قـبـل الـسـبـت + تحديث

 

التحديث في صفحة التعليقات

________________________________

تنويه 

هذا البوست يندرج تحت بند 

" الـشِـحـاتـة " 

فـ لو فيكم حد بيتبضن من البوستات

 اللي من النوعية دي 

يريح نفسه ومايقراش 

-_-

_____________

مساء الخير 

فاكرين البوست ده ؟

ها .. دوستوا على اللينك ورجعتوا للبوست ؟

طب حابة أقولكم إن ريان 

 _ المذكور في البوست المشار إليه _ 

عنده جرعة يوم السبت

( السبت اللي هو  بعد بكرة .. يوم 13 يونيو ) 

ولسة فاضل على تمنها 90 ألف جنيه

أنا مش عايزة حد يتبرع 

لأني فقدت الأمل خلاص إني ألاقي متبرع

أنا  بقيت عايزة حد يسلفنا المبلغ قبل يوم السبت 

ونبقى نردهوله لما ربنا يفرجها

.

 اللي هيسلفنا  هابقى هاظبط معاه  بيني وبينه 

هانردله الفلوس من امتى 

وعلى أد إيه  .. وقيمة القسط الشهري  

..

أه .. و لسة عندي استعداد عادي ابيع اللوحات بتاعتي 

لو حد ياخدها ويديني فيها 90 ألف جنيه 

أنا مش فارق معايا أي حاجة  خلاص 

المهم نلحق نجمع المبلغ قبل يوم السبت

.

أنا مفيش في إيدي حاجة أعملها 

لقد أعييتني الحيّل .. وهلك البعير 

-_-

وفاعلين الخير اللي معايا جابوا كلهم جاز 

_ الله يعينهم يا رب _

لأنهم بالفعل مضغوطين 

في حالات تانية غير ريان 

وكل واحد فيهم متكفل بحالة أو أكتر 

فـ إحنا كلنا كدة  بالصلاة عـ النبي 

 خلاص مش عارفين نتصرف 

وأنا متوترة جدا بسبب قرب الوقت 

  والتوتر ده  فاشخني  

أنا التوتر النفسي ده  يا جدعان 

بيأثر على صحتي الجسدية 

أنا على حافة الانهيار العصبي  حرفيا

فـ إلحقوني بقى وسلفوني الفلوس  الله يكرمكم

شكرا 

-_-