الرسالة الخامسة
_______________
عزيزي إ
فقدت الرغبة بـ إطلاعك على
تفاصيل حياتي _ الخيالية _ في الإسكندرية
.
حدث هذا في الظهيرة
أعتقد أن إرهاقي هو السبب في فقدان رغبتي
.
فـ الأمس كان يوم حافل بالإرهاق .. النفسي
فقد قابلت مجنون غيط العنب
وجدته خلفي في احدى مقاهِ شارع التتويج
حين تقابلت نظراتنا .. ارتبكت نظراته وزاغت
كنت بصحبة دانيال وماجد
اسـتأذنتهما وذهبت إليه
**
حين جلست بصحبته .. ابتسم ابتسامته البلهاء
وقال : عاوز شاي بالنعناع و مانجة
ابتسمت وطلبت من الساق ما أراده
.
في انتظار الطلبات .. تأملته
تأملته مليا
لم أرفع عيني من عليه
كنت أدرك أنه عاقل
لأني أؤمن بأن الجنون قرار
وهو قرر أن يكون مجنونا
إذاً .. هو في منتهى العقل
ارتبك من نظرتي المتفحصة
فـ مِلت على رأسه وقلت له هامسة
أنا عارفة إنك عاقل
.
ارتبك جدا ونظر لي نظرة مرتعبة
وأصدر أصوات هائجة
فـ التفت الجالسون إلينا
فقلت له هامسة وأنا امد يدي وأربت عليه
ما تخافش .. مش هاقول لحد انك عاقل
بالعكس .. أنا هتجنن معاك
فقال لي هامسا و بنبرة عاقلة جدا : إيه ؟!! إزاي ؟
فـ ابتسمت وصمت لبرهة قبل أن أقول
اشرب الشاي والمانجة وبعد كدة هاقولك إزاي
**
ذهبت إلى طاولة ماجد ودانيال
ووضعت بين يدي ماجد حقيبتي ومتعلقاتي الشخصية
وقلت له : خليهم معاك
ولو هاتروح البيت
هابقى أعدي عليك هناك أخدهم منك
أنا رايحة مشوار مع الـ مبروك
**
لم أنتظر أن يقول لي ماجد ما أراد أن يقوله
فقد أخذت المبروك " مجنون غيط العنب " من يده
وقلت له : يلا
**
ذهبنا سيرا على الأقدام إلى الكورنيش
" كورنيش بحري "
أو ما يسمى كورنيش طريق الجيش
وهناك قلت له
المجانين مابيفرقش معاهم ناس .. مش كدة ؟
فهز رأسه بالإيجاب وهو ينظر لي بـ توجس
فقلت له : تمام .. يبقى يلا اقلع الجلباب اللي انت لابسه ده
واقلع هدومك كلها
نظر لي بـ اندهاش .. وأخيرا نطق وقال
إنتي مجنونة ؟
!!
ضحكت جدااااا
حتى انني فلتت مني شخرة من كثرة الضحك
فـ قلت له
أنا زيك بالظبط
لو إنت مجنون ابقى أنا مجنونة
ولو انت عاقل فــ انا عاقلة
فصرخ قائلا : إنتي عايزة مني إيه ؟
قلت له : إنت اللي عايز مني إيه ؟
ماشي ورايا ليه في كل مكان ؟
قلتلي ليه إن ابوك قتل أمك ؟
واثق فيا ليه ؟
قال لي فجأة : علشان فيكي من بهاء
صمت .. وتأملته
سألته : هو إنت تعرف بهاء ؟
!!
فـ صمت .. ثم قال
" لا تسألوا عن أمور "
.
سألته : تقصد إيه طيب بإني فيا منه ؟
!!
فـ كرر قائلأ
" لا تسألوا عن أمور "
ابتسمت وهززت رأسي وقلت
تمام .. ماشي .. يبقى تسمع كلامي
مش انت عامل فيها مجنون .. يبقى تقلع هدومك كلها حالا
قلت له هذا وبدأت أنا أيضا بخلع كل ملابسي
سألني بـ غضب : بتعملي إيه يا مجنونة ؟
!!!
قلت بـ لا مبالاة : بمارس جنوني
**
عزيزي إ
أنت تعرف مدى تأثيري على الأخرين
وقدرتي على إقناعهم بـ أمور عجيبة
لذا .. فـ المبروك امتثل لأمري دون كثير من الجدال
خلع ملابسه كلها
واصبحنا عرايا
لا ورقة توت تسترنا
فقط سألني : افرضي الناس اتلموا علينا ؟
قلت له : المجانين لما حد بيتلم عليهم بيزقلوا الناس بالطوب
فـ احنا لو حد اتلم علينا هنزقل الناس بالطوب
علشان احنا مجانين
يلا ننزل المية
واخذته من يده ونزلنا إلى البحر
**
عزيزي إ
غرق الـ مبروك
-_-
**
في الصباح ألقت مياه البحر جثة المبروك
على شاطيء الشاطبي
وتعرف عليه الأهالي وقالوا
" ده المبروك .. مجنون غيط العنب "
-_-
**
عزيزي إ
أنا لا أشعر بالذنب تجاه مبروك
إذا كنت هذا ما تظنه فيّ
وتظن انه سبب ارهاقي النفسي
.
فـ أنا لم أكن سببا في غرقه
فـ المبروك خرج معي من الماء حيا يرزق
وافترقنا على وعد أن نمارس جنونا من نوع أخر
.
ما حدث أن جثة المبروك وجدت مطعونة
فقد تم طعنه وإلقائه في ماء البحر
.
وبعد عدة سويعات
جاءنا نبأ أن والد مبروك اعترف
بإستدراك ابنه
واقنعه بـ نزهة ليلية بإحدى مراكب الصيد
وهناك قام بـ طعنه ثم ألقاه في البحر
واعترف ايضا بقتله لـ زوجته .. والدة المبروك
-_-
**
بعدما انتهينا من دفن المبروك
سألت ماجد : هو المبروك كان يعرف بهاء ؟
فهز رأسه بالنفي وقال : لأ مايعرفهوش
فقلت له : بس هو قالي انه كان يعرف بهاء
فقال لي ماجد : هتاخدي على كلام واحد مجنون ؟
-_-
**
عزيزي إ
عند وصولي إلى القاهرة
وجدت المبروك في انتظاري في المنزل
-_-
**
في ختام رسالتي إليك
أهدي لك هذه الأبيات
من قصيدة " الطلاسم " لـ إيليا أبو ماضي
لعلك تفهم منها مقصدي
-_-
.
قد سألت البحر يوما .. هل أنا يا بحر منكَ
هل صحيح ما رواه بعضهم عني وعنكَ ؟
أم ترى ما زعموا زورا وبهتانا وإفكا ؟
ضحكت أمواجه مني وقالت : لست أدري .. لست أدري
-_-
##########
أخـر الـكـلام
وكأن روحـي مُـدانـة بـ نـعـمـة الـخـيـال
__________
إنـــتـــهـــى
