وأنا صغيرة في أولى اعدادي على ما أتذكر
كان شعري طويل جدا
وواصل لغاية بعد الأظؤظة بـ شوية
وكنت ساعتها في مدرسة خاصة في احدى مناطق الهرم
واغلب طلبة المدارس الخاصة اللي في الهرم في الوقت ده
تلاقيهم أبناء فنانيين .. أو أبناء العاملين بالفن بشكل عام
علشان وجود ستوديو الأهرام وستوديو مصر
وقاعة سيد درويش ومعهد السينما وكدة
المهم كان فيه طالب في المدرسة ابن مخرج اعلانات
ابوه جه المدرسة علشان حاجة تخص ابنه
فـ المخرج شافني وقالي إيه رأيك تعملي إعلان شامبو ؟
قلتله موافقة
فـ قالي طيب خدي رقمي واديه لـ بابا وماما
خلّي حد منهم يكلمني
علشان أخد موافقتهم
روحت البيت وقلت لـ بابا وماما
ومش عايزة أحكيلكم على رد فعلهم
بس يعني بـ نبذة مختصرة
أنا اتهزئت يوميها منهم هما الإتنين
وفاكرة جملة ماما قالتها
" إحنا مش بتوع الكلام ده "
-_-
No comments:
Post a Comment