بتلاقي نفسك في أغاني المهرجانات ولا الأغاني وموسيقى الثمانينات والتسعينات ولا الأغاني القديمة خالص والجو القديم وبتحبي تقرئي الكتب ورقية ولا pdf ولو أنتي صاحبة دار نشر تنشري للكتاب الصغار اللي لسه بيبتدوا و تديهم فرصة ولا هتنشري للأسم المعروف فقط وبتقيمي العمل الأدبي الناجح على أساس أيه هل لمجرد الكلام عنه والتسويق ليه يبقى ناجح ولا حاجات تانية تخليه ناجح وبتحبي المفردات البسيطة والأسلوب البسيط ولا المفردات القوية في العمل الأدبي وبتحبي أي نوع من أنواع الروايات ويستهويكي قرايته
أول جزء بتاع الأغاني بشكل عام أنا أقدر أصنف نفسي إني مزاجي مش مزاج أغاني لكن من وقت للتاني كدة ممكن أه أسمع أغاني أو حد يرشحلي أغنية فـ أسمعها فتعجبني أو أتكعبل في كوبليه من أغنية يعجبني فـ اعمل عليها سيرش علشان أسمعها كلها فـ اعتمدها من الأغاني المفضلة ليا ماليش في المهرجانات بشكل عام ولا أقدر أقول إني بلاقي نفسي في أغاني المهرجانات لكن لو طالبة معايا أرقص .. فـ في مهرجانيين بعينهم اللي ممكن أضيفهم للبلاي ليست اللي هارقص عليها
في أغاني بسمعها علشان بتفكرني بـ طفولتي .. زي مثلا أغاني عصام رجي .. بابا وماما كانوا بيسمعوه فـ اغانيه مرتبطة معايا بالطفولة ولما بسمعها بحس بحنين للماضي كدة .. أو ما يسمى بـ النوستالجيا
بشكل عام مش متابعة الحركة الغنائية الحديثة إلا بالصدفة
بلاقي نفسي في كل أغنية مفضلة ليا على حسب مودي وأنا بسمعها
نيجي للجزء التاني بحب أقرأ الكتب الورقية
لو أنا صاحبة دار نشر أنشر لأي حد عنده موهبة بغض النظر أول مرة يكتب ولا كاتب مخضرم وعلى فكرة فيه كتاب مخضرمين بيكتبوا خرا وحاجة تقرف الكلب الأعور الحزين ولكن أعمالهم بـ تباع علشان هما مشهورين وليهم إسم في عالم الكتابة
وعلشان كدة فيه فترة من حياتي كنت بشتغل مستشارة ثقافية لدار نشر فـ كنت بشترط إني أقرا العمل الأدبي من غير ما اعرف مين المؤلف علشان ساعات إسم الكاتب يدي إيحاء إن العمل أكيد حلو فـ اللي بيقرا علشان يعمل تقييم زي حالاتي .. بيكون متأثر بإسم الكاتب الرنان فــ يوافق على العمل تحت تأثير إسم صاحبه فــ أنا علشان أمنع نفسي من التأثير ده فــ كنت بشترط إن العمل الأدبي يجيلي من غير ما أعرف مين الكاتب علشان أقدر أدي رأيي بـ حيادية شديدة .. بدون تأثير ممكن يسببه إسم الكاتب / الكاتبة
العمل الأدبي بقيمه من حيث المضمون والإسلوب
بحب كل الأساليب ... وده بيعتمد على طبيعة العمل الأدبي والفكرة أو المضمون اللي عاوز يوصلها الكاتب
استخدام المفردات البسيطة والإسلوب البسيط سلاح ذو حدين يعني تمام ماشي ممكن أي حد يقراه ويفهمه ويشجع صغار السن على القراءة بس مينفعش الكاتب يعتمد عليه دايما .. لأنه مفيهوش عمق
اللغة العربية ثرية جدا بمفرداتها وأنا أحب الكاتب اللي يستخدم أساليب متنوعة ومفردات قوية .. لأن ده بيخليني أتعلم منه بس برضه مايبقاش العمل الأدبي بتاعه مليان مفردات قوية صعبة تخلي القاريء يتشتت وميندمجش بسبب صعوبة المفردات دي
الكاتب الشاطر هيعرف يوازن في استخدام المفردات القوية الجديدة وبين المفردات البسيطة
بحب جميع أنواع الروايات ... بشرط ماتكونش روايات رومانسية مفيش مانع يكون فيه جزء من الرواية أو العمل الأدبي قائم على قصة حب كدة في النص لكن تكون الرواية كلها رومانسية وحب .. مقدرش أستحمل .. بحس إنها جرعة زائدة من المحن وأنا مقدرش أستحمل المحن العاطفي ده
2 comments:
بتلاقي نفسك في أغاني المهرجانات ولا الأغاني وموسيقى الثمانينات والتسعينات ولا الأغاني القديمة خالص والجو القديم وبتحبي تقرئي الكتب ورقية ولا pdf ولو أنتي صاحبة دار نشر تنشري للكتاب الصغار اللي لسه بيبتدوا و تديهم فرصة ولا هتنشري للأسم المعروف فقط وبتقيمي العمل الأدبي الناجح على أساس أيه هل لمجرد الكلام عنه والتسويق ليه يبقى ناجح ولا حاجات تانية تخليه ناجح وبتحبي المفردات البسيطة والأسلوب البسيط ولا المفردات القوية في العمل الأدبي وبتحبي أي نوع من أنواع الروايات ويستهويكي قرايته
كل ده سؤال يا مفتري / مفترية ؟
:)))))))))))))
بس سؤال حلو وشامل ومش تافه
:)
ناخد جزء جزء ونجاوب عليه
أول جزء بتاع الأغاني
بشكل عام أنا أقدر أصنف نفسي إني مزاجي مش مزاج أغاني
لكن من وقت للتاني كدة ممكن أه أسمع أغاني أو حد يرشحلي أغنية فـ أسمعها فتعجبني
أو أتكعبل في كوبليه من أغنية يعجبني فـ اعمل عليها سيرش علشان أسمعها كلها فـ اعتمدها من الأغاني المفضلة ليا
ماليش في المهرجانات بشكل عام ولا أقدر أقول إني بلاقي نفسي في أغاني المهرجانات
لكن لو طالبة معايا أرقص .. فـ في مهرجانيين بعينهم اللي ممكن أضيفهم للبلاي ليست اللي هارقص عليها
في أغاني بسمعها علشان بتفكرني بـ طفولتي .. زي مثلا أغاني عصام رجي .. بابا وماما كانوا بيسمعوه
فـ اغانيه مرتبطة معايا بالطفولة ولما بسمعها بحس بحنين للماضي كدة .. أو ما يسمى بـ النوستالجيا
بشكل عام مش متابعة الحركة الغنائية الحديثة إلا بالصدفة
بلاقي نفسي في كل أغنية مفضلة ليا على حسب مودي وأنا بسمعها
نيجي للجزء التاني
بحب أقرأ الكتب الورقية
لو أنا صاحبة دار نشر
أنشر لأي حد عنده موهبة بغض النظر أول مرة يكتب ولا كاتب مخضرم
وعلى فكرة فيه كتاب مخضرمين بيكتبوا خرا وحاجة تقرف الكلب الأعور الحزين
ولكن أعمالهم بـ تباع علشان هما مشهورين وليهم إسم في عالم الكتابة
وعلشان كدة فيه فترة من حياتي كنت بشتغل مستشارة ثقافية لدار نشر
فـ كنت بشترط إني أقرا العمل الأدبي من غير ما اعرف مين المؤلف
علشان ساعات إسم الكاتب يدي إيحاء إن العمل أكيد حلو
فـ اللي بيقرا علشان يعمل تقييم زي حالاتي .. بيكون متأثر بإسم الكاتب الرنان
فــ يوافق على العمل تحت تأثير إسم صاحبه
فــ أنا علشان أمنع نفسي من التأثير ده فــ كنت بشترط إن العمل الأدبي يجيلي من غير ما أعرف مين الكاتب
علشان أقدر أدي رأيي بـ حيادية شديدة .. بدون تأثير ممكن يسببه إسم الكاتب / الكاتبة
العمل الأدبي بقيمه من حيث المضمون والإسلوب
بحب كل الأساليب ... وده بيعتمد على طبيعة العمل الأدبي والفكرة أو المضمون اللي عاوز يوصلها الكاتب
استخدام المفردات البسيطة والإسلوب البسيط سلاح ذو حدين
يعني تمام ماشي ممكن أي حد يقراه ويفهمه ويشجع صغار السن على القراءة
بس مينفعش الكاتب يعتمد عليه دايما .. لأنه مفيهوش عمق
اللغة العربية ثرية جدا بمفرداتها
وأنا أحب الكاتب اللي يستخدم أساليب متنوعة ومفردات قوية .. لأن ده بيخليني أتعلم منه
بس برضه مايبقاش العمل الأدبي بتاعه مليان مفردات قوية صعبة تخلي القاريء يتشتت وميندمجش بسبب صعوبة المفردات دي
الكاتب الشاطر هيعرف يوازن في استخدام المفردات القوية الجديدة وبين المفردات البسيطة
بحب جميع أنواع الروايات ... بشرط ماتكونش روايات رومانسية
مفيش مانع يكون فيه جزء من الرواية أو العمل الأدبي قائم على قصة حب كدة في النص
لكن تكون الرواية كلها رومانسية وحب .. مقدرش أستحمل .. بحس إنها جرعة زائدة من المحن
وأنا مقدرش أستحمل المحن العاطفي ده
بس كدة
شكرا على السؤال الحلو
:)
Post a Comment