زي النهاردة
يوم 30 يناير 2009 .. وكان يوم جمعة برضه
وزي دلوقتي حالا .. الساعة 10 وشوية بليل
كان بابا في مستشفى المنيل الجامعي
في غرفة العناية المتوسطة
وكنت أنا واخواتي وابو ابني ( جوزي ساعتها ) وجوز اختي
مشينا من المستشفى وسايبين ماما مرافق مع بابا
ساعتها الدكتور كلمني وقالي
بكرة بإذن الله هنركب تلات دعامات للوالد
فقلتله إن شاء الله
لكن اللي حصل .. إن بعد ساعتين وربع من دلوقتي
الساعة اتناشر وتلت .. ليلة السبت الموافق 31 يناير 2009 ميلادي
أخويا اتصل بأبو إبني
وقاله حاجة
وأبو إبني قفل معاه المكالمة
سألته فيه إيه ؟
فضل ساكت ثانية
وبعدين قالي : البقاء لله .. عمو جمال اتوفى
-_-
ويوميها بس عرفت معنى جملة
" ضهري اتكسر "
No comments:
Post a Comment