التحديث موجود فى التعليقاتوياريت تتابعوا التعليقات كل شوية
علشان اى حاجة جديدة بكتبها هناكالف شكر ليكم
____________________
الانسان حياته مبتخلاش من الهموم والمشاكل
وغصب عنه بيغرق فى مشاكله بيحاول يلاقي حل
الفترة اللى فاتت غرقت في مشاكلى الشخصية وهمومي
وكل يومين الاقي الدنيا بتبوظ اكتر
ولكن ... انا تعبت
تعبت من مشاكلي
تعبت من انى اجيلها كدة تجيلى كدة
والفترة اللي فاتت برضه
ناس كتير كانت بتلجأ ليا علشان اساعدها فى ايجاد حل لمشاكلهم
وانا بصراحة مكونتش عند حسن ظنهم اوى
لانى كنت بساعد بعدم حماس وغير مهتمة اوى وغير متابعة
لانى كنت انانية جدا ومبفكرش غير فى مشاكلى وبس
و غرقانة فى اللي انا فيه
النهاردة اكتشفت
انى محتاجة اغرق فى مشاكل الناس دى
محتاجة اغرق فى همومهم واحاول اساعدهم
علشان ابعد عن همومى وابطل تفكير فيها
ودايما الواحد بيعرف يحل مشاكل الناس كويس اوى
ويجى عند مشاكله هو وبيبقى مش عارف يفكر وعقله بيوقف
المهم ادخل فى الموضوع
انا محتاجة مساعدتكم معايا
فى ايجاد مساعدات للحالات الاتية
بنوتة طالبة فى كلية عملية
محتاجة لاب توب مستعمل بحالة جيدة
انا اعرف واحد عنده لاب توب مستعمل
بس هو عرضه للبيع بــ 1500 جنيه
يا اما تساعدونى ونشتريلها اللاب توب ده
يا اما لو حد عنده لاب توب مستعمل وعايز يتبرع بيه
يبقى كتر خيره
*****
مدونة زميلة لينا
جوزها من بعد الثورة بكام شهر
الشركة اللي بيشتغل فيها استغنت عن خدماته
وهو حاليا بيشتغل شغلانة اى كلام كدة
علشان بس يقدر يجيب المصاريف اليومية ليهم
المشكلة ان بقالهم اربع شهور مدفعوش ايجار الشقة
ومادفعوش قسط العربية
هما محتاجين مبلغ وقدره 5600 جنيه
وخدوا بالكم ان دى زميلتنا
يعنى اخت لينا
يعنى لازم نقف جنبها وجنب جوزها
*****
ام ارملة عندها بنتين
واحدة فى ثانوية عامة
والكبيرة مخطوبة
الأم بتشتغل في تصليح هدوم
يعنى مش خياطة
هى بس بتعمل الإصلاحات البسيطة فى الهدوم
زى التقصير والتوسيع والتضييق والحاجات البسيطة دى
وطبعا الشغلانة دى مش بتجيب فلوس كتير
الام محتاجة تجهز بنتها المخطوبة
يعنى محتاجة فلوس
كام ؟
معرفش
يعنى اى مبلغ هيفيدها طبعا
*****
زميل لينا مدون
مش لاقي شغل
او بمعنى ادق
استغنوا عن خدماته
هو خريج تجارة القاهرة دفعة 2008
لو حد عنده شغلانة تنفعه يبقى كتر خيركم
*****
زميل مدون اخر
محتاج مبلغ وقدره 10000 جنيه
قرض حسن
وهيسدده على عشرين شهر
لان والدته محتاجة تعمل عملية فى اسرع وقت
وهو امكنياته انه يدفع كل شهر 500 جنيه فقط
عايز حد يسلفه المبلغ وهو يسدده على 20 شهر
والزميل ده انا اضمنه بنفسي
يعنى اللى هيفكر يساعده ميقلقش
لازم يبقى عارف ان فلوسه هترجعله تانى
*****
نيجى بقى للزغلولة الكبيرة
واللى تخصنى انا بشكل شخصي
صديقة مقربة جدا ليا
بنتها الكبيرة فى سن شريف تقريبا
بنتها عندها لوكيميا
وبتتعالج وبتاخد حقن وعلاج كيميائي
صديقتى دى مش فقيرة
ولكن مرض زى ده بيستنزف كل دخل الأسرة
فهى حاليا خلاص جابوا اخرهم
ومش عارفين يعملوا ايه
والبنت بتاخد كورس علاجى
فاضل فيه 4 حقن
والحقنة ب1600 جنيه
يعنى هى محتاجة 6400 جنيه
فياريت برضه تركزوا معايا فى الحالة دى
علشان دى صاحبتى
وغصب عنى انا متعاطفة معاها اكتر من اى حالة تانية
*****
انا كدة خلصت سرد الحالات اللى محتاجة مساعدات مادية
دلوقتى بقى انا محتاجة دكتور
او بمعنى ادق واحد متخرج من كلية طب
ويكون متخرج من كلية طب حكومية
مش الطب الخاص
عايزة اتواصل معاه ويفيدنى بمعلوماته الطبية
***
محتاجة حد من اسكندرية
علشان ينوب عنى فى توصيل مساعدات مادية لحالة فى اسكندرية
***
محتاجة حد من الشرقية
علشان برضه ينوب عنى فى توصيل مساعدات لحالة فى الشرقية
***
اللي فيكم عايز يشتغل فى مركز تدريب فى اكتوبر
ياريت يبلغنى
الشغل هيكون من الساعة 10 الصبح
لحد 10 بليل
بمرتب 1000 جنيه شهريا
الوظيفة دى متاحة للرجال فقط
***
ده ايميلي
nouran_gamal_78@hotmail.com
علشان لو حد هيبعت حوالة يبلغنى
علشان ابعتله اسمى بالكامل ورقمي القومى
***
وده رقم تليفوني هيكون متاح
من الساعة 9 صباحا
لحد الساعة 9 مساءا
01019790270
*****
عايزاكم تتابعونى فى التعليقات
لان انا كل ما توصلنى حوالة او مبلغ مساعدة
هاعمل تنويه فى التعليقات
علشان تبقوا عارفين ايه اللى ناقص
***
ياريت اللى هيبعت فلوس
يقولى عايز الفلوس دى توصل لأي حالة من الحالات
******
بس خلاص
عايزاكم بس تدعولى بظهر الغيب
لانى داخلة على منعطف تاريخى
ربنا وحده اللى يعلم بيه
شكرا ليكم
______
أحلى الكلام
من فرج عن اخيه كربة من كرب الدنيا
فرج الله عنه كربة من كرب يوم القيامة
حديث شريف
_____
إنــتــهــى
