من كام سنة كدة
كنت ماشية في الشارع
وفيه واحدة ست ماشية قدامي في سن أمهاتنا
وكانت لابسة بلوزة مطبوع عليها رسومات ظريفة كدة
فـ روحت خبطت على كتفها ووقفتها
فلما إلتفتتلي
قلتلها معلهش أنا اسفة إني وقفت حضرتك
بس عايزة أقولك إن بلوزة حضرتك حلوة أوي ماشاء الله
فـ الست ابتسمت أوي وقالتلي شكرا يا حبيبتي .. إنتي ذوق أوي
بس كدة وخلاص الموقف عدى
.
إمبارح بقى كنت ماشية في الشارع
وفجأة لقيت عربية وقفت
ولقيت البنت اللي سايقاها بتقولي : لو سمحتي .. لو سمحتي
فبصيتلها وأنا مخضوضة بقولها : ايوة
لقيتها بتقولي : البلوفر بتاعك تووووحححححففففة
فـ أنا ابتسمت أوي : وقلتلها شكرا جدا .. اتفضلي
فقالتلي : شكرا يا حبيبتي .. بس بجد جميل أوي وشيك وانتي قمر
قلتلها : ربنا يخليكي والله
و والله لو لابسة حاجة تحته كنت اديهولك .. ما يغلاش عليكي
فضحكت وقالتلي : تتهني بيه يارب
فروحت بعتلها بوسة في الهوا .. وقلتلها شكرا
فراحت بعتالي بوسة في الهوا وعملتلي باي باي
فـ عملتلها باي باي وهي اتحركت بـ عربيتها
وأنا كملت طريقي
فــ ساعتها افتكرت الموقف اللي حصل من كام سنة
وجه في بالي الــ
" هل جزاء الإحسان إلا الإحسان "
وإن كل حاجة بنعملها بــ تتردلنا بشكل أو بـأخر
الحلو هـ يترد .. والوحش هـ يترد
فــ نكثر من عمل الحلو يا جدعان
ونفكر ألف مرة قبل ما نأذي غيرنا بــ أعمالنا الخرا
-_-
No comments:
Post a Comment