إيه الشعور اللي أكبر وأكتر من التوتر ؟
إسمه إيه ؟
أنا مابقيتش قلقانة ولا متوترة
أنا بقيت حاجة فاقت حدود التوتر والقلق
والوقت .. الوقت ضيق .. وبيمر بسرعة
وأنا تايهة .. ضايعة .. غير مستقرة
بطلت أعيط خلاص
العياط كان مع مرحلة التوتر والقلق
دلوقتي الموضوع محتاج حاجة تليق مع المرحلة اللي أنا فيها
إيه اللي أكبر من العياط علشان أواجه اللي أنا فيه ؟
لو بس ربنا يفرجها من عنده
كل حاجة هتظبط بعد كدة
مش عارفة ربنا مأخر الفرج ليه ؟
هل ذنب عملته هو السبب في تأخير الفرج ؟
إيه يا ترى الذنب اللي هببته في حياتي
مخلّي ربنا مأخر عليا الفرج كدة ؟
اللهم إن كانت همومي بسبب ذنوبي
فـ اغفر اللهم ذنوبي وعجل بالفرج
يا فارج الهم وكاشف الغم
فرج همي ويسر لي أمري يا الله
اللهم ارحم ضعفي وقلة حيلتي وهواني على الناس
وارزقني من حيث لا أحتسب يارب العالمين
اللهم لا تدع لي ذنبا إلا غفرته
ولا هما إلا فرجته
ولا دينا إلا قضيته
ولا حاجة من حوائج الدنيا والآخرة
إلا قضيتها يا أرحم الراحمين
اللهم آمين يارب
**
دعواتكم بظهر الغيب
ادعولي دعوات تحبوها لنفسكم
