إزيك يا فارس
ألف رحمة ونور تنزل عليك
بهديك السلام وبسألك
شوفت بابا؟
إتقابلتوا؟
طب وروحه عاملة ايه؟
كان بيضحك؟
ولا كان حزين ومجهد؟
قالك إيه؟
سألك عليا؟
وانت عليه رديت بإيه؟
قوله انى مكسورة ومهزومة
قوله انى مجروحة وموجوعة
قوله لو كنت أعرف إن حضنه ليا
أخر حضن هاخده منه
كنت فضلت كمان شوية
كنت فضلت جوة حضنه
أو كنت خدته جوة حضنى
كنت خبيته من إسمه إيه ده
اللى بيفرق الحبايب
قوله انى فتحت دولابه فى غيابه
وخدت منه قميص فيه ريحته
ودورت على البلوفر الكحلي و ما لاقيته
ولا أقولك
إوعى تكون قلت الحقيقة
أرجوك يا فارس إكدب عشانى
إكدب وقوله إني تمام
إكدب وقوله إني بضحك
وقوله يجيني في المنام
وإياك تقوله إنى بأبح فى الكلام
و إوعى تقوله إني ببكي
إوعى تقوله إنى كتير بمر بحالة إنهيار
طبطب على كتفه وطمنه
وإضحك معاه وقوله
زى ما كان بيقول زمان
أنا مخلفتش بنات
وآسر ونوران وناريمان
دول تلات صبيان ورجالة شداد
قوله مايقلقش علينا
وإننا عارفين نمثل كويس دور التماسك
قوله مايزعلش مني وإنه واحشني
وإطبعلي بوسة فوق جبينه
وإسألهولى هو حط البلوفر الكحلى فين؟
سلام يا فارس
ومتنساش تبعت لبابايا السلام
إنتهى
بت خيخة وأى كلام
ألف رحمة ونور تنزل عليك
بهديك السلام وبسألك
شوفت بابا؟
إتقابلتوا؟
طب وروحه عاملة ايه؟
كان بيضحك؟
ولا كان حزين ومجهد؟
قالك إيه؟
سألك عليا؟
وانت عليه رديت بإيه؟
قوله انى مكسورة ومهزومة
قوله انى مجروحة وموجوعة
قوله لو كنت أعرف إن حضنه ليا
أخر حضن هاخده منه
كنت فضلت كمان شوية
كنت فضلت جوة حضنه
أو كنت خدته جوة حضنى
كنت خبيته من إسمه إيه ده
اللى بيفرق الحبايب
قوله انى فتحت دولابه فى غيابه
وخدت منه قميص فيه ريحته
ودورت على البلوفر الكحلي و ما لاقيته
ولا أقولك
إوعى تكون قلت الحقيقة
أرجوك يا فارس إكدب عشانى
إكدب وقوله إني تمام
إكدب وقوله إني بضحك
وقوله يجيني في المنام
وإياك تقوله إنى بأبح فى الكلام
و إوعى تقوله إني ببكي
إوعى تقوله إنى كتير بمر بحالة إنهيار
طبطب على كتفه وطمنه
وإضحك معاه وقوله
زى ما كان بيقول زمان
أنا مخلفتش بنات
وآسر ونوران وناريمان
دول تلات صبيان ورجالة شداد
قوله مايقلقش علينا
وإننا عارفين نمثل كويس دور التماسك
قوله مايزعلش مني وإنه واحشني
وإطبعلي بوسة فوق جبينه
وإسألهولى هو حط البلوفر الكحلى فين؟
سلام يا فارس
ومتنساش تبعت لبابايا السلام
إنتهى
بت خيخة وأى كلام
