جـمـعـة مـبـاركـة .. حتى وإن لم تبدو كذلك

 

مـفـتـتـح

______

يلا  .. يلا 

يلا نلم الدور 

يلا نحب بعض

يلا نسامح بعض

يلا نبوس راس بعض

يلا نبوس بعض من بؤنا

يلا ندي وعود ونخلفها 

ويلا نعرص للسيسي

ونغني : الجيش المصري شق السما

وضرب وكتب أعظم ملحمة 

وبعد كدة نروح نجيب واسطة

 علشان عيالنا مايدخلوش الجيش 

يلا نبين أد إيه إحنا طيوبـيـن

وأد إيه إحنا سوووووو كيوووووت

 فــ يلا نساعد مسكين 

ويلا نعيط على غزة وإحنا بناكل بوب كورن 

وقاعدين في التكييف

ويلا نتصور واحنا بنعمل خير 

 ويلا نحط أكل للأوتت

 ويلا نملس على ضهر كلب جربان

ياكش يعضنا من طيازنا وإحنا بندّعي الفضيلة المرقوعة

 ما تيلاااااااااااااااااااا

__________________________

مـتـن

______

حط نقطة 

شِـــــــد خـــــــــــــــــــــــــــــــــــــط

ابتدي من أول السطر

..

وانسى كل ماضي فاتك .. مكنش فيه لك مكان

وابتدي حاضر جديد .. ارسم حكاياته بالألوان

وكفاياك غوامق يسطا ..  ما تجرب لون البورتوآاان

**

رُص وِلعة هنا يا عبده  .. وهاتلي قهوة  كهرمان

وهاتلي دومنة .. وشوف طلبات الباشا كمان 

..

أيوة يسطا .. صدقني خالصة 

لسة هـ تبكي عـ اللي فات ؟

عيب عليك .. ده انت وشك كله شنبات 

هات يا عبده الساندوتشاااااات

..

العب .. العب ..  ارمي زهرك 

هاتلي دوسة أو دوبارة 

أوفففف .. يعععع .. دو يك ؟

طب خد انت الشيش جهار 

وابعت وِلعة يا عبدوووووو 

**

وانتي .. أيوة أنتي 

فاكراني هنسى ؟

انتي برضه مانتيش بريئة 

انتي خونتي .. انتي خدعتي 

انتي زيفتي الحقيقة 

أيوااااااااا .. عيطي بقى ياختي 

وخُشي في عبي يا بت خُشي 

لأ  استني .. أنا عبّي ضيق 

يا عبدووو .. ابعت هات عِبّ واسع للأستاذة 

عشان عبّي مش هايساعيها

أنا عِبّي يا دوب  ..  بالعافية مِساع الرمان

..

يا بت افهمي 

 أنا مش نصبالك محاكمة

 أنا بس مش عايزاكي منافقة

عايزاكي واضحة 

ماتعمليش فيها زرافة 

وانتي في الأصل تِعبان

وقبل ما تحاسبي غيرك 

حاسبي نفسك على اللي عملتيه زمان

وابتدي صفحة جديدة 

 مفيهاش خيانة

مفيهاش اهانة 

مفيهاش ظلم لأي انسان

..

يا بت فوقي 

إلحقي العمر اللي فاضل .. وانضفي 

أصل مفيش حاجة بينساها الله الديّان

_________

إيه ؟

مامشتوش ليه ؟

مستنيين  أخر الكلام ؟

!!

تؤ .. خلاص .. مفيش كلام

إنتهينا .. وانتهى بِنّا الكلام 

-_-