ألا يـنـجبـوهـم أبـدا

 

بعد حوادث التحرش  والاغتصاب 

وهتك عرض الاطفال في المدارس

لسة ليكم نِفس تخلفوا أطفال ؟

!!

إنتوا مش خايفين على عيالكم 

يحصلهم حاجة من البلاوي اللي بتحصل دي ؟

!!

بلاش جو الأنانية بتاعكم ده

وعلشان تحسوا بـ إمومة أو بـ إبوة 

تقوموا تلبّسوا أطفال مالهومش ذنب في الحيط

إن أعظم حب يقدمه الأباء لأبنائهم

هو ألا ينجبوهم أبدا

-_-

ويبقى السؤال في عقلي حائرا

ليه يارب ما حفظتهومش ؟

!!!

إيه الحكمة إن الأطفال يتعرضوا لكل البلاوي دي ؟

!!!

فين بقى  .. " فالله خير حافظا " ؟

!!!

فين حفظك ليهم ده يارب ؟

!!!

ليه سيبتهم يتعرضوا للوجع ده ؟

!!

منين يكونوا أحبابك .. ومنين تسيبهم يتعرضوا للبشاعة دي ؟

!!

نفسي أفهم حكمتك من كل ده 

هتراضيهم في الجنة طيب ؟

هتخليهم ينسوا اللي حسوا بيه ؟

طيب مفكرتش هيعيشوا إزاي في الدنيا ويكبروا 

وهما منتهكين  في براءتهم من صغرهم ؟

معقول ممكن تسامح المتحرش أو المغتصب.. لو تاب 

ويدخل الجنة هو كمان ؟

!!!!

يارب ... أنا مؤمنة بيك وبوجودك

بس في جزئية الأطفال  .. دايما عندي اشكالية معاك

-_-