Tuesday, June 29, 2010

أبـــوســـك حـــبـــيـــبـــي



بدعبس فى الالبومات

وبشوف صورك

وبستغرب على العمر اللى فات

ازاى قدرت في ثواني

تبقى كبير كدة

ازاى مش قادرة خلاص اشيلك

ازاى خلاص ما بقتش بختارلك هدومك

وازاى خلاص بقيت تقول لأ ونعم

وبقالك أراء وكلمة مسموعة فى حياتي

ازاى يا غالى عليا جدا

قدرت تعملها وتكبر قدام عنيا من ورايا

انا كنت فين وانت بتكبر

ازاى مخدتش بالى منك

وازاى نسيت

اسجل كل لحظة فى عمرك صوت وصورة

ازاى حبيبى قدرت تكبر كدة

ليه ما فضلتش صغنن

جوة حضني

جوة بطنى

جوة قلبي

ليه استعجلت العمر انه يجرى

ليه عايز دايما تكبر اد بابي

واد جدو واد خالو


شريف حبيبى

خليك صغنن ولو ساعات

عايزة ارجع من تانى اشيلك جوة قلبى

وماتفارقش حضنى لحظة

عايزة تانى ارجع اقولك عيب ولأ وكل واشرب ونام

عايزة تانى ارجع امارس سلطتى عليك كأم

واختارلك كل حاجة

لون هدومك وشراباتك

ونوع الكارتون اللى هاتتفرج عليه



ولا اقولك

..........

لأ حبيبى

ما تسمعش كلمة واحدة من كلامي

وإكبر أوي

إكبر أوي أوي

وخليك بسرعة راجل

خليك دايما كبير

خليك دايما اد مسؤلية كلامك

واد مسؤلية اختيارك

واوعى تندم على هفوة ممكن تعملها فى حياتك

الاهم انك تتعلم الصح والغلط

واوعى تاخد دور المتفرج فى حياتك

خليك مشارك

واتمرمغ شوية بتراب الشوارع

علشان ماتبقاش واد ني وطري

عايزاك صالب عودك

رافع راسك

ما تخافش غير من اللى خالقك

عايزاك ماتظلمش حد

واياك فى يوم تقبل المهانة والاهانة

واياك تخاف من كلمة حق هاتقولها فى حياتك



اكبر حبيبى زى ما انت عايز

بس الاهم انك تفضل دايما كبير

واوعى فى يوم تخلى حاجة تصغرك



و.....

وابوسك حبيبى منين ولا فين

الف عين واحنا بين كل دووووول

ابوس الايدين ولا ابوس العنين

ولا اقرب واخلص وابوووووس

كل سنة سنة سنة

وانت طيب يا شيكو

كل سنة سنة سنة

وانت دايما معايا


********



انتهى


أم شريف

Tuesday, June 08, 2010

إلـــــى صـــــديـــــقـــــة


صديقتي

لا املك حلاً لمشاكلك

ولكني تمنيت

لو كنت أعيش هناك ...... فى ايام طفولتك

عندما كنتى انتي ..... طفلة حزينة

تحتاج لصديقة فى مثل عمرها

لأقاسمك وحدتك

ولأبدل حزنك افراح


ولذلك صديقتي

اتشرف بدعوتك لزيارتي

لممارسة فعل البوح والبكاء

ولكن دعينى اطفئ انوار الحجرة

ولنتواجه فى الظلام

دعينا نقول الاشياء العادية

دعينا نتخطى تلك المرحلة المحرجة

فى بداية البوح بالألام

ساعطى لكى كل الحرية

فى ان تسبي وتلعني

ولكن فى المقابل

اريد ايضا ان اتبجح و اسب والعن

ولكن لنتفق

عندما افتح انوار الحجرة

لن تسألينى عن سر احمرار عيناى

وانا بدورى لن اسالك عن سر احمرار عيناكي

فانا سأتظاهر بانى لن اسمع صوت بكائك فى الظلام

فارجوكى تظاهرى انتي أيضا

بانك لن تسمعى صوت بكائى فى الظلام


وان كنتى لا تريدين الظلام

دعينى اذن ابتاع السجائر

ولندخن كثيرا... كثيرا

حتى تدمع أعيننا من كثرة الدخان

وحينها نستطيع ان نبكي

ونمزج دموع الامنا مع دموع دخان سجائرنا

دون ان نتحرج من فعل البكاء

وان كنتى تختنقين من دخان السجائر

فلا بأس إذ تخلينا عنها

ولنستبدلها بالصعود

فوق قمة هرمنا الصغير

ولنجلس متجاورتين

محدقتان فى سجادة النجوم

ولنفتح اعيننا لتحتضن موجات التراب

وحينها.... نبكى كثيرا

ونتعلل بان دموعنا سببها الغبار


صديقتي .... ارجوكي

دعينا نتفق ايضا

بان لانقترب كثيرا

ولنتحاشى تلك الضمة

فانا انسانة لا احب كثيرا

تلك الاحضان المتضامنة مع ألامي

فهى احضان تؤلم اكثر مما تشفي

فارجوكى

دعينا نتجنب تلك الاحضان المؤازرة

حتى لا نغرق فى حزننا ودموعنا

دعينا نتظاهر بالقوة

أمام الناس .... وأمام انفسنا


انتهى

بت خيخة واي كلام

users online