كيف تغلبت على الحزن المصاحب للمرض ؟
بـ علبة بونبون محشو باللوز أهدته لي جيلان
أو كما شهقت جيلان وقالت مستنكرة
حين شكرتها على البونبوني
بونبوني إيه يا مداااام .. إسمه ملبس
**
كنت قد أبديت حيرة في يومية سابقة
عن ما هو أبشع ظرف قد يمر به الإنسان ؟
هل هو المرض أم الديون أم بيع السكن الخاص ؟
استطيع الأن أن أجزم انه المرض
المرض هو أبشع ظرف قد يمر به الإنسان
فــ المرض _الذي يستلزم علاج مكلف _ قد يحول الغني إلى فقير
والمستور إلى مديون
في حالتي .. أصبحت بلا سكن خاص ومديونة بسبب المرض
:(
**
الحمد لله حمدا كثيرا مباركا فيه
الطبيب طمأنني أن هناك تحسن طفيف
يظهر في اخر آشعة وتحاليل أجريتها
قلت له ولكني لا أشعر بأي تحسن
ولا يظهر عليّ أي تحسن
قال لي لن أشعر بتحسن بشكل ملحوظ
إلا بعد تقريبا إسبوعين أو ثلاث أسابيع
مع استمرار اخذ جرعات العلاج
**
مديونة بمبلغ 3000 ألاف دولار و5000 جنيه مصري
وما صرفته حتى الأن على العلاج الإستكمالي
مبلغ 135 ألف جنيه
ولازلت أحتاج إلى مبلغ أخر يقارب ما صرفته
أااااااه .. لسة هاستلف تاني
:(
**
أكثر ما يحزنني ليس المرض
ولكن الديون
أرجو من الله أن يتم شفائي على خير
وأن أبدأ في سداد ديوني
أكثر ما أدعو به الله حاليا هو
" يارب مموتش وأنا مديونة "
**
صرخ الطبيب فينا .. أنا وأماني
حين رأى على الكمودينو المجاور لفراشي
علبة البونبون .. أو كما تسميه جيلان الملبس
وقال صارخا : أنا قلت ممنوع السكريااااااااااااااات
أماني ارتجفت وتوقعت أن تلقي باللوم على جيلان
وتقول مثلا : دي جيلان اللي جايباه
لكن أماني سحبت العلبة بسرعة
وقالت للدكتور معتذرة : معلهش يا دكتور حقك عليا
وعموما هي المدام مخدتش منه كتير
هما ملبستين بس
وحينها إلتقت نظراتي بنظرات أماني
ونحن نحاول جاهدين أن نخفي ضحكاتنا
وأن نبدو بملامح صارمة تليق مع انفعال الطبيب
وحين خرج الطبيب غاضبا
قلت لأماني : أومال لو عرف
إني كلت بتاع 50 بونبوناية كان عمل فيا إيه ؟
ضحكت أماني وقالت
وهي تحاول أن تقلد نبرة وطريقة جيلان
إسمه ملبس يا مداااام .. مش بونبوني
فـ انفجرت في الضحك أنا وهي
**
حين جاءت جيلان لتستلم الوردية من أماني
اعطتها أماني علبة الملبس وقالت لها
اخفيها من قدام الدكتور
ومتخليش المدام تاكل منها تاني
هزت جيلان رأسها وقالت
هو عرف إن أنا اللي جايباها ؟
أماني قالت : لأ معرفش مين اللي جايبها
بس بجد بلاش المدام تاكل منها تاني لانها كلت كتير
واحنا مش عايزين شفاها يتأخر بسبب السكريات
ثم إلتفتت لي أماني وقالت
هاعملك بسكوت بالينسون من غير سكر
بس هايعجبك أوي
وهيكون أفيدلك من الحاجات دي
وأشارت لعلبة البونبون الموجودة بين يد جيلان
وهي تقول
" الحاجات دي "
ثم قالت وهي تودعني بقبلة على رأسي
هاجيبلك البسكوت معايا بكرة وأنا جاية
ابتسمت لها وقلت لها : ماشي
وقالت لها جيلان : طب أنا اعمل ايه دلوقتي بعلبة الملبس دي ؟
أحطها فين ؟
فنظرت لها أماني ضاحكة وقالت لها بــ همس
حطيها في طيزك
وما أن قالت أماني جملتها
حتى انفجرت أنا في الضحك عاليا
أما جيلان فــ لم تضحك
بل رفعت يدها بعلبة الملبس ومثلت بأنها ستلقيها على أماني
فــ جرت أماني نحو باب الغرفة وخرجت سريعا
وما أن خرجت أماني حتى ضحكت جيلان وقالت
أماني دي قليلة الأدب والله وعايزة قطع لسانها
فقلت لها وأنا لا يزال على وجهى أثار الضحك
معلهش يا ستي .. بتهزر معاكي
ثم قلت لها هاتي العلبة اللي محيراكي دي
فــ اعطتها لي
فقلت لها : يلا اديني ضهرك بقى ووطي علشان احطهالك في طيزك
ف تفاجئت جيلان ثم ضحكت وقالت وهي تجذب من يدي العلبة
يوووووه بقى يا مداااااام .. هتبقي إنتي وأماني عليا
:)))
_________
يتبع
