كان ممكن من البداية تتجاهل كل حاجة
كان ممكن تعمل نفسك مش فاهم إنك المقصود
كان ممكن تنكر إنك قريت التلميحات
لكن إنت من جواك .. من أعماق أعماقك
كان عندك رغبة في القرب مني والتعامل معايا
وكنت مستني بس إشارة مني
إنت كنت مبسوط إنك المقصود
إنت كنت منتشي من فكرة إن أنا " نوران الشاملي " قصداك إنت
الفكرة دي كانت بتعزز ثقتك في نفسك
وبتعلّي الإيجو بتاعك .. بتنفخه
إحساس إنك مرغوب من إنسانة معروف عنها إنه مابيعجبهاش أي حد
أوفففففففف ... أححححح
إحساس بطعم السِكس الحار
فــ مترجعش تعيط دلوقتي من الوجع اللي أنا سببتهولك
ومن اللغبطة اللي حصلت في حياتك بسببي
ومن عدم قدرتك على الرجوع لذاتك
وإنك عمرك ما هتعرف ترجع زي الأول
ما قبل معرفتك بيا
دي ضريبة التعامل معايا يا عزيزي
:)
فــ انشف كدة .. وكمل تجربتك معايا لحد الأخر
لأن التجربة لسة مخلصتش
هتخلص لما أنا أقول أنها خلصت
وهاتخلص لما إنت تكون زيي .. قاتل محترف
ده واجبي ناحيتك .. إني أديك من علمي
فــ إنت هتجييلي بكرة علشان أعلمك إزاي تستخدم الماكاروف
وإزاي تقتل القتيل وتمشي في جنازته
و الأهم من ده كله
هاعلمك إزاي تتخلص من جثة عدوك .. جثتك
:)
إممممممممواه
No comments:
Post a Comment