Sunday, November 20, 2016

بــ رِفـــقـــة عـــــــمـّــــــار




في استجوابك الأخير لي
سألتني عن نواقص جسدي .. أين هي ؟
لم اجاوبك حينها  واكتفيت بابتسامتي الصامتة التي تغضبك كثيرا
فلطمتني على صفحة وجهي
 ودفعتني ...فتدافعت
 و انسبت من مقعدي  إلى الأرض
فرفعتني وآمرت حارسي أن يلقيني في الحبس الانفرادي

لم تستطع معي صبرا
 فأمرت بإحضاري من  زنزانتي بعد مرور 78 دقيقة
وسألتني مرة اخرى

كنت أنت أكثر شراسة في سؤالك
وكنت أنا أكثر شجاعة في جوابي

فأخبرتك بأنني اقرضت عمار إياها
سألتني كيف ؟
فجاوبتك بأن عمار كان قد طلب مني
 أن امنحه بضعة سنتيمترات من ظهري
 فأعطيته 4 سم × 7 سم
و أي من ركبتاي ..
 فأقرضته اليمنى
وقطعة من نهدي الأيسر ..
 فأعطيته الحلمة بهالتها
وأهديته  أيضا ندبة النهد الأيمن بأكملها ...
 ولم أدرك حينها  ان هذا سيخلف ندبة أكبر .. و أكثر عمقًا

سألتني عن حيواتي الأخرى
فأنكرتها جميعا
وأعترفت بأن لي ثمان أجساد
وروح واحدة

سألتني عن الروح ..
فجاوبتك  بأنها من أمر ربي

سخرت من ذكري للرب
وقلت بإستنكار : ربك ؟!!
من على شاكلتك يعرف الله؟!!
ألستِ ملحدة ؟!!
فابتسمت وصمت

سألتني عن الرحم
عن الأجنة
عن الأطفال
عن الطفل
عن التوأم
عن البنت
عن إبنتي
عن طفلي

فقلت لك ... قتلتهم جميعا
معادا واحد
احتفظت به
كي أقتل أحلامه بسرد الوقائع أمامه تارة
و بالصراخ في وجهه تارة
و بالتأوه الصامت تارات أخرى

سألتني  عن التشوه الكامل الكامن في الروح
فجاوبتك  بأن سببه
 المغتصب الاول
والثاني
وأحمد
 والثورة
والميدان
وشهدائه
 والعقرب
ومعتقليه
والوطن
والطفل
وإزميرالدا
و صهيب
 والحبس الانفرادي
والعرص   .. العرص الذي يخصني
وليس العرص العام للدولة

سألتني عن الــ كولت 1911 الأمريكي
وجاوبتك : من  البارودي  في الجيزة
بالقرب من غرفتي الصغيرة السرية

سألتني عن الدم
فأنتشيت من ذكر الدم
وركض لعابي  في الحلق
و ابتسمت بمكر
وجاوبتك بفحيح أفعى  : مشروبي المفضل

سألتني عن شعر العانة
فجاوبتك  بأنه برفقة مغتصبي الأول
فلقد سلخ_ بأسنانه_  الحرير عن الحرير
غير عابئ بـــ عمار المقيد من خلف
ومتجاهلا نظراته  الدامعة العاجزة عن الدفاع عني

سألتني عن رائحة الجنس التي تفوح من أسفل ردائي .. رداء السجن  
فجاوبتك بنظرات متحدية  بأنها تخص عمار
إرتعدت من فجاجة إجابتي .. من فجاجة الحقيقة
وجذبتني نحوك بعنف  و رفعت الرداء عن جسدي
 و أشرت إلى فراشات  خصري
وسألتني  : و هذه ؟
فجاوبتك بتحدي اكبر :  زرعها عمار  قبل رحيله
فدفعتني على الارض بغيظ مكتوم  ..

مرت لحظات  وانت تتأملني
ثم القيت بجسدك الضخم على جسدي الهزيل محاولا اغتصابي
فـــ اختنقت فراشاتي  _ فراشات خصري _ من ثقل جسدك  

لم امنعك .. ولم امتنع
ليس لرغبة مني فيك ..
ولكن لضعف جسدي الغير قادر على مقاومة  أي احتلال

 اقتربت بــ فمك لتقبلني
كانت رائحة فمك  منتعش برائحة أقراص الهولز المنعنعة
فأشحت بوجهي بعيدا لأهرب من رائحة نفسك المصطنع

وتذكرت قبلة عمار الحانية
 العبقة برائحة دخان سجائره المحلية الرخيصة
وابتسمت

فسألتني 
_ وقضيبك منتصب على وشك احتلال قبوي  _ 
عن سبب ابتسامتي
فجاوبتك 
انا بأكملي .. بــــ رفــــقـــة عــمــار

فارتعدت من اجابتي
  ورفعت جسدك عن جسدي
 وانحسر قضيبك وانكمش
 وذبل حتى وقع
فتحررت فراشات خصري  .. ونجوت  أنا من احتلالك
________

إنـــتـــهـــى


Friday, November 11, 2016

الــصــحــة رزق




والله العظيم .. والله العظيم .. والله العظيم
كل الحلو اللي احنا فيه مش شطارة مننا 

ده كرم من عند الله
فبلاش والنبي تتغروا بما لديكم 
و تتعالوا على البشر
 وتفرحوا بما ترتدون وبما تعملون 
و بما تنجبون وبما تأكلون وفيما تسكنون
كل ده مش شطارة مننا 
محدش يقول انا وصلت للى انا فيه بمجهودي و شطارتي 
طزززززززز 
 و مليون طزززززززززز 
احنا أي حاجة حلوة فى حياتنا وصلنالها بكرم من عند ربنا
والرزق مش بس فلوس
ممكن يكون الرزق في صورة صحة
متستهونوش بنعمة  الصحة اللي ربنا انعم علينا بيها
انا بشوف ناس بيتحولوا من اغنى الاغنياء 

ومن مراكز مرموقة 
لناس فقراء  مديونين وعاطلين عن العمل 
علشان ربنا ابتلاهم بمرض صعب وتكلفة علاجه غالية 
ده غير ان المرض بيأثر على حركاتهم فبيبطلوا شغل او دراسة 
واللى كان عنده شركات اصبح مديون 
و قعيد فراش بيتحرك بكرسي متحرك 
 واللي كان ناجح فى دراسته ومتفوق 
بقى بيسقط لانه مبيروحش الجامعة او المدرسة بسبب المرض
 او بسبب حتى الفقر وانه بيتعمد السقوط فى الجامعة 
علشان يفضل طالب 
و يفضل متمتع بالتامين الصحي علشان يعرف يتصرفله علاج
الصحة رزق
انك تكون قادر تعتمد على نفسك فى حركتك 
ومش محتاج حد يشيلك او يحمّيك او يجيبلك كوباية المية 
ده نعمة وفضل من عند الله
الصحة مهمة جدا 

 تكاد تكون الاساس علشان تقدر تعمل اى حاجة فى حياتك بعد كدة
من غير صحة ولا هتقدر تدرس او تشتغل 

او تتجوز او تخلف او تربي عيالك
 او تكبر فى شغلك او تبنى مستقبلك
من غير صحة مش هتقدر تحافظ على اى حاجة كويسة فى حياتك
مش هتقدر تحافظ على مستواك الدراسي ان كنت من المتفوقين
مش هتقدر تحافظ على شغلك واعمالك و مالك ومستقبلك 
مش هتقدر تربي ولادك

الصحة يا جدعان 
الصحة والله من اهم النعم اللي ربنا اكرمنا بيها
حافظوا على صحتكم
واشكروا ربنا عليها دايما

واللي تعبان فيكم بمرض مخفي عن العيون ومش مأثر عليه ظاهريا 
ميهملش فيه و يتابع مع الدكاترة و يبدأ ياخد العلاج
حافظوا على صحتكم علشان نفسكم اولا
وعلشان اللي مسؤلين منكم ثانيا 
ومعتمدين عليكم ولو حصلكم حاجة هم هيضيعوا من غيركم

حافظوا على صحتكم 
وادعوا لكل المرضى ان ربنا يشفيهم و يعفو عنهم 
ومتبخلوش بتطليع صدقة او زكاة مال على المرضى 
زكوا عن صحتكم وعافيتكم دايما


متستهونوش بالاعراض البسيطة
ممكن تكون مؤشر لمرض صعب

ربنا يبعد عنكم كل حاجة وحشة يارب
ربنا يحفظكم يارب و يمتعكم بصحتكم
ومتشفوش لحظة ألم واحد
____________________

إنـــتـــهـــى


Saturday, October 08, 2016

إلـــيـــك صُـــهـــيـــب



تحذير إستهلالي
هذا الخطاب .. دنس
 لا يليق بالملائكة الحالمون الجبناء .. امثالكم

بل يليق أكثر بالخونة .. أمثالي
فالخونة هم اكثر الناس شجاعة
و الخيانة هى القدرة على  التحرر من أي سلطة
وكم من سلطة تحررت منها
_________

عزيزي صهيب
أبتسم الأن وعيناي تلتمع شبقا بالشر
تذكرت ليلتتنا الاولى الشتوية
حين التقيتك في حانة " سبيت فاير"  بالمنشية
كنت منهكة وادخن بشراهة .. ولا اشرب الخمر
وكنت انت صاخب ضاحك  تتجرع الخمر
كنت تتحدث الى اللاشيء بصوت عالي منفر
كنت أنت  مزعج حقا
وكنت انا التمس الهدوء بعدما قتلت ذاك المغتصب
كنت قلقة في جلستي بسبب " أريحا "
المحشور بين لحم خاصرتي الأيسر الخلفي  و بنطالي
واحاول ان استقر على وضعية مريحة لاتجعل ماسورته تنخر عظامي
صوتك العالي زاد من توتري
فاقتربت منك وقلت لك : هشششششش .. اسكت شوية
فنظرت لى مذهولا و عيناك ضاحكة حمراء
وملت على رأسي وقلت لي  بلكنة  غريبة متكسرة  رغم عاميتها
 اعتقدت بسببها انك شاذ
 ثم علمت بعد ذلك ان جنسيتك هى سبب لكنتك الغريبة
تدفعي كام واسكت
نظرت لك طويلا صامتة
و بدأت شياطيني تتراقص في رأسي
وبدأت أبتسم لك تلك الإبتسامة المخيفة
لا اعرف ماذا رأيت أنت على صفحة وجهى
جعلك ترجع رأسك للوراء مرتعب
وقلت لى  : أوووووه .. شكلك  انتي اللي هتدفعيني عمري
فقد كانت ملامح وجهك تقول بأنك رأيت واحد منهم .. من شياطيني

دفعت حسابي وهممت بالخروج وقلت لك بنبرة آمرة
يلا
اختفت ابتسامتك الغير عابئة و احتل بدلا منها ذهولك من نبرتي
تركت  كأس الخمر من يدك
ودفعت حسابك
وهممت بالخروج ورائي
اسرعت من خطاك لتلحق بخطاي السريعة
سرنا متجاورين
و تبادلنا  حديث الأعمار و الاسماء و الامكنة
كنت انا ثلاثينة
وانت اربعيني 
انا نون
وانت صهيب
انا مصرية
وانت لبناني
وهنا توقفت عن السير ونظرت لك
وسالتك: لبناني فعلا ؟
فاكدت على اجابتك : وقلت اه لبناني
فاقتربت منك و قبلتك على وجنتك
وابتسمت فرحة بحظي السعيد
لم تفهم انت سبب سعادتي لحظتها .. وإن ادركت لاحقا

كنت قد استأجرت حجرة صغيرة في الإسكندرية
 لأتابع منها اعمالى الشيطانية القذرة
وكانت ليلة شتوية باردة جافة  بدون أمطار
ادخلتك حجرتي
واشعلت المصباح الاصفر الكئيب اليتيم الذى يتوسطها
وهناك رأيته انت ملقي على وجهه غارق في دمائه
قفزت من عاليك
واطلقت صرخة رعب
هنا اخرجت انا مسدسي " أريحا "
ووجهته نحوك
وقلت لك جملتي التي اوقعتك فى غرامي لاحقا
هتبقى راجل و تسكت و تسمع وتفهم
ولا هتبقى خول وعيل و تحصله ؟
بدأت تتنفس بصعوبة
وجلست ببطء على الارض
وقلت لى انتى مجنونة ولا إيه ؟ .. أنا معرفكيش
ثم سالتني  فجأة عندك حاجة تتشرب ؟
ابتسمت انا  من مزاجك المتغير و اطمئننت لك
فالرجل صاحب المزاج المتغير يطمئننى اكثر من الرجل ذو المزاج المستقر
وقلت لك بعصبية زائفة : معنديش اللي انت عايزه .. مفيش غير قهوة
فقلت لى :  قهوة ايه .. انا مش عايز افوق  .. معندكيش حتى بيرة ؟
انا  بحسم : مبشربش
نظرت لى مدهوشا  وقلت : مبتشربيش !! .. اومال ايه ؟ .. بتقتلي بس !!
تنهدت بنفاذ صبر و قلت لك : ها . اعملك قهوة .. ولا تفضل زى ما انت كدة ؟
قلت لى : هاعملها انا .. وانت احكي حكايتك و حكاية البلوى دي
وأشرت الى جثته
جلست انا على طرف الفراش القديم المتهالك و بدأت بالحكي
 و قمت انت  الى الطاولة الموجودة فى ركن الغرفة
التى تحتوى على سخان كهربائي صغير و كنكة صفراء
 وبعض ادوات المطبخ البسيطة جدا
كانت الطاولة هى مطبخي
 اعددت انت  فنجانين من القهوة السادة المرة
انتهيت  انا من الحكى .. وانت كنت قد افقت  تماما وفى كامل وعيك
وسالتنى : وهتعملى ايه دلوقتي ؟
جاوبتك : مستنية راجي و عمار
هما اللي بينهوا اللي انا ببتديه
سالتني : ودوري أنا إيه ؟
جاوبتك : هتنام معايا .. محتاجة للجنس دلوقتي علشان اخفف توتري
ارتبكت انت من إجابتي  .. اندهشت من جرأتي
ثم ابتسمت و قلت : ما هو من الاول انتى مجنونة
لم اهتم بملاحظتك التى كررتها كثيرا
بل تركتك تسهب فى دهشتك و ملاحظاتك
وبدأت انا بالتعري
لم ينتصب عضوك  من  تحت بنطالك حتى رأيت صدري المرمري
هنا ابتلعت انت ريقك وبدأت تفك ازرار قميصك
وكنت انا حينها اخلع عني كيلوتي الازرق الصغير
احتفظت بحذائي عسكري الهيئة ولم اخلعه
اقتربت منك
فاشتممت رقبتي
وهمست لى بنبرة مستمتعة :  ريحتك لافندر
ابتعدت عنك
ووقفت امامك عارية إلا من حذائي
مددت يدي في قبوي الصغير
والتقطت رحمي
وعلقته على الجدار بجوار خيباتي
نظرت لى  صامتا متسائلا
فجاوبتك : لا اريد اطفالا
ولا اريد استخدام اوقية ذكرية  سخيفة تفسد المتعة
وجلست امامك ثانية
قبلتني بحنو بالغ  
فالتهمت انا شفتيك المكتنزتين
عاديتك فى الفراش
كنت نهمة .. كـــ لبؤة جائعة
وكنت انت قليل الحيلة  أمام مجوني
و ... لا اتذكر تفاصيل الجنس  
ولكن اتذكر اننا بعدما انتهينا
انني اشعلت سيجارة
ودخنتها وانا افكر فى امور لا علاقة لها بالفراش
اقتربت انت مني وبدات تداعب خصلات شعري
وقلت لى شعرك له ملمس الحرير
فقلت لك بواقعية مفرطة كالرجال : انه نوع الشامبو لا اكثر
قلت لي : انت جميلة
ابتسمت لك ابتسامة باهتة  لا مبالية كالرجال و سحبت نفس عميق من سيجارتي
رميت رأسك على صدرى  فالقيت سيجارتى في دمائه دون ان اطفئها
تأملت ملامحك وهالني انك كنت جميل جدااا
 فقلت لك بنبرة مشمئزة : إنت جميل اوى .. إيه القرف ده ؟!!
فهززت رأسك  وتشنج وجهك حزنا .. كالنساء

لا تحزن صهيب من بشاعة كلماتي
اعرف انك تغضب دوما من ملاحظتي المشمئزة بانك جميل
تعرف اننى لا احب الرجل الجميل
احب الرجل ذو الملامح الخشنة الحادة
وانت كنت تحمل ملامح ناعمة انسيابية
*
*
*
*
توقف دام لــ 37 ليلة
*
*
استكمال
__

عزيزي صهيب
اكتب لك رسالتي هذه لاخبرك
بأنني اخيرا حصلت على البيت الازرق فوق حافة الجبل  
واننى ارتديت ثوب سوداني بلون الليمون
و لم اتخل  يوما عن " أريحا "
فهو كوشم دائم في خاصرتي
وانني قتلت  " ميشيل كيريت " منذ يومين
ساعدني فى تنظيف الغرفة  من جثته
راجي و عمار .. كالمعتاد
حينما كنا نطحن رأسه بالمطرقة
تذكروك ..
 و علق عمار و قال : ما رأيت زلمة يستمتع بطحن رؤوسهم كما رأيت صهيب
راجي يكرهك قليلا  لانك فزت بشرف ممارسة الجنس معي
وهو لم يفز بهذا الشرف ابدا
سالنى مرة راجي بغيظ وغيرة  : لما هو ؟
فجاوبته وانا اتذكر نظرتك الاولى لى فى حانة سبيت فاير  :
 عيناه اطمئنت لي .. فاطمئننت له
فرد : و أنا .. ألم تطمئني لي ؟!!
فجاوبته بابتسامة صادقة  : بل انت الذي لم تطمئن لي

اعلمك ايضا بانني قد تزوجت رجلا لا يعبء بي كثيرا

وبأنني قتلت أحمد .. قتلته ألاف المرات

أما عن صغيرتي إزميرالدا .. فمازالت طيبة  تهتم بالبشر
ولا تريد التعامل معاهم  كـــ  رنجة  متعفنة

فيلتي " ريانة "  تمخضت فيلا صغيرا
وإني سميته صهيب
فـــ خرطومه يشبه قضيبك
 * هنا أنا اغمز لك بعيني و ابتسم ماكرة
*
*
*
توقف دام لأربعة ليال
*
*
استكمال
________

صهيب
ادعوك لزيارتي في الغرفة الصغيرة
استأجرت غرفة اخرى فى الجيزة
غرفة فى منزل متهدم
حولها الكثير من الطوب الأحمر
سأمارس هواية النحت كثيرا
و سأقضم ما يتبقى من الصخور

سأعاهدك  على ألا أؤذيك
سأقرأ الفاتحة على ذلك
وسأقسم بشرف الرب
انني لن أؤذيك تلك المرة
فقط .. قم بزيارتي و ستجد نون أخرى صادقة

تعلم اننى كاذبة  .. أليس كذلك ؟!!
لا تثق فيّ أبدا يا صهيب
إياك والوثوق في
ثق في ابليس ولا تثق في

ولكن .. قم بزيارتي
فلقد أتلفت الخيبة أيامي الداكنة
وأريد استعادة ايامي بك

هذه المرة سأحتفظ برحمي
سأنجب منك اطفالا كثر
وسأغرقهم جميعهم فى البحر
لا أريد أطفالا .. لا أريد

لا مزيد من القتل .. اعدك
لا مزيد من الانتقام .. اعدك
لا مزيد من الدماء .. اعدك
لا مزيد من الكراهية .. اعدك
سأسامحهم جميعا .. اعدك

صهيب .. انت تعلم اننى خائنة ولا اوفي الوعد .. أليس كذلك ؟

*
*
توقف دام لساعتين و اربعين دقيقة
*
*
استكمال
*
*
صهيب الغالي
ملعون أبوك يا ابن الوسخة
*
*
*
توقف دام  لسبعة عشر عاما
*
*
استكمال
*
*
عزيزي صهيب
افتقدك
بالامس قتلت عمار و راجي
واحرقت المدينة
وعمرت واحدة أشرف
ولكنها _ أي المدينة _ طلعت ابنة عاهرة
*
*
توقف دام  لعمر بأكمله
*
*
استكمال
__

صهيب
مازال  " أريحا "  مزروعًا في خاصرتي
___________

أخر الكلام
الإعترافات المجروحة  المبتورة المرتبكة
 هي الإعترافات الصادقة

*إبتسامة شيطانية بريئة
________


إنـــتـــهـــى



التدوينة إهداء خاص إلى
كل أولئك المجانين من أمثالي
وإلى
صهيب من لبنان
راجي من فلسطين المحتلة
عمار من سوريا
حسام من مصر .. أيوة إنت يا حسام
غسان من رفح
عماد من العقرب
أحمد من العقرب
طلال من سوريا
ميشيل كيريت من مستوطنة "عيلي زاهاف" بــ كفر الديك
وأخيرا إلى
محلات السجلابي للأسلحة و الذخيرة

هنا ضحكة شيطانية بصوت عادل أدهم*



users online