.jpg)
ما في حِزن ولا إيشي
أنا بس كان بدي أعمّر شوي معاك
كان بِدي يعني _لو ما كان عندك مانع _ أجيب منك عيال كِتار
كان بِدي أعمل عِزوة وياك
كان بِدي في هيك عيلة مَهيبة إنت كبيرها
بس يلا .. الخيرة فيما اختاره الله
إنت إجيت واخري سنين
كنت أنا خلاص .. كِبرت وكِرهت
كبرت .. واصبحت كيف الأرض المعطوبة
وكرهت .. كرهت كل إيشي في الدني
كرهت الرِجّال
وكرهت الولاد
وكرهت الزواج
وكرهت العيلة اللي بدي إياها ورسمتها في خيالي
الحرب يا عزيز خلتني أكره كل إيشي وأحب الموت
الموت اللي أخد مني كل غالي
سويعات أحس إن الموت مكان إتجمع فيه كل الأحباب
فبقيت أعمل كل إيشي يقربني من الموت
لجل أكون قريبة من الغوالي اللي راحوا مني
بس حكمة الله نافدة
الله ما يردني أموت هالحين
**
يوم تزوجتك .. كنت مبطنة نية سَو إلك
كنت مغصوبة من زلمات العيلة
ما كان بدي أتزوج أبدا
كان بدي أحارب وبس
فـ كنت دسالك سِم في الحليب
لولا إنت بديت ليلتك معاي
بإنك حطيت كفك على راسي
وبديت ترتل سورة طه
يومها أنا حنيت .. وبكيت .. وحبيت
حبيتك يا عزيز
و لِنت في إيدك كيف طين الصلصال
وأخدت عهد على حالي
إني أكونلك تاج على راسك
وأعاملك كيف الملوك
وأكون زينتك
وعِشرتك الحلوة
فــ رعشت إيدي عامدة .. و سكبت الحليب
لجل عمرك يطول شوي معاي
**
بس حكمة الله نافدة
واللي يعوزه الرب .. يكون
الله كان رايدلك الشهادة يا عزيز
وكان رايدلي أكون زوجة الشهيد
يا حليلة يا حليلة
هو فيه بعد الشهادة فرح ؟
!!
أنا بس كان بِدي أجيب منك عيال كتار
جبل ما يخطفك الموت من حضني
**
نيالك يا عزيز
نيالك يا غالي
______________
إنـــتـــهـــى
.jpg)
