابلت حد من سوريا وعرفت منه ان الاغنية دي من تراثهم برضه

فأعتقد إنها من التراث الشامي عموما

ولو إن صديق فلسطيني _ رحمة الله عليه _ أكد لي إن أصلها فلسطيني
والسوريين خدوها منهم

Anonymous said...

اسف لو الاغنيه فكرتك بحاجات مكونتيش عاوزه تفتكريها 🙏🏻
http://youtu.be/otTTwU8PTtY
Hossam

Anonymous said...

http://youtu.be/E1JKd1C7izQ
Hossam

بـت خـيـخـة وأي كـلام said...

Hossam

فيديو جميل .. جميل جدا

:))))))))



شكرا يا حسام أوي
:)

Anonymous said...

العفو 🙏🏻
انا رحت شفت الحلقه بتاع توم وچيرى 😂
توم بيلعب مزيكا ع البيانو صح
Hossam

بـت خـيـخـة وأي كـلام said...

Hossam

ههههههههههههههههههههههههههههههههههههههههه

أنا مش كبيرة وشاحطة أهو وكلها تلات شهور وأكمل 41 سنة ؟
بس والله كارتون توم وجيري بتفرج عليه لحد دلوقتي كأني طفلة عندها 7 سنين

بحس ان وشي ملامحه بتصغر وبرجع بالزمن لورا

والابتسامة بتبقى من الخد ده للخد ده

ده عشق لا ينتهي

:)

انت بعد كدة تبعتلي لينكات لحلقات توم وجيري
:)))


Anonymous said...

هو مبهج جدا ومن اعظم الحاجات اللى اتعملت للاطفال وللكبار
اتفرجت على معظم حلقاته مجبر بسبب ولاد اختى ، فيه قناه ع النيل سات بتشغله عرض مستمر طول النهار هسألك عليها 😂

https://soundcloud.com/rhinorecords/i-say-a-little-prayer-aretha

Hossam

مش حسام said...

https://www.youtube.com/watch?v=1nJOku-FPV8


مش حسام said...

https://www.youtube.com/watch?v=1xjny43WqRw

مش حسام said...

https://www.youtube.com/watch?v=gQgNSePcr1Q


لو كنت عارف إن دي المرة الاخيرة
كنت حضنتك على المشاع

مش حسام said...

https://www.youtube.com/watch?v=YcQBfMSKmy8

مش حسام said...

https://www.youtube.com/watch?v=Uts9bnK6Qd0

مش حسام said...

https://www.youtube.com/watch?v=tMe0vwZ13fw

مش حسام said...

https://www.youtube.com/watch?v=k9hVw8n_DMM

مش حسام said...

https://www.youtube.com/watch?v=vhNjAEIqE4k

مش حسام said...

https://www.youtube.com/watch?v=TCat28X-nEo

مش حسام said...

https://www.youtube.com/watch?v=TCat28X-nEo

مش حسام said...

https://www.youtube.com/watch?v=5gpbHEg_dko

بـت خـيـخـة وأي كـلام said...

مش حسام


مالك ؟
!!!!!!!


لأ إنت إحكي اللينكات دي فيها إيه

لأن أنا مش هاشوف ولا لينك فيهم بصراحة





users online