هو : إنتي هاتدخلي جوة لوحدك يا أستاذة ؟
أنا : أه
هو : لابسة دهب ؟
أنا : لأ
هو : معاكي حاجة غالية في شنطتك ؟
أنا : لأ
هو : إنتي من الشؤون ؟
أنا : لأ
هو : جمعية خيرية ؟
أنا : لأ
هو بهمس : إنتي مباحث ؟
أنا : لأ والله
هو بعد ما فحصني بعينه من فوقي لـ تحتي :
طب يا أستاذة الطرحة اللي حوالين رقبتك دي
حطيها على شعرك قبل ما تدخلي
ولو حد اتعرضلك جوة قوليله أنا تبع مصطفى مدبح
أنا : حاضر
هو : البيت اللي عايزاه رابع حارة يمين .. تاني بيت على الشمال
أنا : شكرا
ومشيت خطوة
هو : يا أستاااااذة ... الطرحة .. حطيها على شعرك
أنا : أه .. حاضر .. حاضر .. معلهش نسيت
هو : ولا يهمك يا ست الكل
ومتخافيش ... أنا هافضل مستني هنا لحد ما تقضي مصلحتك
وتخرجي من جوة بالسلامة
.
.
وخطوت خطوتين
ثم سمعت صوته من خلفي
_ كــ رعد يشق الغلاف الجوي _
وهو يقول
وسع السكاااااااااااااا
الباشمهندزة تبعيييييييييييي
-_-
No comments:
Post a Comment