وبمناسبة عبثوثة رقم
11
ماما مكانتش بتحب كلمة
" نسوان "
وبتشوفها كلمة عيب
وميصحش حد مهذب ومتربي يقولها
مرة جابتلي شنطة يد كـ هدية
والشنطة كان ذوقها حريمي أوي
وأنا ساعتها كان عندي تقريبا 18 أو 19 سسنة
وكنت روشة في نفسي أوي
وذوقي مطرقع
فــ قلت لــ ماما الشنطة دي مش عجباني .. نسوان أوي
فــ ماما هزئتني بقى على إني تلفظت بـ كلمة أبيحة زي
" نسوان "
وخدت منها محاضرة في الأدب والأخلاق والتربية والألفاظ الحسنة
حد من اجوزاتي .. ماما كانت بتكلم مامته في التليفون
فـ مامته بتحكي لــ ماما على حاجة وقالت كلمة نسوان
ماما بعد ما خلصت المكالمة
لقيتها يا حبيبتي مذبهلة أوي
وحاساها في عالم غير العالم
ولقيتها قالتلي وهي خلاص هيغم عليها من الصدمة
" إيه ده يا نورا ؟!! .. حماتك بتقول نسوان "
:))))))))))))))))))))))))
No comments:
Post a Comment