واحدة صاحبتي كان بقالي سنين مكلمتهاش
كلمتها من يومين
وقعدنا نتبادل الاخبار
فلما عرفت إني اتجوزت 4 مرات واتطلقت
سألتني : جيبتي عربية ولا لسة يا نورا ؟
أنا : لأ معنديش عربية
هي بنبرة اندهاش : يا خبر يا نورا
!!
بقى تتجوزي أربعة .. وماتطلعيش من جوازاتك دي بــ حتة عربية
فـ أنا حصللي إيرور من سؤالها
وسألتها : وإيه العلاقة بين الجواز وبين العربية ؟
قالتلي بنبرة سخرية : طالما انتي مش شايفة إن فيه علاقة
يبقى كنتي بتتجوزيهم على إيه يا ختي ؟
فــطبعا أنا عمري ما كنت هفوت فرصة القلشة دي
فـ روحت مدياها واحدة
" كنت بتجوزهم على سنة الله ورسوله "
جابت أجلها
:))))))))))))))))
No comments:
Post a Comment