كتابات مالهاش عنوان

 

ولسة في خيالي .. حياة 

ولسة في فروضي .. صلاة 

ولسة  في وحدتي .. نجاة 

ولسة في نهايتي .. وفاة 

ولسة  .. دمعتي عـ الخد 

**

وعندي من الصحاب .. أوغاد

وعندي ..  فلذات أكباد 

وعندي على الحدود .. أجناد

وعندي في دماغي .. عِناد

وعندي دايما .. رد 

**

وليا في الجبال .. علامات

وليا في السوق .. كتابات

وليا في الفردوس .. جنّات

وليا في النضال .. ثورات

وليا في كل مقاومة.. يد 

**

وبحب من العبادة .. صيام 

وبحب من أصحابي .. حسام

 وبحب من السلاح .. برابلام  

وبحب في الأجازة .. أصحى وانام

ولسة مابحبش حد

**

ومش شاطرة في الطبيخ واللت

ومش شاطرة في قراية البخت

ومش شاطرة في تضييع الوقت

ومش شاطرة في حركات الست

بس شاطرة  .. في وضع الحد

-_-

_____________

إنـــتـــهـــى