مرة كنت بزور ماما
وكانت ساعتها بتحضر الأكل
فـ طلبت مني أقشرلها البطاطس
فـ وأنا بقشر البطاطس
ماما زعقتلي وقالتلي قشري بالمقشرة مش بالسكينة
علشان انتي بتحفي البطاطس مع القشرة
فما كان مني إلّا إني خدت البطاطس ودخلت في أوضة السفرة
ونزلت تحت ترابيزة السفرة أقشر البطاطس بالسكينة
علشان ماما ماتشوفنيش
:)))))))
بس هي دخلت أوضة السفرة و شافتني وضحكت عليا
وقالتلي اخرجي يا هبلة من تحت الترابيزة
فــ أنا خرجت بقى
علشان أنا هادية ووديعة ومطيعة وبسمع الكلام
:))
No comments:
Post a Comment